蘇哥清湯腩

营业中

休息中

比預期中好味，牛腩牛根味濃鬆化，蘿蔔清甜可口，雲吞皮薄餡靚，味精不重，價錢貼地，值得返啅。個人覺得比起寶盈花園嗰間天后清湯腩好食。只可惜是坐近廚房，不時聞到一陣陣水渠味。

打完10號風之後又到個黑雨，香港呢啲天氣真係好難預測，點估到之後呢幾日天氣熱到咁，真係天氣不似預期。今日又要過海去將軍澳見客，計上次喺寶琳食完餐韓國嘢之後又黎過。今日時間比較鬆動，行咗陣先發覺商場原來好大，住呢度嘅人完全唔駛出市區都買到必需品，行咗一陣間肚仔又開始餓啦~見到有間餐廳門口好多人等緊，原來又係我鍾意嘅食物，呢間餐廳標明清湯腩已經令我味覺衝擊，好彩一個人唔駛點等位，入到去餐廳佢座位都算多有兩邊，見到佢個餐牌都好新束應該開左唔係好耐，餐牌嘅食品主要都係粉麵，但當中見到有啲酸辣同埋擔擔麵嘅種類都算多元化。     見到好多人都係嗌牛腩麵，但係見餐牌居然有咖哩牛腩，好少粉麵舖入面有咖哩食，職員都有建議可以試下，由於我呢啲人最鍾意試新嘢，咁就嚟一個咖哩牛三寶幼麵，加多碟油菜再嗌杯嘢飲，一個人差不多啦。由於人流都相對多，所以等咗十分鐘食物都開始陸續上枱啦~ 嚟杯凍檸茶先，當然要第一時間大大力啜一啖，係咁熱嘅天氣簡直係透心涼，凍檸茶份量都算足夠，而且非常夠凍，甜酸度適中。剛巧主菜都上枱啦~ 呢碗咖哩牛三寶另加碗幼麵，佢嘅份量正常賣相都吸引，急不及待試一啖咖哩汁，佢咖哩汁好香濃有少辣好惹味

openrice 食評幾好，見新開諗住試吓1. 新鋪開張環境望落企理，但其他就普通，唔可以話好乾淨。店入面每寸空間用得非常足，每個空間都唔會浪費，務求做到坐滿全間鋪。如果1-2人去食遇左自己同唔識嘅人搭枱，仲可以同其他唔識嘅食客近距離接觸。2. 我叫咗清湯腩河粉，清湯好淡，相信餐廳調味偏向健康風格，牛腩亦好普通，老實講，佢鋪頭名叫得清湯腩，我以為佢係會好特別好好食，但係食落個質素仲衰過快餐店。3. 落單叫下午茶，但張單無落到下午茶，成張單貴咗，好彩自己有望一望張單啱唔啱。總結： 裝修新淨

1. 清湯不清，如油2. 牛腩好碎，有酸味，好鹹3. 服務態度愛理不理4. 清潔有問題 - 對面顧客杯凍檸水個杯表面都係油，搞到成手都係油。顧客提出問題是並冇主動更換，但只提供紙巾清潔。總體性價比低。雙餸飯完勝。

《蘇哥清湯腩》📍將軍澳欣景路8號新都城中心二期1 樓1070-1071號舖呢間位於寶琳嘅蘇哥清湯腩係新開開左冇耐 今日就決定試下😍➖➖➖➖➖➖➖➖➖➖➖➖➖➖➖➖➖➖➖✭濃香咖哩崩沙腩飯 $67（9/10）佢嘅崩沙腩份量卑超足 食落去都超淋😍😍 咖哩都好香濃 不過咖哩就可能有微微嘅辣味不過應該都向可接受 非常推薦😍😍👍🏻✨✭清湯崩沙腩麵 $57 （9/10）同咖哩版一樣份量都係超足 湯頭都好夠味😍😍😋😋✭熱飲+$3 凍飲+$8 汽水+$5➖➖➖➖➖➖➖➖➖➖➖➖➖➖➖➖➖➖➖✫ 食物（9/10）✫ 環境（8/10）✫ 服務（8/10）#ig #igdaily #igers #idfoodies #香港 #香港美食 #美食 #美食推薦 #香港美食 #香港好去處#FoodPhotography #Eeeeeats #FoodPorn #FoodGasm #Foodie #ForkYeah #FoodInTheAir #Delish #EatingForTheInsta #CleanEating #ELLE愛吃貨#牛腩#清湯腩#寶琳 #寶琳美食

