薩莉亞意式餐廳 (大本型)

薩利亞不時聽人地講又話好污糟、又垃圾、又咩老鼠頭、又話咩預製菜，咁我就一試到底係衰到咩地步。我地冇嘢多就係人多，我地一行4人嚟到油塘比較多人嘅分店，就睇下佢嘅質素如何，最後又有冇肚屙收場呢？我地點咗《青醬鮮蝦西蘭花意粉》、《香焗白汁波菜》、《意式瘋狂水煮魚》、《原味雞翼》、《肉醬多利亞》、《黑椒蜆肉煮》、《青醬煙三文魚配西蘭花》、《鮮蝦冷盤》、《歐陸風烤香腸》、《三倍水牛芝士薄餅》、《開心果冰雪蛋糕》、〈比利時朱古力千層蛋糕》、《天使蛋糕》、《壼裝葡萄酒》、《Pinot Chardonnay Don Raffaele》同《Lambrusco Rosato Dolce》。《青醬鮮蝦西蘭花意粉》，只係一個35蚊嘅意粉，我食過啲百幾蚊都係呢種味，完全顛覆我嘅想法，就算係薩利亞都做到高級餐廳嘅質素。要彈嘅咪就係「冇擺盆」🤣。《香焗白汁波菜》，我完全難以相信呢個只係$20蚊！好creamy，冇諗到波菜可以咁整，又係完全顛覆咗我嘅想像。《意式瘋狂水煮魚》，我係聽到隔離枱講水煮魚，我仲吓咗聲「水煮魚？」，我睇番menu，原來係西式，我見到二話不說要點佢，味道係好正，有點帶酸味但又令人開胃嘅菜式。《原味雞翼》，佢嘅雞翼相信係我食過最好食嘅雞翼，一嚟唔算細隻，二嚟好入味，我唔知佢用咩醃，但個味道係非常正，正到我幾乎想買佢個冰鮮雞翼。《肉醬多利亞》，我一向都討厭肉醬，但佢個肉醬又偏偏出奇地好食。《黑椒蜆肉煮》，味道算係正常嘢，但略嫌有少少乾。《青醬煙三文魚配西蘭花》，呢個對我嚟講好一般，甚至可以話唔好食，連我咁鍾意食三文魚嘅人都「咦～！」咗聲，可以唔使叫。《鮮蝦冷盤》，呢個可以用差嚟形容，冇味，一啲都唔好食，我認為要刪除佢呢個菜式。《歐陸風烤香腸》，屬於正常嘢，又講唔出有咩個人之處。《三倍水牛芝士薄餅》好香濃嘅芝士味，我想話$38蚊，超市買急凍都唔得啦。《開心果冰雪蛋糕》，濃郁嘅開心果味，完全係我想要嘅味道，聽講某啲冰鮮店有得買，要去入貨先。《比利時朱古力千層蛋糕》，好香濃嘅朱古力味，得知出面都有得買，又係可以入定貨。仲有一堆出唔到咁多相就唔講了，只係純粹分享一下呢個體驗，佢嘅嘢明知係預制，但又勁多人食，始終佢又真係平靚正，聽講話佢已經加咗價「貴咗好多」！好似我哋咁叫法就真係貴咗好多😅。對我嚟講呢度除咗美食，更加係一間好正嘅酒吧，有得食又有得飲，飲飽食醉就返屋企，最正就係咁。…查看更多

今次再訪Saizeriya，專攻上次未細評的**雞翼**，同場加映回訪**青醬意粉**，結論：雞翼絕對係MVP，意粉反而有啲失手。 **🍗 雞翼必須大讚！今次烤得恰到好處，外皮微脆，咬落肉汁鎖得住，簡單黑椒蒜鹽調味已經好夠惹味。$4蚊幾一隻，性價比完勝茶餐廳瑞士雞翼。如果硬要挑剔，可能係size偏細，但咁嘅價錢，食多兩轉都唔肉赤！ **🍝 青醬意粉上次覺得醬汁平衡，今次竟然油到反光！羅勒香依然夠，但橄欖油多到每啖都「溜」喉嚨，食到一半已經要用紙巾吸油。懷疑師傅手勢唔穩定，或者趕工無瀝清油分。建議上桌後先拌開，等多餘油分流落碟底再食。 **🍕 玉米芝士薄餅 保持水準！依然係邪惡拉絲+甜玉米爆汁組合，今次特別要求烤耐啲，邊緣芝士脆到似餅乾，正～ …查看更多

