營樂餐廳

营业中

休息中

朝早入去諗住食個早餐，點知一長髮和一短髮職員在餐廳在不停大聲用一d聽唔明既語言傾談，有講有笑，本來成間餐廳係好靜的，最後食野短短20分鐘都忍唔住要戴耳塞，真係煩到頭痛。

睇openrice見咁多劣評，本身預左服務態度差，但無諗過職員落錯單，會尾落個客度，攪到一肚氣！話說今晚一行四人，叫左三個餐+一個淨餸，但職員張單打錯左淨餸做套餐，上菜時得一個餸冇跟飯和湯，所以無留意職員打錯單做套餐，後來見到張單無端端多左$16套餐錢，埋單同職員講返，佢竟然話我地食左個菜，就要收套餐錢，最多補返一碗糖水比我地，而我地根本就唔想食糖水，夾硬屈我地要。真係無良，大家去食飯要小心，職員落錯單要食客自己受！加上食物質素每況愈下，價錢牌就識不停加價，以後不會再幫襯。

呢間餐廳我成日都去, 因為鍾意佢煮嗰啲小菜係有屋企煮嘅感覺, 同埋佢都係比較sell健康同埋唔落味精, 呢樣聽落去都令我覺得會食得安心啲.同埋佢價錢都唔貴, 個餐又大份, 一定會食得飽, 佢由朝到晚都唔少人㗎, 因為我諗佢始終係喺大馬路隔離, 同埋係抵嘅. 尤其是係佢午餐啲小菜set.

營樂香蔥霸王雞午餐跟老火湯，飲落唔會好鹹，亦都有粟米嘅甜，比起其他茶記個湯無咁油。而主食一上枱個下其實有啲嚇親，因為份量真係好多😂我諗應該有半隻雞嘅份量。整體雞處理得唔錯，毛已盡量清晒。雞髀都幾嫩，但其他部位就比較乾身啲，同埋可能因為隻雞本身都有啲肥，加埋香蔥油令整體有啲過於油膩。

比目魚一如既往蒸得岩岩好雖然餐廳推出咗藤椒鱸魚，酸菜魚等等，我見都好多人食，不過我仲係鐘情於呢款清蒸比目魚屋k試過自己蒸，不過唔知係買嘅比目魚牌子問題定係自己得唔好，失敗告終(腥)表姐就鐘意呢款石鍋薑蔥廣島蠔，上檯啫啫聲㗎😆不過千萬千萬要小心手，如果碰到個石鍋就大件事啦D蠔大大隻，濃郁嘅醬汁包裹住隻蠔，薑蔥蓋過腥味，幾正晚市套餐送無味精湯水，白飯🍚或者玉米粥，是日糖水。我好懷念個海底椰腐竹白果杏仁露，不過好耐冇出啦！

10月1日晚，我打電話叫一份外賣自取菜脯肉碎煎蛋。去到門口就知大鑊！餐廳內坐滿人，餐廳外亦有人等緊。我天真地以為只係一份外賣，等15分鐘點都有。在一個熱到30度的晚上好慢地45分鐘過去，見到其他大張的外賣平台單好快咁出嚟，我知我張細單凍過水。立即同個服務好到不得了的侍應講取消張單及回水，佢好冇表情地話俾我聽要對返張單先可以俾返錢我，咁又要等多5分鐘。錢其實係其次，餐廳唔重視我這些小顧客，我也不需要再返黎受氣。

之前堂食已經見過不少員工同啲客人對駡，都知道呢間餐廳啲員工服務態度有問題，但他的食物算是家常飯，味道ok及價錢合理，所以耐不耐都會幫襯。但今日自己親身感受到他們的愛理不理態度，真係令人好反感。做前台收銀，問佢單號的外賣已經準備好未，叫個客自己喺張枱度睇，見到有就有，冇就等下，大大聲聲話自己負責收錢，唔得閒，叫啲客自己去問入面其他員工！全閒餐廳冇－個主管，各自互相推卸責任，其他食評都好多反應他們的員工態度有問題，希望他的老闆真係會正視。老實說，真心唔想再幫襯，不希望自己食到一肚氣！

位於炮台山地鐵站對面，以廣東小菜為主。午市套餐$65 一餸一飯一杯熱飲料，還送例湯。小菜都是即時炒的，味道不錯👍🏻認真抵食。野菜紅酒燴牛尾～$65牛尾炆得好琳，滿滿的骨膠原，。腰果素菜粒粒炒雞肉$60清新可口，適合注重均衡飲食嘅朋友。

