茶舍 (儲金閣)

营业中

休息中

早2日搵朋友，佢帶我嚟大埔儲金閣呢帶買野食上佢屋企。呢到都好多餐廳同小食店，最後揀左一間叫茶舍嘅餐廳，裝修新淨光猛，寬敞舒適，又幾多人食緊。揀左蒜蓉汁雞扒蛋包飯，雞扒外皮煎得香脆，雞肉嫩滑肉汁，蒜蓉汁帶啲微鹹香，好開胃；蛋包飯蛋香濃厚，個蛋煎得好好，嫩嫩滑口。蛋黃卡波尼煙肉長通粉，卡邦尼醬汁真係好味道，帶少少蛋黃嘅香味又creamy，加埋煙肉味道豐富又帶煙燻感，長通粉軟硬適中。照燒安格斯純牛漢堡蛋包飯朋友揀左呢個又係正，滑蛋包同樣出色，再加上大大塊多肉多汁嘅安格斯牛肉漢堡扒，食落牛味濃郁，淋上調味啱啱好嘅照燒醬，仲加埋好多蟹籽，口感味道更豐富。重點係呢間餐廳嘅食物價錢唔貴，食物又有質素，真係讚。

⭐️簡約晚餐✨開胃小食（紅椰菜絲、木耳、蘿蔔）紅椰菜絲味道輕酵酸與自然甜味，以醋淺漬，脆爽帶微量汁液，木耳厚脆帶膠質彈性，醬油與麻油香微辣，蘿蔔味道甘甜清新，多汁爽脆，整體酸、甜、鹹、辣交集，質地從脆到彈，激發食慾。💫頭盆餐湯（羅宋湯）羅宋湯味道酸甜番茄基底，燉煮甜椒與洋蔥的甜味，尾韻帶微辣，濃稠中有蔬菜丁的顆粒感，牛肉碎增添嚼勁。 🌙頭盆沙律（煙鴨胸蘆薈沙律）煙鴨胸燻香鹹鮮，蘆薈與生菜清爽，醬汁酸甜平衡，鴨胸薄切柔韌，蘆薈果凍狀Q彈，蔬菜脆嫩。 ⚡️頭盆小食（牛油餐包）牛油餐包外殼酥脆，內裡蓬鬆綿密，奶油甜香，融化牛油增添滑順。 🌟海陸空雜扒（大雞髀、安格斯牛串標、比目魚）安格斯牛串標濃郁牛肉脂香帶炭烤焦香，表面黑椒或香料微辛，令口感有外層微脆，中心柔嫩多汁，肉纖維細緻。大雞髀味道醃料甜鹹交織，雞皮烤至焦糖化，入口皮脆肉嫩，腿肉飽滿彈牙。比目魚味道清淡鮮甜，以香草提味，魚肉細膩滑嫩，外皮煎至酥脆。牛串的濃郁、雞腿的豐潤、魚肉的清爽，形成重中輕的味覺過渡。☀️飲品（洛神花山楂蜜）洛神花鮮明酸韻主調，山楂的果酸與蜜糖甜味平衡，尾端有花香餘韻，微稠糖漿質地，含細碎果肉顆粒，酸度明亮刺激唾液

最近成日OT，好耐冇同媽咪一齊出街食飯啦🥲今日同佢去大埔行街是旦揀咗呢間茶記嚟食，估唔到平平地又唔錯喎 🫣🍽️ 美式雜扒餐 💰98 牛扒特別要求五成熟，上枱時切開見到完美粉紅色！肉質嫩滑多汁，實在超出茶記水準！豬扒香口、雞扒嫩滑、腸仔火腿經典配搭。羅宋湯酸甜濃郁，充滿懷舊風味 🍝 鮮蜆白酒煙肉蒜香天使麵 💰94蜆肉鮮甜，蒜香白酒汁夠哂惹味，天使麵煮得啱啱好，煙煙韌韌，水準出乎意料～💡 小貼士▪️ 雜扒餐份量超大，女仔可以兩個人share ▪️ 凍飲+$3，熱飲跟餐免費

試左個四重芝士焗豬扒飯，真係好驚喜，竟然全部都係骨，一塊肉都冇，吾好講好吾好食，$60食個豬扒走肉蕃茄飯，真心覺得幾無奈，有時都吾好怪人哋想北上大灣區，食過吾會返轉頭