今日喺油塘試咗間餐廳，點咗青醬西蘭花牛肉意炒，真係好好味！🍝青醬味道鮮香，唔會太重，正好襯埋意粉，味道好清新。牛肉炒得剛好，嫩滑又有肉汁，配搭啲西蘭花，口感更加豐富！每一口都可以感受到蔬菜嘅清甜，整體味道平衡得好好👍🏻。意粉煮得適中，唔會黏在一起，吸收咗青醬嘅精華，食落去特別有口感！而且分量亦都唔少，真係超值！🥦總括而言，呢間餐廳嘅青醬西蘭花牛肉意炒非常值得一試，無論係味道定係價錢都好吸引，如果經過油塘，絕對要去試下！推介指數：⭐️⭐️⭐️⭐️⭐️…查看更多

昨午與友人到油塘大本型萨利亞用膳，三人共花費199元，性價比相當高。前菜的香辣雞翼外皮酥脆，醬汁香辣可口，雞肉鮮嫩多汁。蒜蓉法包烤得恰到好處，外酥內軟，蒜香四溢。意大利雜菜湯料足味濃，蔬菜新鮮爽口。主菜方面，水牛芝士Pizza餅底薄脆，芝士香濃可口，份量適中。肉醬意粉醬汁味道適中，意粉煮得軟硬適中。香煎牛油三文魚煎至外皮金黃，魚肉鮮嫩多汁，搭配的時蔬爽口開胃。香辣蜆肉意粉辣度適中，蜆肉意粉汁香味俱全。整體而言，這頓西餐的性價比極高，無論是前菜、主菜還是配菜都做得相當出色。以平實的價格便能享受到如此水準的西餐，建議避開用餐高峰期前往，以獲得更佳的用餐體驗。…查看更多

超級無語非繁忙時間去食，出面咁飛個電視冇顯示，收銀有3個人收兩組客人錢，同門口個收銀講我一位之後佢望都冇望我一眼就話去入面啦，0人帶位。然後我入去自己揀位坐低，本身個位冇menu，我舉手問佢地攞，第一個waiter經過，我咩都未講就話‘你等陣呀’，我等左陣啦，最後係自己去隔離檯攞menu。食開都知道佢地要用qr code 點餐，我睇menu都睇左一段時間，跟著我舉手問佢地攞，另外一個waiter 過嚟，聽到之後走開左，等左好耐，隔離檯遲過我入去嘅婆婆都已經收到，我都冇收到依家唔係繁忙時間…🙄我舉第三次手，有人見到 0人回應，我太嬲出咗去收銀搵店長，然後個店長話個幾位同事係新嚟 然後我就算走左。講真香港服務質素再地道都唔係咁樣啊，新嚟嘅員工唔係應該培訓好先出嚟serve客咩？同埋客人舉手回應難道唔係基本待客之道咩，唔洗培訓都應該識啦？利申真係第一次做依啲當面投訴嘅嘢，可想而知我對於佢地嘅服務態度有幾不滿…查看更多

點解明明大埔大元邨都有薩莉亞，去到大本型又係食薩莉亞呢🤣因為這次和兒子來玩耍，之後不知道吃什麼東西，只看到有酒樓、茶餐廳、中式菜館，還有日式烏冬，好似都係食返😏薩莉亞最穩陣。（幾似日本pancake house 嗰啲簡約裝潢😎）本身都完全沒有諗過去油塘，不過上那些團購網看見這兒的playhouse相當優惠，於是才會前來油塘玩耍，這也算是鼓吹了人門到油塘🥹消費哦。不過呢次等得比較耐，唔知係咪因為有啲員工喺度食緊飯，因此人手少咗，不過即叫先整，夠晒熱燙，新鮮煮起，當然好吃。知道兒子一定想吃雞翼，但是$38喺街食碟雞翼好似太過昂貴🥲於是只點了四隻，外皮帶點脆香，有點像醬油在面頭，相當可口，本身有點熱，更加好吃，我只吃了少許，😂兒子一個人也能把雞翼完成。這個新的叫傘肚，看來是有點醬汁，看文字介紹，牛傘肚其中一個胃部，😅不過質地沒有什麼特別，與其說將牛肚的質地，其實更像是碎牛腩，比較像牛肉的質地，沒有什麼特別，😀汁都幾多，是茄汁底，然之後帶少許辣味，不過廿幾三十，一試無妨。另外還是叫返平時食的肉醬多莉亞，不過現在的肉醬多莉亞，使用長方形的器皿，沒有以前圓形的器皿那麼好吃🥲不過近期吃肉醬多莉亞，感覺肉醬又乾又鞋，沒有那麼可口，另外它的牛奶成份好像都沒有那麼多，因此白汁吃海鮮上來沒有咁香，味道難免會感覺比以前差。不過雞扒亦都是即叫即弄，溫度夠晒熱，肉汁豐富，另外加點洋蔥以及蒜頭在旁邊調味，味道相當好；不過現在的薯仔粒，好像是除渣的質地，因此四面的外皮都偏向脆香，小孩咬落太過硬身，未必喜歡。…查看更多

西蘭花沒有完整一粒，剪到超碎，份量好少。菠菜都是剪碎哂薯粒又好細粒。蔬菜類的菜色非常不新鮮..素食者地獄，劣食..唔會再幫襯！！……………………………………..…查看更多