今天早上去食早餐，一個店員把手上的飲品淋到我的身上，把我的外套傳到弄得很污糟，後來他給我$200話要清潔，但我說不用這麼多我會攞去乾洗，然後再把單給他計算。後來我拿到乾洗店只需$65，下午我到店中，向店長拿乾洗費$65。全程店長的態度十分惡劣，完全沒有任何抱歉的心態。真的後悔沒有拿$200。

之前間唔中都有幫襯營樂買外賣，因為夠近方便，同埋味道都唔錯。加上之前因為疫情外賣有9折，相對係抵食。（宜家無咗9折）但經過今日，係無下次！我打電話落咗order，問咗聽電話個阿姐要等幾耐，佢話10分鐘，我大概15分鐘後去拎，因為之前都有經歷早落到去要再等。去到比咗錢，見到有個外賣放咗係枱，係我叫個午餐，但餐茶就唔同，我都問咗阿姐個餐係咪我嘅，佢話唔係，要我等吓先！惡夢就嚟啦….因為今日比較凍，所以我係餐廳入面企係到等（夏天時我會係餐廳外等，唔想阻住）但有人開門入嚟都會比較涼。我等咗10分鐘，問阿姐我個餐有未，佢叫我等吓。（我見佢無幫我去廚房催過單）過5分鐘我再問，佢話佢幫我催咗單（明明無見佢同過其他人講嘢，或者去廚房個邊….）再過5分鐘，我再問，佢先叫另一個阿姐跟下張單，個阿姐話廚房無呢張單喎！（姐係本身個阿姐真係一直都無跟過我張單啦！）當我仲諗緊點好時…阿姐拎咗一直放係枱面個外賣….話我個餐應該俾其他人拎咗，叫我食呢個….我摸一摸個餐，覺得仲熱嘅，所以就拎咗去就算。真係嬲到爆！白等咗20分鐘….個阿姐一啲歉意都無，完全無講「唔好意思」…真係以後都唔會再幫襯營樂！

上次食腰果雞丁，兩樣料都碎濕濕幾失望⋯⋯今次揀西芹炒鮮蝦魷魚、焦糖薯仔牛柳粒，兩樣都足料好味。套餐只加$16，有湯、飯、甜品⋯⋯例湯係菜乾湯，比較稀，不過都ok⋯⋯甜品最好揀糖水，今日係喳咋，好足料煲得夠火候。兩個餸只跟一個餐，兩個大人都夠食⋯⋯埋單$176，性價比幾高。環境濶落，兩個人都可以坐四人卡位唔駛搭檯，服務都唔錯。

叫左個經典午餐中的自家制野菜豬柳扒蛋包飯, 份量都算夠, 有飯有沙律, 有湯有野飲, 價錢都係$58, 超值。食物方面, 湯好飲，無味精，靠材料煲，味道濃郁; 不過沙律同飯同碟, 令沙律上的芝麻醬, 同蛋包飯上的燒汁會混埋一齊, 有少少影響味道, 建議分開碟上會更好。

雖然已經係上年年尾，但仍然記得都是不錯的一餐。適逢喺附近收工，簡簡單單喺附近食完飯，要趕去中環睇戲。選擇喺北角英皇道的營樂餐廳食晚飯。食評都偏向好的，所以決定試一試。我哋叫咗一個火鍋套餐，選擇左足料胡椒豬肚雞煲，有埋個雜錦野菜盤，因為我哋每餐都要食菜！這個餐超抵食！不過胡椒可以再重啲。另外再加一碟咕嚕肉，呢個就普普通通，唔係太夠脆。價錢實惠，唔好要求太高。當晚坐卡位，坐得好舒服，夠寬闊。好抵食，值得推介的食肆👍🏻。

天天外出吃早餐，內容都是通粉，煎蛋，烤麵包，總想有點新意，今天找到了。這裡竟然有肉糙湯新竹米粉，加粟米雞粒俺列，一大碗肉糙湯米粉，上面還有兩片綠油油的唐生菜，賣相太漂亮了。味道還真不錯。可惜奄列很差，希望下次有所改善。

_____好味指數：🌟🌟🌟🌟抵食指數：🤑🤑🤑喺炮台山附近搵嘢食見到呢間餐廳，睇落去係好正常嘅茶餐廳，但望完menu就決定去試。價錢會比普通茶餐廳高少少，但係因為佢哋嘅嘢食真係好足料又用心✅自家製野菜沙律雞扒蛋包飯上到嚟你會見到好長嘅一隻碟😂蛋包飯、雞扒同野菜沙律以差唔多一比一嘅比例擺好。野菜清甜，配上自家製嘅醬汁好開胃；雞扒酥脆啖啖肉，而佢嘅蛋包飯都好有份量，係冚晒成個飯有突，咁豐盛嘅午餐值得嚟試一下