華記食店

因为$55个套餐所以去试，价钱系抵嘅有糯米饭加蛇羹，但味道就真系一般，唔需要特登去试。中环返开工食餐晏系可以嘅但一般都唔建议抱期望。蛇羹味道正常，但唔热，已经接近室温暖少少嘅程度，入面食到鸡肉比较多，味道就淡味啲嘅街边碗仔翅feel。 中规中矩啦糯米饭系唔建议叫嘅，分开蒸熟嘅糯米同蜡味放埋一仔加豉油，糯米湿得济味道都淡。另外叫左排骨滑鸡煲仔饭，唔建议因为佢湿到好似盅头饭咁，又唔香又无饭焦，啲鸡又畀晒啲骨位。 本身$68跟汽水 但加蛇羹变$90无汽水 （唔抵嘅食法）整体系街方食饱无乜所谓嘅正常嘢，例汤糖水任饮系几好，对人都好友善。 只系食物质素未算出色。…查看更多

今日lunch time见外卖app有一人餐几抵食，之前同事都叫过评语麻麻地，但我谂住贪得意叫个猪扒炒公仔面试下，依个难食极都有限啊。点知黎到真系够胆死咩味到都无….已经唔评论佢啲猪扒得唔得😰以后唔会再叫！大家唔好谂住颓颓地食下就算，佢系颓到食都食唔落….依家隔咗几个钟有啲肚痛都唔知关唔关事😥😥😥…查看更多

无意中系某外卖app发现此店，见有煲仔饭所以专登过去试一试佢，因为外卖app要运费专登早少少去到,舖头好细得几张枱，所以主要都都系坐街。不过原来好多人食，仲有蛇羹，不过今次都系试佢煲仔饭，叫咗个腊肠排骨鸡煲仔饭加个可乐。好快落咗单之后原来要即时俾埋钱，咁当然冇问题啦。因为身上得一张$500咁就俾佢找啦唯有，叫咗个饭加可乐总共$68 。之后个阿姐问我有冇散纸，我话冇得一张，但睇佢个款好似唔系好想收，佢话近排好多假银纸㖞，但我问佢咁你有冇八达通啊？咁佢又冇话有定冇最尾佢都有收到钱找俾我，但系我话冇散子嘅时候佢就装我个银包，我觉得以下真系几冇礼貌我呃你咩，就算我有$100我都有权唔俾㗎？上菜时间还好，应该等咗6至8分钟到，煲仔饭太湿，不过有啲饭焦嘅，腊肠好难食，不过鸡同排骨OK。总括嚟讲我唔会再去啦，纯粹讲食物质素都唔会再去。…查看更多

中环卖55元蛇羹加炒饭。单睇价钱，一个字，抵！55元在蛇王芬买半碗蛇羹都未得。但平得有道理！蛇羹见唔到蛇又太咸。同街边档煲仔翅同一道理。一个名啫。腊味菜粒炒饭，只见腊肠碎同膶肠碎，价钱平，将货就价，可理解。但菜粒不成粒。饭湿身多油，食完肥几磅。试一试都冇所谓，不过唔会再特登行咁远去。要平中环有$40平价外卖烧味饭。Food is edible, but a bit salty and greasy. And nothing to do with the word 'delicious'. Once is enough for me, not my cup of tea.…查看更多

食物质素极差，点的干炒沙爹牛河整份只给两片小牛肉，又没有其他配料如芽菜或洋葱或青葱花等，而且最大败笔之处是淡而无味，完全吃不出任何沙爹味道或些少咸味，点的饮品又送错其他没有点的来，又不认错道歉，算吧以后不再帮衬，其他人请自己小心留意！…查看更多