早1日订位，平日夜晚嚟到，设90分钟用餐时间。餐厅似逆市奇葩，平日仍持续有人排队，不过幸好餐厅够大，最后，我同朋友都可以坐耐啲。餐牌上的主菜/饭/意粉都跟餐饮，但饮品选择少，只有冷/热柠蜜、咖啡或黑糖姜茶，其他饮品及餐汤可-$8，各式甜品则+$30。以汤、饭/意粉、特饮同甜品咁计，连加一~$250/位。另外，仲可以+$30选配小食。牛肝菌汤：上菜时以茶壸装住，由侍应席前倒入一只放咗2小瓣牛肝菌的阔口茶杯；份量唔少；汤色饱和度高，入口亦浓稠，虽然顶多只系以蘑菇制成，但味道唔错，咸味适中龙虾海鲜浓汤：上菜时冇牛肝菌汤的花臣；汤入面有海鲜料，如蚬；朋友话味道可以但冇乜特别羽衣甘蓝藜麦杂菜沙律：+$30换的小食，份量竟然有啲睇头，唔孤寒；配酸甜柚子蜜，开胃焦糖蕃薯条：+$30换的小食，份量大，满满的一桶；蕃薯条色泽金黄，入口香脆，表面淋咗蜜糖（但冇焦香），香口、好食，不过，餐厅竟然跟埋个蕃茄酱，配搭非常古怪荳子超级食物沙律：唔平，冇跟餐饮，唔抵食；顾名思义，食材系人所共知的各款超级食物，纯素；沙律菜几新鲜，牛油果略熟，味道尚算软滑但已呈轻微瘀黑，藜麦、谷物的份量唔多，feta cheese正常，青苹果、腰果只系点缀；全碟最好食系紫洋葱，生食、好甜；沙律唔细份，但食饱就讲唔上（饱肚的壳类太少）美式手打牛肉汉堡：几个朋友share嚟；$170+只系咁真系几令人失望；朋友冇话唔好食，我就试咗薯蓉同沙律菜，正常；个汉堡包好细，配菜占咗只碟的3/5，性价比低西班牙海鲜饭：同样系朋友食，卖相可以，但饭量少，虽然如此，朋友都食剩1/4，话唔算好食千岛酱海鲜薄饼：以为餐厅卖面包，pizza应该好耍家，但当见到系厚批时真系好失望（个人喜好问题）；薄饼的用料唔多，卖相麻麻，蘑菇片明显系罐头直出再放上饼面，焗制亦唔到位，焗完啲蘑菇仲带湿，而且颜色苍白，不过，薄饼单价唔高，如果想点样嘢食饱个肚，可考虑Tiramisu：同朋友点咗4款甜品，呢款最好食；朋友本身唔想点，话太细杯，的确系，几个人分，每人1匙；质感软滑，有酒香特浓开心果杏仁蛋糕：喺餐厅门口见到冻柜display，朋友已经话必食；送到上台，觉得佢劲迷你；味道方面，1个字：伏！蛋糕唔好食，冇开心果味，开心果碎「淋」晒；未食过咁差的开心果甜品美式特浓朱古力软心蛋糕：大件夹抵食，尺寸大到吓一跳，1-2个人唔太建议点，3-4人就好适合；有香浓朱古力味（未到「特浓」），朱古力忌廉同朱古力海棉蛋糕层层相夹，食完会「漏」但满足到想食甜品的欲望卷。奥乐蜜C蜜糖柠檬：摆盘有心思，蜜糖伴碟，味道香甜；卷蛋入面的柠檬味忌廉同柠檬果冻令层次丰富咗，同时亦中和到蜜糖的甜味，值得一试f热鲜奶拿铁：好饮，虽然一杯的份量唔多，但咖啡味香浓亦有奶香（加$3转十字鲜奶），不过，呢啲都关乎咖啡师的手势，因为喺Beans将军澳分店都饮过淡而无味的咖啡食完就明点解餐厅可以逆市吸客：（1）环境：枱与枱之间有啲距离，座位舒适，餐厅温度适中，坐得舒服；（2）服务：侍应的服务态度非常好，有求必应、冇甩漏，部分侍应好年轻，态度亦好，动作勤快，每次饮完水时，侍应会主动斟水，亦好频繁地清碟；（3）食物：但凡加钱的食物、饮品水准唔错，份量唔细，哪怕只系小食，卖相都令人impressed，不过，主菜系有啲「抢钱」。如果2个人嚟，不妨点1个餐，然后加餐汤、小食、甜品，转特饮，再单点多1杯饮品同甜品，计落~$160/位，性价比高啲。…查看更多
餐厅位于朗豪坊四楼food court内，服务员为我们安排一个类似厢房的特别卡位，比较安静
我们从Lunch set中选了两个餐，朋友选了黑松露软壳蟹意粉，我则是和牛肩胛扒（太阳蛋）（番薯条），两样都好好食，餐饮则选了黑糖姜母茶
服务员送上生日蛋糕，说生日快乐，同时送上一张生日贺卡。卡里有齐该餐厅服务员的签名，此窝心举动令人心里特别温暖
总结在这里的用餐感受，食物质素好，员工服务态度好，环境好，卡位坐得舒适自在，CP值高，值得推荐！
