薄荷葉泰國菜

講真！第一次喺OpenRice寫Review，係難食到覺得要寫Review，仲要有一個女服務員服務態度勁差，價錢唔值得已經算數，我哋四個人去食，真係難食我哋食咗幾啖，最記得就係嗰個薄餅，個薄餅都系叫貨焗翻熱嘅食物啫，都可以做到咁差，結果全部擺返晒喺度，跟住要再去食麥當勞🥲🥲其實我想講，幾個朋友去真係想搵間好嘅餐廳食吓嘢傾吓偈，見環境唔錯啦，所以真係去左，但係食物質素就真係令到你以後都唔會想再去呢間餐廳！…查看更多

🌿環境唔錯，店舖好有氣氛！一班朋友食得好開心！🍽️食物ok,尤其是招牌火焰燒雞和酸子炸豬手送啤酒一流🛎️服務員態度好好，上菜都好快💰價格OK唔會太貴⭐️餐廳有自家農莊,可以確保食材新鮮有質素和符合環保!…查看更多

今日又去咗朗天苑探路，最開心係原來直穿出嚟有咁多美食🙂但係兩條靚仔話好攰，我哋上次食茶座，先至見到斜對面酒吧嘅餐廳都好平，諗住去嗰度食啦～點知佢執笠啊😭😭😭咁我哋就行返嚟後邊又啱佢哋食嘅咖喱飯食物豬頸肉炒金邊粉我覺得呢個都幾好食呀～金邊粉好爽口彈牙！不過份量好似少咗啲，但係佢好似50幾蚊，性價比算係高。咖喱豬扒麵哥哥仔絕對係一個面王😂次次都食麵，佢呢度嘅咖哩似係馬莎文咖哩，好好食牛油雞扒飯唔知點解細佬會嗌咗呢一個，可能喺圖睇佢係唔辣嘅一個餸…查看更多

出post要80字咁煩 咁我唯有慢慢打字啦 午餐L肉碎湯金邊粉 個湯好油但無任何味道 金邊粉成舊上未散既 我第一次叫左唔想食 浪費食物 因為真係好難食 野飲石榴汁都係無味的 搞唔掂…查看更多

一年以前食過好食，昨晚帶朋友去食，以前好滿好多人，昨晚得一枱客，個待應態度好差，我話唔飲酒比杯熱水話無喎！食物質素大不如前，蝦唔新鮮🥲，個湯好多油無咩料，生菜包肉碎唔新鮮又多肥。中晒伏，唔會再去！…查看更多

之前試過呢一間嘅晚餐，覺得都唔錯，今日行過見到而家做埋午市，就入去一試，中午12點到達，不用等位，約七成滿，坐門口可以帶埋狗仔一齊，不過就要忍受附近食客食煙的問題！午餐餐牌大約有10款選擇，肉碎煎蛋飯、豬頸肉飯、蔥油豬扒飯、奶油雞翼飯等等⋯⋯配埋嘢飲，都係$48一份，好抵食！今日試咗泰式肉碎煎蛋飯（走辣），份量一般，但肉碎略嫌太鹹，味道一般，不過不失，飲品選擇了荔枝烏龍茶，味道亦比較淡。總括而言，食過一次都未必會再去試第二次，感覺一般！…查看更多

昨天晚上，去了食一個快閃晚餐，食了燒蠔，炸蠔和泰式金邊粉。三款食物味道屬中等，不過不失，燒蠔溫度不夠。凌晨時發覺胃和肚很痛，心知不妙，晚上痾嘔肚痛……第二朝才叫好一點…查看更多

有露天位 入面又裝修到成間bar咁都幾有氣氛 夜晚應該係bar黎午餐唔係好多選擇 但都幾抵食有肉碎蛋飯、炒金邊粉、豬頸肉飯炒飯、咖喱飯等午市套餐送飲品 有菠蘿、石榴汁汽水、荔枝紅茶、蜜桃烏龍茶同埋奶茶咖啡個d 凍飲加$2叫左蜜桃烏龍茶少冰少甜正常一杯咁 少甜都係有d甜黃咖喱雞扒飯 ($48)都幾大碟 仲有幾條菜黃咖喱唔辣但都幾香 好岩送飯雞扒半煎炸咁幾香脆性價比高👍🏼…查看更多

