薔紅宅急便

灣仔開業多年既燒雞名店，一直都想試佢好耐，而家紅磡開分店，終於有機會試下。招牌名物燒雞半隻上，份量頗大。 本來想用刀叉，但都係放棄要落手。 燒雞熱辣辣，沿雞髀位撕開，肉汁洶湧地流出。 呢樣嘢真係要成隻落手先至可以感受到，用刀叉或者事先切開細細件就感受唔到啦。皮燒得十分香脆，因為係燒（烤？）唔係炸，仍然保持薄薄既一片，而唔會吸收油份同變厚變硬。 雞肉很嫩，又由於有豐富既肉汁，就算雞胸肉等等較為厚肉同瘦即位，都唔會乾硬。再試埋炸豬手，豬手份量超級大，一個人唔容易食晒。 整體上皮都算脆，但有部分位會炸得唔而較淋。 有趣係佢既調味係咖哩味，咖哩味幾香但食得多會有啲膩。另外，可能開咗唔係好耐既關係，雖然服務態度還好，但係落單、揀位、同取餐既流程仍有磨合同改善空間。…查看更多

金牌脆皮燒雞（$68）加茄汁意粉（+$10）加凍七喜（+$8）門口 kiosk 自助買飛（只收電子支付），然後入店內搵位，等嗌號，拎餐+餐具（有手套）。燒雞有半隻，份量足（餐牌標榜採用三斤重嘅三黃雞），賣相唔錯，金黃色嘅皮，撕開雞油同肉汁唧哂出嚟，香噴噴熱辣辣。即刻咬一啖雞髀位，皮脆肉嫩，淡淡咸香味（如果覺得唔夠味，枱面有樽淮鹽可自行添加提味），之後試埋胸位，當然無得同髀位比，但一啲都唔嚡。整體嚟講，好食，好味道，推薦。茄汁意粉，份量適中，少許茄汁味，意粉口感一般。凍七喜，其實係雪碧，高罐裝，有一杯冰底。…查看更多

星期二大約3:00叫咗兩份炸雞，上枱嗰陣時係完全唔熱，微微亂，隻雞炸起咗起碼放咗30分鐘以上，啲油已經係乾晒凍晒嗰隻，咁樣都可以上枱比客人食，跟住我同侍應講，佢攞返兩碟雞入去微波爐叮返熱，而唔係重新炸過俾我哋，呢間舖頭以炸雞聞明，但係咁樣嘅質素仲可以上枱比客人食，我唔知佢哋諗乜嘢…查看更多

今次求其喺街見到想食咩就食咩，見到下午茶幾吸引就入咗去🤣🍗 金牌脆皮燒雞 （$68）係燒到金黃色嘅雞皮🤩超脆！不過鹹咗啲雞肉調味正常，多汁‼️所以一定要連皮食🤣另外可以點泰式辣醬 / 鹽食～可以係自助櫃拎手套同濕紙巾！所以都唔洗驚好難去食，或者驚食到好污糟～不過超級辣手，大家食嘅時候要小心啲🤣🍟 薯條（跟餐+$10）超熱 超脆 超多‼️推薦推薦🤤不過平時食得唔多嘢嘅話，可能叫店員比少啲，唔好晒～🍜 沙嗲牛肉出前一丁配炒蛋多士 （下午茶餐 $38）個麵會配埋麻油，少少新奇🤣食落唔會唔夾，香咗～牛肉都好滑，唔會韌炒蛋有啲嚡🤧沙律菜可以多少少同埋牛油多士略嫌太多牛油🤣…查看更多

[薔紅宅急便].灣仔名物薔紅🌺 作為Foodie唔識會比人笑依家出左副線品牌 - 薔紅宅急便採用自助點餐機 先點餐再入座方便快捷😛😛 啱唒香港人🇭🇰唔怪得開到周圍都係分店😌.🌟 金牌脆皮燒雞 $68熱辣辣上枱 燒雞嘅香氣成間舖都聞到皮超級無敵脆🫣🫣一撕開勁多汁爆出嚟 仲要冒煙💨肉好嫩滑勁Juicy💦點少少鹽🧂🤏重好味有齊手套🧤濕紙巾🧻好貼心.🌟 叉燒湯天使麵配炒蛋多士 🍞叉燒肉質鮮嫩 份量又多茶記好少用天使麵 👼🍝所以呢個口感特別加分👍🏿炒蛋香滑🍳 配多士係絕配.🌟 香脆豬扒炒蛋包🐖好多料啊🤭🤭豬扒鹹香適中 仲好大塊配合炒蛋🍳，蕃茄🍅，生菜🥬等等好豐富喎😜.🌟 雪花六口西多士AKA 六件一口西多士特別在西多士上面灑上一層糖霜粉甜品作結特別完🈵.真心覺得下午茶性價比極高⬆️⬆️成間舖頭都係粉紅色🩷少女心🈵🈵.📍香港紅磡崇志街28號地舖…查看更多

