茶飯叁少

將軍澳最近新開左一間有得食雞煲，烤魚同埋糖水嘅中菜餐廳😍，所以同屋企人今日唞吓唔煮飯，落咗去食。😙餐牌上面嘅菜式種類都偏多，涼菜烤魚雞煲小炒糖水等等都有。仲有一人同二人套餐提供選擇。👍🏻⭐️晚市一人之境套餐 － 🐟豉汁蒸魚＋手工蝦卷＋烏龍茶這份套餐上枱時賣相整齊，豉汁蒸魚嘅魚肉軟嫩，帶有微微椒香。🍚用蒸魚豉油撈埋個白飯，啲飯都軟硬適中。⭐️手工蝦卷嘅皮很脆，🦐好味嘅不過可能因為跟餐追加嘅小食，所以份量就唔多。套餐還附送一杯熱烏龍茶，無糖去膩！😋⭐️手撕包菜🥗這道手撕包菜同樣值得一讚。包菜片片分明，保持爽脆，加上微辣乾椒和蒜蓉爆炒，油份適中，入口辣勁剛好，能帶出蔬菜的鮮甜。⭐️麻辣雞煲（半隻雞）-小辣🐓🌶️半隻雞嘅麻辣雞煲份量兩個人食啱啱好，賣相吸引。麻辣好香，辣就唔係好辣，所以鐘意食辣嘅可以叫🌶️中或者大辣。雞肉亦都十分嫩滑，攞嚟送飯都幾好。配料有蘿蔔，😋佢吸收麻辣湯汁後格外入味。因為得兩個人食，我哋都冇再追加其他配料了。總共$342再加一，份量其實夠三個人食，價錢都合理。適合多啲人一齊嚟食，咁就可以叫唔同種類嘅食物。…查看更多

求其入咗坑口呢間餐廳食飯見到佢有個套餐288 二人上菜之後話一聲，原來份量都幾多我覺得其實三個人食都OK 佢啲魚片都幾滑，而且配料好多干鍋我揀咗豬大腸同埋雞肉佢唔會煮到好乾身上菜時間都幾快整體都唔錯推介二人餐…查看更多

🎬 周星馳式戲劇版：📽️ 片名：《爆場之謎：鴨唔得、魚唔郁》（開場，主角一家走入餐廳，慢動作，背景播《射鵰英雄傳》主題曲）👨‍👩‍👧‍👦【主角旁白】：「今晚係阿媽大壽，一於食返餐好嘢——邊知，原來走錯片場。」🍽️ 【侍應（似足龍五）上場，拿住啤酒鴨】：「呢個係我哋鎮店之寶！啤得出奇，鴨得過份～」（全家人期待咁夾一啖，下一秒……）🗯️【主角】：「呢啲係…鴨？點解啤完仲腍過濕毛巾？！」💥背景響起“嘭”一聲，字幕：「啤唔落去嘅啤酒鴨！」🐟【炸魚出場，特寫，煙霧繚繞】：「呢個係我哋嘅招牌——秘製魚王！」🎣【阿爸一啖咬落去】：「點解條魚浸住湯都乾得出聲？我屋企條魚乾都冇咁乾呀！」📢【阿媽大叫】：「我食唔出味，連罐頭都嬴佢！」🎻（背景悲情小提琴）🥩【轉場，孜然牛肉閃亮登場，帶埋閃電特效】：🌟【主角】：「終於有啲像樣嘅嘢食，雖然得一碟，感覺就好似洪水中一塊浮板。」💳【埋單時】：🧾【收銀員（表情冷淡）】：「現金定卡呀？（玩手機）」📣【主角】：「你好似唔係收錢，係收氣我。」🔚【大結局】：👨‍👩‍👧‍👦一家人走出餐廳，背景播《男人最痛》【主角旁白】：「今晚唔係慶祝，係上咗一堂飲食哲學堂。主題：失望可以有味道。」🎞️ 片尾字幕：「本片根據真食實錄改編，任何雷同，都係唔小心踩中地雷。」💥#失望盛宴 #周星馳都救唔到 #食咗等於冇食過…查看更多