茶舍各區都有分店，今次入大埔踩單車食返個靚早餐先出發，比附近其他餐廳開得夠早，去到10點幾都仲係好旺，不停翻枱鮮茄午餐肉通粉 $38餐肉切成正方體大大粒又咬口，蕃茄湯唔算好濃郁，但唔會好大陣茄膏味，有蕃茄碎好清甜兩個餐本身標準配炒蛋火腿丹麥酥包，唔食火腿有得轉雙蛋，+$8 可轉牛角酥包，兩款包各有各好食野菌沙嗲牛肉湯公仔麵 $38沙牛麵同常見茶記質素相若，沙嗲醬濃郁唔會太重口味，加咗野菌更鮮甜套餐可追加切件蛋糕，富士蘋果生芝士蛋糕 $16 勁吸引，生芝士好smooth，蘋果甜甜地， share每人食少少就啱啦香草雞扒美式早餐 配 丹麥酥包 $40俾一般茶記好睇，加埋新鮮沙律菜同丹麥酥真係有少少西餐all day嘅感覺，雞扒厚身煎得香脆，好食鹹牛肉滑蛋牛角酥包 $40見佢早餐個蛋咁正，我哋都忍唔住叫多個包share食，炒蛋真係炒得好香滑，牛角酥都係酥脆唔會油膩

大埔好多唔同嘅冰室，大部份都係傳統嘅茶餐廳喺大明里見到一間裝修非常雅致，類似Cafe見到價錢唔貴一於去試吓。餐廳仲有限時早鳥優惠是12:30前或萬事7:30前堂食都有九折非常抵食。由於趕時間今次就叫咗外賣試咗佢哋嘅招牌紅燒鰻魚炒珍珠飯，魚子三文魚蛋炒飯及香濃，茄汁鮮蝦蜆扁意粉。鰻魚炒珍珠飯份量非常大有海量嘅鰻魚炒得非常乾身，比起好多日本料理嘅鰻魚炒飯更為出色。三文魚蛋炒飯屬於和風款式亦係餐廳必食推介內有唔同嘅菇菌三文魚配料非常豐富。茄汁鮮蝦扁意粉一打開竟然份量非常巨大，一個男仔都食唔晒足以兩個女仔食有新鮮嘅海鮮蜆肉及蝦香濃嘅蕃茄配上扁意粉唔會乾身非常惹味。午餐時間仲會配有熱飲，如果想加餐湯及沙律亦可升級套餐餐廳仲有唔同蛋糕款式做到真係好似一間Cafe推薦大家嚟試吓。

大家都知大埔多嘢食，大埔墟梗係美食集中地。喺外面見到個餐牌都幾平，鋪面乾淨企理又大間，一於去試吓佢！📍茶舍 (儲金閣) (大埔)大埔大明里20號儲金閣12-20號地下A號舖餐牌見到午餐同晚餐嘅價錢都差唔多，around $5X-7X就有得食蛋包飯、意粉、焗飯、扒類等等，選擇都好多，平時喺外面食好貴嘅鰻魚飯喺度都係六十幾，又有啲創意fusion，就好似黑松露蠔仔意大利飯，平時蠔仔粥就常見，但係配意大利飯真係第一次見。尤其特飲嗰度，我哋啱啱先坐低就見到隔籬枱有杯好高嘅沙冰，望落相當吸引！🔻1. 美國安格斯特級牛小排配 薯條✨ 薯條有鹹香味，五成熟嘅牛小排鬆軟好易切😁🔻2. 帶子魷魚青醬燴天使麵✨料好多🤩3. 凍檸樂同桂圓特飲✨

假日諗住食個晏晝，見門面好多人，諗住應該都唔差啩，點知真係中大伏。入座同一張台叫咗兩組兩個人嘅入座，但用同一個QR code，落完單炒埋一碟仲要叫我地自己分返開張單。野食叫咗個咖哩牛腩，份量算多，但完全唔熱。食食下都唔會再想食落去。友人就叫咗個焗豬扒飯，味道都正常同夠熱。食完飲水漱下口，點知杯水都有浸溢味。以為同一杯先係咁，飲友人嗰杯發覺都係一模一樣。同一樣價錢真係寧願食隔離。完全不知所謂，無下次。