大部分分店質素都差 油塘大本型店更是。而且該分店經常人手不做 一半位置封鎖，導致經常大排長龍，顧客在外面等待。餐廳內食物質量參差，時好時壞，本人較早之前曾經在意粉內吃到牙籤，在通知職員后經過慢長的等待才有人處理問題。之所以現在才發聲是因為氣不過，因為家人經常相在此晚飯，希望大家有心理準備 等待 等待再等待。如果6點前不能入座，需要最少等待半小時。建議大家可以選擇其他油塘大本型內的餐廳，以免影響油塘餐廳形象。…查看更多

日本以連鎖中央廚房為核心的平價義大利菜風味家庭餐廳,我由細食到大今日再試神奇地覺得好低食。 多年沒食今次真係感覺到物價升了是真，以前$26 甜蝦沙律全份，現在$22蚊半份。 但我都係鍾意佢品版，多選擇🥰…查看更多

好耐冇嚟食，咁啱朋友話想食就同佢黎食下排就排得幾快，星期六20分鐘左右就排到黎到我嗌左歐陸風烤焗香腸，香辣蜆肉意粉同中華海草份量少，意粉又冇辣味，問個侍應可唔可以加翻啲辣汁侍應話係咁架啦，冇得話加汁嗰啲😅😅叫你加芝士粉就話姐，怡家連辣汁都唔架得真係驚辣汁食窮間野咁😂😂啲份量少到翻屋企要再食嘢，怡家呢間野唔再係平民餐廳了，冇左中學嗰種感覺，越黎越差一個女仔食70幾都唔飽🤷🏻‍♀️唔會再黎食了，不可一不可再…查看更多

今天有事去了油塘，又到晚飯時間，約了住在那裏的朋友一聚。我先去到大本型商場的這間薩莉亞餐廳，邊坐邊等朋友下來並點了周打海鮮湯，煙肉菠菜意粉，鐵板黑椒雞扒，菠蘿煙肉pizza。周打海鮮湯最先到來，味道質量保持一貫水準，可能今天天氣較冷，令到湯上枱時只溫而不夠熱扣了分。意粉的口感夠乾身不會過稔，有淡淡的芝士味滲在其中，菠菜和煙肉就一般水準，問題亦和湯一樣就是溫度不夠熱。黑椒雞扒的分量不算大，雞扒的黑椒味醃得不錯，因為是用鐵板上，所以沒有了湯和意粉溫度不足的弊端。Pizza亦很快到了，餅底夠薄烘得很脆口，咬落口感不錯；而且煙肉舆菠蘿味道的配搭亦十分夾。薩莉亞的品質、味道、食肆環境一貫給人有清潔整齊的感覺；唯獨像今天這樣的冷天氣時，倒真要注意食品的溫度為要。…查看更多

今日同frd行到油塘附近行山，搵到呢間餐廳覺得幾平幾適合醫肚，白汁海鮮pizza覺得唔夠入味有d淡而無味，要加好多芝士粉先可以食🫠香草牛油焗田螺就夠晒入味，幾鍾意食呢個小食，惹菌忌廉意大利飯有濃厚的忌廉味，啱晒肚餓的人食…仲有嘢飲係任飲幾抵喎…查看更多

薩莉亞歸類為頹食快餐嘅一類餐廳香港開到成行成市但同朋友講起大家最記得嘅係污糟今日店面ok清潔枱抺得乾淨轉咗QR code落單 方便咗 幾好識食一定係未坐底就即刻去自助飲品區拎杯熱水好似茶記咁洗洗啲一定有漬嘅餐具好耐無食估唔到以前一定痴立立要揀幾隻先揀到用嘅嘅金屬杯都轉埋今次無痴手 very good 野菌忌廉粗管麵 $30份量ok 味道就比較清淡落晒芝士粉都太淡啲忌廉太稀啦周打海鮮湯 $13味道ok 抵飲 入面大量魷魚粒合格有突…查看更多

Order外賣自取緊係想快，去到問話未出，（平時如果可取餐都唔更新可取餐），咁咪等下囉，之後我趕時間望下佢d外賣，發現有個外賣好似我的，我再問佢都係話無，我話你睇清楚d，原來果份外賣真係我，我頂😡…查看更多

覺得需要進步嘅地方： 1）當我哋入到去嘅時候，佢安排咗個位俾我哋坐啦。之後嗰半個鐘，佢分別叫我哋換台兩次，佢張枱仲黐納納，咁當然我叫個服務員攞塊布嚟幫我抹一抹。佢態度都幾唔耐煩嘅… 2）有幾碟嘢攞到嚟嘅時候賣相都好差，其他都還可以。正嘢：可以用一個比較平宜嘅價錢去買啲非常好味嘅嘢食，仲要非常好食👌…查看更多