襟江酒家

逾百年老字号「襟江酒家」在旺角家乐坊重开，店内采用怀旧的装修风格，重现即将消失的推车仔点心及花码价钱牌，大家真系要嚟重温昔日情怀🫰🫰主打全人手制作点心，而且更是市面稀有的怀旧点心，例如鲜猪膶烧卖、姜汁猪膶肠、豉汁蒸鱼云、冰花鸡蛋球、莲蓉西米焗布甸等，小点至顶点价格介乎25元至42元不等，仲有明炉烧味、港式大排档小食及怀旧菜，连而家好少人做嘅烧味，怀旧金钱鸡都有得食😋今日就和朋友仔嚟饮个下午茶，最开心见到点心车，点心一出炉大家都蜂拥而上，最钟意睇煎肠粉、萝卜糕、芋头糕和煎酿三宝的点心车，一边睇住姐姐煎，好疗愈，点心全部新鲜即蒸热辣辣，质素高又好食🫰以下系我哋嘅心水推介，鲜虾炸云吞、豉汁蒸凤爪、蟹籽烧卖皇、叉烧焗餐包、豉汁蒸排骨、咖喱鱿鱼、特色煎肠粉、莲蓉西米焗布甸、襟江虾饺皇、棉花鸡、海带绿豆沙，两个人都可以食咁多嘢🤣🤣…查看更多

首先抽风系统做得好差，煎肠粉、煎鲮鱼青椒、煎糕𠮶档喺厅面做，所有油烟味供晒出嚟，食到个人成身臭晒。煎鲮鱼青椒鲮鱼肉全部都系粉嚟嘅，劲难食。煎肠粉就不过不失。蒸凤爪、蒸排骨啲酱劲咸😑😑鹌鹑蛋烧卖、虾饺就不过不失但系辣椒油真系令人费解，系辣椒酱加辣椒油，完全唔明点解咁嘅配搭，仲有一浸怪味🤮🤮🤮16蚊1个茶位，都唔系平，叫左铁观音，但啲茶后味系苦，唔系回甘🥴🥴都唔明点解啲嘢难食到咁，但系喺平日午市黎讲都差唔多爆满，一定唔会再返嚟食…查看更多

今晚去咗一间怀旧酒加食饭，每一角落都充满怀旧情怀，像回到老香港的时光隧道，硕果仅存的推车仔点心，令人心头一暖。🥟 *虾饺* ：皮薄晶莹，虾肉爽弹，咬下瞬间鲜味爆发，手工感十足。🍖 *烧味拼盘（熏蹄、烧腩、叉烧）* ：熏蹄烟香浓郁、烧腩皮脆肉嫩、叉烧蜜香入味，三重滋味一次满足。🐟 *清蒸忘不了鱼* ：鱼肉细嫩，蒸得刚好，鲜甜中带微微姜葱香，真系食完唔会忘。🦑 *椒盐鲜鱿* ：外层酥脆，鱿鱼弹牙，椒盐香气扑鼻，下酒一流。🦀 *大闸蟹* ：蟹膏浓郁，蟹肉鲜甜，秋意正浓，唔食对唔住自己。🥭 *芒果布甸* ：滑溜香甜，芒果味浓，完美收尾。仲有Busking表演，怀旧金曲唱得好有感情，食住听歌，气氛一流。…查看更多

之前呢间襟江酒家开业时，我就睇左arho TV Sunny Creamy佢地既片认识呢间酒楼，佢地好深入了解，呢度个个都系好劲既香港老师傅负责整野食，睇完觉得好正，今次终于到我黎食啦🤩呢度样样野都好怀旧，无论门面，里面环境，去到连个茶盅都系有旧式茶楼既风味系度，呢度仲有人参乌龙饮，都系Sunny Creamy介绍，饮落真系入到喉咙会甜，系度充分感受到果种香港既味道🇭🇰忘不了2人餐（$588）点心车自选烧卖呢个2人餐有一份自选点心，可以去点心车度拣，我地就拣左烧卖，热辣辣系点心车攞出黎，用料靓，好食👍🏻金钱鸡伴烧味三品金钱鸡其实佢唔系一件鸡黎，佢系用猪肉，大油猪肉，同埋鸡肝组合而成既食物，我就未食过，原来咁好食又特别，大大啖肥咁样食落唔会好肥腻，Creamy直头食到开心到喊🥺烧味三品就系烧腩仔，叉烧，同埋熏蹄，烧腩仔脆皮好食，叉烧就系厚切既浓边叉烧，个蜜汁好好食，熏蹄就普通冇特别😋精选小菜莲藕饼莲藕饼我觉得里面唔会干，外面又够干身，小小脆口咁，做得唔错👏🏻忘不了鱼鱼有忘不了，老虎班，蓝瓜子拣，佢叫忘不了餐梗系拣忘不了，佢d肉系劲嫩滑，然后又有丰富鱼油味，但入口又唔觉佢好油咁，唯一系佢好多骨，唔识食骨既话会比较食得辛苦🐟悦和豉油皇炒面（+$48）原本餐系跟两碗白饭，可以加钱升级转炒面，个炒面几有镬气🔥甜品民丰糯米糍+怀旧芝麻卷民丰糯米糍居然唔洗去到荃湾排都食到，真系几惊喜，呢个系花生馅，都好好食，芝麻卷个芝麻味好香浓，平时甜品系选一款，可能糯米糍卖晒所以可以夹埋芝麻卷一齐上😁今餐我真系食得好开心，可以感受到果种旧香港风味，又食到老师傅既出品，食物质素真系高，真心连壶茶都好饮，唔怪得之咁旺场😍…查看更多

全香港最历史悠久酒家《襟江酒家》，传承了一个世纪绝不容易，环境装潢富有老酒家元素，特色手写字、花码餐牌、经典龙凤和怀旧点心车，满满旧香港情怀✨忘不了 滋味套餐 $588/2位用点心选1款🥢潮州粉果皮薄而馅料丰富，口感烟韧带有炒香的风味，佐以辣椒油食就最好味怀旧金钱鸡伴烧味三小品🥢金钱鸡虽然一口大细，但制作过程绝不简单，外层带有蜜糖的香甜焦脆，内层是冰肉的爽口和鸡肝的嫩滑，口感丰富🥢烧味三小品有蜜汁叉烧、烧腩仔和海蜇熏蹄，口感各有层次，滋味十足精选小菜选1款  🥢怀旧莲藕饼外层煎得香口，带有莲藕清甜爽脆嘅口感，啖啖怀旧家乡风味清蒸鱼鲜🥢忘不了堪称河鱼之王，鱼肉多之余亦鲜嫩细滑，入口即化，配上香浓金黄油汁，味道清甜鲜美合时甜品🥢怀旧芝麻卷口腔软糯Q弹，咬落有浓郁芝麻香味，甜度恰好，一试难忘嘅怀旧中式糕点🎶特别活动：逢星期四、日晚上7 - 9pm，现场会有Busking表演，万勿错过！…查看更多