襟江酒家

历史悠久既【襟江酒家】最近系家乐坊重开，就同fd去试下佢地既点心。点心时间由早上8:30到下午16:30都有得食。平日仲有早市长者优惠同下午茶优惠。因为沿用旧式酒家既形式、所以系要搭台同有点心车，非常怀旧复古。上汤鲜虾粉果：外皮先炸过，非常新鲜脆口，每一粒都有超多虾、涨卜卜，加上上汤非常清甜。鲜竹卷：腐皮吸饱蚝油汤汁，馅料有虾肉、猪肉同蔬菜，软嫩多汁。叉烧肠：比较逊色少少，皮比较厚。但叉烧馅好食。煎萝卜糕/芋头糕：萝卜糕煎到外脆内软，芋头糕粉糯带芋香，两款都唔油腻～雪山叉烧包：雪山皮松化同内里叉烧馅咸甜交织，热辣辣食超满足！烧卖：猪肉同鲜虾烧卖扎实弹牙，蟹籽点缀增加咸香，经典之选～鹌鹑蛋烧卖：烧卖加上原粒鹌鹑蛋，蛋香浓郁，口感更丰富～必推怀旧手工点心。灌汤饺：传统做法！饺皮薄透，包住热汤同鲜肉馅，一啖咬下爆晒汁～唔系浸汤版本先考功夫！叉烧酥：酥皮层次分明，叉烧馅蜜汁入味。芝麻卷+民丰糯米糍：黑芝麻香浓，口感软糯，一D都唔甜。糯米糍皮薄馅多，花生芝麻糖香口，老字号风味！必试佢地既叉烧类食品，因为系由米芝莲叉烧店师傅一手包办。另外仲有5款烧卖（传统烧卖、鹌鹑蛋烧卖、干蒸牛肉烧卖、猪膶烧卖同猪肚烧卖）已经好少地方有得食。…查看更多

今日中午第一次到襟江酒家饮茶，之前听闻佢同莲香楼都系主打怀旧香港路线，为了寻找儿时回忆，食番好耐都食唔到嘅菜式，决定一试。一入门口，就被两边墙身的装饰吸引住，左边有几个饰柜，内𥚃放满70-80年代生活用品，例如录音机、胶拖鞋等等，唤起集体回忆。右边整幅墙用类似「九龙皇帝」的字体写下襟江酒家的历史和饮食文化的传承。讲番食物，整体来讲系美味的。我终于食番好多年见唔到嘅鸳鸯饭，仲有芝麻卷，正常好味。另外叫左一碟三并烧味：叉烧、烧腩仔同埋烧鹅，叉烧好得，肥瘦适中，烧腩同埋烧鹅都好美味，最惊喜系送埋久违的蚝油豆。点心方面，食左煎酿三宝、凤爪、叉烧包、山竹牛肉、炸云吞，整体高质。我拣左菊花并普洱茶，儿时味道，正。服务来讲都好周到，态度十分之好。整体饮茶目的达到，怀旧儿时回忆充满茶楼和脑海，值得再去。…查看更多

