華苑潮州閣

5月13号星期二打去订位翌日六点晚膳；接听电话嘅服务员问听晚系几多号...都未讲完佢话等等就换咗另一个服务员我就重复一次订位。今次个服务员话“听晚系唔系13号？” 我真系黑人问号然后我反问佢其实“听晚”有几难明白呢而且听日系14号唔该你帮我订14号六点。留咗人数留咗电话订好位收线。14号当晚入座同朋友先倾一轮计未落单，侍应先生冇几耐行埋嚟问你哋食乜嘢我哋话转头会嗌。然后佢话你哋而家好嗌喇㖞因为七点半要还枱。反问佢订枱时冇讲有限时、拎枱时亦冇讲有限时！侍应先生坚持七点半要还枱咁我哋唯有选择离开。明白做生意想做两轮...但系你讲清楚我哋做消费者起码有选择！…查看更多

位置于Isquare斜对面，非常易揾方便。环境装修超级靓，好中国风特色，而且餐厅围绕住窗口嚟摆枱，感觉舒服开扬炸虾枣蟹枣两款都非常脆皮，虾同蟹味道算浓，炸色睇到炸油唔系万年油猪头粽好得意，猪头肉用卤水卤过再切碎做，口感偏硬实，外貌好似猪血糕一样，肉质好似猪肉干，𩠌酒系一流卤水三拼：鹅肠、鹅肝、鹅片鹅肝爽滑入味，冇内脏腥味。鹅片都入味，肉质唔柴。鹅肠爽脆石榴鸡全绿色，好健康，中间一排西兰花做装饰。石榴鸡外皮只用蛋白做，皮好薄，但系馅料鸡肉粒过熟，唔感偏硬潮州狮蚶汁料好正好惹味，狮蚶量多新鲜，都算唔腥，不过食唔惯嘅朋友应该接受唔到😅南乳骨炸得靓，南乳味ok，肉质好软潮式蚝洛呢度嘅蚝洛正宗唔系完全炸到脆晒，而系半煎炸，带点台湾蚝洛果种软糯，非常钟意佢呢种做法，唔会成口油同粉潮式牛丸春菜煲牛丸爽弹有肉味，兼Juicy，春菜炆到淋晒，加埋汤底浓郁，好好味反沙芋有8件，糖皮脆，芋头粉糖醋面两面皇，半煎炸完都唔太油，蛋味系几好，加埋醋食好爽清心丸绿豆爽甜度可以再高啲，感觉太清淡，…查看更多

平时都有帮衬开呢间餐厅嘅午餐，大概$90 一个餐，有时一个星期去两次。今次下昼1:30去到，全场都系吉枱。我拎住一大袋嘢同大褛，四眼男店员表示要同另一个客人搭枱。我平时次次都唔介意搭枱，因为始终人哋做生意，都想坐多啲客人，做多啲生意。但系因为今次拎住好多嘢，佢个位真系好迫，只系得一张凳，冇其他地方摆嘢。所以就冇食，今时今日咁嘅服务态度真系唔想再去帮衬。 如果真系好多人咁都冇办，但系全场都系吉枱冇人坐，点解都唔可以将心比己体谅吓客人。佢哋系楼上铺，主力都系做熟客生意，其实都唔应该咁样赶客。仲要喺而家呢个时势，午市套餐只系肯收现金，唔知咩原因呢。我以后lunch 要食潮洲野就会去隔离𠮶栋楼嘅潮洲嘢算啦…查看更多

一家十口做节，订了包房，环境舒适宁静，家庭聚会可以畅所欲言， 唔怕嘈到其他客人。我们点了卤水拼盘，香煎蚝烙，虾枣，椒盐九肚鱼，普宁豆腐，走地鸡全只，适逢端午节，部长推介潮州粽，叫左两只，全部都好好食！好似叫得太多热气嘢，最后送清心丸糖水，我地再叫两份芋泥，好似甜左啲。整体食得好开心，服务一流，两大长老和小孩都好满意，下次再嚟，想试下生腌虾。…查看更多

我哋星期六三个人去食晏，叫咗四碟嘢，食物尚可以，因为1145am 到人唔多，柜台附近职员倾计也很自由，我哋听到有潮州话粗口评论职员安排大细枱问题，没理会。食完埋单四百几，因有一碟鹅肝炒饭属午餐（$88），职员埋单话唔可以用信用卡，其实话俾我听几多钱嘅时候，连单也冇俾我睇，直接讲出价钱，我要问可唔可以睇吓张单佢先俾我睇，如果4碟嘢其中之一系午餐，而呢个系唔俾用信用卡嘅原因或条件（即使你食得几多钱），俾现金唔系有问题，但我觉得要预先同客人讲。潮洲食馆酒楼多的是，呢间帮衬几次，今次体验特别，没有下次了。…查看更多