華星冰室 (信德中心)

营业中

休息中

今日去長洲，去了信德中心的華星冰室，先食個靚早餐，選擇就一款，落單後好快來呀，火腿絲通粉，也是好大碟的，火腿絲夠晒多，通粉也好多，通粉好味，唔會好淋，湯底好夠甜。餐廳是電影院佈置，也好特別的，有些海報介紹最近活動。早餐仲跟煎雙蛋配牛油厚多士，多士煎到金黄色，好香脆，好好味，煎蛋入面的蛋黃流出來的，好正呀。又好味！！也可以選擇炒蛋或全熟蛋。菠蘿包好香又夠大隻，好香脆又好味，好正放隻蛋上多士上面，好好味又夾熱華田也好夠熱，正呀奶茶也好香又夠滑，好好味的好光猛仲有新鮮出爐的蛋撻，雞仔餅等等

同同事來華星，瞇埋眼都識叫常餐... 但次次嚟華星都叫常餐，食厭咗火腿通粉多士煎蛋，究竟仲有咩選擇呢... 第一次真正認真望下個餐牌👀... (其實只係望過一格)原來呢度有雞翼撈丁㗎... 雞翼撈丁加咗好多香草，有食西餐意粉嘅感覺，全份撈丁即刻升華咗～😋平時食常餐一定要跟餐飲，亦係選擇困難症嘅我，最頭痛嘅時候，冇乜嘢特別想飲，但係一定要揀一樣飲品... 🙆🏻今次唔同呀雞翼撈丁，係冇飲品跟架，咁我就唔使煩惱啦... 侍應聽見我揀唔到飲品，仲同我講，"揀唔到就送你一杯水啦"... 說時遲、那時快，杯暖水已經到咗枱面喇... 太體貼咯～

下午來吃晏，人龍很長，但都係排咗15分鐘多小小就入到去坐，還可以接受。 叫了常餐，還有和朋友試下個校長多士。我個人好鐘意食炒蛋，尤其對於茶餐的抄蛋特別執著，呢度嘅炒蛋果然名不虛傳。以質感來說，入口smooth,味度上都重蛋味，沒有太多的調味蓋過。 校長多士整個味道特別，沒想過松露跟多士的組合可以咁新奇。松露味不輕，再加上有點芝士，令整個食物不太單調。當然，如果跟澳記比較，我還是會選澳記啦，感覺對佢地的炒蛋有種情義結。

#向阳从厦门吃到全世界##香港美食#【華星冰室】📍上環信德中心澳門廣場3樓3018號到上環辦事 因難得到港島 便選擇吃完午飯再回學校〈店铺〉從D出口出來後往澳門廣場走 店舖不算大 牆上貼滿了海報 濃濃的港味 服務不算熱情 坐下後很久才有人來 〈奶茶〉室友喝的 她說與外面的奶茶不同 茶味濃奶味也足〈魔鬼豬扒包〉麵包烤得外皮很脆 豬扒不算特別juicy 夾有生菜和番茄 很奇妙的是 醬汁里加了芥末 很酸爽了 真真吃哭了 半個豬扒包下肚也算有了飽腹感〈黑松露炒蛋多士〉超級多的蛋 上面灑著黑松露 蛋超級嫩 厚厚一堆 下層多士烤得恰恰好 蛋裡應該是加了牛油 吃多了有點膩 但滿滿一口的雞蛋十分滿足〈炒蛋多士〉室友沒有吃飽 又加點了一份 與黑松露不同的就是沒有上層撒的黑松露吧 多士也烤得更脆真的是不錯吃 也難怪許多的明星推薦 分店也有很多 因為點的都是要現做的 上菜時間久了一丟丟 中午人很多 還是要早點去比較好啦

話說同一班同事去食飯，食飯時間要等長啲時間是常識吧。終於等到，全部要常餐，其中有同事落單時好有禮貌咁問可否火腿轉腸仔，個伙計居然話：「呢度無腸仔，要食自己落去買。」可恨已經等左大半個鐘頭，唔食就唔夠時間再排另一間。好，忍佢。到野食到，方便佢放野食，執開枱面啲野。啲伙計又話：「我舊知放邊度啦。」睇唻佢大把生意唔休做。

