蟹仙華舫

营业中

休息中

好耐冇去過鯉魚門食嘢，咁啱有個朋友搬左入去約食飯，咁順理成章入去食海鮮。我同朋友2個人本身都冇乜idea 食邊間，啱啱見到呢度寫野生海鮮，又有套餐，而且魚蝦蟹、龍蝦咩都有好多嘢食，價錢又唔貴，一於試下。入到去環境好靚好新淨，有d日本風格。呢度仲見到無敵大海景，仲睇到好靚嘅日落。店員都好有禮貌介紹佢地海鮮，我地都簡單地點了2個$449蒸氣火鍋餐，店員幫我地用蒸氣鍋替食具消毒，感覺好乾淨。個餐包括了琵琶龍蝦，菲律賓奄仔蟹，鮑魚，扇貝，阿根廷赤蝦等。

這天來到鯉魚門遊覽，想順道食海鮮，於是慣性到openrice找食肆，見到這間海鮮酒家標示了new，就這間吧！沒誇張，由頭讚到尾，先讚環境，甫推門進去就見到海景，據說天色好的時候更可看到日落。由於遲來了一步，靠窗枱剛滿，於是我們選了第二排面向海景的座位，邊賞景邊嚐美食的確是賞心樂事呢！餐廳裝修雖不算豪華，但簇新舒適，滿滿的悠閒感，還可以坐到室外去對著大海嘆杯飲品🥰更令我欣賞的是偌大且非常衛生的洗手間，是海鮮酒家中罕見的優秀👍🏻衛生方面也值得一讚，點菜後侍應生會將所有將要使用的餐具放到鍋內蒸，以高溫消毒餐具。服務方面屬無得彈級別，甫坐下即細心介紹各式套餐，而且會為客人蒸煮所有食物，而且每樣海鮮會分開蒸煮，按海鮮的大小和特性準確計時，不會全數堆進鍋裡，於是見侍應生們忙得團團轉來為每枱客人蒸煮食物，此外亦會介紹該海鮮，像上了一堂海鮮課👍🏻到食物了，我們點了二人餐，海鮮大多新鮮優質，當中特別欣賞重皮蟹，鮮甜多膏，一試難忘。其餘饅頭蟹、九孔鮑、珍珠蠔、琵琶蝦、青口等都新鮮味美。最後侍應生於餐後奉送官燕甜品，十分驚喜，結帳時一看，原來那官燕甜品如收費的話價值$270，那麼這餐的性價比立時提升了不少！

上次食完蒸海鮮之後，非常回味，今次又約咗朋友來鯉魚門食蒸海鮮。我哋叫咗個尊貴海鮮套餐，海鮮餐非常之豐富，包括罕有藻食綠膏蟹、石斑塊、澳洲青年龍蝦、台灣九孔鮑魚、阿根廷大赤蝦、大西洋野生青口、白刀背、黃金翡翠螺、韓國釜山珍珠蠔、蔬菜籃及一個粥底。另外，我哋仲叫咗兩杯嘢飲、小食炸魚皮及椰汁燉燕窩。尊貴海鮮套餐海鮮都非常之新鮮，所以都非常之鮮甜美味，尤其是膏蟹同龍蝦，膏蟹啲綠色膏，聽侍應講，膏蟹有綠色嘅膏好少有，而且甘肥美，真係非常鮮味，蟹肉亦都很鮮甜；另外，龍蝦亦都很肥美，啖啖肉，彈牙爽口，而且非常之鮮甜；其他海鮮也很新鮮，而個個粥底，吸收晒海星鮮嘅精華，美味可口。椰汁燉燕窩椰汁燉燕窩唔會好甜，充滿椰汁嘅香味，成碗都好多燕窩，份量十足，非常好食。

今日約咗朋友去鯉魚門食海鮮，見到碼頭新開左間蒸海鮮餐廳，價錢合理，我哋就入咗去食。餐廳環境有一大片玻璃窗，一望出去就係美麗嘅海景，環境一流，餐廳仲有個後門俾你走出個天台，天台擺滿好多枱凳，俾你可以坐喺度慢慢欣賞海景。我哋去到嗰陣時，差不多日落，雖然今日有驟雨，天空都幾多雲，見唔到日落，但仍然見到晚霞，天空漸漸變成橙紅色，而家已經好靚，如果好天，應該見到日落，應該靚到不得了。我哋叫咗個一個海鮮套餐，海鮮包括膏蟹、石斑、龍蝦、鮑魚、大赤蝦、青口、白刀背、翡翠螺、珍珠蠔及蔬菜籃，海鮮都很新鮮啦，非常之鮮甜，令人食不停口，而蒸海鮮嘅同時，下面有個粥底，吸收晒海鮮嘅精華，加埋粥底有粟米同芋頭等，非常之美味鮮甜。整個餐非常之豐富，而且看住呢個美景，和朋友傾住計，嘆住美味嘅海鮮，真係人生一大快事。

