薯仔屋電影餐廳

营业中

休息中

假日同友人在柴灣Cinema City睇戲後，到位於戲院旁邊的薯仔屋電影餐廳吃個晚餐餐廳以電影主題佈置，陳列了電影菲林燈飾、電影角色牆、模型，更有色彩繽紛的兒童區，有玩具區、夾公仔機，適合一家用餐~食物價錢相當平民化，款式選擇亦很多，有小食、薄餅、漢堡、扒餐、麵食、甜品，是睇戲前後用餐的好地方👍🏻服務也很好，會主動詢問食物合適與否，真沒想到這個價錢會有這種服務是日沙律和蒜蓉包沙律份量十足，清新爽甜，加上煙肉碎和麵包粒，味道可口蒜蓉包外脆內軟架，蒜蓉牛油味濃黑松露蘑菇忌廉湯 +$10湯有黑松露香味，蘑菇味濃郁鐵板黑椒汁肉眼扒及大蝦配薯菜 $106肉眼扒份量大，重肉味，肉質嫩身，火喉剛好，軟硬適中，有淡淡的鹽鹹味和胡椒味，配合黑椒味，更升一個層次開邊大蝦肉質彈牙，十分新鮮鮮甜配菜是粗身薯條，薯條份量很足，性價比很高！鋪天薯條配醬燒豬仔骨半條 $136雖然是半條，但份量都很多，有六件豬仔骨豬仔骨皮薄鬆化，肉質軟腍但又沒有充滿鬆肉粉的感覺，而且濕度剛剛好，只需輕輕一切就能輕易地骨肉分離豬仔骨烤得十分入味，面層帶點焦香帶點香脆感，甜燒烤醬味香濃好入味而不膩舖天薯條沾滿芝士、肉醬、燒汁，非常邪惡惹

今日同老公加阿囡嚟到這間好得意的餐廳食午餐，在柴灣戲院附近。在餐廳外放了4隻鸚鵡，有藍色有彩色，仲要每隻都寫明姓名、個性、長處，好特別！阿囡見到佢哋好興奮好開心在餐廳門口位置更設立了玩具區域，可以讓小朋友玩遊戲、玩具，讓家長可以慢慢食嘢，小朋友可以玩得開心服務員好細心，主動提供BB椅子及顏色筆同填色紙，阿囡好開心咁畫畫環境都幾大，好光猛，幾舒服；服務都好好，友善又勤快我同老公點了2個假日午餐，在點餐區點完餐會送到枱上，都幾方便。點了法式紅酒雜菜燴牛尾同鐵板黑椒汁肉眼扒配薯菜，加2杯飲品（法式紅酒雜菜燴牛尾）都好大碟，熱辣辣上枱；好多汁，配飯就最好！雜菜有紅蘿蔔、豆角、翠肉瓜等等，平均菜肉的比例；牛尾好入味又軟腍，一啲都唔羶，唔錯！（鐵板肉眼扒）老公點了這個扒，份量也是不少的，加了黑椒汁好香好熱，牛扒口感正又大件，薯條粗身外脆內軟，也有薯仔蓉，老公另加了$10，可以有意粉，黑椒汁好香濃，配意粉一流

難得朋友放假，決定去吃午餐聚聚舊，之前來過這一家，覺得挺不錯的，這次再encore。我們點了午市E, F 餐，分別是鐵板黑椒汁肉眼扒配薯菜，香煎挪威三文魚柳配豬扒配薯蓉，都包一杯熱飲。首先來的是肉眼扒，然後很快三文魚柳也來了，我們分別切了一半給對方，這樣就可以吃到三種不同種類的肉。肉眼扒很大塊，倒入黑椒汁後，黑椒味撲鼻而來，肉眼扒有牛肉味，軟硬適中，另外薯條份量很足；豬扒挺大塊且厚，約有一吋厚，煎得很嫩，不會過老，沒有雪藏味；三文魚柳也很厚，魚皮煎得挺香脆，配菜有沙律菜🥙，西蘭花🥦，翠玉瓜，紅蘿蔔🥕，營養均衡，另外2球的薯蓉很幼滑，很飽肚。當天人不多，可以慢慢吃，坐久一點也不怕尷尬，不好意思。角落的擺設，佈置得很有特色，很可愛。