在信德中心的澳門廣場轉了一個圈，比較下來還是覺得這間冰室看上去有Ｄ吸引力，於是進去食了一餐。整個店鋪以紅色襯燈飾為主基調，外牆貼滿海報和餐牌。店堂內四周牆壁的裝飾似劇院一樣。每張枱面都貼有詳細的餐牌。［乾炒豬扒意粉］HK$ 45 免加一。切成條狀的豬扒，醃製得入味，意粉熱辣辣夠鑊氣，乾身，配有洋蔥、芽菜、蔥段，吃口非常香👍。［校長多士］HK$ 25 免加一，其實就是［黑松露芝士多士］，只看這個名字已經可以斷定好味的了。多士烘底香脆，外表挺身，內裡鬆軟，黑松露混合芝士烤焗後的香氣飄逸，正😍！飲品［凍利賓立］HK$ 21 免加一。用金屬杯裝，大大杯。

以前在灣仔工作偶爾會跟同事到英皇隔離的華星冰屋午餐，而家信德中心開左分店，特地早早跟同事來排隊。四個人有卡位、唔算太迫。還是叫了它最有名的$40的常餐。先來火腿炒蛋、牛油多士。厚多士塗滿牛油、特別鬆化香脆。炒蛋感覺太油、跟澳牛相比欠點蛋香味、而火腿則唔夠熱。义燒通粉亦是偏油、不過义燒頗軟熟唔錯。跟餐點的奶茶倒是不錯、夠香滑、茶味亦濃。感覺上就是個很普通的常餐、不值一早來排隊。不過價錢尚算便宜、以中上環來說幾抵食。

晚上八點落船， 就直奔華星， 因為已半年以上沒試過他們的常餐八點人潮已散， 沒有午飯時的迫爆情況常餐$40 , 價錢ok, 有差燒湯通加火腿炒旦加趣趣地方包 同飲品約5分鐘 後 已嚟齊所有食物，方包果然微熱同趣， 正， 入面牛油份量剛剛好， 不會油淋淋火腿 ok, 炒旦 份量十足，依然是很滑差燒湯通 ok , 沒有太大驚喜最後是奶茶， 很滑很有茶香希望下次再來水準keep到

相信很多港人和我一樣，是早餐類麵包類的忠粉，全天侯也是早餐時間星期日的上環早上開店的餐廳其實不多，尤其一些老冰室更是奉旨關門，忽然又想吃常餐的小妹便走到這家華星冰室一解心癮。吃：健康麥片餐（$38）包括菠蘿包 / 蛋撻、牛奶麥皮、飲品菠蘿包 - 是正常Size，口感亦算結實，不是加大量膨脹劑吃完像沒吃過的那種：但包面味道很淡亦不脆，相對翠華太興的菠蘿包質素有點遜色牛奶麥皮 - 大大碗，麥片份量剛好，味道偏淡亦較健康喝：奶茶，茶份量較多，不過不失環境：位於信德中心較遠的角落，位置不太好找，餐廳內部簡單乾淨服務：早上時段人客不多，服務員下單上菜快速          

由於呢排好忙，無時間坐低食餐好啲，所以都只係幫襯快餐。雖然係咁，快餐之中都揀啲有質素嘅....自從去過灣仔、旺角華星之後，再無諗過要去澳牛。一來唔駛大排長龍，二來唔需要受氣兼坐得舒服啲唔會食完即刻要走。嚟華星通常食常餐，但既然朝早嚟到就只有叫早餐啦。平時多士外脆內軟，今日只得70分。只係暖暖哋，亦做唔到以上水準😕。炒蛋好似少咗同埋無咁滑。火腿通粉都算好味，熱度夠，粒粒分明。港式熱奶茶茶味香濃，奶嘅份量剛剛好而且非常夠熱👍🏼👍🏼👍🏼

早幾日去開上環信德，見到原來而家信德都開埋華星，一於順便試一試佢一早已經聽講華星唔錯，同澳牛同樣並列遊客必去之列，一場嚟到點都要叫下常餐($39)食好多人話佢地嘅炒蛋正，所以轉左炒蛋配通粉，仲叫埋新出嘅紫薯牛奶 。炒蛋的確係幾滑，多士烘到脆身加上叉燒通粉，整體沒有出錯的理由，就係細個同老豆去茶餐廳嘅味道，但其實又未至於唔食唔得叉燒得幾塊，通粉份量都唔係好多，男士可能唔夠飽，不過勝在湯底幾濃。而家加$3 可以轉紫薯牛奶/綠茶牛奶，今次草根就揀左紫薯牛奶味道甜左d ，不過真係有紫薯味飲到最底原來有煉奶，一開始又冇搞匀，所以去到最尾真係太甜，建議大家想叫可以叫少甜反而另外叫嘅校長多士就真係必食！！上面有黑松露加芝士，一上枱已經超香 睇落黑松露份量唔多，但食落又真係有黑松露味，加上芝士嘅咸香同烘到脆身嘅多士，真係超好食啊 草根係道諗，其實大家中意佢嘅原因或多或少都同回憶有關吧，但上環 分店d staff 真係超級nice有d意想不到茶餐廳搵到呢種服務態度呢，呢餐食得好滿足啊~

