榮記餐廳小廚

营业中

休息中

今日午餐係北角渣華道呢間榮記餐廳小廚享用，午餐時段都好多街坊食客，但我都揾到張二人枱，門外見到今日午餐有肉餅，坐低後就即點呢個梅菜蒸肉餅套餐。今日例湯係白菜湯，菜味好濃郁，唔係滾水，肉餅隨後就嚟到，今日塊肉餅偏淋，口感冇咁好，但味道一流，咸咸地好餸飯。套餐包飯包湯包凍飲$52蚊，性價比高，頗啱我口味。整體滿意。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚

噚日先食完，真係回味無窮，所以今日即刻番啅呢間位於渣華道既榮記餐廳小廚。今日午餐做梅菜蒸肉餅，午餐時份好多食客，有幾個都係食蒸肉餅既，大家口味差唔多。店員妹妹都係一坐低點餐就問要唔要例湯，佢個例湯幾好既，幾帶都要。今日個梅菜蒸肉餅就好入味，但唔知係唔係加得太多水落去刴個肉餅，好淋，差唔多散咁滞，都好餸飯。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚🥚

嚟過幾次呢間位於渣華道既榮記餐廳小廚，d野食幾啱我口味既。今日特別想食蒸肉餅，行過見呢間有，就一於入內幫襯呢間。店員頗友善，坐底即問飲唔飲湯。人手落單，點了個咸魚蒸肉餅飯套餐。咸魚大大舊，夠咸香，肉餅就軟淋適中，口感非常之好，又好夠味道，重口味必喜歡。大大碗合掌瓜例湯，幾清甜，好飲。全部加凍奶茶先$52蚊，性價比好高。整體非常滿意。口味：🥚🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚🥚

去開北角，5點見肚餓，渣華道有幾間茶記，經過榮記見到居然有生炒牛肉飯，下午茶仲要去到5點半，更要試下，份量ok，都多牛肉，飯都唔油，估唔到奶茶個膽好味，40蚊一餐算抵了

本人叫一個50元的午餐 “芙蓉蛋飯”； 師傅工真差(有相片) 芙蓉蛋內只得幾條火腿絲， 簡單計一塊火腿都沒有；雞蛋又少。 我們一班同事對這間餐廳非常失望 (大家係第一次光顧，亦都係最後一次光顧)...

我好少出街食早餐，今日星期五，買完餸想去飲杯奶茶食個早餐鬆一鬆，叫咗個沙嗲牛肉麵餐，果塊多士竟然有一撻黑色野，唔知係發毛定污糟，我都唔敢食，個麵都唔係咁好食，下次唔會再幫襯！

今日大年初三比一個早餐影響我全日心情嗌左個34蚊吉列魚柳+炒雙蛋+牛油餐包咁就飲凍檸茶,張單寫34+7,咁可能新年加價我都無所謂啲野食黎到塊魚柳好似塊漢堡扒咁大炒蛋無乜特別,餐包無貨又唔講隔離客人問佢先講無貨其他食客同佢講「餐包無又識得加錢？」個侍應唔出聲行開左呢間咁既野真心無品Ps:我嬲到無食就走左,唔記得影相咁樣收41蚊,我想問個廚師點樣過自己個關？

最近一兩星期鹿兒島個老闆要退休，由呢間原本係街尾既榮記小廚頂左黎做。但係頂手鹿兒島後大幅加價，食物質量下降⋯以前叫外賣一個餐43蚊連凍飲有湯食物有水準，依家係43蚊基本，外賣加1蚊，凍飲要加多8蚊，仲要少左碗例湯！仲要難食左！份量少左！⋯⋯⋯⋯令到食一餐每人平均消費50-60以上，同以前鹿兒島餐廳比我地街坊感覺平，靚，正，太大對比。作為多年街坊客，呢間餐廳我以前一星期起碼食兩三次，到今日轉手之後我諗我仍然會幫襯，只不過或者係一年一次吧。當然，不得不讚係服務上好過之前好多。