薩莉亞意式餐廳 (置富第一城)

位于沙田的萨莉亚意式餐厅主打亲民价食品，这次试的是香辣蕃茄烟肉直通粉。酱汁以蕃茄为基底，加入少量辣味，味道不算浓烈但有层次，烟肉则带出咸香，与微韧的直通粉相当合拍。整体味道偏向清爽，不油不腻，适合喜欢简约风味的人。份量不算多，但以价格来说已算合理，是一款性价比不错的选择。环境：店面简洁，座位宽敞，适合轻松用餐。 价格：属于非常亲民的价位。 食物质素：味道稳定，直通粉口感有改进。 食物种类：选择多样，意粉、焗饭、前菜都有，适合多人共享。如果你喜欢微辣蕃茄酱配烟肉的组合，可以一试这款直通粉。…查看更多

好多年前喺慈云山𠮶间食过，听闻呢间分店成日都排晒队等，所以冇谂过会嚟食。今日系长假期long weekend谂住留港消费，特登带个小朋友过嚟玩，本身订咗位喺隔篱𠮶间食烧肉，点知行过见到呢间竟然有位，咁难得，梗系要入嚟试吓啦。🤣小朋友见到系扫QR code就快快手落咗佢想食嘅嘢，partner见到几十蚊有枝葡萄汽酒，竟然点咗一枝，从未谂过喺呢啲地方饮酒。餐厅职员见我哋带住个小朋友就话：「两只杯，细路冇份。」🤣🤣🤣我哋两种汤都点咗， 蘑菇忌廉汤好正，周打海鲜汤就甜咗啲。不过胜在够热。$12加配嘅蒜香法包好香好好味，但系唔够脆，有啲啲韧所以好难搣开佢。我哋叫咗两碟菜，个焗白汁菠菜啲汁偏甜，我比较钟意个西兰花，啲菜好明显系烚熟咗先炒几下，不过仍然好味，虽然有少少辣，但系小朋友都食咗好多。😂我觉得卡邦尼系意粉中嘅巨星，大人细路都啱食，呢度嘅卡邦尼最特别系有只温泉蛋，呢个意粉$40 好味兼抵食。😋😋我部手机都未有机会「先食」，已经有人攞咗一只鸡翼，唔算好juicy，不过唔系好干，算唔错。我麻麻哋钟意食蚬，不过小朋友就好钟意、$20咁抵梗系要试吓啦，味道唔错。雪糕呢样嘢真系几难抗拒（特别系小朋友）😂，$20两球，相比其他嘢食，呢个算贵。😂呢餐认真超值，坐定定，手机点餐，嘢食有人送上嚟。价钱比大型连锁快餐店平，食物味道非常不错，怪不得咁多人排队等位啦，我哋今日真系有口福。😋😋😋…查看更多

自从上次难食左，都一段时间冇黎，今日又突然想食过口瘾，贪佢唔使等位，用Apps 点了以下食物： 1. 4只原味鸡翼：香口好食，保持到肉质嫩滑。 2. 香焗白汁菠菜：白汁芝士酱够多，㶶㶶地烘得几香，可以饮汁咁济。3. 野菌鸡肉多利亚：钟意白汁捞饭，个汁反而少左，搞到有点干。 4. 明太子海鲜意粉：鱿鱼好腥唔入味，顶唔顺吐返出黎，虾都系好干，剩系个明太子汁捞意粉好食。 5. 香蒜辣汁野菌西兰花：辣汁唔多，西兰花野菌够热几好食。 见到多左人手，服务又做返好点，希望...keep到啦。…查看更多

今日嚟到沙田第一城，月尾想食平少少，萨莉亚都系个唔错嘅选择。.Menu 有好多菜式，包括汤、沙律、前菜、意粉、焗饭、pizza、肉类、甜品等等，好丰富！而且价钱几相宜，叫多几款share食都唔会肉赤。.我哋叫咗2款沙律，分别是甜虾沙律（半份）、烟三文鱼沙律（一份）前菜：黑椒蚬肉铁板煮、香烤羊肉串主菜：烟三文鱼菠菜忌廉意大利粉、莎乐美肠薄饼.甜虾沙律、烟三文鱼沙律 —生菜几爽，算新鲜，而且有好多沙律酱，好味；虾份量都几多，几爽口几鲜甜；烟三文鱼切得几厚肉，几嫩滑.黑椒蚬肉铁板煮 —份量几多，蚬肉唔韧、无沙，煮得几入味几好食.香烤羊肉串 —呢个系新菜式，好有惊喜！估唔到羊肉串烤得几嫩滑又入味，有羊味！喜欢佢将肉+肥膏隔住咁串埋一齐，一齐食个口感几正；简单用盐及黑椒调味已好好食👍🏻.烟三文鱼菠菜忌廉意大利粉 —好大碟！菠菜、烟三文鱼粒同意粉的份量都好多；菠菜忌廉汁好浓郁，做到挂汁！酱汁好香好味，但食落又唔觉「漏」，好满意👍🏻.莎乐美肠薄饼 —薄饼芝士味好浓，焗完热辣辣好香，啖啖都有拉丝；莎乐美肠都几香脆，唔算好辣.我哋2个人都食得好饱又满足！食咁多野埋单都系total $200，真系平靓正之选！👍🏻…查看更多

萨莉亚已经食过好多次，差唔多每区都有一间，甚至有啲超过两间，见好耐无食过，今晚就同老公去食，今次就拣咗第一城分店，我地大约7点左右到，2位等五张枱，等咗大约20分钟就入得（都算快）入到去用手机扫code落单，已经听到隔离枱话等咗好耐仲有几样野未到，会唔会漏咗单🫣我因为叫咗个沙律🥗无需煮，所以好快就到，到我食咗一半个沙律，老公个墨鱼汁意大利饭就到啦🦑个卖相就⋯算，（老公话分量少惊唔饱，我话咁快啲加野啦，唔知等几耐）讲番个饭先，老公话都好味同热既，等到老公差唔多食晒个饭，鸡翼同芝士焗粟米🌽嚟到啦，跟著就一路等⋯等埋加单既汉堡扒⋯继续等⋯其实有其他枱都等好耐先嚟野食同听到其他人对呢间店既服务同卫生既意见睇一睇时间原来个汉堡扒等咗半个钟仲未到😫我地唔等出去埋单顺便叫佢取消，个收银都ok既，有讲唔好意思，今餐真系好失望🤦🏻‍♀️又未够饱😔平时上菜好快架嘛，快到成枱都系，今次有食法国餐既感觉食完一道先上下一道😟…查看更多