蕎道樂居酒屋 (已結業)

半年一度的百貨公司大減價, 師奶仔當然不會錯過。放工後即時九秒九走進戰場, 買得不亦樂乎。行了兩小時, 是時候找個地方吃飯, 於是便走到附近的居酒屋補充體力回回氣。記得吃過蕎道樂的拉麵午餐味道不錯, 又快上菜,本來也只打算來吃個拉麵加個小食便算。但剛入餐廳時見到師傅正手握壽司, 那晶瑩的壽司實在十分吸引,  加上天氣炎熱, 於是我們便改PLAN點了個蕎道樂壽司盛十件不同的壽司併盤送上, 每款都富有色澤, 即點即整, 令人恨不得即時放入口中。我最愛的貝類壽司, 除了是每次必吃的帆立貝外, 赤貝獨有的鮮甜也是令人念念不忘。赤貝的鮮味更濃, 肉質爽脆, 不論淨吃或加點檸檬汁也很適合夏天吃。其他的如油甘魚也很新鮮, 軟中帶油香; 當然海膽的豐膩甘香更惹人喜愛,那種回甘的滋味暫時未找到其他壽司替代。身邊那位是燒牛舌忠實FANS, 基本上見MENU 有他都會點。 居酒屋的串燒基本上都會好吃, 這兒也不例外, 牛舌切得厚薄適中, 燒得外脆內軟, 肉質雖比牛柳結實, 但很易咬開。只需用上簡單的海鹽和黑楜椒調味已經是份很香口的小吃了。燒雞翼我固然鍾意吃, 芝麻雞翼也一樣喜愛。脆炸後的雞翼加上芝麻味道自然

慶祝同事生日，今日放左工約埋一齊食好西！見到呢間做緊海膽$88一板，仲有🌿沙律、🐟刺身、🍣壽司、🇯🇵一品料理、🔥串燒同美酒飲🍾食物除了好吃，就是新鮮😋這夜失控地點了非常多食物，非常滿足👯‍♀️❤️必試海膽做緊特價💲8️⃣8️⃣一板有抗拒的理由嗎⁉️卷埋紫菜一齊食 正😍🐚法國白珍珠零號($28/隻)買5️⃣送1️⃣夠新鮮👍🏻肉質細嫩 鮮味突出😜好味到停唔到口有喜歡吃吞拿魚的朋友嗎⁉️吞拿魚邊燒得非常香口👅🌿沙律🐟吞拿魚他他意式沙律（$68）🐟刺身✨海膽刺身（$88）🐚鮮帶子刺身（$78）🦐牡丹蝦刺身（$78）🐟清新三文魚籽杯（$68）🍣壽司🦀松葉蟹膏蟹肉壽司（$35）🐠劍魚腩壽司（$30）🐟左口魚邊壽司（$28）🔥鰻魚壽司（$38）🇯🇵一品料理🐠燒原條花魚一夜干（$78）一夜干大大條，肉質嫩滑，鹹香味道配上美酒道最好不過！🐟鹽燒三文魚腩（$98）三文魚腩非常驚喜👀 外層燒得香脆可口，內裡肉質嫩滑，加上魚香味濃，油脂夠多又香，非常美味😋🐷黑豚肉露筍卷（$58）黑豚肉卷住露筍清翠嫩綠，爽口美味，正！🔥串燒🐄牛舌（$48）🌱青椒仔（$32）佳餚當然配上🍾美酒啦😝🍯柚子味有氣果酒（$198）是日甜品是🍩Macaroni

六點幾七點，同朋友行銅鑼灣行到腳仔攰，咁岩又見到間日式料理，價錢唔算貴，就入去一試啦。🤪入到去覺得環境好清幽，係充滿日本風，可能因為時間尚早 唔洗等位 好快就食得 又可以坐耐啲 正🤩三文魚迷留意！必食三文魚丼估唔到 厚切三文魚 粒粒三文魚 煙三文魚 份量十足！每啖都充滿三文魚鮮甜味🤭呢個豚肉飯亦極香濃 對唔食生冷野既人黎講係一大好選擇 好好食！🤤🤤🤤除左飯，亦叫左炸物，蝦丸入面有熱溶既芝士 比較唔普遍 唔錯既小食☺️☺️而尼個睇都睇唔出，好似沙律咁，其實係牛油果軟殼蟹壽司，成個碟嘅佈置都好靚好有心機😝😝😝佢嘅壽司擺款都比平時見到既特別，呢個係芝士三文魚，除咗溶芝士三文魚壽司，仲有大量三文魚粒 對我黎講真係一大享受😂😙😙😙！重點是三文魚好新鮮 最後玉子，本身個人唔太有興趣，但係食落甜甜地熱辣辣，唔會好實，細細啖易入口 都係推薦既小食成餐飯都好豐富，環境舒服，同朋友坐下傾吓計又一個開心既晚上