大明里較多西式餐點選擇嘅餐廳，有pizza🍕意粉、意大利飯，亦有常餐、港式焗飯等外賣嘅話可以WhatsApp落單，有優惠更加抵食🔖香煎雞胸沙律 粉麵飯以外嘅選擇，雞胸嫩滑沙律菜以日式麻醬調味，清新開胃🥗🔖香濃鮮茄汁鮮蝦蜆扁意粉 扁意粉好掛汁，食到啖啖蕃茄味🍝鮮蝦外殻香脆，肉質超彈牙幾有驚喜配料有蜆肉、野菌🔖米蘭肉醬焗扁意粉 🍝原個錫紙兜裝住，返到去食依然好夠熱意粉爽口彈牙，肉醬味道濃郁加上拉絲芝士🧀味道更有層次🔖冰鎮蘭花苗 健康小食，跟餐可以特價加配以芥末豉油調味，食法好有新意👍🏾🔖富士蘋果生芝士蛋糕芝士蛋糕甜度剛好，口感幼滑仲有蘋果果肉，感覺唔會膩👍🏾

近來係咁打風，今日適逢三號風球落大雨，狼狽之際，經過呢間茶舍，決定入去食啲嘢順手避一避雨。本來都冇諗住食好多，但係佢個Menu又幾豐富，所以最後唔覺唔覺都追加叫咗幾多嘢🤣先嚟咗杯棉花糖熱朱古力，本身諗住都係細粒棉花糖，一嚟到俾佢兩粒大大粒嚇親，仲有啲忌廉喺面，賣相滿分！味道都唔錯，朱古力夠香濃追加餐湯係羅宋湯，比起一般茶餐廳要香濃，夠哂酸，仲要真材實料有菜有肉，啱晒我！加嘅麻醬沙律啲菜都好新鮮！做前菜開胃一流下一味係跟套餐加嘅柑橘雞件。初頭睇佢細細件仲驚佢炸得好乾，點知食落口都有驚喜！醃得幾好味又Juicy，面頭啲柑橘醬又可以解一解膩！主菜係呢個午市特餐A泰式脆辣雞堡撈麵。其實本身都對午餐冇乜期望，但一上到嚟個賣相同味道都睇得出食得出係有心機嘅，塊雞扒係新鮮炸起，唔係預先整定，脆卜卜熱辣辣，個撈麵更加有泰式風味唔係普通撈麵，我估佢其他嘢都會有返相當嘅水準最後係追加朱古力香蕉蛋糕，都係嗰句，本身都係無期望茶餐廳會有咩特別，都係諗住嘗嘗鮮，但又真係估佢唔到又有朱古力味，又有香蕉味，又唔會好甜，入面仲有啲朱古力粒，做呢一餐嘅句號啱啱好！飲飽食醉就剛剛好停雨走得，可能都要多謝呢場令到我誤打誤撞

大埔儲金閣(茶舍)，店舖座位寬敞，裝潢簡潔，中午時段好多學生哥兒在午膳，正是如此價錢必然大眾化，店舖也有窩心的禮遇給客加分🫶🫶❣️慢煮咖喱牛腩飯色香味俱全，牛腩經過長時間燉煮，肉質鮮嫩入味。咖喱香料層次分明，還帶微微少辣，加以拌米飯發揮相互融合，口感滑順。餐湯~番茄的鮮香與牛肉的濃郁交織，口感豐富。配上新鮮蔬菜，湯汁滑順，令人回味沙律菜清脆爽口，帶有淡淡的甘甜，口感輕盈。搭配橄欖油和檸檬汁，增添了清新的酸香。❣️櫻花蝦蟹粉撈飯~櫻花蝦脆卜卜帶鮮香，配上冬季肥味蟹粉鮮味濃厚，加上炒底米飯一起撈起，米飯吸收鮮甜蟹粉汁後更滑潤，口感層次豐富

