荳子 (新都會廣場)

营业中

休息中

5-7-2025（Sat）朝，老公突然吹雞約男友人NT睇戲，但NT太忙，攪到傍晚至覆實6-7-2025（Sun）可以睇早場，老公就揀咗喺葵芳睇，由於我同老公都唔知自己幾點買完餸同到到，所以唔敢約NT一齊食早餐。由於新都會地下嘅餐廳選擇唔多，而幸好呢間開八點，我哋就食呢間啦，嚟到時都有啲人，我哋坐低後，距離開場都重有一個鐘多啲，所以唔使太趕，我哋睇完menu，我決定要$54.00嘅忌廉龍蝦湯意粉，太陽蛋配酸種吐司，要牛油同果醬，飲熱檸蜜。老公要$62.00嘅炒蛋牛油果醬酸種吐司，加$18.00要凍mocha。我咗一陣，我嘅嘢食嚟到，先食酸種吐司，係有少少酸味，亦烤得脆；太陽蛋蛋黃味道好濃，正；忌廉龍蝦湯意粉，湯味濃郁，意粉唔太腍，亦唔係意大利人煮到中間有啲硬嗰種。5分老公嘅炒蛋牛油果醬酸種吐司我就冇試到。之後兩杯嘢飲至到，我嘅熱檸蜜蜂蜜都啊少，但都有啲啲澀。2.8分老公嗰杯我都係冇試到，佢就已經飲晒。價錢連加一係$147.00。2.5分上次食評係2024年7月7日提交嘅呢篇：https://www.openrice.com/zh/hongkong/review/yeah-%E5%96%8

終於試到Beans🤣 All Day Breakfast真係好大份，都幾豐富，可以揀配bagel 🥯or waffle 🧇 個Whipping cream幾好味，食完真係勁飽😂 闊條麵就中規中矩，午市仲可以加配紅豆沙😝🫘1️⃣𝙁𝙚𝙩𝙩𝙪𝙘𝙘𝙞𝙣𝙚 𝘽𝙤𝙡𝙤𝙜𝙣𝙚𝙨𝙚 𝙬𝙞𝙩𝙝 𝙋𝙤𝙖𝙘𝙝𝙚𝙙 𝙀𝙜𝙜 🍝 蕃茄肉醬溫泉蛋意大利闊條麵 2️⃣𝘿𝙚𝙡𝙪𝙭𝙚 𝙁𝙪𝙡𝙡 𝙀𝙣𝙜𝙡𝙞𝙨𝙝 𝘽𝙧𝙚𝙖𝙠𝙛𝙖𝙨𝙩 🍳🥯 豪華英式全日早餐煙三文魚|煙肉 |豬肉腸| 焗香草蕃茄| 茄汁豆 |黑松露炒蛋| 雜菌|BEANS窩夫或比高包

Lovely decoration and the food is decent, slightly pricey considering it is a residential area location. 80-90% occupied on a weekday lunch. several requests need to be reminded several times such as warm water, and serving the dessert (but eventually after waiting for 15 mins and informed it was out of stock after giving to others first).supposed to be a relaxing lunch but in the end we had to rush to finish it because the service is really slow and constantly requires several reminders.

平時都好少寫食評，但呢間bean而家真係搞唔掂，無食一排差晒，單骨蜜糖雞翼勁乾又細隻，柚子牛舌沾麵，牛舌乾柴、沾麵更加係難食好似橡筋咁，跟住個pizza，啲千島醬又搽唔勻，個餅底仲係白雪雪，即係未熟透，切都切唔開，個心都只係暖暖地，難聽啲講超級市場嘅現成pizza仲好食過佢，食物出餐速度又慢，應該係轉咗廚房，反正同之前食好唔同，而家直情係覺得呢個價錢食呢啲嘢好唔值，唔明點解仲要排隊，之後都唔會再幫襯。

Beans 近來推出了有法國甜品大師主理的特色甜品系列滿心期待過來嘗試這個餐單點了涉谷牛油蜜糖厚多士但結果非常失望～餐牌上並沒有註明等待時間卻等了40分鐘才上菜吐司顏值100分，名副其實極厚的吐司但實在只適合用來打卡剛上枱吐司已經不夠熱麵包非常硬，切開也很困難特別是鋪在吐司面上那幾粒金磚硬度幾乎叉不下去麵包皮也非常靭配料有雪糕和熱朱古力醬及紅桑子等等排頭豐富，但味道不過不失只是一件極普通的沾醬吐司 🥲