位於銅鑼灣軒尼詩道499號永光商業大廈地庫的蕎道樂居酒屋 (Addictt Japan Restaurant)，是一間環境頗舒適，頗有氣氛的居酒屋。餐廳的天花掛滿了紅色的小旗幟及圓形的燈籠，播放著節奏明快的日文歌曲，居酒屋營業至晚上的十一時，打工仔們可以加班去，去居酒屋和朋友飲飲啤酒，吃些小食。⛩來到居酒屋，當然要點少許飲品，朋友點了一杯啤酒，口感冰凍，而且泡沫豐盈。侍應的態度頗誠懇，上菜速度快速。另外一款飲品則點了葡萄梳打，梳打的口感十分冰涼。今次和朋友點了一套豪華的二人套餐，有五款菜色，十分豐富。餐廳還會提供另一款的二人季節限定套裝。前菜來到了，是蟹肉蟹籽凍豆腐，滑滑的豆腐配上脆卜卜的蟹籽，面頭淋少許柚子醋。蟹皇蟹籽沙津來到了，沙津的面頭是蟹籽和蟹柳絲，中間放了一隻外皮炸得香脆的軟殻蟹，蟹的尺寸頗為大隻，口感滿足。刺身則有三文魚、油甘魚、甜蝦和帶子。刺身的味道頗鮮甜，而且賣相頗精緻。龍蝦蟹蓋小食拼盤來到了，當中包括釀龍蝦、釀小蟹蓋和炸芝士條。廚師把加了沙津醬的雜菜和龍蝦肉釀回龍蝦殼中，再放入焗爐焗製，表面烤得有少許微焦，味道濃郁。炸芝士條的外皮脆卜卜，中間的軟芝士更會微微拉絲，芝士

早兩個禮拜先食完，今日又同teammate 落去食lunch! 上次已經知轉左老闆，今日再去已經轉左新Menu，冇左之前個沙律吧，我覺得咁仲好，之前我哋晏晝食成日要行來行去攞，多人時都唔係咁好意思攞😅依家係叫一個定食就有一大盤沙律菜，有埋前菜仲有湯，賣相豐富好多！試左個吉烈黑豚豬扒御定食，呢個好味，個吉烈豬扒炸得好脆，鎖死晒豬扒D肉汁，咬落去好juicy！估唔到換左Menu, 食物質素仲好過以前，比個讚！仲叫左個小清新三文魚蟹子Don，一如以往，魚生好新鮮仲舖滿晒個飯，抵食！❤

今日同男朋友食飯，去左銅鑼灣一間日式居酒屋。麵包有誠意先烘脆左，加上蠔肉和芝士，入口咸香蠔肉非常新鮮。芝士拉絲好香好滋味！安格斯牛柳粒是男朋友最愛。牛肉香嫩唔會乾身，加上咸香醬汁味道出色，牛肉牛味頗是突出。雞翼脆卜卜好香，加上芝麻粒更是香口。雞肉香嫩多汁！炸軟殻蟹。我好鐘意食香口野，炸得完全唔會油膩，香脆外層非常咸香！鹽燒三文魚鮫。油香豐富魚味頗是濃郁，入口香滑魚肉非常滋味。鐘意燒得香脆魚邊，味道非常好！