收工接咗柠檬宝宝放学，今次唔系普通放学，而系同佢展开一场「味觉时光旅行」—— 直奔旺角 #襟江酒家。一推开门，旧式吊扇、怀旧卡位、花纹地砖，仲有最重要嘅 「会行会走嘅点心车」🚂！「妈妈细个就系咁饮茶㗎，想食咩要自己行出去、踮高脚、大声啲同阿姨讲㗎！」柠檬宝宝虽然仲未识讲嘢，但一见到点心车就手舞足蹈，双眼发光，指手划脚要我带佢去「寻宝」。我帮佢递点心卡俾阿姨盖印嘅时候，佢兴奋到全程笑到咯咯声。呢度唔止食点心，系食一种人情味，一种要「眼明手快」嘅慢活节奏，一种而家好难体验到嘅 community feeling。当然，我哋个肚仔同味蕾都收获满满！即刻分享我哋嘅 「怀旧点心清单」：🌟 芝麻卷（菲林卷）｜超惊喜！必食！近乎绝迹嘅经典！口感超级弹牙烟韧，芝麻味浓到化唔开。我同柠檬宝宝一人咬一边，佢食到「un un下」手舞足蹈，睇嚟好钟意呢种古早嘅口感！🥚 经典蛋挞｜柠檬宝宝最爱！估唔到呢度连蛋挞都咁出色！酥皮松化，蛋浆又香又滑。**柠檬宝宝食到唔肯放手**，一手揸住蛋挞，食到满嘴碎屑，仲想伸只手去攞第二个！果然，美味系唔需要言语嘅，佢个食相已经话哂俾我知有几好味。🥜 花生糯米糍｜足料到喊！一咬开，花生馅多到泻出嚟！炒香嘅粗粒花生碎，加糖胶同椰丝，外皮软糯。系旧式茶楼先有嘅实在份量，绝对系隐藏宝藏。🦐 虾饺 & 烧卖｜点心界孖宝虾饺皮薄虾爽，烧卖肉香实净。我夹细件俾柠檬宝宝试，佢食完一粒烧卖之后，即刻用手指指住笼仔，仲想要多粒！🦑 酥炸鱿鱼｜香口之选即炸热辣，外脆内软，点喼汁食。我拎住一条，柠檬宝宝好似小雀仔咁，细细口喺我手上啄嚟食，食到滋滋味味。坐喺度，柠檬宝宝望住我拎住旧式茶壶斟茶，望住隔篱枱伯伯吹水，佢个小脑袋好似不停咁吸收紧呢个怀旧场景。佢虽然讲唔出，但我睇到佢眼神里面嘅好奇同快乐。食到最后，佢一手揸住蛋挞，一手拎住条芝麻卷，满足到不得了。我就知道，呢堂「饮茶历史课」成功咗。我哋食嘅，唔止系一笼笼点心，仲系手推车嘅镬气、人声嘅温度，同埋一沓沓会消失嘅「菲林」记忆。而最好嘅传承，就系睇住下一代，用最纯粹嘅笑容同食相，爱上我哋嘅老味道。希望你哋都有机会，带住身边嘅人，嚟感受一下呢种仲有温度、仲有热气、仲会「叮叮当当」推过你身边嘅老香港味道。-📍 襟江酒家 (旺角)🏡 旺角登打士街56号家乐坊8楼801号舖💡 怀旧点心出没注意：芝麻卷、蛋挞等出炉时间不定，见到点心车有就要果断出手！带小朋友嚟，记得试吓蛋挞，可能成为佢哋嘅最爱❤️-----#襟江酒家 #旧式茶楼 #点心车 #濒危点心 #芝麻卷 #蛋挞控 #花生糯米糍 #亲子时光 #香港传统 #饮茶文化 #一代人的回忆 #食的是回忆 #旺角美食 #宝宝饮食记录 #成长 #婴儿日常 #婴儿成长 #香港妈妈 #新手妈妈 #新手爸妈日记 #bb日常 #育儿日记 #亲子kol…查看更多

【📍旺角｜襟江酒家】地址: 香港旺角登打士街56号家乐坊8楼801号舖(港铁油麻地站 A2 出口, 步行约5分钟)⭐旺角百年老店，怀旧手工点心🫖襟江酒家真系营造到旧时代气氛连Staff制服都系著白色裇衫攞住盘大嗌：叉烧餐包、煎堆呢度仲有两部旧式点心车同埋煎糕车冇点心纸填 系要攞住张点心纸出去拎点心穿越体验老一辈以前既生活 真系好有怀旧感猪膶烧卖真系第一次食，猪膶好厚，口感软稔，完全没有腥味！内馅仲有虾肉，咬落去超爽弹😋其他点心都好好食🤤仲要有细细个饮茶必食嘅啫喱杯空心煎堆仔〰️小点（$25）顺德鲮鱼球〰️小点（$25）豉汁蒸凤爪〰️中点（$28）养生红枣糕〰️中点（$28）鲜猪膶烧卖〰️大点（$32）叉烧焗餐包〰️大点（$32）襟江虾饺皇〰️顶点（$42）（以点心车实际供应为主）💛下午茶☕️14:30-16:00有88折优惠💛🩵金龄银发优惠🧑‍🦳👩‍🦳茶位及全单免收加一🩵早上8时半-11时(须11点前结帐离座)出示乐悠咭或长者咭🪪同行者亦可享有此优惠👍🏻👍🏻…查看更多

旺角闹市竟然隐藏住时光隧道！创立于清末民初嘅「襟江酒家」强势回归，踏进家乐坊7000呎空间那刻，瞬间穿越到老香港黄金年代✨ 梅兰竹菊挂画、花码价钱牌、仲有即将绝迹嘅点心推车仔——阿姐推住热气蒸腾嘅竹笼穿梭枱间，呢份人情味简直系会流动嘅历史！即叫即制嘅坚持令人感动🌟 每日清早师傅开始搓揉拍打，绝对唔系预制菜！必试灵魂之作【金黄蛋挞】挞皮松化到咬落簌簌声，中间炖蛋香滑如绸，热辣辣入口瞬间荣登我今年蛋挞榜冠军🏆 惊喜位系【蜜汁餐包】外层烤得微脆，蜜糖渍透包身却甜而不腻，同咸香内馅形成绝妙二重奏！现场所见无论后生仔还是老街坊都食到眉开眼笑，拎住点心卡追车仔嘅场面太有仪式感！快啲约埋朋友嚟怀旧，顺手打个卡记录濒临消失嘅饮茶文化📸…查看更多