嚟到佐敦，諗唔到食咩，就去咗逸東酒店嘅food court睇吓有咩食。咁啱見到薔紅裝修完開咗門啦，就走去試吓佢個香脆豬扒炒滑蛋豬仔包配肉醬意粉。漢堡包好Juicy，中間塊豬扒食落口唔柴，仲要好夠味添，中間嘅炒蛋加上芝士，仲有蕃茄，菜，最後再加上佢哋嘅秘製醬汁，食完一個包都覺得好滿足。加上佢哋嘅麵包喺大大塊嘅豬仔包包皮，食落感覺好好味呀然後佢哋嘅肉醬意粉，都好濃味呀大讚成餐飯性價比都好高如果大家去到佐敦諗唔到食咩，呢間都係一個唔錯嘅選擇之前一直都聽人哋推薦佢哋嘅雞，我下次去嘅話，要再試吓佢哋嘅雞雞…查看更多

薔紅烤雞一路都聽過佢個名 因為好多人介紹 。今日就黎試下 發現紅磡薔紅原來做緊$68 烤雞！真心勁抵呀！烤雞真係好正 皮薄肉嫩 一黎到 熱辣辣！雞皮脆脆地 一撕開雞肉 勁多汁流出 好juicy。雞肉勁滑 又入味 餐廳仲有好多其他吸引嘅野食 下次再試其他野先！…查看更多

始創店在灣仔的烤雞餐廳,平民化是這餐廳的角色,開始在其他地區有分店是食客的福祉,在紅磡的工廈寫字樓區開店,正是平民食堂,相比份量,價格一點都不貴,重點好食,雖然今次只是試了烤雞,嫩滑多汁的烤雞,加埋薯條及香水檸茶,雖然93蚊,但真的很大份很飽,旁邊有食客點其他餐點都絕不稀場,份量唔野少,很想知道點解OL,寫字樓人都可以食得晒😅😅但要提提,平民餐廳,服務自助,自助落單,自己攞餐,茶水自便,唔可以叫無服務,係服務的重點不同,午市要排隊等位,唔趕時間的自由人可以揀午市後段過來幫襯,另外值得一提,下午茶價格更吸引!呢家除了紅磡有分店,好似係元朗,佐敦都有分店,想食前搜尋一下有冇一間係你附近!…查看更多

薔紅宅急便今次要介紹一間喺紅磡崇志街有一間開咗差唔多有五個月嘅排隊王餐廳叫「薔紅宅急便」，入到餐廳入面見到人山人海，門口就有好多等著禁點餐機嘅人，呢間餐廳最出名就係金牌脆皮燒雞，幾乎每枱都會叫一隻嚟食！餐廳門口有一小級，輪椅人士如果要入去食嘅話，要自備斜板，入面大約有50張枱，只要有時間等入座嘅話，就會有啱你嘅枱坐低食啦！1.金牌脆皮燒雞$68+日本米飯$10+凍奶茶$13+羅宋湯$8（9.5/10）呢隻金牌脆皮燒雞係原隻上，一切開入面肉質流哂出嚟，佢哋係用咗三斤重嘅三黃雞，平時出面買一隻三黃雞差唔多都要接近$60，仲要係未煮，依家燒埋比你真係抵好多，咬落肉質非常嫩滑，仲可以加$10配埋日本米飯，加$8一碗羅宋湯，羅宋湯入面牛肉非常多，味道唔會太酸，只係牛肉有少少韌，飲品揀咗加$13一杯凍奶茶，奶茶好滑，茶味濃咗少少！2.香脆豬扒炒滑蛋豬仔包$30+凍紅豆冰$15（10/10）呢個香脆豬扒炒滑蛋豬仔包入面配料真係好豐富，入面有豬扒、炒滑蛋、芝士、蕃茄、生菜、酸瓜等等，飲品揀咗加$15一杯凍紅豆冰，紅豆冰冰識食一定食紅豆淋唔淋，呢間餐廳煮紅豆煮得好夠淋，無一粒紅豆係生，非常正！3.雪花六口西多士$28（10/10）呢碟有六口西多士都幾脆，入面係搽咗花生醬，整體每口西多士唔會好甜！2人總共價錢$172個人口味總評分：9.83/10   @rosefooddelivery  @take_turn_to_do_kol地址：紅磡崇志街28號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#薔紅宅急便 #紅磡好去處 #紅磡 #紅磡美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