好友生日，想近近地搵個靚景地方慶祝下，搵到蟹仙係三家村碼頭開左間新舖，之前試過銅鑼灣分店，水準有保證。對於港島東人來講，三家村其實好方便，西灣河搭船過去，幾個字就到，全程吹著海風，好寫意。餐廳位於鯉魚門三家村碼頭正旁邊，一落船行過隔離就係。坐擁無敵180度鯉魚門海景，黃昏時候見到日落Magical Hour真係不得了，加上裝修新穎，座位闊落，鍾意食蒸氣海鮮，又想同至愛另一半浪漫下，非呢個地方莫屬。最正係，唔好以為靚環境食海鮮一定係天價，蟹仙係連鎖經營，銅鑼灣、尖沙咀等地方都有好幾間分店，價錢同其他分店一樣，有多種套餐選擇，豐儉由人。全程有職員幫手蒸海鮮，蒸邊樣鮮，蒸幾耐，全部幫你搞掂，淨係負責食同埋傾計，同欣賞海景就得，太正啦！海鮮質素當然有保證，龍蝦、鮑魚、蟹、紅蝦全部質素上乘，份量又足，最後以一碗海鮮粥完美收倌。

今日朋友帶我去鯉魚門食海鮮，揀咗呢間響三家村碼頭嘅蒸氣海鮮火鍋。呢度有無敵大海景睇，日落時分嚟到呢度仲可以見到好靚嘅日落。座位坐得好舒服，環境寬敞，餐廳亦都好乾淨。揀咗$449一位嘅海鮮餐，一共有10款海鮮，食完海鮮仲有蔬菜同埋粥，最後仲送埋甜品，好豐富。啲海鮮新鮮，仲要係野生嘅添，價錢亦明碼實價，好公道。其中我最鍾意嘅係菲律賓野生大黃奄仔蟹同埋野生琵琶龍蝦。隻蟹真係好多膏，而琵琶龍蝦就鮮味濃郁。

最近鯉魚門開咗間蒸海鮮餐價錢唔貴食物質素感覺都高一於約埋男朋友去試————————食海鮮食物要新鮮係一定㗎啦但呢間餐廳仲有另一賣點就係有個無敵海景睇日落一流隔離嘅船可以去到香港仔有機會都想去試一試餐廳仲有VIP房 設有獨立廁所如果同朋友包場可以考慮呢度—————————我哋兩個人揀咗個餐總共有九款海鮮同埋菜海鮮非常新鮮最鍾意龍蝦 肉蟹 同埋加咗蟹粉嘅元貝食完仲有個粥底超正————————仲要讚一齊呢度服務一流會幫你計時咁樣蒸海鮮只需要開口食就得啦

食過咁多間海鮮蒸鍋，「蟹仙」系列真係我食過之中最好既蒸鍋！九龍城、新蒲崗、銅鑼灣、油塘…幾間都試過，每一間既質素都係一洗，完全唔駛擔心佢地既海鮮係唔新鮮！仲要有非常好既服務質素，佢地並唔係米之蓮，但係服務極之窩心，即使每次都係叫佢地既套餐，都有專人推介當日既時令海鮮（因為個餐都要揀某幾種海鮮）。佢地唔係因為賣唔哂而專登講嗰樣叫你食，而係每次推介得都真係好得！今次食左個蟶子，好食到不得了，鮮甜！完全唔駛任何醬料，一定要蒸完就食，鮮味到😋個松葉蟹有無比驚喜！凍食，極鮮極甜，啲膏都係鮮甜，呢個真係要encore！仲有琵琶蝦，我個人真係好鐘意，甚至覺得好食過龍蝦，佢比龍蝦既味更清甜，亦唔係度度都有得食，所以黎親呢度都要食。今次仲有試左蒸雞，滑到不得了，唔老唔鞋口，真係蒸滑雞🥰到最後食個粥底，真係大滿足，綿到呢…！

我聽朋友講去鯉魚門食海鮮，其實之前去過三聖邨食就好好食，今次去鯉魚門，因為比較就腳。我哋見到開咗一間新嘅蒸氣火鍋喺碼頭附近，仲有得泊車喺門口，所以就膽粗粗入去。見到呢間蒸氣海鮮入邊，仲有Cocktail Bar ，真係中西合璧。因為蒸海鮮，通常都係中國人喜歡的，外國人咩魚咩海鮮都係鍾意deep fried!其實都係蒸比較健康，咁嗰時都同我哋解釋咗，其實佢哋嘅鞋係有菲律賓入口嘅，所以品質係有一定嘅浦城咁當然我哋都要試一次係咪真係咁樣啦!嘩果然係!啲奄仔蟹真係好肥！同埋佢哋嗰啲粥底吸收咗咁多海鮮，例如珍珠蠔，帶子，青口等等既汁，真係煲咗一啖靚粥咁。最後仲有燕窩甜品送！

