茶茶Go

过咗小暑，都未到大暑，但近排啲气温已日日高升，加上天雨，又热又湿，最好莫过于买杯冻饮返屋企慢慢叹。路过「登打士街」见到「茶茶Go」，好耐之前试过其金锽杨枝甘露，觉得有料到，再者，佢哋喺嚟自台湾嘅品牌，质素有番咁上下，今次就再试试店家其他嘢饮。饮品选择十分之多，大类别分为牛乳入茶、4.3牛乳、纯茶、一品咖啡、酸奶雪见沙、风味冬瓜茶、鲜果岁月时、台式茶沙冰及梳打。铺面一角贴咗张「本季至Top销售榜」，如果无心水嘅，又可以不妨着眼于此。除咗茶饮，仲有啲甜点，例如巴斯克芝士蛋糕、盒子蛋糕。晌墙上见到有一款「虎皮卷」，觉得几特别，可惜卖晒，所以，退二求其次，选番上次都试过嘅「紫菜肉松小贝」。逮丸芋头2号 $42黑糖鲜奶饮得多，反而芋头鲜奶印象中好似未试过，加上又喺店家嘅招牌，所以，今次就转转试一试芋头鲜奶。餐牌标明用上4.3牛乳，奶味自然够香浓，杯底沉咗唔少芋泥，香滑细腻，芋头味浓，此外，仲有唔少烟韧嘅芋圆，大大一整杯饮完都几有饱足感。若叶百香玉子 $36老婆最钟意百香果果茶，所以，呢一款鲜果茶饮喺佢嘅不二之选。以绿茶作为茶底，加入新鲜嘅百香果，味道冰凉清爽、酸酸甜甜，饮落零负担，加上大量手工爱玉冻，爽爽滑滑，饮吓啜吓，绝对喺消暑奇「冰」！紫菜肉松小贝 $38一份有4件，唔好睇佢好似唔大件，其实，拎上手即刻感到好坠手，好有重量。蛋糕嘅口感几软滑，又几有蛋香，里面卷住啲蛋黄酱，再加上成件蛋糕四面都黐满紫菜同肉松，味道咸咸甜甜，又带点酸香味，难得又夹到㖞。只喺饮杯冻饮，食个小贝蛋糕，简简单单嘅生活一样叫人好开心。…查看更多

喺旺角食完个lunch就去咗登打士街𠮶边买饮品，一眼睇中咗呢间有香港特色嘅台式饮品店，同埋佢嘅巴斯克蛋糕😍😍开心果巴斯克😋😋超香浓嘅开心果味！食落又唔会好甜，所以一啲都唔腻，蛋糕都做到好挺身，每啖都入口即溶，好满足🥰再配埋珍奶同埋桂花乌龙，清新一下个口腔再食，大满足！见佢个menu有一啲有关香港潮语嘅选择，非常欣赏一间台式饮品店嚟到香港开业都不忘加入返香港元素，好有心思！😋😋 下次除咗买开心果巴斯克之外，仲会食埋佢嘅原味！…查看更多

一直留意这间台湾过江龙的甜品。佢除左系一间台式饮品店，仲有各类轻食。盒子蛋糕它可说是元祖老店。今次买左一盒肉松小贝。原来小贝并不是大陆首创的糕点，早系好多年前台湾人已经食紧。呢间舖头小贝价钱比同类IG shop更平，一件十蚊有找。虽然叫做［小贝］份量可不少。小贝真身系一个超级湿润松软的原味蛋糕。涂抹上沙律酱，再碌上大量紫菜肉松，造型有如一个贝壳。蛋糕本体充满真材实料的蛋香味，大环境下依然用足料做食物系几难能可贵。我分开三日做早餐，蛋糕仍然保持到质素好软绵绵。咸咸甜甜味道又几夹。第二样系夏天必饮的废水，拣左一杯纯茶自我感觉良好。白桃乌龙价钱平，$23本来不会有特别期望，饮落有wow一下的感觉。乌龙茶好够浓香，甚至有回甘的后韵，但又不是浸泡很久的涩，钟意中国茶的人应该都会喜欢佢既茶底。白桃只是悠悠的存在，不会喧宾夺主，生果配茶的配搭超解暑。个人偏好浓茶的手摇饮，会再回来试埋其他饮料。…查看更多

旺角太多手摇饮品店，仲要愈开愈多大陆品牌嘅店。 今次去开家乐坊果边，难得见到台湾小店茶茶go，唔使排队，又有甜品卖埋，网上评论又唔错，一于试下我地2个人，叫左：🐣逮丸芋头2号 Taro Balls Milk HKD42好香浓的鲜奶味，本身都无加糖，芋头蓉甜度刚好，又唔会太多，比例唔错。入面仲有芋圆，好有咬口。 🐣翡翠柠檬若叶 Jade Lemon Iced Tea（少冰, 健康糖）HKD36作为一间小店嚟讲，佢个茶底绝对系比足心机不揸流摊，清香！ 🐣咸蛋黄巴斯克蛋糕HKD38坊间少见呢种味道，蛋糕质感幼滑，咸蛋黄味好出，芝士味都好浓，2个人分享刚刚好。总结间台饮店好评好评，店员态度都唔错，去开可以encore 呀！…查看更多

行旺角行到攰，经过茶茶go，见到唔洗排队，就买咗几杯返公司叹。佢哋主打茶香＋创新口味，今次试咗岚山乌龙烤奶、夏夜白桃扁龙，加多件虎皮卷。岚山乌龙烤奶真系有惊喜，乌龙茶底够香，仲有啲炭烧味，唔系一般死甜奶茶。奶味唔霸道，整体茶味突出，饮完唔会觉得口干或者腻，几啱返工饮住做嘢。夏夜白桃扁龙走清新路线，入口有阵阵白桃香，不过唔系果汁咁甜腻，而系透住茶香渗出嚟，感觉好天然，啱晒夏天饮，透心凉得嚟唔会头晕糖。食埋件虎皮卷，包装几靓，方便拎住行。蛋糕好松软，外层虎纹微焦香，入面忌廉唔会漏晒出嚟，甜度啱啱好。行街想叹吓甜品，但又唔想太heavy，呢件就啱晒。整体嚟讲，「茶茶go」做外卖都做得几用心，茶底真材实料，甜品水准又唔差，价钱唔算平但胜在够特别，适合茶控或者想揾啲新鲜感嘅人试吓！…查看更多