荳子冰室 (將軍澳廣場)

营业中

休息中

終於試到呢間人龍小店喇～！次次經過都見到好多人排隊，今次特登朝早11:30去排，等半個鐘就有得食喇～如果想試嘅朋友建議12點前去排隊，因為我見到12點後條龍開始好長～今次一行三人，我哋嗌左兩個常餐同埋一個午餐～第一個常餐就有以下三款食物～黑松露炒蛋冇乜黑松露味，但係個蛋都吵得幾滑，不過略嫌就冇乜味道。叉燒餐包就略嫌太油同埋太甜，我哋特登加$5由丹麥多士轉做叉燒餐包，有少少後悔下次唔會加😢沙嗲牛肉麵做得十分出色，沙嗲味好濃厚，花生味都好重，佢個面底仲可以根據個人喜好揀林啲硬啲或者正常，值得一讚👍到第二個常餐～佢個奄列好好食入邊有啲煙肉同大大塊嘅蘑菇，個丹麥牛油多士都非常之好食😋呢個秘製醬汁魷魚鬚撈公仔麵真係食到停唔到口，佢啲魷魚鬚煮得非常入味，口感都好好！第三個我哋嗌左午餐～等大概10分鐘到就送上嚟，龍蝦汁好香，但係我覺得佢個焗飯有啲太濕，可能係啲汁比得太多～不過50幾蚊一個午餐我覺得已經好好！最後仲散嗌咗一個蛋撻，係我最鍾意嘅曲奇皮，不過我覺得佢哋嘅蛋撻可以更加好，佢個蛋味唔夠濃郁，佢嘅皮都非常之黐住個殼，亦都冇乜香味😟總括而言我覺得呢間餐廳係好食嘅，大部份嘅主菜都令我好驚喜，反而啲配

📍荳子冰室，將軍澳 Tseung Kwan O依間茶餐廳非一般茶餐廳，係一間每次去都大排長龍嘅茶餐廳😂☕️🍞下午茶set 雪糕粒粒西多士 連熱飲 $38店員放低碟多士時， 初初我不解碟多士做乜會出煙😂原來個雪糕底有乾冰坐凍住😂😂 雪糕好滑身👍🏻 配埋脆口西多士一齊食好夾👍🏻👍🏻西多士絕對係下午茶首選.原本想試埋荳子包，見其他食評話幾大幾好食, 但可惜當日賣晒又未出爐，唯有下一次再試啦.

唔係第一次經過呢間冰室，不過次次都見佢咁多人所以冇機會試。成日好奇究竟係因為佢💛店所以多人定係真喺咁好食呢？今次等咗20分鐘左右就有位，終於可以試到！好感動☺️！提提大家，要食就早啲去排隊啦！.一坐低就感受到果種舊式冰室嘅氛圍，用咗淡綠色為主調，加上木枱同卡位，充滿兒時回憶。.📍咖喱吉列豬扒飯（$54）草根妹妹男朋友介紹必試吉列豬扒🤩，豬扒好大件🐷，比塊面仲要大😱！吉列外皮炸得香脆唔油膩🤤，經過高溫油炸後豬扒依然充滿肉汁💧，調味啱啱好，再配上椰香馬來咖喱🍛，帶辣嘅咖喱令人更開胃😋，不錯👍🏻！推介大家一試！.📍咖喱雞扒飯（$56）另外，男朋友點咗雞扒🐥，毫不意外雞扒大小都喺非常大件。雞皮炸到脆卜卜😍，雞肉可以用超級嫩滑去形容💯，顏色帶粉嫩色，令人回味無窮👅。椰香馬來咖喱果然名不虛傳，帶有少許椰香味🥥，再有2粒炸過嘅薯仔🥔，正！.📍芝士醬脆煙曲薯（$18）小食點咗芝士薯條🍟，芝士醬味道濃郁🧀，上面放上煙肉碎🥓，新鮮出爐嘅薯條沒有不喜歡嘅理由吧！.📍蜜糖叉燒包（$15/2個）叉燒包上面塗上一層蜜糖🍯，食落每啖都充滿甜甜嘅味道🍬，麵包質感鬆軟，中間有不少叉燒碎😋，夠香夠美味👍🏻，其實中式叉燒餐包

