蘇杭冰室

营业中

休息中

食了幾次午餐，這裡的常餐都幾好食！雖然話招牌湯之一是蕃茄湯底。可以，這裡的蕃茄湯便太甜，配以面底（正常是咸食），感覺有點格格不入。之後再試了用「雞湯底」效果好好多，正常番。之前更同不識的搭台女子傾計。因為佢食緊咖哩魚柳飯！我坐旁，都覺得好香！我沒食，但個個女子話好食！另外見佢地下午茶有厚厚pancake , 張照片影得好好，但一直沒有時間試。下次試完再告訴大家好不好食😃而且職員都比較有禮貌。ok!!

本身諗住去蛇竇食滑蛋叉，點知撞正佢就結業好多人排隊，同事就介紹呢間蘇杭冰室，喺蛇竇行去都係2分鐘。喺中上環黎講，$50-$60既lunch整體佢都算係唔錯。加幾蚊可以飲支裝鮮奶🥛岩哂我咖哩吉列豬扒飯⭐️⭐️⭐️⭐️⭐️$54呢個係同事叫，試食左，好味過滑蛋叉燒飯！！咖哩唔辣，適合所有人，仲會分開上唔會整淋豬扒。味道正，咖哩薯仔都淋，吉列豬扒岩岩炸起鬆脆，呢個絕對會encore，一個人食哂都好飽。一黎列忍唔住試食，食到一半先記得影😂滑蛋叉燒飯⭐️⭐️⭐️⭐️ $54如果無比較，其實都幾好味既。不過有比較下，佢既叉燒相對硬d，蜜汁味又少d，豉油汁既水準都唔高。瑞士汁雞批滑蛋飯⭐️⭐️⭐️ $5x呢個都係同事叫，我都係試食左一啖，呢個價錢食雞批飯性價比唔高，好似可以簡麵。雞批都唔係非常入味，下次可以skip呢個。可以挑剔下既係餐廳面積細，喺lunch hour同其他茶餐廳一樣會做到好想你快d走咁。黎食lunch都唔錯，最好11點半到，記唔洗逼，下次我會叫番咖哩系列

今日小編去一間冰室食午餐，呢間冰室雖然細細間，但麻雀需小，但五臟俱全，有常餐，亦有大大份既咖哩餐，小編今日就試咖哩雞飯，雞肉嫩滑易入囗，咖哩薯仔好入味（Yummy），成個餐食完，再配埋加$3既凍飲fit 哂。小編幾鐘意呢度既一個細心位，就係杯野飲…唔會特意配備飲筒既，如果有需要，就在櫃台裡自行拎飲筒，實行每人一小步，環保我做到！😃

見到餐牌就已經九秒九入左去嗰間舖頭因為我見到我嘅最愛—芝士撈丁所以我當然係叫左招牌炒蛋及芝士汁撈公仔麵（雞扒）（$52）（凍飲+$3）呢個炒蛋芝士撈麵係可以根據個人嘅口味揀唔同嘅餸，其他3種係豬扒（我朋友係嗌呢個）、雞翼同埋吉列魚柳。本身以為炒蛋未必同芝士好match，點知兩種加埋嗰味道勁夾，超好食，炸雞扒亦好脆😋😋，應該係啱啱炸起嘅，令呢個芝士撈丁變得更Perfect😍😍而且炒蛋真心好滑⭐️⭐️好滿足💕💕

呢幾年上環開咗好多新餐廳，今日唻到蘇杭街食新嘢。我哋1點半左右嚟到都有位，到差唔多兩點半就開始無位，因為下午茶時間到喇。滑蛋叉燒飯 🍚 蛋炒得好滑，好濕潤。叉燒都好食，但係個人鍾意食肥叉多啲。除咗啲餸之外，重點梗係個豉油汁，呢度嘅豉油汁加咗麻油，增添另一層次嘅香味。炸魚柳滑蛋芝士撈麵呢個滑蛋芝士撈麵係可以根據個人嘅口味揀唔同嘅餸作出配搭。因為喺屋企好少食到炸魚柳，所以就揀咗炸魚柳。魚柳炸得香脆，芝士汁有好香濃嘅芝士味，不過有啲濟，最後都淨返少少食唔晒。