又係柴灣食飯，今次就揀咗戲院隔離既餐廳。成個環境都幾舒服，所以都食過幾次。薯仔屋係採取去收銀處點餐，好容易做到分單。免去大班人找贖既煩惱有上幾次既經驗，所以食開都係burger/鋸扒多。由於意粉同飯既份量都算比較細，所以今次都係食牛肉burger($74)跟薯條。Burger個包會烘到個面好脆而且又有鬆軟感配埋入面既牛肉漢堡，蕃茄同其他既配料就好juicy。食落去一啲都唔乾身，薯條佢就淋咗芝士醬，芝士醬唔膩入面仲有啲燒汁。不過就會令到薯條淋咗。但杯咖啡就一般貨色最後食每一個餐都可以儲到一個印仔，儲夠8個就可以減$50。好啱一班同事一齊食再一齊儲印仔。

睇完🎬時間尚早 仲有時間食晚餐就去左後面一間特色西餐入面除左有得食仲有得玩tim 有夾公仔機🐻仲養左幾隻鸚鵡🦜✨舖天薯條配醬燒豬仔骨（半條$136）舖天原來係芝士肉醬黎😲同薯條勁夾又脆又好食豬仔骨又唔硬好好切兩個人食都分到每人三舊仲要加左沙律菜同好多蘿蔔同翠肉瓜夠晒健康啦😆✨鐵板黑椒汁肉眼扒配薯菜$102本身包野飲又包沙律同蒜蓉包蒜蓉包外脆內軟架🥺肉骨扒唔會硬到痴牙又唔會好淋 軟硬適中最緊要夠大件👍🏾岩晒肉女既我🫢

平時去睇戲都要係附近搵定地方開餐，今次去柴灣 Cinema City 睇戲就可以免去呢一個煩惱餐廳係聯同電影院 Cimena City 開設的電影主題 Cafe，除左可以帶小食及啤酒入戲院一邊欣賞電影，一邊享受美食，仲可以坐底慢慢食，真係超方便餐廳裝修擺設都同電影有關，有電影菲林燈飾，Q版的薯仔電影角色牆及 figure 飾櫃，真係充滿特色食物主要提供西式小食、沙律、薄餅、漢堡、精選扒餐及兒童餐，款式選擇多，真係一個睇戲前後又方便既地方食品方面:黑松露蘑菇忌廉湯 : 有黑松露香味，蘑菇味濃郁既忌廉湯是日前菜 : 前菜係三文魚凱撒沙律加香脆蒜蓉包，份量十足，非常豐富美國安格斯牛肉雙層芝士蘑菇汁漢堡配薯條 : 安格斯牛肉漢堡煎得剛剛好，有肉味又 Juicy ，配上雙層芝士、蕃茄、雜菜底及爆滿的蘑菇汁，口感豐富另外配上沾滿芝士的鋪天薯條，非常惹味香煎美國西冷牛扒配鋪天薯條 : 西冷牛扒選擇左五成熟，火喉剛剛好，，再加上玫瑰岩鹽及胡椒，更能帶出肉質的味道，另外配菜係雜菜及鋪天薯條，薯條沾滿芝士醬，非常邪惡黑牛 : 細細個就好鐘意飲，餐廳仲要係用軟雪糕，雪糕加汽水係非常有回憶的懷舊特飲

約左朋友嚟柴灣 Cinema City 睇戲，入場前先去隔離嗰間「薯仔屋電影餐廳」醫肚。餐廳以電影為主題，店內裝潢別緻，設有投射螢幕、夾公仔機、親子兒童閣等，環境舒適，氣氛輕鬆，予人悠閑寫意之感。點左兩個餐，鋪天薯條配醬燒豬仔骨半條 ($136) 同 香煎紐西蘭香草羊架配香滑薯蓉 ($206)。常餐 +$5 配有是日沙律同蒜蓉包，蒜蓉包烘得很香脆，沙律菜清新爽甜，三文魚微鹹帶鮮，加上啲沙律菜面頭灑左好多煙肉碎同麵包粒，令味道更加可口。豬仔骨極之鬆化，皮薄又帶香脆感，而且最重要係只需輕輕一切就能輕易地骨肉分離，實屬難得。薯條熱辣辣，面頭加左燒汁、肉醬同芝士，醬汁超濃香，惹味得嚟又唔膩口，同薯條好夾。羊架有 4 件，份量十足。點左 7 成熟，外層煎得啱啱好，帶少少微焦，內裡質感嫩滑，彈牙又富肉汁，味道香而不羶。伴吃嘅薯蓉水準亦唔錯，質地好幼滑，充滿奶香。另外用半價點左兩杯特飲，柚氣迫人 (+$18) 同 雜果賓治 (+$18)，前者原來係柚子+雪碧，入口味道酸酸甜甜，超 fresh，好醒胃；而杯雜果賓治嘅賣相亦很吸引，鮮豔奪目。臨走發現原來餐廳已經推出左 Christmas Set，另外亦

