影片
以上资料只供参考，请与餐厅确认详情
🌸虾蟹菌云乌龙暖翠面套餐，一上枱就见到色彩缤纷，卖相好靓！食材仲好丰富，包括有虾仁，蟹柳，粟米，什菌同埋菜，虾肉新鲜爽口！配埋特制酱汁，再加入暖暖嘅乌龙茶汤，连埋乌冬面捞匀一齐食，几特别🌸鳗鱼菜饭套餐份量都好足够，一大条厚身嘅鳗鱼香气扑鼻，好肥美！浓郁嘅酱汁，外焦里内嫩 ，好惹味可口，菜饭香口，健康又好味！配新鲜嘅水果同埋沙律一齐食，好味🌸糯香普洱，好浓郁嘅普洱香味，同时又带有淡淡嘅糯米香气，好清香🌸茉莉雪芽，每啖都有茉莉花香味，饮入口好清新🎀餐厅舒适宽敞，装修以木系为主，好有慢活嘅感觉！适合同朋友倾计食饭饮靓茶嘅好地方
继续阅读
今日来到土瓜湾，发现启岸商场入面有间以茶做主题嘅餐厅—茶闲𥚃，平时好少来呢区，但今次真系值得一试！😋首先试咗佢哋嘅鳗鱼菜饭，搭配新鲜嘅沙律，食落健康，鳗鱼鲜嫩，饭粒松软，沙律仲有清新嘅口感！🍚🐟🥗跟住就系虾蟹菌云乌龙暖翠面，呢碗面几丰富，里面有虾仁、蟹柳、粟米同芦笋，满载膳食纤维，食落轻盈又满足，真系好适合想保持健康嘅朋友！🍜🍤🦀🌽🥦作为一间以茶为主题嘅餐厅，佢哋提供咗多款茶饮选择，我试咗茉莉雪芽，淡淡嘅茉莉香味令人心旷神怡；另外，栖云津茶饮就特别啲，味道独特，值得一试！🍵🌸店内仲有其他款式嘅中式健康餐可供选择，真系一个好地方，适合喜欢健康饮食嘅人！下次一定会再嚟！✨#茶闲里#香港美食#土瓜湾#土瓜湾美食#红磡#红磡美食#hkfoodie#hkig
继续阅读
好友约我去位于红磡马头围道63号启岸1楼104号舖的<茶闲里>食晚饭套餐，环境舒适，装修雅洁。我哋点咗两个菜饭（小棠菜）套餐：🥢DIY炒饭（走豉油、不辣、虾仁、鳗鱼丁、杂菌、猪肉卷、蕃茄、黄瓜）+（热）养颜茶 -颜如玉小棠菜和米饭打底，自选配料，厨师会将所有配料炒为炒饭。我个炒饭系较为清淡的，加上配料实在美味可口；养颜茶系花茶，清香好饮。🥢鳗鱼菜饭套餐+（热）润肺茶-栖云津鳗鱼菜饭配车厘茄和黄桃，鳗鱼嫩滑入味。润肺茶清清甜甜。
继续阅读
- 难得放假，真系好想揾个地方松一松！所以去开红磡附近，就约朋友揾间Cafe倾计同叹下！👍🏻- 呢间Cafe系楼上铺，门口同店内装修风格一致，全部都系用浅木色格调，富有禅意之余，仲令人十分放松。而餐厅里面位置非常阔落，无论简咩位都好适合倾计或者打卡！- 餐单上食物款式唔多，但茶既种类就超乎你想像，而且相当有质素。今次同朋友就叫左两款菜饭、甜品同茶！👍🏻- 因为我地平时都唔太喜欢饮有糖既饮品，所以今次我地就叫左两款清茶，包括月下美人同小青柑，两款都会配上脆脆小食。- 月下美人我地就简左冻上，呢款茶底系白茶，饮落清洌淡雅，饮落好似冰糖咁，有种好清新既感觉，但都系无糖既。但比起冻上，我更喜欢另一款小青柑，呢款茶同月下美人唔同，系用黑茶做基底。小青柑热上会有茶壶同微火烘住，未饮已经香味扑鼻。暖笠笠咁饮仲会有柑橘味，清香但醇厚，系我最钟意既茶！💖💖💖- 至于菜饭，原来系套餐！两款套餐内容一样，只系主菜同饮品唔同，配送都会有黄桃同车厘茄。我地今次叫左鸡翼同鳗鱼加流心蛋。鸡翼果款食落有蜜汁味，仲有4只咁多。而鳗鱼加流心蛋更唔洗讲，蛋汁混合鳗鱼汁同菜饭，非常Creamy。再配上附送既两杯茶清清味蕾，劲满足。- 附送两杯饮品，我地叫左茉莉雪芽同栀子椰青。前者系可以想像既味道，后者就系茶与椰青水既结合，好清甜，算系茶既特饮之一。- 讲起特饮，我地都叫左一杯叫爬楼梯既茶特调。我地系贪得意先叫既，结果又出奇地好饮。佢系蜜瓜乌龙茶再加凤梨苹果，饮落甜甜地有果香，帮你生活带一点甜。- 甜品方面，我地叫左糯香银耳羮、桂花乌龙林明顿同开心果林明顿。- 糯香银耳羮直程就好似睇宫廷剧果啲咁，食落银耳爽口，再配搭普洱茶冻同冰糖既清甜，凉凉地唔会腻，系滋润之选！至于两款林明顿，我更喜欢桂花乌龙味，因为乌龙茶蛋糕底，再配上荔枝、桂花同椰丝，酸酸甜甜好好味。而开心果就有浓郁开心果味，同样值得一试。- 老板娘好好人。闲聊间，佢仲表示好希望多啲人认识茶饮，仲希望客人读书或者休息，都随便坐店内放松！
继续阅读
「茶闲里」位于土瓜湾，环境优雅静谧，柔和嘅灯光和木质家具让整个空间感觉温馨舒适。呢度好适合朋友聚会，或静静享受独处嘅时光。茶闲里嘅特色在于专注于优质茶叶的选择。今天我试咗「正山小种」，正好有85折优惠，立刻点嚟试试。茶叶香气扑鼻而嚟，入口后味道甘甜，令人陶醉。茶饮仲提供精致嘅小食搭配，让人在品茶嘅同时，享受更多美味。特别欣赏嘅仲有由鸭屎香、无花果和开心果制成嘅梦特别娇，除咗制成品，仲会跟一小杯茶底，让客人能体验原茶嘅独特风味，一份价钱可以品尝两种不同的口味。除咗出色的茶品，餐厅还供应几款主食。鳗鱼菜饭嘅鱼肉鲜嫩，鳗鱼汁与米饭嘅香气相得益彰，令人垂涎。而腊肠菜饭嘅味道同样出色。甜品方面，糯香银耳羹清淡爽口，红豆芝士蛋糕甜而不腻，非常适合喜爱甜品嘅朋友。虽然主食选择不多，但呢度重点在于品茶。如果你有兴趣品尝一杯靓茶，「茶闲里」绝对是一个不错的选择。
继续阅读