蠔站 (荃新天地)

與太太行商場,她想找海鮮類野食,但又未到正餐時間,正值下午茶時段,原本想去食日本野算了,但我對日式野有些厭倦,剛巧見到有間蠔站, 以前幫襯過青衣城店有唔錯印象, 所以就本著食個生蠔下午茶的心態去試試.下午店面比較靜,最初還以為是休息時段,這樣的環境用餐很寫意,店員招待友善,我還苦惱叫盤蠔再配些什麼才好的時候,店員就推薦了一個有蠔有海鮮仲配有一支白酒的餐,我要煩惱的問題都解決了,至少我有支酒飲嘛,太太唔多飲酒,所以酒就我飲,海鮮就交比佢食,海鮮生蠔都很新鮮,飲吓酒,食吓野就過了一個寫意的下午. 如果淨計個餐都唔錯的,有支酒hea吓我都好滿足了,單點小食質素不過不失,唯價格不夠競爭力.如果想靜靜地飲個下午酒拌少許小食去渡過一個假日的下午,這是一個理想的好去處.…查看更多

蠔站喺荃新天地UG層，環境幾舒服，裝修走藍白海洋風，坐低就有種度假感。商場本身交通方便，行過嚟都唔算遠，啱晒同朋友聚餐。🦪   蠔站最出名就係佢哋嘅$10生蠔，法國、澳洲、南非都有得揀。雖然唔係超大隻，但勝在新鮮，肉質鮮甜，配埋檸檬汁或Tabasco，真係一口接一口停唔到。性價比高，海鮮控必試！🍝 黑松露野菌意大利飯松露香氣夠濃，野菌份量足，飯粒濕潤但唔會太油，食落口感黏黏地，幾有層次。唔係Fine Dining級數，但以呢個價錢嚟講，算係有驚喜。🍗  香辣炸雞翼外皮香脆，肉汁鎖得住，不過辣味偏淡，鍾意重口味嘅可能會覺得唔夠過癮。蠔站主打平價海鮮，$10生蠔真係抵食又新鮮，其他西式菜式都有水準。#荃灣美食 #蠔站 #$10生蠔 #海鮮控 #西式料理 #荃新天地 …查看更多

啲$10蠔好腥，好重海水味，我同女朋友食完個肚都有啲唔舒服，應該冇下次。佢就食完嗰晚即刻肚痛，我就隔咗一日先開始肚痾頭暈頭痛發燒。第一次差到要寫食評，啲蠔可以形容為完全放唔入口，嗌咗一打每人六隻食到第三隻都頂唔順，pizza都一般質素薩莉亞feel,又貴。Pk我而家就係屙住打呢篇嘢，連續屙咗兩次，仲要唔係普通肚痛個人勁頭暈勁唔舒服，真係好辛苦。依間嘢真係永久Blacklist冇下次，$10/1隻都比多佢，佢俾返錢我就差唔多。一個Pizza一打蠔，兩杯嘢飲埋單$400幾，真係俾錢買難受。…查看更多

今日同屋企去食飯慶祝生日，有小朋友一齊去 。切蛋糕當然要收切餅費$120，但唔expect比完錢仲係咁既態度囉，超級冇禮貌。蠟燭熄咗，叫佢借個火機，仲要比說話我地聽，切蛋糕冇比碟，叫佢拎，又要三催四請，再比說話我地聽。我地係黎食飯唔係黎受氣㗎唔該！…查看更多

呢度個女經理勁冇禮貌，啲生蠔幾好食，都令人哋唔想再黎，貼錢買難受，希望呢度嘅老闆可以培訓吓呢位女經理，食物真的是可以的，但是真的比這位女經理拖垮了整個晚餐經驗。…查看更多

【10蚊生蠔】💰120$10生蠔呢個價錢應該算係全港最抵食嘅生蠔？其實都幫襯過蠔站好多次，每次例牌一坐低就嗌返一打10蚊法國生蠔😋呢個價錢當然冇大隻肥美蠔食啦，但勝在質素對得上價錢呀嘛👍🏻推薦👍🏻👍🏻【香辣炸雞翼】💰78有5隻，但冇乜辣味，個人認為M記世一脆香雞翼比較好食😂【水牛芝士伴蕃茄沙律】💰108沙律醋好食好開胃，但唔知係自家製定係出面買嘅🧐水牛芝士正常發揮【黃金軟殼蟹扁意粉】💰138份量好多😂，略嫌意粉有啲太油，但至少夠飽…查看更多

