茶痴 (文咸東街)

营业中

休息中

有日經過上環 終於試左茶痴! 叫左佢地出名既綿芝白桃烏龍奶蓋試下😍 叫左少甜少冰 飲落好清新既白桃味 加埋一層奶蓋 甜度岩岩好🤤夏天叫一杯簡直係幫我降溫呢!!!🥳依間會再encore! 希望佢係其他地方都開分店啦 咁就可以多d機會飲到佢啦🤣🤣

超級鍾意飲芝士奶蓋，試左好多好多間，覺得呢間係其中一間值得推介既！平時好少去到上環個邊，但因為朋友強烈推介呢間，就專程過黎一試！（試完仲可以順手去隔離街食Jacomax!)綿芝白桃烏龍 $34 (8/10)佢個芝士奶蓋做得真心好好！好香芝士味，甜度亦岩岩好，而且唔會好稀！要做到呢幾樣野其實唔容易！太稀的話，轉頭就同啲茶融為一體；太濃的話，又勁難先吸到上黎個人認為個芝士奶蓋值9分！至於茶底，我要左半甜，呢個甜度對我黎講岩岩好但茶底方面就冇個奶蓋咁令人驚豔，白桃味唔算好濃如果下次再黎，會想試芝士奶蓋四季春！朋友話呢間野長期多人，尤其係下晝，分分鐘要等成粒鐘！我個晚七點Whatsapp落單先，七點半去到就岩岩好有得拎建議大家都電話落定單先！（Deliveroo每杯都貴幾蚊，建議直接Whatsapp同鋪頭落單，傳單上面有佢電話，可以去餐牌相片個到揾到）

上環唔止佢一間茶飲店，今次特登行去搵佢，都係因為聽人地講話佢地嘅奶蓋好好味🤭😍講到咁誇張，緊係要試下啦🤪.綿芝日本靜崗抹茶 $39.知道佢地最出名top1係白桃烏龍，不過個人都係最鍾意matcha🤣🤣先講佢地嘅抹茶，抹茶味唔算超級超級濃但一啲都冇偷工減料，抹茶粉同奶嘅比例都好好又唔會澀得濟，甜度我要咗少甜，岩岩好👍🏻重點！奶蓋！真係好好味😍奶蓋好厚好綿密，芝士味濃，鹹甜度夾得好好，令人想每一啖都飲到奶蓋！不過佢地嘅奶蓋要$9，希望份量可以再多啲🤣🤣

炎炎夏日，咁啱喺上環，搵吓附近有咩未試過嘅珍珠奶茶，見到呢間好多好評，雖然又熱又多人，都去買杯試吓啦。行到入去，聞到好濃嘅茶味，好似好吸引，買咗杯original啲嘅紅玉鮮奶茶加珍珠，結論係，真係唔好飲，真係唔好飲，真係唔好飲珍珠唔夠咬口，冇乜味、好淋；奶茶似普通港式餐廳嘅台式奶茶，茶味太苦，奶同茶都唔夠香滑，再講多次，真係難飲。見到好多好評係讚佢嘅奶蓋同水果茶，可能真係好出色⋯⋯⋯但普通珍珠奶茶就真係不了

而家夏天超熱，飲番杯凍冰冰既茶最好不過。茶痴最出名就係佢啲奶蓋茶，而舖頭推薦嘅係奶蓋白桃烏龍茶，已經飲過好多次，都係覺得其他舖頭取代唔到呢杯。佢啲芝士好香同埋有啲鹹鹹地，配埋佢啲少少甘香嘅白桃烏龍茶，真係好好飲。不過因為佢太多人等，大家可以用唔同平台落咗order先，如果唔係就要喺門口曬住等。

四月天氣終於都熱番D☀️又可以開始買番台式飲品🧋✌🏻今次試左呢間係地鐵站附近嘅小店去到門口已經有10個人排隊睇黎幾受歡迎不過店舖裏面位置好細要排到出街門口有個牌介紹季節限定綿芝奶蓋台灣金鑽鳳梨口味$43不過我見佢舖頭推介綿芝奶蓋白桃烏龍$34而且平過限定好多😆所以諗住第一次都係試吓佢舖頭signature drink✨✨買完之後因為條街太窄所以都係拎到番屋企先開黎飲番到屋企奶蓋都無溶奶蓋香濃又唔會話太”漏”開頭就咁飲左幾啖之後就攪勻咗比例同茶大概1比4奶蓋比例適中唔會蓋過茶香白桃烏龍本身都係清淡為主我揀咗微甜覺得啱啱好另外我見舖頭除咗奶蓋純茶系列最特別係佢有咖啡系列如果朋友少飲台式飲品或者唔鍾意飲甜野可以一試佢嘅咖啡系列我見佢有一個ice dripped coffee下次可以一試