呢排政義迴廊咁hit😍約咗朋友喺柴灣收工睇第二次🤘🏻原來電影院隔離仲有一間餐廳相連住，睇過餐牌價錢相當平民化，一於試吓！今次我哋點左一份安格斯雙層芝士漢堡同西冷牛扒配薯條。首先來既沙律的確好大份仲配上脆口蒜蓉多士，其次飲品都不錯👍🏻主食方面，牛肉漢堡睇得出非常抵食大件！香濃芝士厚牛肉漢堡扒，肉汁多而且佢呢個漢堡醬汁調得好好😍西冷扒不得不讚！亦都係大大件食得出好有牛肉味，唔似部份茶餐廳雪藏好耐或者梳打粉那個嗰隻！服務員仲遞上我最愛嘅粉紅岩鹽，味道即刻加分！ 不得不提嘅就係佢呢度嘅薯條，條條好粗大好足料！而且脆卜卜，就連配菜都有驚喜！推介入場/ 收場之後方便黎食下！而家訂埋聖誕到會仲有優惠～

為咗就朋友收工方便，今次走到柴灣睇戲食飯，時間關係就試下呢間薯仔屋電影餐廳。餐廳內有d 90年代電影院味道，暖黃色既燈光，配上有啲年代感既歌曲🎶🎵雖然半自助式落餐，但店員都好有禮貌，重好友善幫手👍🏻首先有三文魚凱撒沙律配法包多士，多士香脆、三文魚同沙律菜都勁新鮮🥗之後係忌廉湯，暖暖肚。美國穀飼西冷牛扒配舖天薯條，牛扒好食有肉味，煎得啱啱好，唔會靭，重有dd肥，好食之餘重好大塊，坐8望10安士。另外重配有餐廳賣點焗薯條，呢個配芝士醬，令人食唔停口，其次重有沙律菜，唔洗擔心唔夠纖維。醬燒豬仔骨配舖天薯條，豬肋骨半份有4條骨之多，焗完唔干但又唔會太「淋」到散、而且好入味，重好熱辣辣保持到溫度😪同樣有沙律菜，重有另一款薯條，呢個係蕃茄肉醬，比較開胃，同芝士醬比，我都係鍾意後者多啲😁最後一杯凍Mocha，十分打卡able，特多cream再加朱古力醬，好彩咖啡本身唔甜，中和返啱啱好～

星期日同屋企人睇完戲，就嚟到位於戲院旁邊嘅薯仔屋電影餐廳食個午餐。餐廳環境以電影主題佈置，陳列左不同嘅模型，色彩繽紛，而且更有夾公仔機、玩具區域同埋仲養咗鸚鵡，啱晒一家大細用餐。食物款式選擇多，而且價錢親民香煎虎蝦蟹肉龍蝦汁扁意粉份量都幾多，扁意粉軟硬適中，而且掛汁，虎蝦新鮮爽彈，煎得啱啱好。鋪天薯條配醬燒豬仔骨(半條)豬仔骨烤得鬆軟入味，面層帶點焦香，燒烤醬甜度剛好, 肉質軟腍惹味。薯條係粗薯條，炸得香脆，薯仔味都幾重，配埋芝士醬同肉醬，味道好夾，食落香口。西班牙雪糕咖啡軟雪糕口感軟滑，牛奶味道濃郁，另外西班牙咖啡香濃，唔會好甜，加埋雪糕岩岩好，咖哩飲落更滑。黑牛依家好少地方有黑牛飲，係細個好中意既飲品之一，雪糕配可樂一流

今日同男朋友去咗薯仔屋電影餐廳食飯凱撒沙律凱撒沙律一上枱，簡直令人眼前一亮，因為除咗佢本身嘅麵包碎之外，上面仲放咗一塊大大塊嘅蒜蓉包，一咬落去充滿蒜蓉牛油嘅香味，雖然罪惡，對於鍾意carbohydrates的我，實在係魔鬼式。軟殼蟹配煙肉蘆筍卷意大利麵隻軟殼蟹足有我半塊面咁大，仲要原隻上，老闆真係不計成本!個sauce完全唔油膩，但又完全可以做到掛汁嘅現象，意粉係al dente，一路食一路充滿香草同埋紫洋蔥嘅香味，簡直魅力沒法擋！鐵板黑椒肉眼扒&虎蝦配薯菜一上主菜, 見到燒至紅紅火熱既鐵板,放上大量薯條,薯菜墊底,上層放著一隻超大虎蝦熱辣辣,霧煙的牛扒好吸引切開肉眼,一陣牛肉香及黑椒香味撲鼻而來 影完相再食都仍然好嫩滑有肉汁,牛扒厚切,肉味夠濃郁,加埋極香既黑椒汁 至於虎蝦蝦肉彈牙, 薯條嘅份量亦都好多西班牙咖啡雪糕至於西班牙雪糕咖啡,將呍呢嗱味意式雪糕溝埋特濃咖啡度, 雪糕有奶香味, 飲落好順滑，啡奶既比例好好蜜桃威尼斯由於小編今日已經飲咗咖啡啦，所以就試吓蜜桃威尼斯，佢係有氣蜜桃汁，再加上軟雪糕，蜜桃汁飲落就知係日本有氣蜜桃汁，佢既係飲品又係甜品，一次滿足兩個願望!