今日去住喺康城嘅朋友屋企玩，見到某外賣平台竟然有得叫人龍店荳子冰室，當然馬上試試豉油皇龍鬚炒麵($80) 個麵炒得乾身唔油膩，而且啲蔥爆香過，鑊氣同香氣都十足黃金蟹肉炒飯 ($80) 賣相好吸引！不過蟹蓋已經刮得乾乾淨淨，無蟹膏，蟹肉份量都幾足，每啖都可以食到蟹肉菠蘿咕嚕豬頸肉豬頸肉嘅質感唔重，感覺同一般菠蘿咕嚕肉無乜分別，驚喜係外賣嚟到依然有少少脆，相信堂食一定更正西蘭花炒斑片($102)魚肉質感堅挺，但唔會痴牙，調味不會過重，不錯黑松露蝦球炒蛋($80)雖然只有淡淡的黑松露味，但蝦仁爽口，蛋亦不會煮得過熟，份量亦都幾大整體嚟講，每樣食物質素都屬於中上，但以冰室的定位嚟講，價錢亦都屬於中上

之前一直都有幫襯開Beans Cafe，知道佢哋係將軍澳開左一間港式茶餐廳，作為將軍澳人一定要去支持下啦！.櫻花蝦海鮮炒飯，配料很豐富，有蜆肉、蝦仁、蟹柳等等。最正係面上灑上好多櫻花蝦，炒得好香口。炒飯底粒粒分明，夠乾身而且不會太過油膩。.自家製荳子軟包，表面印有「荳子」兩個字幾得意，入面係紅豆吉士餡，紅豆同吉士都幾夾，有啲似日式麵包嘅味道。佢哋冰室嘅食物出品、味道都有Beans Cafe嘅水準，冇令人失望，而且同同區一般茶記價錢差唔多，CP值高。

與朋友經過將軍澳👭來嘗嘗這家開業不久的荳子冰室～這家店最近倒是人氣之選🔥2:15到店...還是需要排上半小時的隊🤣這次點了..1.🦀黃金蟹肉炒飯 $70食物賣相還算不錯～當然..蟹殼純粹是在上面當裝飾😂炒飯能明顯吃得出有「鑊氣」上面有少量的蟹肉伴著作調味內有邪惡黃金鹹蛋黃增添口感整體味道不俗😋2.🍮花奶芒果布甸 （配餐+15普通的花奶配上芒果布甸布甸小巧精緻🤣..味道不過不失🤔老實說..也很難不好吃吧😂3. 🥤黑牛（配餐+12這杯飲料.....其實就是巧克力雪糕🍦+可樂口感特別🤔味道正常...不妨一嘗🤣

🤎Cafe De Beans🤎今日同大家介紹Beans旗下嘅荳子冰室，呢間係佢哋第一間茶餐廳，佢哋會播放唔同懷舊音樂，帶你翻翻去80年代嘅香港🙊Beans出品嘅，點都會有信心保證，超高質！我已經食過幾次，真心誠意推介💕今次係part 1🤪下一次同大家講吓佢嘅小炒同特色食物✨溫馨提示：去得Beans食嘢嘅，都要有定排隊的心理準備🙈🤍懷舊鐵板餐 - 鐵板西冷牛扒 $118佢塊西冷牛扒好大塊，成塊鐵板咁大，真係超級足料。而佢嘅配菜都俾足份量，又好大舊粟米同煎香嘅蕃茄🤍懷舊鐵板餐 - 鐵板雜扒 $88內有鑊仔牛柳、雞扒、豬扒、腸仔、煙肉，平時鋸扒，都係男朋友食一個牛扒餐，我自己食一個雜扒餐，咁就可以試盡唔同嘅扒類食品。雖然係雜扒餐，但係佢每一塊肉都好大塊，絕對唔係hea你🤍丹麥多士 佢個丹麥多士係配埋鐵板餐嘅，超級鬆軟，我上次去食有一整塊，不過朋友話我知，近來得返半塊🥲🥲🥲但係佢嘅牛油香真係值得大家去試吓🤍酥皮龍蝦湯 $15去到懷舊冰室，就梗係要試吓酥皮湯，佢個酥皮好趣，好香牛油味，不過個湯就一般般，如果為咗打卡嘅話，都可以一試，因為真係價廉物美💕🤍熱檸蜜如果有提過我上次介紹嘅beans，都知

