薩莉亞意式餐廳 (Smithfield Walk)

中学时期最中意去就系萨莉亚，因为又平又好味，又可以同时满足食意粉同披萨既欲望。中学毕咗业到大学就一直无机会食返萨莉亚。时隔4年终于同朋友食返一转，感觉同以前无咩分别，无论系食物质素，价格，环境，还是卫生等。个服务系十分好，甜品2分钟出，面8分钟，披萨15分钟。个52蚊甜虾意粉一如既往唔抵，都系要叫30蚊肉酱意粉先好。个三倍水牛芝士披萨就中规中矩，同dough bros差唔多，但系38蚊有良心。个20蚊tiramisu就有d唔抵，一啖就可以食晒，味道算中下，最多值15蚊。个环境都几好，就系座位有d细。但系我有合理原因怀疑个洗碗工比人压榨，因为个餐具真系污糟到想呕…Read More

平日下午四点几，系时候食下午茶，counter冇人，再行入啲先知唯一（二？）的侍应在里边，好彩没有在外面等。第一个叫的意大利饭来得足够快，食到一半见仲有胃口就叫咗个鸡翼，结果食晒个饭，鸡翼都未到，炸个鸡翼要15分钟🙄鸡翼食咗两只又想食甜品，呢次唔觉唔觉就等咗半粒钟，唔揾侍应追单甜品唔来🙄🙄🙄 侍应话甜品准备时间只需5分钟，其他食物大约15分钟。大家唔好学我儍等，楼面唔忙就按时追单喇！总体而言，环境几好，抵食，侍应友善，但出食物速度需要加强。…Read More

萨利亚就大家都陌生，成日想平平地试多啲嘢就心思思去食🤪原来更新咗手机点餐，都几好几方便😆💬 香草牛油焗田螺依个真系每次都叫，最喜欢用佢嘅牛油同香草，配上蒜蓉包就一流！！（我私心钟意跟菠菜食-其实少怪😂😅回头食: ⓨⓔⓢ💬 香焗芝士意大利云吞之前一直想试，一直都冇货，今日终于试到了🤭 芝士馅不过不失，但外皮就有点厚，我就唔太钟意喇🫠🫠回头食: ⓝⓞ💬野菌忌廉粗管面野菌份量唔少🤪都有唔同嘅菇 我喜欢！粗管面亦软硬合适，不过汁就可以更多，建议再多啲芝士粉食会更好味！！依个质素依个价钱都合理！！🫰回头食: ⓨⓔⓢ❤️萨莉亚意式餐厅 (Smithfield Walk)❤️西环坚尼地城士美菲路45-51号Smithfield WalkLG楼14号舖❤️2261 0720…Read More

同伴向我提议：不如去食萨利亚。「食物价钱相宜，打开餐牌，钟意食乜叫乜，感觉很爽的。」好，好呀。不是放题，但有食放题那份无拘无束、甚至带点任性。毕竟我未做到「点餐不需看价钱」的财务自由，也可在这价钱贴地的日式洋食连锁店，一试那份滋味。时间还早，一到达位于小型商场地库的店舖门口，就有店员安排了座位，总算避过了之后出现的人潮和等位时间。用餐区不算大，想坐到未有顾客的地方，店员婉拒了，说人手不够，那边不开。那可问题大了，餐厅薄利多销的经营策略 (这样的价位，不靠翻枱快，又可以靠甚么？)，被人手安排打乱了；「有得睇，冇得食」，不单是店外眼巴巴看著有枱却入不了座的顾客，还包括没法发挥营运潜能的经营者。赶快点餐，免得人多要等上菜。打开餐牌，哗，真系抵到呢！Pizza三十蚊有交易，外面专做外带的Pizza店，这价钱连一片都买不到！热蔬菜是粉面店油菜的售价，最「贵」的羊鞍也不过是$78，而且是每客三件，天呀！而饮品吧也不用全枱叫，对顾客的信任真是举世难求！餐点很快就开始陆续送到，冷盘上菜快完全不意外，相信热盘也是放入焗炉等烹煮装置，不经人手，可以减省备餐时间。眼见菜式的份量和卖相都相当「标准」，相信日式企业的SOP在此也有效执行：无意外，但亦无失望。今天的主角 - 羊鞍焗炉烧出场！单据上已把事实和盘托出：是用焗炉「烧」的，不知焗炉内有没有明火？反正眼前的熟而不焦就是了。回想烧肉放题店「自烧自受」的那片羊架，被火烧到一整面金黄色的，鄙人甚至觉得有点焦才好吃。不过在这里，「快」和「安全」(我是指不会被客人投诉「烧㶶咗㖞，换过」) 是王道，明嘅。同伴没有点饮品吧，只有我在喝，乖乖地，一个人喝。最后一道菜，就是「菜」，姗姗来迟了。难道真的因为要落镬炒，所以需时较久？这顿饭，我俩可谓是想食乜叫乜，而且避开淀粉质菜式 (饱肚又便宜的意粉、薄饼⋯顾虑到这些食品对血糖水平的冲击，低于对荷包的「保护」)，「生酮」得很，每位却才一百块多一点。我说「闭眼」，不是说「冇眼睇」，而是有「阖埋眼」点餐的自由和豪气。真系几爽㗎！…Read More

去开西环做义工就去咗附近食嘢萨莉亚出名够平，而且都几近义工中心就去咗食今次系第二次食萨莉亚去到即刻有位，唔驶等装修唔错，环境都几阔落试咗几款嘢食包括两款意粉、两个Pizza同埋一个饭另外仲有蒜蓉包分量唔算好多，如果5个人share食就未必会好饱明太子意粉有啲虾同埋鱿鱼调味唔算好重，味道一般自己觉得鸡肉管长通粉好食啲意粉加埋鸡肉几好食，不过就相对偏咸Pizza感觉上系用咗彼得包做饼皮相对偏厚两只味比较之下钟意粟米多啲未试过甜嘅配搭，都几特别以呢个价钱来讲算系咁意大利饭唔算好惊喜有少少蘑菇同埋芝士不过胜在唔腻整体不过不失虽然平但食物质素一般不过以佢嘅价钱来讲真系几抵平均每个人都系30几蚊间唔中食下都OK…Read More