話咁快就2*歲生日啦!終於知道咩叫青蔥歲月, 不過好多謝一班死黨幫我搞左個公主般的生日會，好感動呀!!!😭個老闆係我個friend既好朋友, 佢好好呀, 比我8點鐘就入房食野同佈置, 勁nice!!!佈置左好多波波, D STAFFS都有幫手整, 成件事好貼心。🙏🏻🙏🏻🙏🏻我地叫左好多野食, 食左個刺身盛拼盤, 成板海膽上, 刺身好厚切同新鮮, 三文魚腩好正, 好邪惡, 仲要鋪左好多金萡, 上枱我地幾個都嘩左聲。 叫左2個蟹子蟹皇沙律, 份量十足, 軟殼蟹炸得剛好, 好味。壽司🍣我地人多叫左差唔多40件, 所以出得慢左少少, 但燒鰻魚壽司真係好出色, 中拖羅口感好好、牡丹蝦好大隻同好鮮甜!!!唔記得影相🍡🍢🍡串燒都好正, 即叫即燒, 出到黎仲係好夠熱, 有好多款, 特別鍾意鹽燒雞翼, 因為我自細鍾意食, 同埋佢個芝麻雞翼都好食, 好香。🍗牛肉壽喜鍋個湯唔會搶晒其他食材D味, 唔會食完要勁飲水, 服務野食我比90分, 10分係我後面醉醉地, 唔係好記得!!!🤣我地14個人, 飲左人地6支1800ml武藏男山, 好誇張, 仲飲埋Beer, 🍶🍺🍶🍺🍶🍺呢個生日好滿足, 多謝all my l

星期日既晏就 係銅鑼灣搵食 我地經過一間要餐廳 俾佢既餐牌吸引左Lunch menu $78 pick 2 午市自由二選覺得好難以置信 太平啦！入到去 坐底左 再問多次職員 佢真係話$78揀2款食物 種類都有18款每位最低消費午餐/定食一個我地揀左 滑蛋豬扒、日式牛肉鍋、豚肉炒野菜、鐵板牛柳粒仲送汽水、白飯 同自助沙律吧咁多野食 真係好抵！滑蛋豬扒好有水準 炸到金黃色 而且肉質唔會硬 豬扒下面仲有d配菜 食落都唔會好”流”鐵板牛柳既份量都好足 肉質細嫩 日式牛肉鍋既牛肉都有4片 個湯都好鮮甜豚肉炒野菜 有椰菜、芽菜、蘿白絲......d豚肉唔算多 但都好食既大家可以睇下個menu👇🏻我無呃你架，真係78蚊兩款食物埋單時，職員話下次拎返呢張卡片食晚市會送一罐啤酒🍻睇黎下次要再黎食先得！

尋晚係銅鑼灣做完facial諗住買外賣返屋企食之際，竟然比我撞到個移民左澳洲既小學同學！！仲要大家都係諗住返屋企食自己 哈哈，咁有緣，相請不如偶遇，我地就求其搵個地方有酒飲有野食既傾下計。係對面街見到間居酒屋，就你啦呢度既佈置好精緻，充滿日本風情，真係有d置身日本居酒屋既感覺。*刺身盛*嘩嘩嘩，金萡呀好浮誇 好豪華 好中意！店員見我咁興奮狂影相，佢話我好彩呀，金萡唔係經常有，係時令小配搭黎架。成個刺身盛都好新鮮，我最欣賞佢個三文魚，肉質好肥美，油脂分佈好均勻，入口唔會好油膩不過同學仔就話個帶子最出色，因為肉質結實，鮮味十足，完全唔會有冷藏既味道*蒜蓉燒岩蠔*蒜蓉味勁之香口，蠔身肥美充滿肉汁，海水味唔重，帶甜，口感好滑。*海膽*好怕食到唔新鮮既海膽，因為會臭同苦。呢度既海膽色澤鮮明，望落唔錯食落都好creamy, 好豐富，仲好鮮甜，無令我失望。*藍莓清酒*Sake我一向麻麻，因為酒精味太重，對女仔黎講會太strong. 但我見到呢度有支blueberry sake即管試下佢！清酒中帶有微香藍莓味，好好飲呀我諗我一個人可以飲幾支～～整體上食物都算高質美中不足係佢地太忙，上菜時間較耐。不過店