星期一，最近因為很多暗瘡，所以常食清淡一點，又問同事茶餐廳哪間比較好味，於是同事帶我去到華星冰室，傳聞中華星冰室的茶餐很出名，而且味道好，所謂聞名不如見面，難得有機會來到，當然要試下，可惜食物的味道沒有想像中甘好味， 有點失望。首先，中午餐時段餐牌的選擇很少，只有常餐或者蕃茄意粉可供選擇， 出品亦屬一般，跟普通茶餐廳的出品無異，甚至比其他茶餐廳更沒有用心做，這可能因為中午時段人多，大量製做的常餐，水準自然會下降，加上食物烹調簡單，說不上精巧細作，所以感覺很普通平凡，令人更感失望。我點的是常餐，因為幾乎沒有選擇，叉燒意粉配西多，火腿炒蛋，餐飲是熱奶茶。火腿正常，只是個人不太喜歡火腿，如果有其他選擇會更好，炒蛋嫩滑，西多則微暖，但唔會好硬，而且勉強夠鬆脆， 叉燒意粉則較好，一來比公仔麵健康，二來意粉夠滑，叉燒可以，只是沒有湯底沒有調味。最後是餐飲，奶茶是香濃幼滑，口感細繳，總算不負所望。整體而言，華星的常餐雖沒有想像中那麼美味，但價錢合理，而且奶茶水準過關。

黎到華星冰室，又點會少得叫返個最出名既常餐食下，簡單得黎都算整得有誠意每次黎到都一定會叫既常餐，叉燒通粉+火腿炒蛋+多士呢一碟其實都算係好好既配搭，而且真係難得每樣都係好好味，多士好鬆軟同埋牛油味好香，不過一定要趁熱食，炒蛋好香好滑，火腿就冇咩好講，都算好味既叉燒通粉，味道都唔錯，叉燒都有4、5舊大大舊既，通粉唔會煮得太淋黎到呢度既人幾乎個個都會叫常餐，事關同普通茶記比，呢度既常餐真係算係有誠意，雖然員工態度真係好一般，不過有食物搭救都算ok既

自從華星在順德開業，便成了午餐的好去處。午餐時間要排隊，大概十分鐘以內都可以入座。華星餐牌上的選擇也愈來愈多。但絕大部份食客，都選擇常餐。常餐包括：火腿或叉燒通粉或意粉、牛油多士、火腿炒蛋或煎蛋、咖啡或茶。對我來講全日港式早餐的確重要，有時午餐真的不想吃一大碟飯，只點一個粉麵又怕3點3肚餓，一個常餐便剛好。炒蛋出名用上北海道3.6牛乳，既香又滑。華星的水準一直保持，而且各間分店食物質素不會參差。無「坑」通粉一個常餐不加凍飲只是38元，而且質量也很高。難怪分店愈開愈多。

和朋友係信德中心搭船過澳門之前，梗係嘆個「華星」早餐啦！😏 🎄聖誕假期周圍都好多人， 當然有不少人襯假期「過大海」去轉個運啦。 所以成個信德中心都人山人海， 知道正正係搭船的信德中心開左間「華星冰室」的分店， 懶得周圍「騰」的我地，一於就係到食盡佢啦～😜 我地搭11:45am船， 所以1小時前左右到「華星」，好彩無人係門口等位，即刻有得入座。✌🏻  裡面差不多座無虛席，我地被安排坐在餐廳中間的位置。 裝潢設計依舊地走懷舊冰室風， 空間都算大，有靠牆卡位和適合大夥兒坐的方桌。  12點前都係只售早餐，就來兩份吧！ 平時「華星」伙記一向出手快、靚、正， 可惜宏觀整間餐廳，店員只有兩個，真係明符其實的「炒場」😅，睇到都心酸。 見店員快來快去，我地都唔忍心催促落單。 不過整體來說，今次落單上菜的時間的而且確比平時慢得多，趕船的食客要留意下時間呀！  我地分別叫了兩份早餐， 要留意火腿通粉係無得轉其他配料，只可轉粉麵， 可選擇煎雙蛋或炒蛋和餐飲乙杯。 火腿通粉 一向以史雲生清雞湯做的濃湯底， 今次做得不錯， 鹹淡適中， 通粉保持爽滑牙的質感，  估唔到繁忙中仍能維持其食物質素，值得一讚！👍🏻