跟住在將軍澳的友人聚餐，佢提議近近地在坑口商場嘅茶飯叁少，於是就過左去望望餐牌，見食物選擇多，又有啱我哋心水，便進入開餐囉。晚餐- 1人之境，金湯酸菜魚片米線，魚片冇骨幼嫩細滑，湯底酸帶微辣，令人食得開胃，米線爽彈口感的，唔錯啊。晚餐- 1人之境，蔥油雞配飯，雞肉份量都多，鋪了大量蔥油，夠晒惹味，拌飯一流。小食：-皮蛋豆腐，醬汁調得唔錯。-肉燥燙青菜，夠晒健康。-川味手撕雞，麻辣夠晒惹味。老友的豆漿豆味濃，我的熱檸茶就正常發揮。芋圓仙草凍，芋圓口感煙煙韌韌，仙草份量多，2人食剛好。另外佢哋的午市套餐，都有幾多款可選且價錢合理，下次有經開都會再嚟開餐啊。…查看更多

餐廳是一間新派川菜，店內環境舒適。晚餐 一 辣味雙投二人餐，已包括有涼拌四季豆、麻辣貓耳朵、自選乾鍋 ~ 牛肉和豬大腸、老壇酸菜花甲魚片鍋 (重慶麻辣濃湯)、香溪老樹烏龍茶、四季春茶和黑白配冰粉。涼拌四季豆 ~ 口感爽脆而開胃。麻辣貓耳朵 ~ 麻香味濃，清爽美味。乾鍋牛肉和豬大腸 ~ 味道麻辣鮮香肥而不膩，牛肉和豬大腸的份量好多。老壇酸菜花甲魚片鍋 ~ 魚片細嫩，花甲鮮甜，湯鮮味美，鍋裏還有薯仔片、萵筍、蓮藕片、豆卜和豆乾，非常豐富。香溪老樹烏龍茶 ~ 茶味醇厚濃郁。四季春茶 ~ 味道甘甜。黑白配冰粉 ~ 嫩滑爽口，冰涼解渴。整體價錢合理，味道亦不錯。🏷️溫馨提示～ 整個用餐體驗均屬個人分享意見， 只作參考😊。…查看更多

平常多是外賣，這天和朋友一同前來好好吃一番。金蘭香葱肉末擔仔麵配招牌排骨，用料十足，招牌排骨香脆又可口，外脆內軟，譚仔麵棉質口感一流，軟硬適中，但我更喜歡的就是他的湯底，香濃味道濃郁。台式葱油香酥雞排配白飯，這個蔥油拌飯絕對是一絕，另外雞扒外脆內裏肉汁豐富。小食方面，滷水雞翼3隻、花枝丸3粒、府城手工蝦卷2條、蒜泥白肉（細）、川味手撕雞、台灣腸兩條。每個套餐只需+10多元就能享用，絕對是性價比十足。…查看更多

自從上次食完烤魚，媽咪就對「酸菜魚」念念不忘。終於搵到個平日晚上，一於聽同事推介，衝去試間魚好食到出名的台式餐廳。 一入鋪頭，環境寬敞唔侷促，一家四口都可以輕鬆開餐，感覺好溫馨～ 🥘 老壇酸菜魚片鍋｜魚片攻勢猛烈！魚真係好多，好似要用「魚海翻騰」來形容，配埋紅薯粉簡直係黃金組合！如果你敢挑戰辣味，一定要加辣，超送飯啊～ 魚同酸菜比例一比一，吃得又飽又過癮！ 🐠 鬼馬魚片｜被名字吸引是常識吧！光聽菜名就覺得有戲，結果一上枱——油條鋪滿魚肉，鹹香入味，咬落去仲有層次感。魚＋油條嘅搭配，竟然出奇地夾，好想再叫多次！ 🥬 酸豆角炒豚肉碎生菜包｜可惜無叫飯…這道菜炒得夠香濃，一上枱就聞到惹味的酸豆角同豚肉。但我哋竟然忘咗叫飯？如果再加多啲生菜就完美啦～下次記住！…查看更多