因為朋友的生日，我們再次光顧這間餐廳，嚟呢間餐廳嘅主要目的就係為咗食10蚊的生蠔。這次我們兩個人一共吃了兩打，每一顆生蠔都非常新鮮，肉質鮮美，水分充足，吃起來口感極佳。搭配上Tabasco和檸檬汁，味道更是無法抵擋，讓我們忍不住一口接一口。此外，我們還額外點了午餐菜單上的意大利飯，這道菜的口感濕潤且Creamy，濃郁的奶香味讓人感到格外滿意。整體而言，這頓生日飯讓我的朋友非常開心，餐廳的氛圍也十分愉快，讓我們享受到了一個難忘的lunch。能夠和好友共享這樣的美食時光，實在是難得的經歷，期待下次再來！…查看更多

我和朋友都很喜歡吃生蠔，因此決定相約去蠔站吃一次。藍色為主調的佈置很有氣氛，一行入去就會見到不同地方和種類的生蠔擺放着，相當吸引，雖然餐廳名叫蠔站，但是不只是吃生蠔的，還有刺身和西餐。坐低望望餐牌，發現原來有一個不錯的套餐：有$10生蠔十二隻，意粉/意大利飯或薄餅，小食，主菜，特飲，很齊全，所以點了這個套餐首先來個$10十二隻生蠔，有驚喜喎，以這個價錢來說，品質非常出色，生蠔本身算大隻，非常新鮮，今天吃的這款式有海水味，好啱食，點一些檸檬汁已經很足夠提鮮我們選了黑松露野菌配大啡菇意大利飯，上菜時松露的香氣四溢，大啡菇大大隻，咬口佳，意大利飯的汁做得濃稠適中，連飯一起吃頗黏口，咀嚼很久享受味道和口感，久久不想嚥下，因為太美味了主菜選了炭燒美國頂級肉眼，五成熟煮得剛剛好，每啖入口，牛柳的味道好香濃，咬口極佳，選料和烹調都有功夫，有露筍，紅蘿蔔條，紫薯蓉等配菜，我們分別將牛扒分別試點燒汁和不點燒汁只點些微鹽吃，各有千秋，都好滿意！小食選了香辣炸雞翼，薄薄的脆粉，炸得時間好好鎖住晒啲肉汁，香辣味惹味得來非常醒胃，越食越想食食緊嘢嘅時候，都已經上咗兩杯特飲，分別係巨峰提子梳打，同埋白桃乳酸梳打，兩款甜甜地嘅梳打飲品，完美地配合呢個套餐入邊嘅每一樣食品，食每一樣嘢，飲一啖呢兩個特飲，只有一個字爽，兩個字好爽，三個字好鬼爽傾吓偈食吓嘢chill 下，加上美食配搭，形成一個開心的晚上…查看更多

喺呢間餐廳用餐真係一次好滿足嘅體驗！首先講到生蠔，$10一隻真係性價比超高，質素完全對得住個價錢。我哋三個人即刻叫咗三打，總共36隻，鮮甜多汁，入口即化，仲配咗新鮮檸檬同辣醬，味道更加提升，簡直係海鮮控嘅天堂！完全係「冇得輸」嘅選擇。再講到意粉，餐廳提供咗幾款意粉選擇都好出色！份量都好夠，食完真係好滿足。Pizza方面，佢哋出爐時熱辣辣，芝士拉絲效果一流！我哋叫咗一個海鮮口味同辣肉腸，餅底薄脆，配料新鮮，特別係海鮮Pizza，蝦同魷魚都好彈牙，味道濃而不鹹，食到停唔下來。整體黎講，呢餐飯無論係生蠔、意粉定Pizza，都係「冇得輸」嘅水準，值得再黎！…查看更多