葵芳 │ 人氣爆燈！終於唔使排隊試到啦每次經過都見大排長龍，今次終於俾我捕到個空檔～唔設訂位，但餐牌選擇夠多，價錢合理，難怪長期咁多人🥹🍔 手撕豬漢堡豬肉撕得夠細，超多汁～唔會太鹹，味道剛剛好，而且份量唔小！漢堡包外層烘得脆脆地，咬落好香～薯條即炸即上，又熱又脆，配埋沙律清新啲，唔怕太膩👍🏻🍚 黑松露野菌意大利飯真係超出預期～黑松露香氣滿瀉，飯係濕潤偏creamy嗰種，帶微微咬口，配埋野菌香味好突出，每一啖都好有層次✨🍗 焦糖單骨雞翼配薯條外皮炸到金黃香脆，入面仲係超嫩滑！焦糖醬甜甜地，好邪惡又好好味；薯條係佢地強項之一，每次黎都會order～🦀 蟹膏甲羅燒黃金蟹肉意粉賣相勁靚～一上枱已經聞到鹹蛋黃香！意粉掛汁力一流，條條都係蟹肉，食落去鹹香十足又唔會太膩，份量仲好有誠意！✨ 總結：餐牌選擇多，小食、主食、甜品都唔錯，環境舒服，性價比高。今次唔使排隊已經開心晒～之後應該會回訪試埋其他menu！📍 Beans Café（多間分店，我去嘅係 ×××）💰 價錢合理🕒 建議平日下午去避開人潮～

6月生日有蛋糕送仲畫得勁有心思，完全無期望過會有咩驚喜，本身walk in 都無咩要求，但依個真係拎我喜出望外芝士蛋糕好大個，蕉糖好脆同埋芝士蛋糕都好正，完全係比錢都會食嘅水準，真係好推薦6月生日嘅人黎意粉都好濃味對得住佢個價錢同埋薄餅都好大份，仲打包拎左返去，細個成日覺得beans 好貴，出黎做野就覺得佢好實惠第一次join beans 會員，佢仲有無限飲添橙汁，會員仲有其他野送，儲滿積分仲可以換現金卷，響完全無準備下，依餐非常之值得

父親節飯專登揀咗比較近嘅呢間葵芳beans環境好舒服•想提前一讚嘅係店員好用心記住客人嘅需要!排隊嗰陣同個女staff講咗想甜品寫碟，寫happy Fathers day估唔到上甜品職員記得&仲額外畫畫俾我哋！呢個真係surprise到我哋成家人🤭•至於食物質素都好好，而且價錢唔貴，仲要包埋一杯免費飲品(蜂蜜檸檬/黑糖薑母茶/美式咖啡)我覺得性價比十分高•卡邦尼意粉正常水準 醬汁都好香濃🙌🏻海鮮炒飯係腐乳味🤭幾特別🤭石班魚柳幾香，魚皮剪得夠脆👍🏻•小食仲叫咗蜜糖雞翼同埋小椰菜，不過個炒菜就一般如果可以多一個炒菜嘅款式揀就更加好🙏•唯一嘅係冇得book位，所以要排隊Walk in不過都唔算等得太耐

還記得第一次去荃灣Beans本店的驚喜—食物用心、咖啡師連奶溫都細心把控。但最近到訪葵芳新都會廣場分店時有些失落：熱咖啡用無耳玻璃杯盛裝，燙得無法手持，奶溫也冷冷的，雖然食物水準還好，French toast 👍🏻 Egg Benedict 也不錯，但結尾這杯咖啡確實影響了整體體驗... 知道經營不易，如果能注意這些細節，顧客會更開心。 畢竟，從前那杯暖心的咖啡，真是窩心的🥹＇希望下次到訪能找到熟悉的溫暖回憶總是美好的 💕