晚市一人之境套餐 - 溫泉雞配家鄉菜飯 拼 胡椒豬肚雞湯 ($78)雞肉煮得入味，肉質鬆軟，就算雞胸部分都幾嫩滑，仲可以蘸上蔥味或甜醬油提味，菜飯軟腍帶菜香，咬落有層次，胡椒豬肚雞湯濃郁暖胃，豬肚軟腍，胡椒味微辣開胃，仲有紅杞子同紅棗，夠晒補身川味手撕雞 (+$25.0)雞肉撕成絲，肉質嫩滑，醬汁帶麻辣同花椒香，入口微辣，幾開胃凍四季春 (+$3)凍四季春茶味清香，飲落解渴又大杯晚市一人之境套餐 - 豉汁蒸䱽魚 配白飯 ($86.0)䱽魚魚肉滑溜無腥味，豆豉同蔥花鋪滿魚身，豉汁鹹香濃郁，滲入魚肉之中，白飯粒粒分明，撈埋豉汁送飯一流肉燥燙菜 (+$28.0)生菜爽脆清甜，配上甜甜咸咸嘅肉燥醬汁，簡單惹味凍檸茶 (+$5)凍檸茶茶底香濃，甜度適中豐盛仙草凍（芋泥，綠豆，紅豆，芋圓）仙草凍入口滑溜，帶天然清香，配上芋泥、綠豆、同紅豆好豐富，而且芋圓Q彈，同朋友share食都好滿足📌茶飯叁少 (將軍澳)地址：將軍澳坑口常寧路2號TKO Gateway東翼1樓E139號舖…查看更多

忍唔住第一次在OpenRice留底評價。原本堂食叫咗一碗麻辣水煮魚片米線，上餐時錯誤上咗一碗金湯酸辣魚片米線。由於口味問題，禮貌地同職員表示上錯餐，而員工都客氣回應會重新更換一碗。點知唔夠三分鐘，「新」嘅一碗遞餐時，明眼人一睇竟然係原先舊嘅嗰一碗金湯酸辣魚片米線，只係加返啲辣油俾你，好唔專業咁仍殘留幾條酸菜喺魚片表面，湯底同魚片仍然係帶酸味。最後原碗不動，唔記得影相就埋單走人。貴餐廳曾經因食安問題上過新聞，但作為將軍澳居民，當初相信只係個別例子，所以仍然繼續光顧，完全諗唔到廚房員工會有如此處事手法。…查看更多

之前朋友推介佢嘅雞煲幾好食，今次試吓先，點知除咗雞煲之外，仲有烤魚、乾鍋、魚鍋同小菜，勁多選擇水煮魚嘅威力實在太強大，所以毅然放棄左朋友推介嘅雞煲青藤椒土豆牛腱 $68本身睇Menu佢張相份量都唔多嘅，諗住好吸引都試吓啦，點知嚟到份量有驚喜，根本一啲都唔少，薯仔軟硬適中，都幾入味，牛腱煮得夠腍，正重慶麻辣濃湯魚片鍋 $188份量有驚喜！這個大鍋，下面有蠟燭一直熱住，魚片好大塊，魚肉好滑！好食！入面仲有好多配料，包括蓮藕、薯仔、萵筍、豆卜等等非常滿意椒鹽杏鮑菇 $42以為好似台灣夜市嗰種切到一粒粒，點知佢係大大塊，好厚肉，仲好Juicy，讚番石榴青檸烏龍茶 $36荔枝乳酸氣泡梳打 $28飲品呢個價錢嚟講就算好大杯，甜度適中，唔錯唔錯整體而言呢間餐廳評分都幾高，仲要勁多選擇，推介大家可以去試吓…查看更多