🏠經過見到呢度有法國食生𧐢👍好抵食呀💯入到餐廳🍴仲有好大幅玻璃，境觀好開揚，好啱放工同朋友食飯傾偈✅而且服務都唔錯呀👍🍴炭燒美國頂級肉眼：炭燒嘅香味上枱嗰陣已經好香😋肉眼牛肉味濃又軟嫩🔥側邊仲放咗D蔬菜🥕配杯紅酒就啱曬喇🍷🍕超級海鮮薄餅：新鮮熱辣辣嘅薄餅🍕拎上手仲有拉絲效果🧀薄餅上面鋪滿海鮮🦞好味道🤤🍟脆炸啤酒味薯條：超脆口嘅薯條🔥好大份呀😍好食到停唔到口呢🥳…查看更多

在荃新天地原來有間蠔吧， 可以食生蠔飲酒西餐鋸扒的餐廳。 現時有大電視， 用餐時播著帶英文的Pop song, 柔和及舒適。 上菜速度快，抵讚。指定精選十蚊生蠔 12隻只限堂食，價錢相當實惠。 侍應介紹, 我當晚食嘅係Muirgen Oyster (慕更生蠔) 原愛爾蘭品種，產自法國的生蠔。 唔會好細隻，size有No. 2 Large。 口感爽身無渣，帶有淡淡海水味， 生蠔嘅貝柱鮮甜。因為它不Creamy, 沒有過重的鹹味、海水味或者金屬味。 我個人OK喜歡。真心抵食。冬陰公海鮮扁意粉規格外的大隻蝦球及青口， 賣相吸引。 扁意粉彈牙好味，口感煙韌。 效仿冬陰公的做法，又剔除咗原有的酸味，將香辣和鹹味突顯出來， 同時意粉中夾雜著的蜆肉魷魚鬚小蝦仁， 沒有雪味。炭燒美國頂級肉眼(12安士)誠意推介，非常美味。我點左medium。廚師火喉控制完美。肉質嫩滑，肉味十分濃厚，脂肪油花分佈均勻，口感鬆軟，一邊吃一邊讚。 配菜有烤大蒜西蘭花苗 甘荀仔 雞髀菇 紫薯土豆泥和 蓮藕脆片，五彩顏色很有心思。脆炸啤酒味薯條比一般的炸薯條更好味更酥脆，呢個係英國人做炸魚薯條嘅方法。用啤酒做出嘅脆漿，本身已調味，不需要再加調味料，鹹味亦都剛剛好。沾茄汁吃也同樣美味。啤酒餐酒有做不同的優惠， 但除左酒之外， 也有無酒精嘅beverage。點左 巨峰提子梳打和 白桃乳酸梳打。 果香味梳打，飲落甜甜地 幾好味。…查看更多

📍 蠔站🐷仔終於食生蠔🦪朋友介紹呢度有十蚊生蠔🤑緊係要嚟試下！呢度環境好靚，坐得好闊落，有好聽嘅音樂，好舒服！出面仲有草地好chill~💡 Operrice 訂座有75折～—————————————————————❣️ 精選生蠔 $10/隻 一打生蠔是必須吧！以為$10隻會好cheap?! 錯曬！係法國🇫🇷嘅生蠔，生蠔好新鮮，仲有啲海水味，蠔味十足，加少少檸檬已經可以令生蠔更新鮮！✨ 任何時間入去餐廳都係$10隻！. ❣️ 冬陰公海鮮扁意粉 $168海鮮有蝦、青口、魷魚，冬陰公醬辣辣地好惹味，好過成日食茄醬忌廉嗰啲.❣️ 炭燒美國頂級肉眼(12安士) $488肉眼好大塊，牛味好濃，配菜紫色薯蓉都幾好味！.❣️ 香辣炸雞翼 $98係單骨雞翼！炸到脆卜卜，雞肉好嫩，雞肉汁爆滿！.❣️ 巨峰提子梳打 $48❣️ 白桃乳酸梳打 $48白桃同提子味都好香濃，同梳打一齊飲，絕配！.💬 10蚊隻生蠔🦪CP值真係好高！—————————————————————不專業評分👅好味指數: 8/10 💰性價比: 8.5/10👍🏻推薦: 8/10 —————————————————————🏡地址: 蠔站 (荃新天地) (荃灣)荃灣楊屋道1號荃新天地UG樓UG41號舖👉🏻尖沙咀大角咀土瓜環天后都有分店！🕑營業時間: 12:00-23:00—————————————————————————————————————————…查看更多