剛剛在上環一帶開完會，還未吃早點，很餓....時間大概已經是11點多，茶餐廳應該還有早餐的，趕快在附近找一間。一向喜歡小店多過連鎖經營，見到這一間的藍色店門裝修被吸引了，入去試一試吧。11:30前還有早餐，沙爹牛、一丁拼麵、麥皮....很多選擇，我揀咗沙爹牛米配炒疍加豬仔包。姐姐落單和送餐也多謝前後，非常有禮貌，我們這一輩的真的要多多學習！沙爹牛醃得好入味，不是梳打牛，而且唔”韌”.至於炒蛋夠滑，可能冷氣太大？略嫌不夠熱，豬仔包也是，牛油也頗重手的。如果喜歡飲奶茶，相信這裏的應該不錯，但這茶膽作O茶可能濃了一點。

今日lunch特登行左過蘇杭街食le間蘇杭冰室。行到過去lunch既繁忙時間真係勁多人，前面起碼有10張枱等緊。不過好彩都叫得幾快，重會提早幫你落定單。一睇個menu樣樣都好吸引，我就叫左個茶餐B，蕃茄湯牛肉意粉配火腿炒蛋牛油脆豬仔包。個番茄湯好濃，牛肉都幾好味，唔係就咁白灼。特別係個炒蛋真係好好好食，牛油豬仔包好香脆，配埋個炒滑蛋一齊食真係一流。好想試埋其他，可惜，午飯時間人太多了，等得位黎食得幾個字食就要趕住走。

食店的外型真的會吸引你走進去藍白色的招牌，倍覺吸引，反正都係未試過，試試也無妨按掣，自動門打開，走進食店，第一個畫面看見每個食客都看著自己手機，相當一致，非常有趣由於一位，理應是旦坐都冇問題⋯⋯可是我足足轉了三次之多，才找到適合位置，一就是冷氣太大，頭頂吹著風口位，一就是遇到條大柱，攪得我非常唔好意思，慶幸不是繁忙時段過來進餐。食店內就是這幾條大柱☝🏻☝🏻☝🏻，有幾個位置都會背著這條柱的，高頭大馬者，進餐時一定會頂手頂腳，對於寸金尺土的香港地就是這樣，善用每寸空間，用盡每分每寸位置，這也無可厚非蘇杭招牌茶餐，很多選擇:义燒、鮮牛、豬潤、煎雞或豬扒等的湯意粉，還有招牌沙嗲牛肉公仔麵⋯⋯配上火腿炒蛋或煎蛋牛油多士價錢由$45-$48 不等⋯⋯好肚餓，唔諗即點茶餐多選擇，我選了炒蛋、牛油多士改豬仔包火腿、炒蛋放在豬仔包上，加上茄汁，塗上牛油的豬仔包烘得金黃脆脆，此配撘，相當味美豬潤番茄🍅濃湯意粉，豬潤略嫌冇味，還有少少老身，但番茄湯底酸酸甜甜又杰身，很喜歡，原來主角不是豬潤，番茄湯才是招牌茶餐，原以為豬潤是主角，豬仔包、番茄湯底應是綠葉，用餐後才發現妹仔正過主人婆。豬仔包和湯底才是真正主角

放假瞓到自然醒才起床揾食是香港人的特色吧！Hea完一輪後發現已接近下午茶時段，所以便上Open Rice搜尋一下有甚麼好食，結果選了這家未去過的茶餐廳吃我很久沒有吃過的「常餐」。一進店內很驚訝星期五的下午茶時段竟有這麼多人，雖然不是座無虛席，但卻是每一張枱都坐了客人，我很難才找到一張「留座」的枱坐下，這張留座的枱是有原因的，因為這裡最近水吧，是最好用來整理外賣餐盒的地方，我坐在旁邊半小時，水吧已出了十多個外賣餐。說回這裡的食物，味道是不錯的，沙嗲牛肉麵麵質彈牙，只是有點太過咸。而我配的是豬仔飽炒蛋加火腿，豬仔飽烘得很脆，好味，炒蛋也很滑，火腿也有浸過鹽水，所以不會像一般店鋪的烚火腿無味。而奶茶方面，我點了少奶的，但下次還是點正常會更好，因為茶味過濃了。整體來說我覺得還不錯，另外是我見到身旁的客人點的公司治和炸魚柳沙律也很不錯，下次要再來試試。