今日去咗鯉魚門，其實點解要去個到？當然去食海鮮啦！但係我知道嗰度海鮮好多都呃秤！我唔係揀海鮮嘅專家，所以我決定搵間有明碼實價的海鮮餐館！跟住就見到這間叫蟹仙的蒸氣火鍋，我見價錢牌都係好親密，又可以面對一個大海有夕陽睇，真係令人好寫意。這個海鮮套餐可以令你揀龍蝦或者琵琶蝦我認為龍蝦經常食，同時琵琶蝦的肉比較smooth。其實琵琶蝦喺香港都好難買到，可以喺呢度食，都真係好難得。另外值得一提嘅就係佢哋嘅奄仔蟹！真係好肥美，啲肉好像好似好想爆殼咁！另外，仲有佢哋嘅青口，根本都唔使點豉油就已經夠鮮味！

地址：鯉魚門崇信街三家村渡輪碼頭南翼就咁睇個address 可能唔係好知點去最好就揸車，不過要合法咁泊車就會遠。泊門口就有機會抄牌，咁就$320.$320 用黎叫多d 野食好過。新開張同跑馬關係唔算太多人我地book 左6:00pm 食完可以早d 走。因為唔係住開果頭海鮮好新鮮，即叫就起比你蒸人多可以book 房，有海景，想出去就出去。好vip feel唔係vip 都有個陽臺位可以出去打下卡。吹下海風對面就係西灣河住果頭可以坐船過黎食幾方便

平日黎個一日遊鯉魚門有間靚view靚裝的食海鮮餐廳一入餐廳比佢個大玻璃吸引到如果大約六七點嚟，可以清楚睇到日落呢度食海鮮同三家村食海鮮有啲唔同呢度最主要食蒸鍋食佢海鮮嘅原汁原味日本野生大赤蝦當然大大隻，食佢既蝦膏好鮮好好味黃金翡翠螺好大隻之餘，味道好鮮，而且肉質爽甜台灣九孔鮑魚鮑魚洗得乾淨，而且新鮮甜美帶子大大粒，而且好新鮮又厚肉又甜大西洋野生青口比起一般西餐食既大粒而且好鮮甜一啲腥味都冇，咬落juicy韓國釜山珍珠蠔蠔味突出，飽滿juicy澳洲青年龍蝦，睇到蝦肉咁白就知道好新鮮，而且蝦頭超多膏又甜，龍蝦肉又彈牙太平洋饅頭蟹細細隻，cute得黎啲肉都好好食最後奄仔蟹非常吸晴一樣超多膏，超甜而且蟹肉結實基本上食呢隻蟹既蛋白質夠飽最後黎個海鮮粥，大滿足仲有甜品，椰汁燉雪燕Happy dinner聽員工介紹餐廳有好多分店全部既蟹都係老細揀既靚貨唔怪得啲蟹咁出色

上次喺銅鑼灣食完一次之後食過返尋味，今次就去咗新開張嘅鯉魚門分店，呢度特別在望出去有無敵大海景，仲可以行出去打卡添😍可以一邊欣賞靚景一邊食海鮮，真係超級嘆💯尊貴海鮮套餐 $4491. 罕有藻食綠膏蟹🦀係比較稀有嘅品種，主要以食藻維生，所以佢嘅顏色都會係偏綠。蟹如其名真係好多膏，而且肉質厚實，必食之選🌟2. 太平洋饅頭蟹🦀佢嘅size比起出面嘅大好多，同樣爆晒橙色膏，佢主要係食蟹膏，所以會比較少肉。3. 野生琵琶龍蝦🦞係比較少見嘅品種，佢嘅蝦肉食落好爽口，就咁清蒸已經好好食🤤4. 台灣九孔鮑魚比一般嘅鮑魚細隻，但因為咁而更加有咬勁，爽口彈牙，唔會咬唔開。5. 日本野生大赤蝦🦐店員建議食咗蝦頭先，一搣開已經流晒啲汁出嚟，好鮮甜完全唔腥，蝦頭都多膏，唔食蝦頭嘅人都可以試下🤓6. 大扇貝雖然蒸完縮咗少少水，但都冇影響到佢嘅鮮嫩口感，仲保持到最原始嘅風味。7. 大西洋野生青口第一次見咁大size，平時唔中意食青口嘅我都忍唔住對佢讚賞有加，冇諗過可以咁好食咁鮮甜🥹顛覆咗我對青口嘅印象8. 東風螺🐚輕輕一撩就拎到出嚟，肉質爽脆有嚼勁，仲帶有淡淡嘅海水味👅9. 韓國斧山珍珠蠔🦪蠔味好出，好肥美，連埋生