影片
港铁宝琳站 A2 出口, 步行约4分钟
继续阅读
电话号码
23284433
开饭介绍
主打山西风味美食，以烤肉拌饭和其他经典山西菜式吸引食客。餐厅以亲民的价格和实在的分量，让你轻松感受山西美食的独特魅力。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
有关奖赏计划
放工去食呢间位于将军澳新都城二期新开无几耐嘅烤肉店，皆因店内做紧套餐优惠价，西塔热销二人餐都只系$368(原价$568），但已经有5款烤肉食材，再加1菇1汤1甜品，肉类质素非常好，绝对性价比极高。开炉前先奉上小食前菜，有沙律菜、泡菜、腌萝卜及薯仔蓉等，够晒开胃。再来碗热腾腾的海带汤，汤底清甜不油腻，昆布极多。将他们芝麻味极香浓的秘制酱料搅拌好，就可以开始烤肉啦。老太太特色肥牛油脂极丰腴，放喺炉上火光熊熊，入口软腍兼夹多汁。香瓮凤梨牛排肉色亮丽，烧起黎肉香四溢，呢两种牛肉配搭生菜及蒜片、辣椒酱包住食，真系劲味。而果汁丰富的凤梨片经过烤制更甜香，但要注意火喉及时间以免烧浓。同样需睇实的还有烤杏鲍菇，烧到略为收缩变软即可，健康又美味。厚切三筋肉都切得几大条，它是因连住三条筋腱而得名，肉质软中带爽脆。秘制猪颈肉烧完姒后爽口弹牙，边位部分烧到少许焦脆就尤其好食。秘制鸡爽肉肉质嫩滑细致，经酱汁腌过后食起来甜甜地，香味浓郁。最后食埋好Cute的甜品喜柿多多，卖相打卡一流极有贺年feel。
继续阅读
我最近去咗将军澳新都城中心的《西塔老太太烤肉拌饭》，以山西风味美食菜式为主，餐厅地方阔落，卡位坐得舒适。二人餐只需$368，连埋加一都只系$405，包左好多野食，有一碟肥牛、一碟牛肋条、三筋肉、杏鲍菇、猪颈肉、海带汤、喜沛多多、鸡腿肉、白饭，仲有一堆沙律、蔬菜，真系好健康，食烧肉嘅同时又减低罪恶感。老太太特色肥牛薄切，好易烧熟，配埋特制酱汁或特制芝蔴酱，随你钟意，yammy。等待过程中，啲前菜亦可以食吓，个薯仔球零舍好味，唔知有冇得免费添加，因要留肚食主食，就冇再问。"香瓮凤梨牛肋条” ，造型特独，增加食欲，自已烧的凤梨，多汁鲜甜美味，牛肋条油脂丰腴，味道浓郁；而秘制鸡腿肉亦都好好味好滑嫩，系食材本身好，或者系我烧得好呢？两者皆有吧至于杏鲍菇，最初唔系太识，烧得太耐烧老咗，后尾系咁易烧一烧，就好好食啦；造型似柿子，寓意“柿柿如意”，祝睇到呢篇食评嘅你，你，你，大家都事事如意吧。
继续阅读
其实呢一间烤肉餐厅，我经常上深圳都会食，贪佢款式又多，腌制嘅烤肉味道亦好好味🤤今晚突然口痕痕同朋友想食烤肉🍖见到近近地喺将军澳又有间，就过嚟一解口痕之痒🤭餐厅除咗散点之外，亦都有好多人气套餐之选，无论一人，二人，六人餐均有得选择，而且份量都非常丰富。入到去环境宽敞舒适，见到好多情侣，老夫老妻，闺蜜都点呢个西塔热销套餐。我地都跟风🤭一下。套餐嘅份量真系食到饱🈵肉类🥩-老太太特色肥牛-秘制猪颈肉-厚切三筋肉-香瓮凤梨牛肋条-秘制鸡腿肉最欣赏就系佢嘅香瓮凤梨牛肋条，用原个新鲜菠萝🍍加上油花均匀嘅厚切牛肋条，就算烤到外层焦脆，依然保持内里肉汁满满，再配合鲜甜嘅菠萝圈一解油腻感，食多几嚿都唔怕滞。另外推介佢哋嘅厚切三筋肉，爽脆有口感，但又唔会韧。随餐仲有海带汤同米饭🍚，海带汤超级足料，即时可以解下烧烤热气。开炉前还奉上前菜小食，沙律菜，薯蓉酸萝卜，好味开胃🤤而我最喜欢就系佢哋嘅特制酱料，其中一款制成雪糕球一样嘅麻酱花生酱配加入葱粒及酱油，味道劲浓，令到肉类更添惹味。
继续阅读
西塔老太太系内地人气爆灯，好彩香港都开左，唔洗山长水远返去先食到。西塔热销二人餐$368，真系好抵食！包两碗饭、前菜（沙律菜🥗、花生🥜、腌萝卜、薯仔蓉，仲有海带汤，加入好多蒜头海带，味道浓郁，饮落好舒服！* 老太太特色肥牛: 呢个肥牛质地嫩滑，入口即化，油花分布好平均，食落去好有满足感，配饭真系一流。* 三筋肉（厚切）: 厚切嘅三筋肉份量十足，肉质结实又有嚼劲，味道浓郁到令人回味。* 秘制猪颈肉: 秘制酱料好有层次，猪颈肉软腍又带点弹性，仲可以沾韩式辣酱，加埋蒜头🧄用生菜包黎食，超惹味！* 烤杏鲍菇: 烤杏鲍菇香气四溢，食落去有种天然嘅鲜味，而且非常juicy!* 香瓮凤梨肋条: 凤梨嘅酸甜同肋条嘅鲜香混搭得天衣无缝，肉质软腍入味，值得一试。* 特味鸡腿肉: 鸡腿肉 juicy 又多汁，特制调味食落去好开胃。外层微焦嘅口感同内里嘅嫩滑形成对比，超正！最后仲有甜品造型非常可爱既喜柿多多完美收尾！
继续阅读
呢日黎到新都城呢间西塔老太太烤肉, 我地坐左系卡位, 呢度D 位置都几大几舒服! 我地叫左一个西塔热销二人餐, 入面有老太矣特色肥牛, 香烧凤梨牛肋条, 三筋肉厚切, 杏鲍菇, 秘制猪颈肉, 海带渺, 秘制鸡腿肉同埋甜品系喜沛多多~ 真系好多野食! 佢个三筋肉厚切好好味, 好有牛香味又唔油~ 食到我地停唔到口, 另外香烧凤梨牛肋条, D 凤梨烧完再食感觉好好, 解左肉既腻感~ 个餐仲有沙律, 食落好fresh! 够哂好味! 一流!!!!!!!
继续阅读
您可能会有兴趣的...