蓮花健康素食

今日又過來食素, 因為早入座, 比安排坐四人圓枱, 望下餐牌, 有d選擇困難症🤭, 今日叫左一個椰汁南瓜荔芋, 干燒伊麵, 素乳豬件同菜脯煎蛋🥚角, 今日個壺茶唔錯, 非常有香味☺️, 之後侍應送上二碗中湯, 今日也是煲得好濃, 係粉葛粟米加豆, 清甜滋潤😋😚, 之後先送上椰汁南瓜荔芋, 聞到好香的椰汁味, 加上南瓜同芋頭其實幾夾, 入面另外有紅蘿蔔, 秀珍菇同冬菇, 但份量依款比較少😌, 查實應該送碗白飯😗, 之後送上素乳豬件, 側邊有d唐生菜再加碟乳豬醬😆, 做得非常神似, 咬落外層真係有脆口的感覺, 連味道都做得幾似乳豬質感🤭好利害, 加上生菜同乳豬醬, 食落無敢膩😘🤩, 之後再送上干燒伊麵😅, 依碟份量非常足夠, 叫左少油, 味道唔錯, 偏淡, 入面有d菇類, 食落清新爽口😍, 再之後送來菜脯煎🥚蛋角, 依個我個人最推介, 除左份量好多之外, 佢煎得好金黃色, 入面有一粒一粒的菜脯粒, 食到有少少咸味, 而且佢煎得好厚身, 所以食落去好有口感😋😚, 再之後送上二碗糖水, 今日係紫米露🥰唔太甜, 紫米勁多, 好食☺️😗…查看更多

今天來到「蓮花素食」，品嚐多款精緻素食，包括芋頭魚、叉燒、炒飯、蝦餃和粉果，最後還獲贈糖水，整體體驗令人驚喜！芋頭魚絕對是必點之選！外層炸得金黃酥脆，內裡是綿密的芋泥，口感層次豐富。雖然是素食，但造型栩栩如生，搭配微甜的醬汁，更顯滋味。叉燒的賣相幾可亂真，口感煙韌，帶有淡淡的蜜汁香氣，咬下去時甚至能感受到「肉汁」的豐富口感，令人驚歎廚師的巧思。炒飯粒粒分明，配料豐富，包括素火腿、蔬菜等，鑊氣十足，吃起來香口又不油膩，非常滿足。蝦餃和粉果同樣出色。蝦餃外皮晶瑩剔透，內餡以素蝦仁和蔬菜為主，口感清爽；粉果外皮軟糯，內餡豐富，味道鮮美。最後，店家免費贈送的糖水為這頓晚餐畫上完美句號。糖水清甜潤喉，令人心滿意足。總括而言，「蓮花素食」的菜式精緻美味，無論是素食愛好者還是初次嘗試素食的朋友，都能在這裡找到驚喜。推薦大家來品嚐！整體評分：4.5/5…查看更多

因為50人的團體預約了慈山寺下午參學，午飯便安排在大埔區的素食館，預約時負責人很貼心的了解我們的預算和期望，為我們寫了五席圍餐。到達餐廳後看到五張大圓枱，每枱坐十人也不覺迫，店內的環境裝飾和衛生良好，服務人員也很主動和友善。餸菜的份量豐富，上菜速度快，而且很合我們的口味，尤其素豚肉很惹味，蔬菜清甜，芋頭魚外脆內香，也不油膩，結果每碟也被我們光盤，大家也對這次素食體驗讚不絕口。最後，若要在大埔區找團體聚餐的素食餐廳，我會推介這家店，記得事前預約說明需要，讓餐廳能好好準備。…查看更多

1. 全程只係聽到門口果位自以為大支野既收銀阿姐大大聲不停叫其他樓面做呢樣果樣，一時又要人執檯，一時又要人拎外賣盒。客人舉手都無人理！2. 第一次遇到趕客既餐廳，個阿姐係我食緊野果時就敲我張檯，同門口等緊既客大大聲講「呢張就得啦！」，跟住其他樓面不停黎收野收2次，完全唔理人地仲未食完囉！唔夠5分鐘，個阿姐衝過黎語氣好差咁話「比返張檯我得唔得！」（利申：我訂了檯7:00，當時只是7:45）- 黑椒栗子煲： 栗子係變壞左，一陣益味- 手撕雞：完全無味，又硬- 糖醋黃花魚：味道Ok，但份量變少走果時以為出門好多人等位，點知空無一人，完全唔知趕人做乜？…查看更多