薔紅於紅磡開近四個月，終於與朋友一起去試下。原來下午茶至5點半，5點到的我們一定不會錯過呀😂!  當然，出名的燒雞亦一定要試😍，原來最近做特價，半隻雞原價$88 ，現特價$68👍。另外，亦叫了鐵板美式雜扒。餐很快出場，原來自取的😅。雞吸晴，看了皮脆肉嫩，果真是招牌菜😋😋😋😋😋，juicy; 惟額外加的沙律就.....，最怕沙律醬一大pat 的那種，該店的正是這樣😅😅😅😅😅，朋友捱義氣啃掉。至於鐵板美式雜扒最不及格的是雞扒，既乾又柴😖。配的黑椒汁其黑椒味道亦不夠香濃，反而近似燒汁。出奇地豬扒不錯，厚身亦不硬👍。原來免費不甜的檸檬水很不錯，香👍，下次不用加$買飲品了😆。下次試下豬手和香脆豬扒滑蛋豬仔包🙋‍♀️，期待😄。…查看更多

一去到，店員叫我哋入去搵位坐住先，點知原來搵完位，要出返去舖頭出邊嗰部點餐機嗰度點餐比完錢再入返去舖頭等叫籌號。 咁點解唔直接比張QR code人哋用電話落單呢？呢樣野已經令人感覺好奇怪。等到叫籌號又要自己出去捧餐同拎餐具，總共叫咗脆皮牛腩，豬手同埋燒雞。牛腩同豬手都有啲乾，係個燒雞都還可以幾嫩滑。不過價錢都唔算平，$88半隻雞跟一份主食。嘢飲同湯都要額外加錢買，加咗$8要個羅宋湯。羅宋湯都幾大碗質素正常。不過$88都唔跟湯同嘢飲，服務又係得快餐店嘅質素，總而言之，試過就算。…查看更多

黑色燒雞 又濃 未食過咁差 成隻燒到黑色 過哂火 冇下次 垃圾 外賣就可以咁？都忍唔住開番個陳年A/C黎出post 真係衰到冇人有 建議要食既都堂食 可以即換 D垃圾頭頭尾尾下欄比哂外買 …查看更多

紅磡薔紅， 一路食開灣仔總店都幾好，見紅磡開左分店就想試試。剛開時68蚊優惠無了，點單等5至10分鐘就有得食。個樣幾靚，皮夠脆，本來有點期望，但食落同灣仔總店爭d，感覺調味爭少少，又唔夠灣仔嘅嫩滑，不過整體算合格嘅。跟餐意粉直頭係難食，灣仔個意粉本來係我必點的。見好似無黑椒豬手，下次可能試埋個炸豬手，雞就未必了…查看更多

見紅磡開咗就去試吓，自助排隊買飛時見到必食推介鐵板至尊牛肉眼扒，反正灣仔就成日食燒雞，一於試新嘢，取餐後坐低試吓點樣係必食推介，首先張相明明鐵板上兼有隻蛋，但冇囉，而且不是一塊完整嘅牛肉眼，一嚿嚿咁，切落去生嘅兼且係微暖，食幾啖已經放棄，一句講晒，不會再食鐵板至尊牛肉眼扒，都係食番燒雞算把啦😫…查看更多

10年前開始食灣仔薔紅，雖然由HKD68吃到現在HKD88, 質素也有所下降，依然不改它是我心目中性價比超高的燒雞之一。知道它開來紅磡，當然要來賀一賀。不料經營一改茶餐廳模式，一定要在門口點餐機點餐，等叫號自己取餐。也罷，點餐機卻連著一部很小的pos,幾個客人之後就沒紙了，連付款也做不到。 大家樂的表面，卻又做不到大家樂的精粹。8時半last order入座，很快我那不熱的脆皮牛腩就吃完了。一直等到8點55燒雞才上來。很大一隻，不是灣仔的春雞。還幸是薔紅水準，新鮮出爐，皮脆脾滑。惜9點關門，不可以太遲來吃哦。…查看更多