薔紅餐廳

之前黎过一次，食落唔错，今日再食质素大下降，要左个铁版离扒个黑椒汁油到令人发止，份量ok不过火腿浓哂，长仔又变味，睇下我食完果张相，唔怪之得星期六都唔洗排队，走汁可能会好啲，反正枱面有茄汁😏侍应招呼各样都无问题既，系质素差左，睇人地写其他野好食…可能能会比多次机会试其他🤣…查看更多

之前食咗几次几好味，又抵，所以搬嚟咗大角咀再嚟食多次，今日去食发现加咗价，都冇问题，但系铁板猪扒之前食过几次都系有三块，今日你剩系得两块猪扒，问职员，佢话要等等问一问，点知见佢行嚟行去都冇问到，我哋食完啦再问佢佢话要问吓，之后先问原来系比少咗一块猪扒我哋。加咗价，仲要仲衰啲，今日去食明显比起我之前未加价去食所有嘢都差晒，之后一定唔会再去食啦之后佢宁愿去茶餐厅或大家乐大快活食，起码又唔使排队等咁耐，仲要贵咗之后所有质素冇好到 。 …查看更多

知道佢既烧鸡好出名，估唔到已经静鸡鸡开到黎奥运！位置有少少难揾，打风日去都要排一阵队，环境阔落，系觉得张枱可以大张d，因为d野食全部都大大碟！✨金牌脆皮烧鸡✨烧鸡真心十分出色，外皮香脆，入面juicy，鸡髀位滴晒汁🤤用手食最滋味，味道唔会好咸，有鸡味（无雪藏味），中意重口味既可以去调味区加唔同既香料/调味粉✨酥炸猪手 配意粉✨超大只，但都有留意到其他食客既猪手有机会系两只细只d既，略嫌猪手既肉会老少少，猪手皮厚，食落会漏d油d，所以食晒d肉就算，点洋葱汁食几惹味.意粉味道偏甜，沾满茄汁，细路仔口味既人一定好中意饮品都大大杯！…查看更多

值得一试烧春鸡🐤之前食过湾仔蔷红只烧春鸡都唔错，咁岩去奥海成行街，梗系睇下有咩新餐厅，咁就发现蔷红开左分店。一去到门口就见到好多人坐系到等位，心谂应该有排等，点知二人位唔洗点等，好快就入得。一入到去新餐厅系唔同d，整体装修环境都好美观，最紧要够冷气唔会觉得局促。坐定定睇餐牌，依家有套餐推介，一直以来我食量都几大，而呢间餐厅份量真系岩哂。落单冇耐，上餐速度都好快，值得一赞。重点黎啦，梗系要讲下只烧春鸡，大大只就不在话下，仲要热辣辣，撕开只髀过时，d汁即刻留出黎，咬落口d肉系好嫩口不会觉得硬同un ，水准依然保留到原组店味道😋😋😋…查看更多

蔷红餐厅喺大角咀奥海城二期，位置方便，环境干净企理，唔算豪华但坐得舒服。整体感觉系一间主打港式西餐同中式小菜嘅家庭式餐厅，价钱亲民，适合一家大细或者朋友聚餐。今次试咗几款菜式，以下系真心分享：酥炸脆皮牛腩：牛腩本身炆得入味，口感唔错，但炸浆偏厚，冇乜融合感，似系两样嘢夹硬凑埋，唔太夹。金牌脆皮烧鸡：皮脆肉嫩，啖啖肉又唔干，真系有惊喜，值得encore。铁板至尊牛肉眼扒：牛扒厚切，火喉控制得唔错，肉质唔算特别嫩，但都有牛味，类似Fairwood水准，唔差但唔突出。餐饮配套：送餐速度快，侍应有礼貌，唔会催你走，感觉舒服。价钱方面：以呢个地段嚟讲，算系抵食，唔使二百蚊已经可以食到三款主菜，仲有饮品，性价比高。整体嚟讲，蔷红餐厅唔系走高级路线，但胜在稳阵同抵食。唔会有太多惊喜，但亦唔会踩雷。适合想食得饱又唔想洗太多钱嘅人。烧鸡系亮点，牛腩就睇你接唔接受炸浆风格，牛扒就当系填肚之选。…查看更多