去過beans咁多次真係第一次知有早餐食可能個人平時晏起身啦佢以英式全餐為主酸種吐司同鬆餅間我點鬆餅原來係M記那種鬆餅包以為英式鬆餅配牛油粒原來係獨立裝牛油錯晒不過龍蝦湯意粉有驚喜而整體都係好味

啱啱打完個牙樁，麻醉藥又未過，反正順路，逛吓N耐無去過嘅葵廣，趁啲人放飯前諗吓食咩午餐，太多選擇，遊嚟遊去⋯⋯最後都係揀咗食過多次嘅荳子。京式烤鴨饅頭漢堡，之前都食過，沙律菜個樣殘殘哋，唔太新鮮，鴨肉份量多，但醬汁俾包索哂，搞到鴨無乜味，鴨肉還可以，未至於好柴口，薯條熱辣辣兼夠脆，好味。本來都知好夠飽，但見到奧樂蜜C聯乘荳子出蛋糕，蒟蒻配菠蘿海鹽慕斯蛋糕，好似好特別，味道係有菠蘿香味，但就唔覺有海鹽味，就算焦糖餅底都唔會好甜，但講真無特別，試過就算。即場做埋會員，蛋糕免費。

屯門店經常見人排隊，今天葵芳工作，到新都會廣場找好野食，可能時間尚早見Beans不是太多人排隊，就試下佢啦。 午餐點了黑松露軟壳蟹意粉配黑糖薑茶。 意粉第一口咬落尚算有咬口Passed，黑松露味道就淡了一點 ，再濃d會更佳，最後食軟売蟹，這個軟壳蟹可謂最大敗筆，份量應該係半隻，在高成本環境下挽強可以接受，但問題是一咬，口腔內全是油，廚師上碟前無將軟壳蟹大火再炸將d油迫出來，雖然表面是脆，但成口油不是我杯茶。 元氣的炸軟壳蟹就好吃很多，又脆又乾爽。 杯黑糖薑茶就很不錯，有濃濃的薑味但又不辣 ，而且有二片新鮮薑在杯內。 試一次已滿足了好奇心。

一個星期前網上預訂了生日蛋糕，去到拎蛋糕時，幾個店員不斷核對訂單，等咗超過15分鐘，尚未處理到問題，等多陣有個自稱經理話我張單有問題，直接想推卸責任給顧客，真係火都黎後尾check 到係漏單，咁大嘅連鎖餐廳都會發生咁既錯，真係接受唔到！！！！！！

小魔怪熱愛食Beans，食Beans不下數十次，大多數都會食青衣分店⋯基本上，每次嚟到食都只會點兩樣食物：芝士薯條、Margherita Pizza⋯今日放學lunch時間，小魔怪為咗睇玩具站而要求去葵芳，lunch時間都需要排隊等咗唔夠10分鐘就入座，由於前面係四人，我哋係二人，職員好好問我哋坐唔坐邊邊櫈，所以好快就入座⋯照舊都係嗰兩樣嘢，薯條唔夠5分鐘就到咗，um….小魔怪覺得都依然美味嘅，但係老母就覺得啲薯條又乾又冇肉。pizza亦都好快就嚟，如果平時響青衣係需要等一陣嘅，pizza嚟到唔太熱少芝士，拎起咬落去⋯硬掘掘地好脆，好乾⋯小魔怪話：職員好禮貌，餐廳環境大同幾靚⋯但係M老母係嚟食嘢⋯⋯⋯我都係返青衣食算⋯⋯⋯

下午茶揀咗佢哋嘅自家製蛋糕，特濃朱古力蛋糕。蛋糕嘅賣相都OK嘅，但係味道非常一般，食兩啖已經覺得非常之膩。唔建議大家揀呢一款蛋糕。因為餐牌上係冇個蛋糕嘅樣嘅，所以大家揀嘅時候要非常之小心。曾經嘗試上OpenRice搵佢哋嘅自家製蛋糕嘅相，但係都搵唔到。我建議大家如果想食下午茶嘅蛋糕的話，可以想去東海堂Cafe。價錢比Beans平，而且座位都比較舒適，而且飲品選擇亦都比較多。或者可以去葵青奇遇嗰間牧羊少年食下午茶亦都可以。總之今次完全係中咗伏。