夜晚带埋2老一行4人，去番我间饭堂食饭，谂住食烧肉，去到先发现佢哋夜晚转咗新餐牌，有日式火锅放题，反正我喉咙唔舒服就即管试下，我地叫咗 「花胶鸡美人锅」同埋 「冲绳黑糖猪手锅」先讲个美人锅，一上枱时个妹妹就先斟咗四杯鸡白汤俾我哋饮，哗，真系超好饮，佢介绍时有讲到只落鲜鸡&盐简单调味，对于钟意饮汤但好怕重味精嘅我系心动嘅，点知一饮真系见到真章，真系有浓郁嘅鸡味👍🏻 饮完真系无口干😲似日本食拉面𠮶种鸡白汤👍🏻饮完个汤之后，我哋正式开始食佢个锅，入面嘅鸡食得出系鲜鸡👍🏻花胶同埋啲菇，撞埋个鸡白汤，入哂味味道好夹👍🏻差唔多时间个猪手锅都上埋了，有黑糖味道但又唔会过甜，猪手都似系炆左好耐，老爷一副假牙都食到哈哈😂 味道好浓系会食上瘾老公追加左份猪手，我就麻甩婆上身，追加左份鸡子😂唔知呢度有冇女汉子都食鸡子呢哈哈至于免费任食嘅野食方面，我觉得系ok嘅，QRcode落单唔使自己走去拎嘢食👍🏻有齐安格斯牛、鲜鸡件、一啲丸类、蔬菜、熟食炸物等可以任食，食足2个钟，连埋任饮total 每位2百零蚊，我觉得就咁食个煲都抵嘅，美中不足系个煲唔够大令到后期食耐咗，煮太耐会滚泻，我有同老细反映，佢话会尽快改善🌝 大家都可以嚟试吓，我同老细订枱for庆祝母亲节时，佢话母亲节有优惠，每枱一位母亲可以免费🌝正，我会试埋佢个蚝煲，过几日再分享…Read More