見到好多人推介依間既奶蓋茶，就好期待去試一試係咪真係咁正😋上環店面較窄，但人流非常多，非繁忙時段去都等左25分鐘先飲到🙈門外有個少少打卡位。茶款種類繁多，有選擇困難症既我就決定試下佢地既招牌飲品☺️❀ 綿芝白桃烏龍茶今次揀左佢地既招牌飲品😋好鐘意佢地既奶蓋，好綿滑又充滿著淡淡既芝士香，較其他奶蓋茶既芝士味冇咁鹹，啱晒鐘意清清地既我🥰白桃烏龍味道清新，桃味慢慢溢出，茶味突出，冇被芝士奶蓋蓋過味道👍🏻口感輕盈，唔會太膩，飲完唔會覺得有罪惡感🙈 ⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️💫📸環境：⭐️⭐️⭐️🤵服務：⭐️⭐️⭐️⭐️💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆

文咸東街美食林立，東西美食都集中左喺呢一帶。平時行經呢條街都會見到呢間茶痴不斷有人排緊隊買茶飲，今日再經過一於黎試一試！ 門口同窗都掛住茶痴嘅招牌吸引客人餐牌都有各式各樣嘅茶飲，特別嘅係除左芝士奶蓋之外都有乳酪奶蓋代替，對於麻麻地芝士嘅我乳酪可能仲吸引。季節水果限定嘅3款特飲特別做左poster，分別係台灣蜂蜜味柑橘、日本青森縣蘋果同最近大熱嘅台灣金鑽鳳梨。==============================台灣蜜柑四季春 (走甜) $38由於我唔係咁好太甜，而且預期蜜柑會帶甜味，因此叫左走甜版本。走甜對我黎講啱啱好！唔會太甜得黎又帶出到蜜柑嘅清甜，仲有啖啖蜜柑肉同蘆薈，蘆薈同蜜柑一樣咁清新，生津止渴，正！ 茶痴📍上環文咸東街14號地舖

相信好多中上環返工既朋友都會試過呢間我聽親返黎既都係好評，一直未有機會試收工見冇乜特別野做就行佐去試下先睇店舖menu其實都唔知點揀好 (選擇困難症)見menu有個唯一貼住推介既「綿芝白桃烏龍」所以就揀佐呢杯佢既芝士奶蓋的確好出色😋 濃濃芝士味茶味都算濃但白桃我就唔係好飲到純粹普通平時飲到既烏龍茶味冇咩驚喜🥺所以都有啲失望不過佢有款「綿芝青森縣蘋果」都好受歡迎希望下次有機會再試下相信驚喜會大啲🥰

睇左吉吉 @katiekwongxx youtube介紹奶蓋茶，去左茶痴試飲top 1綿芝白桃🍑烏龍（$34）佢嘅芝士🧀奶蓋，比坊間嘅綿密輕盈，芝士味唔係濃郁，配合白桃味好freash，有啖啖白桃甜味，好香，烏龍茶好解渴🍵上環分店店舖比較窄細，排隊買同拎嘢飲就要將就下，但無損大家幫襯意欲🔥🔥🔥地點都方便  相對容易到  打卡飲品值得對比外面奶蓋茶，呢道三十幾蚊，雖然價錢唔平唔貴，但的確幾好飲。 CP值唔錯  絕對會回頭再飲

白桃烏龍奶蓋 🍑 $34呢款係小店嘅招牌飲品 本身唔記得嗌少甜仲好擔心會太甜 點知飲落都幾清新 甜度適中 奶蓋非常厚 好cheesy同creamy 鹹度適中 茶底亦都幾甘香 但可能因為奶蓋太過濃郁 有少少蓋過咗白桃嘅味道飲到後期先慢慢飲到出白桃味OVERALL: 推薦😆 (8/10)飲品嘅選擇都幾多 下次想試吓其他水果嘅配搭小店非常細 只提供外賣 但係平日下午茶時段都已經好多人喺度排緊隊 小店既門外裝修幾文清有打卡位可以俾大家影相

Craving for some cheese latte? I recommend checking out Chicha! I got their infamous fluffy white peach tea, and I fell in love. It’s so dangerous how this is so close to my office because I crave it everyday! Definitely need to watch out for them calories. What’s even better is they try their best to support sustainability. When I told them I didn’t require a straw, the cashier thanked me for supporting sustainability! Next time I go I definitely want to try other flavours.