近來在元朗發掘到一間特式的泰國餐廳，這裡的美味佳餚，實在有驚喜！入到店內，看到天花掛上民族風的燈飾，很漂亮，這裡的地方都很大，座位也很多，而且還設有室外，讓人好relax !沙爹牛串燒       $108串燒外層焦香，大大片牛肉，食起來很軟嫩，牛肉味香濃，而這裡的沙爹醬是自家秘製的醬汁超級好食，有好多花生粒，好有口感，每一啖都要點到好多沙爹醬汁先至入口，大滿足。甜柚鮮蝦沙律     $108泰式沙律清新，柚子新鮮，果肉飽滿，蝦肉爽口，加入醬汁酸甜平衡，醒神開胃，正好掃走夏季悶熱，很不錯。斑蘭咖哩牛肉      $118最喜歡這裏的咖哩只是微辣，牛肉都幾大片，肉質超嫩，帶陣陣斑蘭清香氣，雜菜煮得入味，咖哩食落好惹味，配合返香港人口味。薄餅 $55，薄餅一定要趁熱食，鬆軟香口，沾上咖哩一齊食好香，好惹味。炸雞翼        $78炸得剛好，最重要是不油膩，表面炸得脆脆的，夠香口，單骨雞翼實在食得太方便，可以一口一隻，不用慢慢拆骨，沾上泰式辣醬，有層次的味道。泰色石榴特飲       $35入口微甜帶果香，好清新，夏日炎炎最適合消暑。可樂     $25食完炸物，來一杯冰凍可樂，清涼又解膩。…查看更多

元朗有好多小店，前幾日同朋友去咗呢間薄荷葉泰國菜食晚飯。餐廳裝修好有泰國風味。佢有室外位置，如果天氣涼涼地，可以選擇坐出面outdoor chill下。⭐️黃咖哩配新鲜雞$168 ⭐️薄餅$55因為我哋唔食得辣，老闆就推介這款黄咖哩給我們。濃濃微甜咖哩加椰香汁配上大份量鲜雞件，足夠四人份量。香脆薄餅沾上咖哩汁，簡直絕配👍⭐️沙爹串燒 $108 （6串）我們點了豬肉和雞肉各半。用精美高身玻璃杯裝上大大份串燒，賣相吸引。豬和雞肉質很好，醃料是採用傳統泰式香料再加上秘製沙爹醬，香口又不辣。⭐️冬陰公湯$108冬陰公湯非常足料，有四隻大蝦。很豐富的香料和一點微辣。味道好地道、正宗。好飲👍咸魚炒芥蘭 $78新鮮芥蘭加上適中份量的香口咸魚塊，好爽口。熱柚子茶 $25甜甜微酸，加上柚子肉，清新又解喝椰青 $50椰子肉好幼滑。呢間泰國菜食物整體上都好味。下次都會再嚟幫襯。…查看更多

元朗出名多好嘢食今日收工去咗試呢間泰國餐廳裏面裝修幾特別 有少少酒吧嘅氣氛-泰式燒羊架羊架七至八成熟左右 超juicy唔會好酥但有羊既香味鍾意食羊既朋友可以一試-肉碎生菜包食泰國嘢當然唔少得生菜包呢度生菜包味道唔錯，唔會太辣肉碎大大粒比較有咬口唔會太碎-馬拉盞炒椰苗馬拉盞炒椰菜苗係最香 同朋友好快就食晒雖然紅紅地，但唔會話好辣 -青咖哩雞+薄餅最後煮食我哋揀咗青咖喱雞再配薄餅青咖喱味道好正宗同我喺泰國食嘅香料味道一樣而且呢個青咖喱就真係有啲辣醬汁好多用嚟送飯一流😻薄餅即煎脆卜卜熱辣辣 👍🏻👍🏻餐廳開得比較夜收工過嚟同三五知己傾吓偈飲下酒都唔錯見到餐牌仲有好多唔同款嘅Cocktail 下次可以再嚟試吓🫶🏻…查看更多

今日朋友聚會，約咗去元朗食呢間泰國餐廳，嚟到門口，餐廳環境佈置感覺好似置身於泰國，坐位有室內和室外，我哋梗係坐選室內啦。天氣炎熱,叫左2杯椰青和青檸梳打, 降吓温先。鮮蝦柚子沙律，酸甜爽口，柚子肉都不少，十分醒胃。黃咖喱雞味道不錯，不覺太辣，好重咖喱椰香味，選擇用新鮮雞，雞味十足。同幾塊烤餅一齊吃簡直系絕配，咖哩汁好味到可以當湯飲埋。泰式燒豬脾仔,表面有層叉燒蜜汁,食落啖啖肉,感覺Juicy,不覺乾硬,配埋泰式 酸辣醬,好味。馬拉盞炒通菜，很有鍋氣，好食。…查看更多

