莎巴馬來西亞餐廳 (已結業)

11月3日,同呀菲系西环食午饭,咖哩黎讲呢一带都冇乜东南亚既选择…但系呢间既咖哩真系做得几出色.人流唔多, 午饭既套餐只系星期六日有,散叫都会几贵.::: 咖哩牛肉配油松饼餐::: $38咖哩餐有得配饭或者油松饼,个人推介就算贵少少都要跟饼.因为个饼真系好香,热辣辣好脆.份量亦比跟饭多.而咖哩都好多料,牛肉,薯仔,番茄…不过,经常食哂个饼食唔哂d牛肉.::: 马来炒米粉餐::: $30本来唔抱住乜野期望,黎到个卖相都唔多好,好普通既炒米.料有蛋,青椒,芽菜,鱿鱼,鱼片…不过食落味道唔错,鱼片好味.可惜唔辣…另外,餐汤我次次食都唔同.今次系南瓜忌廉汤,配一片蒜容饱,几好饮.仲有甜品送,不过个红豆糕雪到好冻,冇乜味.环境算唔错,几干净几静.仲睇到整饼师傅做饼.侍应态度ok.…查看更多

虽然有人话贵，不过我觉得呢度份量颇大，加上咖哩本身比较‘漏’，我上次食唔晒，打包番屋企仲可以食多餐，所以我觉得相当实惠。呢度D咖哩系真系食到spices 嘅味度，我甚至怀疑系佢哋自己新鲜调校嘅。…查看更多

星期日下午去食lunch得知只有星期六才有lunch set,星期日只供平日晚市餐牌上的食物,午餐咁食法真系好贵叫左个棷子海鲜饭,凉粉冰个棷子是用棷壳盛上桌的,但个壳用左好多好多次,d纹己经入左好多污漕野,唔太开胃入面的棷汁不够成个饭捞匀海鲜几好味但好少凉粉冰凉粉唔爽,太多棷奶好<漏>埋单85唔系几值啰…查看更多

有唔少人话我食火锅食咗成二百蚊，好似有啲贵噃，咁我一向食嘢都比较钟意食一啲经济实惠嘅美食，当然唔会违反呢一个习惯啦。是晚经阿K介绍，去咗西环一间口碑唔错嘅星马泰餐厅，完全符合「价廉物美」呢个宗旨。如果去开西环，不妨将此餐厅列入考虑之列。餐厅装修简单唔花巧，堂食座位以社区食肆嚟讲可以叫做充足。话明系星马泰餐厅，紧系有香辣嘢食啦。事实上笔者几钟意食呢一类食物，虽然到宜家都搅唔清边啲系泰式咖哩、边啲系印度咖哩。两个人，食唔得太多嘢，所以叫咗「马拉盏炒西兰花」、「烧羊串」、「椰汁咖哩鸡」、「油松饼」，阿K仲叫咗杯「珍多冰」。「马拉盏炒西兰花」嘅味道很强烈，配合大部分香港人爱浓味嘅口味。其实「马拉盏」究竟系乜东东，笔者冇深究过，味道就好似XO酱炒西兰花。我从来唔会为呢啲嘢头痛，好味便是了，所以我只可以系一个嘴刁嘅人，永远唔系一个识整嘢食嘅人；「烧羊串」系用羊肉，加上一啲迷迭香去烧嘅，食落口迷迭香气味丰盈，但喧宾夺主，掩盖羊肉本身独特嘅肉味，稍为另人失望；「椰汁咖哩鸡」、「油松饼」系永远嘅好朋友，缺一不可。咖哩好香，系落咗椰汁嘅缘故，辣味适中，人客亦可叫大辣，相信更加「刺激」。「油松饼」打得好松化，沾上咖哩汁简直系钢铁般嘅组合。至于「珍多冰」是平常货式，冇乜特别。据阿K忆述，正宗「珍多冰」里面绿色嘢系用香兰叶做嘅，光吃呢啲绿色嘢已经有一股淡淡嘅清香。当然用香兰叶做嘅「珍多冰」成本一定不轻，所以现今好多餐厅都改用「鱼胶粉」做。价钱方面，我地食咗二百二十蚊(连加一服务费)，食咗水准唔错嘅食物，比钱都比得开心啲。…查看更多

午餐超抵食!服务很正已经第二次吃…查看更多