蛇王協

差评：蛇羹淡过水，稀到离谱，完全唔合格！今次真系中伏！叫咗碗招牌蛇羹，一上枱已经觉得唔对路——个汤稀到似洗米水，用匙羹舀起几乎睇唔到任何浓稠感，仲以为自己叫错咗清汤。蛇肉切到碎湿湿，唔讲根本食唔出系蛇肉，口感似煲过头嘅鸡胸肉，又柴又冇味。汤底完全冇药材香，连最基本嘅川芎白芷天麻味都欠奉，饮落去得个「寡」字，饮两啖已经想放弃。同枱朋友碗蛇羹仲离谱，竟然捞到两条未切干净嘅蛇骨，吓到佢即刻放低筷子。问侍应点解咁稀，佢竟然话「传统做法系咁」，但明明隔离枱嘅蛇羹睇落浓郁好多，分明系偷工减料！配嘅薄脆淋晒，菊花又无，成个体验差到冇朋友。…查看更多

第一次食蛇羹就献比深水埗蛇王协！朋友狂推话『蛇肉多到怀疑人生』，果然冇夸张——揭开碗盖，浓郁药材香扑鼻，捞一啖，蛇肉多到好似唔使钱咁，一丝丝咬落居然有啲似手撕鸡肉，但更嫩滑！汤底用老火熬，仲有木耳、冬菇吊味，饮完成个胃暖笠笠㗎～ .讲到食蛇好处，老板娘劲热情解释：『蛇肉系滋补圣品啊！祛风驱寒，冬天食唔怕手脚冰冻，仲高蛋白低脂肪，后生仔当养生都得啦！』（中医fans表示认同） .环境方面，完全系街坊家庭式格局，绿色瓷砖墙、折枱胶凳，有种去咗姨妈屋企食饭嘅亲切感。埋单$60有找，抵食到呢……下次寒流再袭，肯定返兜！…查看更多

- Tasty Index：6.5/10 (At first, the snake soup tasted like chicken, but then I got a unique, snake-like taste.)- 好味指数：6.5/10 （可能食唔惯，初头食落似鸡肉味，但之后有蛇独特嘅味道）- Queuing Time：Nil - 排队时间：不用排- Serving Time: 2 mins- 上菜时间: 2分钟- Function：snake soup helps warm our bodies- 功效：食完暖笠笠- Remark：好多传媒都有专访过呢间蛇羹店(图中价格是港币)(The prices in the picture are in Hong Kong dollars.)…查看更多

香港人，天气冻，梗系食碗蛇羹暖下身。叫咗碗大蛇羹，一定跟糯米饭啦，再加条腊肠。蛇羹冇得顶，足料，真系觉得食完第二日个身暖暖地。糯米饭就有啲逊息，真心一般，腊肠就中规中矩啰。呢啲地方冇乜服务，坐定咗都会叫你食食吓转枱。不过呢啲就当药膳，食完出去行吓深水埗振兴经济算啦。个人特别留意，餐厅入边会播放卡拉OK，听住Beyond食蛇羹，系咪好好feel先。…查看更多

今个冬季仲未去蛇舖食过蛇羹，见天气仲有啲冻，专登出去SSP鸭记食蛇。秘制五蛇羹［大］（$88）蛇羹"杰"身，味道依旧，咸度适中，唔腥。有无五蛇就唔知，但蛇肉份量明显少咗，其他配料（肉丝、木耳、菇）都多。薄脆转咗，稍稍偏硬，但浸湿连蛇羹一齐食问题不大。蛇龟汤［大］（$35）写明煲足十二小时，有大山地、土伏苓，味道浓郁，药材味唔重，容易入口。因为人多，大约排咗十数分钟队，店内环境空间唔大，所以会坐得逼一点。…查看更多