牛扒沒有問幾成熟 非常銀 很難吃餐湯就像罐頭湯朱古力飲料像一杯糖水 很難飲魷魚絲非常幼就像一條絲一般可取的是服務態度良好但是食物一點質素也沒有價錢亦不是特別便宜還要自己到櫃檯落單

約左朋友柴灣行山，但佢中午有嘢做，自己一個冇嘢做，決定explore 下柴灣地鐵站🚉附近有咩食，行行下發現左呢間好得意既餐廳：薯仔屋電影餐廳(⁎⁍̴̛ᴗ⁍̴̛⁎)餐廳喺柴灣cinema city 隔離，相信好多人睇戲前後都會喺度食下野，餐廳用電影做主題，好多佈置都同電影有關係，仲設有兒童玩樂區域、桌遊／漫畫角落，好啱我家大細！ 🎮🕹我叫左：牛肉煙肉漢堡$82 另外加錢叫咗頭盤沙律，同埋蒜蓉包 +$5 凍檸茶+$3 total $90個漢堡包🍔好有驚喜，拎上手，發現個包皮係暖笠笠！ 麵包邊邊好香脆，但入面仲係鬆軟嘅！ 牛肉同煙肉唔會太油膩，牛肉仲食到有肉汁，而且唔係薄切切(≧∇≦)成個看到口感好豐富，材料仲有蕃茄同埋芝士，配上蘑菇醬汁，成個包都好惹味juicy ！ 套餐本身可以揀沙律或者薯條，我揀咗薯條，後尾發現原來加$5嘅頭盤沙律同套餐嘅沙律一樣～ 薯條炸到好香，仲食到少少薯仔味，不過沙律我就麻麻哋，因為我個人唔鍾意食有好多醬汁嘅水果沙律🥹太邪惡太肥啦！蒜蓉包成個都焗到好香脆，食到蒜蓉味👍🏻整體黎講幾好，坐得舒服。價錢唔太貴，如果揀食意粉嗰啲仲抵！ 臨走時仲發現門口放左幾隻雀仔？鸚鵡🦜？ 🤣🤣

地鐵🚇 #港島線尾站 #柴灣揾食 🍽一家四口坐低食個 TEA，Order 左3個下午茶餐🌈至尊香脆大雞脾伴舖天薯條及沙律 + 🌈西班牙雪糕咖啡大雞脾炸到好香好脆，不過再大隻少少就正啦!薯條金黃卜卜脆，配埋芝士超邪惡沙律味道偏甜，岩我。咖啡味唔夠濃，而且味道稍為甜左少少🌈美式焗薯 (香葱煙肉) 伴沙律 + 🌈水蜜桃雜焗薯熱辣辣，不過煙肉就唔係太夠🌈薯仔屋薄餅 (超級風味) + 🌈水蜜威尼斯PIZZA 係薄身底，如果係厚批應該會更加好食雪糕好香牛奶味配上水蜜桃梳打好夾單點 🌈特色珍寶熱狗生菜蕃茄好新鮮，珍寶熱狗加埋茄汁同芥辣醬，一啖咬落好滿足💥薯仔屋電影餐廳 (柴灣)柴灣柴灣道333號永利中心地下J舖B單位

話說今日特登嚟新桂香買叉燒外賣。之後想搵間餐廳食午餐。喺OpenRice彈出嚟就係呢間餐廳叫咗個熱門肉眼午餐同埋千層麵呢間餐廳都幾搞笑。原來要出去付款。員工都好有禮貌。埋單$221首先講吓杯飲品。飲品正常沒有問題。但係份量真係少得少得濟牛扒完全不好味。黑椒汁完全沒有黑椒味。薯條就正常脆卜卜。千層麵新鮮熱辣整出嚟。$100都差唔多。相反牛扒餐就唔值得一食如果真係叫嘢飲可以建議少冰。因為個杯真係好細。牛扒餐建議不要食。因為呢個價錢唔值得