今次黎左蘇杭冰室食lunch。我叫左個芝士撈豬扒🧀，冇諗過咁好味，啲芝士好多，成碗都係！蛋好嫩好滑，豬扒同平時出面茶記嘅差唔多，食完好飽肚，5x蚊埋單，價錢合理之餘又邊食邊lam lam 利🤤🤤🤤🤤🤤不過間冰室好多人排隊，要等成半個中，極度受歡迎，見到好多人叫外賣😂環境方面比較擠逼，但都坐得舒服ok的！服務態度方面，職員都有禮貌，佢地會係你等緊嘅時候幫你落定order，比你入座果時都唔洗等咁耐就有得食，讚👏

星期六同朋友去完中上環半山區一日遊，到下午茶時間見有d 攰同肚餓就搵個地方坐低食下野同hea 番陣！路過蘇杭街見到有間蘇杭冰室，見個名咁應景，門口裝修又睇落幾靚，就決定同朋友入去試試佢！叫左個下午茶餐，咸牛炒蛋菠蘿包同熱奶茶，盛惠30蚊，菠蘿包有d 凍，應該唔係新鮮出爐，咸牛炒蛋偏淡味唔會太咸，呢個又甜又咸既配搭我幾鐘意！熱奶茶茶底尚算唔錯，無咩澀味但亦都唔夠香，總體黎講不過不失，以中上環黎講呢個價錢都算係公道，可以一試。

餐廳環境 (3.5/5)港式茶餐廳格局，但係裝修比傳統茶餐廳新式，顏色配搭比較鮮明突出，亦比較乾淨餐廳服務 (4/5)雖然店員係媽媽級，但係做嘢落單都好快手。雖然佢哋性格應該係豪爽類，講嘢好大聲，鋪仔細細而且當日食客比較靜，成餐飯就係聽住佢哋嗌單同傾計，但係有段小插曲令我都幾欣賞佢地。有個嬸嬸行入嚟話自己漏低左部電話，幾個店員好認真，一定要個嬸嬸打電話去呢個手提電話度，確定個電話真係佢嘅先至比番佢。讚食物質素 (4/5)小店除咗比連鎖快餐店多一份人情味之外，食物通常都比較有水準有心機餐廳類型堂食/外賣。新式茶餐廳，適合快食一餐，同隔離枱相隔好近，不適合浪漫談情門面細細，但係鮮艷嘅顏色會令你一眼就望到下午茶餐 瑞士雞翼配雞湯意粉加熱檸水 $32瑞士汁係呢間冰室嘅招牌之一，雞翼係雞全翼。落單唔記得問係全翼定中翼，因為我懶惰，好懶拆骨，所以好少喺街食雞全翼嘅。不過呢隻雞全翼都冇令我後悔嗌咗，因為佢嘅瑞士汁真係好入味，食得出唔係就咁淋啲汁上去，而且啲雞翼都冇雪藏嘅味道。只係因為全翼嘅關係，食得有少少”呢Hea”。如果同我一樣冇拆骨嘅技巧，建議你嗌佢嘅瑞士汁雞脾，我見隔離枱嘅女仔食得好輕鬆啊雞湯

尋日幾個同事lunch快食，近近地去左呢間餐廳。見呢間餐廳門口成日排隊，要試吓係唔係真係咁好食。我地攞左ticket, 等5-6個號碼，傾吓傾吓，等左15分鐘左右。我叫左個 '蘇杭招牌茶餐'，選配 '招牌火腿炒蛋'及 '鮮牛肉湯出前一丁'。炒蛋真係好滑，係我鍾意食果種。火腿好多，不過比較鹹。鮮牛肉幾滑，量唔多但唔算太少。本有惗過要 '芝士汁撈公仔麵'，不過近來減肥，要番 出前一丁 算嘞。出前一丁煮得林左小小。奶茶香濃、好滑。

cute interior friendly staff great hygiene Good food not too oily Would doesn’t like a good noodle breakfast served with Hong Kong milk tea and egg. I come to this place before work and their portions are very generous and not too oily which is good. I haven’t tried their lunch meals but overall, their breakfast is good.

無意間係課堂間想揾少少野填下肚仔🤤，四圍睇結果都係揀茶記啦☕️呢間蘇杭冰室我俾佢嘅價位吸引左，又好想食公治🥪，於是就走左入去入面嘅姐姐好好人，個公治真係好大份，一個女仔食真係幾Full🤰🏻一邊食一邊望下餐牌仲有咩正野⋯原來有個叫「公司麵」嘅野，有好多餸之餘又好抵，仲有佢嘅包都好吸引😍😍雙眼發晒光，於是將間餐廳加左入收藏，期待下次再幫襯🤤🧡