繼續下回分解 長期大排長龍 點解甘多人呢😯午餐同平時差唔多都係中式焗飯意粉，早餐特別少少因為跟餐麵包唔係多士而係丹麥多士或細叉燒餐包，不過整體食物質素都係普通茶記冰室。.➡️早餐👓餐肉粒鮮茄湯通粉 $36 配丹麥多士(加$5轉蜜糖叉燒餐包)+煙肉蘑菇奄列/黑松露醬炒滑蛋👓豬潤公仔麵 $42 同上蕃茄湯有洋蔥薯仔粒紅蘿蔔粒有少少似羅宋湯底。豬潤大約六片，不過嫌熟咗質感有點粉唔夠爽口。個人比較鍾意食奄列，有煙肉同蘑菇做餡料稍為豐富；炒蛋就真係純粹炒蛋加少少黑松露味。比較新奇選用酥皮質感的丹麥多士取替傳統白麵包多士片，叉燒餐包仔都好食有少少似酒樓嗰隻。➡️常餐👓日式燒豬頸肉撈公仔麵 $58 配丹麥多士+煙肉蘑菇奄列/黑松露醬炒滑蛋👓照燒魷魚鬚撈公仔麵 $64 配丹麥多士+煙肉蘑菇奄列/黑松露醬炒滑蛋撈公仔麵好邪惡！不過佢比較乾身唔算好多所以唔算特別肥膩感。豬頸肉比較多筋位同肥邊唔算特別爽，有少許薑絲在旁；魷魚鬚都好多粒而且幾爽，相比下照燒魷魚款式好啲。不過其實個人覺得撈公仔麵唔算特別出色好食，焗飯系列會好啲😂

傳說中的BEANS cafe變做冰室 長期大排長龍起碼排15分鐘 但食物款式非常普遍 都係平時冰室嘢 唔明點解 下個post再講不過佢啲麵包係幾好 新鮮熱辣 麵包櫃有菠蘿包雞尾包墨西哥包蛋撻 買做早餐或下午茶幾好幾好☺️👓荳子包 $11係我最鍾意食嘅包款！麵包鬆軟，餡料係滿滿的吉士和紅豆，軟綿綿，吾會太甜，同個包味道好夾！堂食無太大特別不過我鍾意間中黎買返個麵包第日做早餐🤣評分：8/10

Beans係好出名嘅良心小店💛但其實佢喺將軍澳都開咗一間冰室主打菜式同平日咖啡店唔同偏向茶餐廳嘅常餐同小炒 仲有新鮮出爐嘅麵包.🌟蛋撻 ($6)平時見咁多人排隊都有啲怕🙈🙈所以就買住個蛋撻試吓味先蛋撻最出色嘅地方係有好香濃嘅甜蛋味而且曲奇撻皮亦都夠牛油香🧈可以話係除咗連鎖餅店之外嘅一個好選擇.因為平日都好多人排隊想食就記得早啲去排隊搵位啦🤪