蠔站我係七、八年前已經食過佢哋優惠嘅$10生蠔，當年都覺得幾好，真心抵。早幾日經過荃新天地原來今時今日都仲有真係嚇咗我一驚。兩個人叫咗個10安士西冷、一個黑松露野菌配大啡菇意大利飯，一客炸雞翼同埋一打生蠔。今日嘅生蠔係法國蠔，好重海水味，肉質爽囗，$10嚟講已經超曬值。小食個雞翼都唔錯，塊扒算幾高質，叫Medium 火侯啱啱好，塊扒配菜都好有特色，紫薯蓉仲有啲西蘭花同紅蘿蔔。risotto 非常之濃味，大啡菇Size極大，幾乎冚住曬啲飯。其實佢哋仲有唔同品種嘅生蠔，不過價錢唔一樣。$10呢款就必要，如果鍾意食生蠔可以試吓其他唔同款式。…查看更多

一入到去，已經比陣陣海鮮鮮味吸引住。最令我大開眼界嘅，就係呢度嘅精選十蚊生蠔，12隻法國生蠔🦪 ，性價比超高！每一隻生蠔都新鮮到爆，入口海水味同蠔肉嘅鮮甜完美融合，正到冇朋友！🤤跟住我哋點咗個3號嘅黑松露野菌配大啡菇意大利飯，黑松露嘅香氣好濃郁，意大利飯粒粒分明，每一口都充滿住野菌同大啡菇嘅鮮味，簡直係舌尖上嘅享受！👍主菜我哋揀咗C嘅炭燒美國頂級西冷(10安) ，牛扒燒得好啱火候，外脆內嫩，一刀切落去，肉汁四溢。再配上餐廳特製嘅醬汁，真係食到停唔到口！🥩小食方面，我哋點咗8號嘅香辣炸雞翼，炸雞翼外皮炸得金黃酥脆，咬落去卜卜脆，入面嘅雞肉嫩滑多汁，香辣味剛剛好，好下酒！🍗飲品我哋試咗E嘅巨峰提子梳打同F嘅白桃乳酸梳打，巨峰提子梳打充滿住新鮮提子嘅香甜，白桃乳酸梳打就有淡淡嘅白桃香同乳酸味，兩款都好清新解膩，同美食絕配！🧃總括嚟講，呢間蠔站真係好掂！環境舒適，食物新鮮又好味，價錢仲好親民。下次一定會再嚟！強烈推薦畀大家！👏…查看更多

今日過嚟荃灣蠔站食生蠔。平時除非去食自助餐，如果唔係都好少叫生蠔食，原因當然係價格比較貴。但呢度最出名就係＄10隻生蠔，之前已經聽朋友講過，今日終於黎食啦。見到有個幾抵既promotion, 就係逢星期一黎食有7折（VIP會員係免費登記既），好啱約朋友聚餐，有個7折打底，好似可以叫豪D🤣想一次過試曬唔同國家既蠔仲有個優惠套餐第一次當然係食最抵既當日精選生蠔。今日既係法國生蠔。蠔都好飽滿，海水味比較重，少少鹹，新鮮好食，呢個價錢嚟講無野挑剔。脆炸啤酒味薯條啤酒味就食唔到，但係的確幾脆，分量算幾大份。炭燒美國頂級肉眼，有12安士，有一個手掌咁大塊。配菜係紫番薯蓉、蓮藕脆片、西蘭花同雞髀菇。我地叫左5成熟，有牛味，肉質嫩滑，用鹽調味已經足夠，唔錯。冬陰公海鮮意粉海鮮有蝦、青口同蜆肉。冬陰公味濃郁，酸甜少辣，幾開胃，但略嫌鹹咗少少，但調味係唔錯。聽日仲要返工就無點酒，點左白桃乳酸梳打同巨峰提子梳打，大大杯，味道上比較喜歡白桃乳酸梳打。＄10生蠔真係平靚正，其他菜式都不錯，平日仲會有折，下次會再同朋友過嚟食。…查看更多