一連幾日落大雨☔️5號仲要掛咗十幾個鐘黑雨，難得多日假喺屋企附近搵食。新搬嚟附近今次試下呢間素食餐廳，感覺不錯。叫左3個餸，素湯夠足料好味椰汁南瓜香芋 夠濃味，好啱撈飯豆角肉崧煎蛋角呢個也不錯 本人喜歡吃菠蘿咕嚕玉酸酸甜甜，口感不錯！ 素湯黑雨人流唔多服務態度也很好有下次的餐廳…查看更多

第一次在大埔找素食餐廳 🥒終於試左呢間我地二人簡簡單單點左個二人晚餐有湯有三個餸仲有糖水甜品整體感覺不錯我地都全部食哂不浪費一切都剛剛好臨走時埋單仲見到有關因果既卡仔同埋經書晚上吃素感覺舒服連埋加一三百頭左右 👍🏻…查看更多

今日年初一, 最好可以就食素🩷🥦🥬, 先一, 二天打去問下有無得位👍, 店員叫我最好訂一点後, 於是訂左一点鐘三位, 得二張餐牌, 唔想食套餐😅, 叫左紅燒雞絲翅, 五柳仙斑, 海皇一品豆腐, 干燒伊麵同一碟齋鹵味, 開左一碗鐵觀音, 真係好彩訂左位, 坐滿晒客人, 不過以大檯為主, 等左一陣紅燒雞絲翅先到, 非常大碗, 好多木耳冬菇同粉絲之類, 食落唔係好熱, 不過好足料, 但感覺咸左d😆, 再之後來五柳仙斑, 都好大條, 切開充滿芋頭蓉😍, 食落熱辣辣🥰, 唔會感覺成口油😋, 再之後來齋鹵味, 70多元就唔算好大碟, 酸齋夠酸👍👍叉燒都好淋身👍, 算幾好食😅, 再之後來干燒伊麵, 依個就味道偏淡, 唔係炒到好油, 幾乾身😋👍, 有d菇有d菜😍, 再來海皇一品豆腐, 可惜無菜墊底😅, 豆腐食落夠熱亦夠滑😋, 有d仿鮑魚仿海參😁, 之後想食少少甜野, 叫左一件馬豆糕一件芝麻糕, 食落唔甜, 馬豆糕食到好香椰汁味, 芝麻糕也食到好香芝麻味, 唔會感覺成口粉, 都算唔錯, 不過年初一人多的關係, 只可以食得個半鐘, 有限時同加一服務費, 過時過節都無辦法, 遲d再去食過, 試下其他吧😉…查看更多

一直麻麻哋呢間嘢不過母親大人想食齋又去唔到遠嘅地方所以見大埔差唔多呢間做獨市生意都唯有喺呢度食嘢食貴不在話下真係樣樣都收到你盡雖然我就唔係成日食齋但我都食過好幾間未見過有齋舖焗你食前菜跟住又要收費食齋菜又好似酒樓喺度計茶位仲喺度講啲甜品前菜係送其實咪又係茶位嗰度計最離譜係八個月大小朋友都要收茶位費收得茶位甜品又俾少件糖水又俾少碗你自己都唔覺得個小朋友需要食需要飲就收乜鬼人茶位費真係好意思收仲要一路食不停極快速度上菜張枱都就嚟冇位擺啲態度就好似催你快啲食完間嘢真係極品如果佢唔係獨市生意咁應該晨早執咗…查看更多

屋企人話去食下齋今日就去左食叫左一個套餐幾豐富有成九個餸一個湯仲有糖水送每一款餸菜都幾大碟味道又唔錯同老人家食都幾好不過我地D後生食完都唔夠飽好似淨緊D嘢咁偶爾一吃也不錯…查看更多

成場都唔係爆晒場或有人等位！我都未食完，又唔問人，就收人野！收完一個話唔好收，未食完！又走黎下一個阿姐走黎收！佢地見唔到人仲食緊野架！都唔識問下人仲要唔要架！係咁差隻手黎執呢樣果樣！都見到人仲食緊吧！有冇趕成咁？？比錢時問佢下次係咪可以唔要碟酸菜，因為仲要收錢，一來我冇想食果碟野！仲要收錢！d姐姐又冇講！咁我後尾望到牌有寫12蚊碟！所以我只係問，咁下次係咪可以唔要！個阿姐答我：你唔要關我咩事，你自己唔出聲！！ 呢d職員服務態度好成咁！可能你地公司都覺得冇咩所謂啦！比錢簽卡出單出得一張！張單寫無需簽署！一來我冇講唔要單，咁你唔識用部卡機又唔識印多張出黎！唔該學下先啦大姐！我建議你地舖頭，需要再培訓下d員工！D食物就ok la,純粹附近好似冇晒素食先會間唔中幫襯下架咋！但麻煩請d會答人野既職員lo！唔知冇問題咪學lo,唔會同個客講，關我咩事呀？我黎食野仲要比你凶架？不如你張貼，唔好問野係舖頭！或者要唔要酸菜都比人地有選擇！唔係個個人都想食！…查看更多