寶琳最近新開左一間食清湯腩店，成日經經過過，等我會一會佢😆清湯崩沙腩河非常之有質素，崩沙腩幾有咬口，但肉質都尚算嫩滑，河粉白滑家身，好容易入口，配搭埋辣椒醬，風味十足🥰另外仲叫咗牛三寶麵，包括有牛腩、牛筋、牛肚，佢個牛肚都整得好好食，爽身得來又冇異味，而且麵底都算係爽口嗰啲，非常好食🤤另外仲叫咗碟油菜——菜心，菜心都好翠綠，而且咬落好脆口，配搭埋粉面食一流😄另外仲叫咗杯凍檸茶，正常發揮✌🏻雖然舖頭係主打港式粉麵，但佢嘅Menu仲包括埋一啲酸辣粉，飯類嘅菜式，所以選擇都非常多元化❤️同埋舖頭都尚算空間咁OK，堂食或者外賣都好唔錯💪🏻

諗住間餐廳新開張，見黑雨唔使返工就同屋企人落去試吓。我哋等咗幾分鐘就有得入去。店面比較逼窄，衛生一般。入到去坐低冇耐，已經聽到個店員因為座位問題，同啲客人嗌交。屋企人叫咗個紫菜三寶丸河粉，等咗15分鐘先到。我自己叫咗個崩沙腩河粉，點知等咗半個鐘，前前後後催咗三次都係漏單，完全唔知侍應同廚房點溝通，極度混亂。最後cancel張單走人算數，前前後後浪費咗30分鐘，服務極差離晒譜，以後唔會再去呢間餐廳。

最近新都城開左開人氣清湯腩店食晚飯時間非常多人堂食外賣既人都企哂餐廳門口呢間清湯腩係沙田都有不過見佢人頭湧湧，即管試下叫左兩碗清湯牛腩河因為食開肥，所以都叫左肥啲雖然清湯牛腩，但湯頭清甜而且有埋牛腩林滑，河粉又滑見餐牌仲有坑腩，爽腩，牛坑腩下次一定會叫其他食另外有得加郊外油菜，雙拼丸同雙拼餃都係加十幾蚊最後仲叫左個菜肉雲吞皮薄餡香，湯頭都係清湯腩個底所以朋友即使飲哂仲有得添除左清湯牛腩，見餐牌有咖喱選擇都好多

🐜❗️🐜❗️🐜❗️諗住新都城新開牛腩粉，試一試新野。點知十分意料之外，下午茶時間叫左碗牛腩酸辣粉，連凍飲，$49。😳😳😳點知碗粉一上到黎，係冇辣既，係清湯咁既樣，問左服務員佢話係咁架喇。再問第二個佢先答可以加俾你既。原來叫酸辣粉，係要問兩次先可以加俾你架！🧐🧐🧐然後食食下，見到碗粉有昆蟲。十分特別！對面個食客，仲話啲河粉好少😂我食薯粉就都正常既！牛腩都正常，係軟身既，有牛味。認真冇下次！　一定唔會再食下次。

見佢新開幫襯一下，點知超失望體驗，食物一般都算，叫碗麵都可以漏單囉，等成半句鐘，隔離枱遲過入黎食完先到，勁搭枱，坐到勁唔舒服，問都唔問就收你野超趕客，一定唔會再幫襯