幾年前食過呢間元朗泰國餐廳，記得出品唔錯，今次有機會再食多次，食後感都是滿意的一餐。呢間餐廳位於元朗圖書館對面，裝修滿有特色的，也是一間酒吧式的餐廳，都是一間有Feel的餐廳，適合一班朋友食飯暢飲。薄荷青檸梳打$45味道清新，適合炎炎夏日，而且味道不太甜，是不錯的選擇。泰式冬陰功湯（細）$108這個冬陰功湯是我喜歡的口味，不太辣，帶點酸，也是開胃之選。值得一讚的是用冬陰功的用料新鮮，湯內有兩隻大蝦，都是有鮮味彈牙的鮮蝦，好味。大蝦柚子沙律$108鮮蝦配上柚子，在夏日是一個好選擇，而沙律汁較一般在泰國餐廳食到的柚子沙律汁有點不同的，若有更多柚子會更好。沙嗲串燒（豬牛雞各兩串）$108豬牛雞各有兩串，適合喜歡不同肉類的朋友。沙嗲香料調製入味十足，肉質軟嫩多汁，配上香濃的花生醬更特顯沙嗲特色。咖哩軟殼陰蟹配薄餅$218 +$55咖哩汁椰香味濃，咖哩汁與飯及溥餅都很相配，另外軟殼蟹大大件，配上咖哩汁，令人食慾大開，停唔到口😂…查看更多

#鼠尾草食飲玩 #sagefoodiehk度假👒 × 美味🔥 × 儀式感💖喺元朗劇院、圖書館附近，有一間裝修好度假風又好靚嘅泰國菜餐廳🥰。餐廳以開放式酒吧風格設計，開放式得嚟冷氣都好涼，令人感覺好放鬆😚。生蝦刺身口感爽口，配埋泰式辛香料嘅醬汁，酸酸甜甜，超級醒胃😋。廚師特色蝦醬炒飯超級吸引眼球👀！以撈起嘅形式呈現，首先剝碎特色魔鬼魚乾，再將唔同配料撈勻。一啖食落去，滿滿嘅蝦醬椒鹽、乾果魚香，各種滋味都食得到🫶🏻。馬拉盞炒通菜炒得爽口，馬拉盞調味令人不停想再食💖。炸雞翼配埋泰式雞醬都係超好食，而且有種啤酒炸皮嘅甜香味😍。連雪碧都超級有心思✨，用咗啤酒杯、整成特飲咁樣上。💰生蝦刺身($198)💰廚師特色蝦醬炒飯($138)💰馬拉盞炒通菜($78)💰炸雞翼($78)💰雪碧($25)…查看更多

[✨元朗薄荷葉泰國菜•地道泰國風情餐廳🥥]#元朗 #薄荷葉泰國菜🥢沙嗲串燒（牛、豬、雞各2串）（$108）串燒份量十足，肉質唔錯，燒得焦香香脆😊💕🥢肉碎生菜包 $108用上薄荷葉同檸檬汁調味，肉碎份量都唔少，仲要炒得好香口惹味，配埋爽脆嘅生菜一齊食，真係好正😱💯🥢什菜粉絲煲 $118足料什菜煲，粉絲份量非常多，吸滿湯汁勁好食👍🥢冬蔭功炒飯 $128海鮮有魷魚、青口、海蝦等等，食材新鮮，味道好鮮甜彈牙。冬陰功醬汁鹹鹹甜甜咁，辣度亦唔會太重，十分開胃👍❤️‍椰青 $50/each味道清甜又解渴💯————————♡♡♡♡♡♡————————✨總結餐廳室內佈置好多色彩繽紛的吊燈，加上大象的畫布同埋戶外座位，泰國風情滿滿。食物份量同味道都好出色，好適合同朋友一邊飲返杯野一邊醫肚🍻👍📍薄荷葉泰國菜🏠元朗安駿里2號怡康大廈地下12-13號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #薄荷葉泰國菜 #泰國菜…查看更多