我阿嫲喺加拿大返嚟，因為佢係食齋，所以我哋去咗食呢一間素食佢嘅食物質素非常之好店員亦都非常之親切因為我哋有話過啲嘢食可能係想得太快店員幫我哋控制咗個速度，然後我哋食得非常之開心所以建議如果食素嘅人非常之要去試一試非色素嘅人亦都可以去食，因為佢嘅食物質素非常之高…查看更多

平時都有去大埔蓮花食齋，雖然價錢比較貴，食物質素偶有失手，大致上還算可以。今日佛誕去食，失望嘅係只能叫佢哋指定菜款，平時喜歡食嘅就欠奉。雖然有送齋湯，但就同平時差天共地，齋湯無味之餘仲要好鹹，可能係湯底唔夠送師傅只有加水同鹽。叫咗一碟排骨炒河粉同炒蓮藕百合黑木耳，今次就無落鹽或者落咗好少鹽，淡而無味，水準比平時真係差得太遠，失望。最終三個人去食上面兩樣嘢，埋單要三百幾，真係唔值。所以決定以後誔期唔會去食。…查看更多

放工口痕見到買咗幾舊糕點返去屋企食。點知一咬落去就中伏。個紅豆卷塊糯米皮係硬嘅，同之前買過嘅完全唔同，唔知擺咗幾耐打電話去問。聽電話個嬸嬸堅持話啲貨係今日新鮮返，只係擺咗喺雪櫃整硬咗，話睇埋其他紅豆卷都係硬身，仲話攤返喺室溫就會正常返可以食嘗試合理化成件事，但完全唔make sense。自己都整過糯米糍，新鮮嘅糯米皮就算擺咗入雪櫃，用保鮮紙包好唔會硬到咁。完全唔夠膽再食！希望店家可以睇到呢個留言改善下，賺錢都要有良心，唔好俾啲劣質食物客人。…查看更多

門口 "收銀亞姐" 好嘈吵，吧吧閉閉，由門口 嗌到廚房咁遠，就連講電話都要大聲到要迫D客去聽佢講嘢咁。一係就要係鋪頭去 show off 一下佢點去 "指點" D員工做嘢 (佢睇嚟係唔識得 餐飲管理，只係得大聲叫)，總之個環境好嘈吵，嘈到我感到頭暈，好似隻烏蠅咁圍住你飛咁，令人食嘢食得好唔舒服。D餸雖然做得係唔錯，而且原來佢地仲有播D佛歌，但除咗你聽到 "收銀亞姐" D 呱呱叫噪音之外，根本令人無食慾，因為仲慘過係馬路邊食，希望 "收銀亞姐" 能有機會見到我喱個 comment, 痛改前非，立即收 "嗲"，放大家一馬！否則都好難再去幫襯。…查看更多

Food Review: Lotus Healthy Vegetarian - Tai PoTitle: A Wholesome Delight for the Taste BudsDishesld Cucumber Vegetarian Soup:The old cucumber vegetarian soup at Lotus Healthy Vegetarian is a delightful bowl of nourishment. The soup is made with tender chunks of old cucumber, simmered to perfection in a flavorful broth. The cucumber pieces are soft and melt in your mouth, releasing a refreshing taste with each spoonful. The broth is light yet rich in flavor, infused with aromatic herbs and spices. The combination of the tender cucumber and flavorful broth creates a comforting and rejuvenating soup that is both satisfying and soothing.Pumpkin Vegetarian "Chicken"Lotus Healthy Vegetarian's pumpkin vegetarian "chicken" is a creative and delicious alternative to traditional chicken dishes. The dish features chunks of pumpkin that have been expertly seasoned and prepared to resemble the texture and taste of chicken. The pumpkin pieces are crispy on the outside and tender on the inside, offering a delightful contrast in each bite. The seasoning enhances the natural sweetness of the pumpkin, creating a savory and satisfying flavor profile. Whether you're a vegetarian or simply looking for a healthier option, this pumpkin vegetarian "chicken" is a must-try dish that will leave you pleasantly surprised.…查看更多