大埔本來就很多美食，今天和朋友吃了一間頗不錯的餐廳，內裡座位寬敞也沒有太多硬板凳，晚餐的選擇有很多。上至港式鐵板、日式西式飯類又或是港式茶餐廳之選也可以選擇，適合有不同飲食口味的朋友一起用膳，總有一款菜式適合。很久沒有吃港式鐵板，便點了紐西蘭肉眼扒（五成熟）。此晚餐更配有餐湯濃蝦湯及沙律。蝦湯的味道真的有濃濃的蝦味，質感較為杰身，配上沙律不會過於鹹。肉眼扒上菜非常有熱度，肉類口感正常不錯。值得一提他的菜瓜口感和生熟度也剛剛好。菠蘿鮮茄三層焗豬扒飯面層為滿滿的芝士，配上鮮甜的蕃茄汁很滋味。豬扒份量也屬正常，口感不會太韌。聽餐廳指最近新出了蛋糕的口味，便點了試試。煉乳草莓芝士蛋糕草莓和芝士味很重，口感很嫩滑又creamy，就像嫩滑的草莓雪糕一般，口不停口。富士蘋果生芝士蛋糕蘋果味道亦很甜不假，配上嫩滑的忌廉，味道清新又不死甜，適合做飯後甜點。

今日因為夜晚上堂，所以專登收早返大埔食個休閒晚餐，充足電先去上堂。已經大埔墟即刻記起之前係附近食過既一間新潮茶餐廳，即刻碌過去嘆個晚餐。🤩因為我6點左右入座，未開始晚飯時間，所以人唔算多；侍應忍人手充足，加上舖頭用QR Code落單，所以相當方便！加上舖頭設計得幾有心思，除左一般卡座外，仲有沙發位，唔單單係食嘢，仲俾人一個好chill、好嘆既感受！🥳因為要上堂，唔敢食咁飽同食好多澱粉質，所以碌左幾轉個餐牌，最後決定叫個安格斯牛小排配沙律，再加份柚子雞翼，加杯野飲！😌安格斯牛小排，聞落去好香牛味，熱辣辣！🔥不得不讚既係，餐廳將醬汁安排另上，鍾意幾多就落幾多！重口味定淡口味都一樣照顧到！🥰牛小排我叫左五成熟，有咬口得來好多肉汁，但又唔會血淋淋。食到後半段，切開舊舊都係粉紅粉紅，好有食慾！下次我要再試其他牛排，茶餐廳價錢食到咁樣，真係超曬班！🤤🤤柚子雞翼係我額外order，一份四隻；開頭以為普通醃雞翼，後來發現真係有柚子醬係上面！甜鹹既口味，好似好怪，但其實好容易入口，雞翼仲無咁油膩，值得推介！😋最後我仲叫左杯芒果雜果生椰乳特調，味道比想像中清新，唔會太甜；反而係酸酸甜甜，好似飲緊乳酪飲品咁

之前食過呢間茶舍已經覺得味道唔錯今次就嚟試吓佢嘅早餐先～.芝士火腿牛角酥包牛角酥包香脆鬆軟由新鮮嘅生菜配上芝士和火腿口感豐富.黑松露鮮野菌滑蛋牛角酥包一上枱就聞到濃郁嘅黑松露香味炒蛋口感嫩滑配上鮮野菌.鮮茄湯通粉(配腸仔+豬扒)香濃嘅蕃茄湯內有薯仔、洋蔥等配料豬扒肉質鬆軟.火腿仿鮑片絲湯通粉(配 丹麥包+火腿炒蛋)無論仿鮑魚絲或火腿絲份量非常多丹麥包香酥鬆軟內層質感細密、飽滿柔軟

係大埔舊虛行行吓街見到間外觀吸引餐廳遠睇以為係台灣菜式去到門口睇原來係新潮派冰室個名"茶舍"真係好似唔似茶記竟然將茶記同打卡拉上左關係裝修得好有格調吸收不少外客光顧有幾枱係歐陸式凳雙人位好似去左啲打卡cafe食物選擇都比一般茶餐廳多中西合璧連Pizza 都有日式炒飯 意粉等等仲可以叫埋原隻龍蝦意大利飯唔洗去高級西餐廳都夠晒儀式感🤣平民價錢高級食法👉🏻紐西蘭肉眼扒（10oz）配薯條及蒜蓉汁上枱已見到買相吸引鐡板上自己淋汁重點係可以自選成熟程度不得不提伴碟的翠肉瓜好大舊🤣薯條好大條又粗身👍鐵板餐包一份胡麻醬沙律及濃蝦湯沙律菜新鮮爽脆濃蝦湯質地creamy濃郁👉🏻白汁芝士焗西蘭花除了西蘭花仲有加入菇同煙肉跟餐飲品👉🏻熱紅菜頭柚子茶套餐可以半價轉特飲掛住傾計唔記得食埋甜品𠻹😅