呢日黎到坑口呢間茶飯叁少食晚餐, 我地因為肚餓既關係都叫左唔少野食, 呢間餐廳都坐得幾舒服, 岩哂一家大細黎食! 我地叫左兩個晚市一人套餐, 分別係金湯酸菜魚配白飯同埋古法口水雞配白飯~ 我地仲加左D 小食添, 加左台灣腸, 川味手撕雞, 蒜泯白肉, 野飲我地就叫左青檸苦瓜汁同埋大紅袍鮮奶茶, 金湯酸菜魚有好多魚同酸菜,送飯一流, 唔係好辣, 我都食到~ 古法口水雞既份量都好多, 都唔係好辣, 夠哂惹味~ 小食份量都好多~ 飲埋台式飲品真係夠哂滿足!…查看更多

成日路過TKO gateway，都會見到好多平民餐廳，選擇極多。今晚早收工返嚟睇吓，見到茶飯叄少有晚市「一人之境」套餐，好抵食！另外見佢都有好多特色川菜，食得辣嘅人唔好錯過喇。金蒜醬油牛肉炒飯今日打算唔食辣，所以一人之境餐內，第一時間睇中金蒜醬油牛肉炒飯。好有鑊氣嘅炒飯，可以加配一個或以上小食，我哋加咗府城手工蝦卷，4小件作為小小前菜，也是不錯。糖醋松子魚估唔到主菜單見到糖醋松子魚！將魚肉炸至金黃，再淋上酸甜糖醋，酸酸甜甜，十分開胃。消腫健康粟米鬚茶一眾女士最愛消腫，粟米鬚茶幫到你。而且佢無糖，0負擔架。…查看更多

屋企附近開左e間集合左台式同川菜😍嘅餐廳😋餐廳仲不時會推出唔同嘅午市套餐，晚市有口水雞，溫泉雞菜飯，川菜香鍋，魚片鍋，啤酒鴨等🤩我地要叫左晚市套餐同雞煲🥰真心多野食揀😋🌸府城蝦卷拼滷水雞翼肉燥飯加配炸花枝丸，蝦卷炸得好香，唔會太油，滷水雞翼好腍又好香濃，肉燥飯食落唔膩😍炸花枝丸，口感彈牙，入面有粒粒花枝🤩🌸麻辣雞煲微辣Bb辣加稻廷烏冬 ，味道唔會太辣，雞件嫩滑，入面仲有入哂味嘅白蘿蔔🤤稻廷烏冬吸哂個汁🤗…查看更多

老人家好聲好氣問職員份外賣有未，點知女職員突然大聲喝罵"排隊啊嘛", 之後就一走了之，完全無理過客人既需要及提問，最後竟然係另一位顧客睇唔過眼幫手搵外賣，其實老人家眼力唔好睇唔清外賣紙上既號碼，問職員都好正常，真係唔明點解職員唔幫手亦無職員提供協助，仲要鬧客人！食物已經唔好食仲要態度咁差，對老人家零尊重，唔會再幫襯！真係唔好怪人唔想留港消費，已經怕堂食要受氣而選擇買外賣，點知連買外賣都一樣要受氣，貼錢買難受！…查看更多

今天早上9：48落單早餐，咖啡及芫茜牛肉米粉都到了，只剩下炒蛋多士一路都冇踪影，連對面後落單嘅煎蛋多士都上檯，吾通炒蛋比煎蛋難得很多？問過幾位不同嘅服務員都話會跟，但睇住同佢地講完都冇見佢地去了解，只係敷衍完就去做其他嘅野，到最後10：05離場都仲未見，埋單嘅時候同個收銀講，佢都扮聽吾到，真心勁，下次吾敢再幫襯囉！…查看更多