呢間餐廳開咗成年，服務態度？唔使諗啦！不嬲笑容欠奉，不過茶餐廳質素、算啦！仲可以要求啲咩！但係買雞翼沙律無沙律！究竟想點？？有圖有真相大家睇吓我有冇亂講嘢。仲要已經唔係第一次、係第二次啦！即係呢間餐廳不嬲都係咁樣做嘢！非常求其！大家下次幫襯尤其叫外賣嘅時候，一定要睇清睇楚先好走呀！無謂行幾轉，嗌個外賣啫唔使咁攰呀嘛？總之我就唔會再幫襯啦！費事再勞氣啦！荳子冰室仲未有好食到要咁樣受氣囉！劣評吖！！！

之前知道beans新開冰室一直都想搵機會試 但每次經過都排曬長龍😵 今次早少少去排隊 終於可以試到啦💛😍呢間Beans同平時既唔同 佢地呢間係走懷舊港式冰室路線🇭🇰 有焗飯、炒麵、鐵板餐等 仲有自家餅房 全日都有新鮮出爐蛋撻麵包🍞 落單點餐係掃QR Code📱夠曬方便快捷👍🏼🥩鐵板鑊仔牛柳 $108 （配丹麥多士、餐茶）蒜蓉汁超正✨牛柳叫medium 生熟程度啱啱好 每舊牛都好juicy好淋一d都唔韌👍🏼同埋舊舊都好入味🤤 薯菜都好正 鍾意佢舊栗米面頭仲搽咗層蜜糖🍯 薯條都夠香脆 唔會有油益味👍🏼配上丹麥多士🍞麵包外面香脆內裡鬆軟👍🏼+$15 配酥皮蘑菇雞茸湯🥣酥皮焗得唔錯 勝在唔會好油膩 略嫌個湯比較淡 唔夠creamy 可以整得再杰d🤌🏻🍝鮮茄吉列豬扒燴意粉$56整體都好普通 覺得茄汁比較酸～

經常幫襯西式cafe beans, 知道開左中式茶餐廳版，都想試試，不過經常排哂長龍今日晚餐時間尚早，只有小人龍，排左15 minutes 到就入得！點左一份炸薯條、咖哩豬扒飯和豆腐班腩煲😋😋😋咖哩豬扒飯味道偏甜，沒有辣味，醬汁送飯食還好。而豆腐班塊煲偏咸，要送白飯才食得落，可能係我不太好重味嘅食物😆最有驚喜係炸薯條，煙肉脆脆很有口感，芝士味非常香濃，份量幾多👍🏻新裝修坐得好舒服👍🏻👍🏻服務亦不錯

今日去了荳子冰室，因為5:00pm 所以比較少人，排了一陣隊就可以入内。因為時常排長龍，這間冰室非常好， 不用搭枱， 就算一個人都可以坐卡位， 與平常的冰室不一樣， 坐得非常舒服， 所以時常都要排長龍。 今日 Order 咖哩雞髀飯, 鴛鴦扒飯， 咖哩味道十分好， 雞髀亦十分好味， 鴛鴦扒都唔錯， 就算西蘭花都是熱的， 非常抵讚。午餐價錢都算合理，下午茶餐就有些貴。但這間餐廳有一樣嘢唔好，就是要 自己用App 落單， 而且非常繁複， 如果你不加配食物，就要不斷按不加配，不加配，不加配,… 十分麻煩，問了一位 侍應生， 想他幫我們落單，希望可以快些落單，他叫我們自己落單，因為就算係佢落單，都要不斷按不加配，不加配…………。所以這間冰室真係同普通冰室不一樣，非常特別。

今早終於抽空去食荳子冰室早餐，排隊都要一點時間，但都算快入座，見到早餐有我最鍾意啲豬潤麵，一於叫嚟試下！上菜時間不算快，見到個豬潤面有D嚇一跳，豬膶非常之過火，好老，好硬，豬膶麵的湯底完全冇薑味及豬潤味，本身湯底係好味啲，但食得豬膶麵梗係希望湯底有薑味及豬潤味，這樣有點失望，而且最重要是豬潤真的比較過火，好硬難食！這方面有點失望。餐茶點了茶走，沒有問題，好味啲！整體都算係好味只係豬潤有D失望，希望可以改善這方面！