老婆大人生日大日子，諗左好耐去邊好，老婆好鐘意食日本野，以前我地黎過d間蕎道樂食飯，我地兩公婆都好鐘意，就諗住老婆生日又黎返d間啦😂生左bb，係要去d又好食又抵食嘅餐廳。咁去之前幾日我打去訂座，特別講低我老婆大人生日，老闆好好人喎，話到時幫我整個刺身生日蛋糕，男人老狗煩少樣蛋糕😂抵讚講返正題，嗰日我同老婆同bb一家三口去到，好彩佢地有bb椅，亦安排左個舒服嘅位俾我地。去到先知原來易左手。心諗一場黎到唯有試下啦。點知水準比之前更好👍🏻。老婆讚成餐飯100分，暗喜😂野食方面，勁讚佢地個海膽，成板海膽我只可以話係好好好食。同去日本築地食嘅有得flight 唔係講笑。個刺身盛又係鮮味有Lam Lam 脷，d刺身係件件厚切，食落鮮油甘香,嗰種鮮味係食完會係口浪浪下架。再黎係燒牛舌，有時我兩公婆都怕怕地點牛舌，有d餐廳整到un到咩咁，老闆推介我地試下，又冇中伏喎，d間燒得好香但唔un仲口感juicy.老婆再叫埋個coca cola plus ,估唔到間野又幾update喎,日本啱啱引入嘅coca cola plus 聲稱係減肥汽水佢地都有得㨂，唔錯唔錯，d女人愛食又怕肥，見到有d隻野飲幾鬼開心。成

放工前食左碗米粉唔係好餓，約左個fd落佢話正果間日本菜🥘居酒屋🏮落到去都差唔多爆晒，好彩有book檯🌝原來做緊好似日本果D飲料、酒類放題，🍺🍸🥂🥃🍶🥤，計個條數二話不說揀左飲酒連Sake都可以任飲果款啱晒我地D酒鬼🧛🏻‍♂️！講返野食，第一次食黎講我都比幾好既評價，刺身大件好新鮮，我最鐘意甜蝦同活赤貝，個三文魚腩厚切，油脂比例好正！😋壽司我推佢款中拖羅，入口即溶，日本運到新鮮推介，三文魚籽軍艦，D魚籽係多到跌落黎，好開心😃！燒西京銀雪魚、燒油甘魚頭骹，燒得剛剛好，唔會燶晒勁熱氣，仲有個味淋魚干，送酒好醒神！新開又服務到位，食物高質素，銅鑼灣區價錢合理，呢間會再去🍺🍻重點飲酒舒服😌

同Sis 行完街，落左Sogo隔離永光地庫試新野！呢間日式居酒屋門口細細，入面咁爆😌我以為我係東京未返黎, 哈哈，正，回味埋個閨蜜trip💗講真，真係好似日本居酒屋🏮好彩冇煙味🚬，個經理好靚仔, 好斯文😍我地食左個刺身拼盤、有三文魚、甜蝦、章紅魚，全部都厚切，好新鮮！比個Like, 玉子燒都好唔錯，好有蛋香🥚🍳芝麻雞翼好好食，雞翼肉汁超多，仲有個日式軟骨餃子🥟Yummy🤩 今晚開左個經理推介既細Sake, 兩個人剛好，食呢D係點都飲少少，同埋都易入口都幾滑幾順，下次試其他酒，品種都多，同埋我鐘意日本🇯🇵氣氛😊

跟堆酒肉朋友去左蕎道樂飲酒食串燒，無諗住呢到會有Happy Hour🍻個promotion 竟然係買一送一，太過份🤣所以我一氣飲左4杯😌🍻唔係第日返工，應該可以黎多轉。D野食都好Ok, 因為我地飲酒叫左個枝豆、雞軟骨、 燒豬頸肉。之後好想介紹下佢個西京燒銀雪魚，唔係一般好食，燒得好好，好香，個皮好脆🐟個燒雪花牛露荀卷，個牛肉一定係靚牛，我地加點左D刺身，隻牡丹蝦🍤好鮮甜大隻，個珍寶帶子同三文魚腩好新鮮，呢間野聽講新頂手，野食好食飲酒仲要咁抵，中環放工都仲join到happy hour, 有下次！比好評👍🏻🍻

今晚成班朋友想搵間居酒屋🏮食飯，落左永光地庫試下。估唔到又有驚喜wor, 個老闆好nice, 原來佢接左手冇耐，但都Feel到佢好有heart, 搵佢訂位都話冇問題🤣個人認為個刺身拼盤好新鮮，仲成板海膽上，活赤貝好鮮甜爽口，真心推介。😋壽司🍣叫幾款都好食，三文魚籽、松葉蟹膏軍艦、燒鰻魚我都好鐘意，叫左2 Round👍🏻👍🏻👍🏻熟食就首推鵝肝多士，多士好脆同個鵝肝好match，同埋串燒好抵食，厚燒牛舌好好食、個鹽燒雞翼都正🍢🍘成個食飯環境都好有日本🇯🇵居酒屋🏮feel, 下次落銅鑼灣，呢間走唔甩，氣氛係正既😼為食貓推介😼