📌 茶痴~上環每次經過呢間台灣飲品店都勁排長龍😱店名同logo都很可愛 一直都好想試吓被譽為香港Top 3芝士奶蓋茶😗而且係良心店 啱啱仲開去咗九龍灣～上環店喺地鐵站行2分鐘就見到 幾方便人流很多 都等咗15至20分鐘先拎到😩門面有小清新的感覺 又唔少植物擺設有少少企位 但幾乎都被淹沒😂飲品選擇都幾多 最出名嘅都係奶蓋茶亦有養生系列 加入左桃膠但今次買完覺得整體味道冇我想像中咁好飲🥲1️⃣ 錦芝日本靜岡宇治抹茶 𝗙𝗹𝘂𝗳𝗳𝘆 𝗠𝗮𝘁𝗰𝗵𝗮 $𝟯𝟵 (𝟲/𝟭𝟬)呢個價錢都幾大杯 叫咗微糖小冰奶蓋唔算好濃厚 但係幾creamy🥛對於我來講未夠合格 希望可以再濃稠啲😂奶蓋鹹度偏低 抹茶回甘味很重 飲到一粒粒抹茶粉 應該係溶解得唔夠😭但係攪勻之後變得更加渾濁😩好明顯飲到一粒粒🥲2️⃣白桃烏龍+寒天 𝗙𝗹𝘂𝗳𝗳𝘆 𝗪𝗵𝗶𝘁𝗲 𝗣𝗲𝗮𝗰𝗵 𝗢𝗼𝗹𝗼𝗻𝗴 $𝟮𝟱 + 𝗔𝗴𝗮𝗿 𝗕𝘂𝗯𝗯𝗹𝗲 $𝟱 (𝟳/𝟭𝟬)白桃烏龍都算係佢哋嘅招牌 今次加埋寒天😜桃味都幾突出 飲落幾清新😋烏龍嘅香醇 茶底都幾香濃唔會覺得烏龍茶好苦 甜度剛剛好👍🏻但係寒天咬落有啲硬 唔太好味🤭💡整體嚟講 飲品無話好有驚喜🙁白桃烏龍其實唔錯

係上環食完野經過呢間排長龍既茶飲店，先知佢係人氣奶蓋茶飲店，呢間小店之前未聽過，但佢由2019年開業半年內已經變成人氣店，呢家連九龍灣都開左新分店。朋友飲過話似喜茶，甚至比喜茶更好飲，鍾意奶蓋茶既我一於就去左試。呢間茶痴主打芝士奶蓋茶，最人氣既飲品有綿芝白桃烏龍、日本青森縣蘋果、黑糖珍珠鮮奶，另外綿芝四季春都係店鋪推介。當日係星期日下午三點到，去到已經有8-10人係我前面等緊野飲，等左大概十分鐘就有。-🧋 綿芝白桃烏龍💰34 （👅: 9/10）呢杯係佢地招牌、都係最多人叫既奶蓋茶。如果淨叫白桃烏龍$25，計返芝士奶蓋要$9，價錢黎講算貴小小既奶蓋茶。買完之後奶蓋唔會話好快就同茶MIX左一齊，即使走冰都唔會塌落去。白桃烏龍飲落清甜唔會過甜，烏龍唔會苦澀，有淡淡嘅茶味，白桃味唔算突出，味道清新消暑解膩。至於佢既芝士奶蓋更加係錦上添花，奶蓋偏厚實綿密，份量足夠，味道偏濃但唔過甜，會飲到芝士既咸香同時又飲到cream味，鹹甜味道平衡得好，cream味比較重，飲落似new york chesse cake味道，濃稠既質地入口係滿口creamy既感覺，滿足得黎又唔覺heavy，因為有白桃烏龍平衡奶

入鋪頭幫襯買咗兩杯熱飲（$25冬瓜茶同$25綠茶鮮奶），見到客人連招呼都唔打聲，竟然由客人做主動say hi，佢都無反應，只係一邊聽我落單一邊入機。Fine~ 等咗陣，見佢係咁痴膠紙落個蓋度，覺得奇怪。諗住環保就無問佢拿袋了。但拿上手，feel到熱，問佢有無紙巾可以隔住拿走，佢指住包紙巾意思係叫我自己拿。拿走行左半分鐘，覺得好唔妥...愈來愈熱，頂唔順，但周圍都係車同馬路，完全無位放低，D液體又「朗尼朗去」，驚驚地，點知D紙突然變軟，蓋無啦啦自己打開，兩杯野即場好似爆煙花咁倒瀉落兩隻手同條褲度，濕哂！omg!!! 真係燙死我......... 隻手發軟，即刻變紅，面前只有一個垃圾桶，我諗都無諗理唔到咁多，放咗兩杯野上垃圾桶度..... 途人見狀拿拿聲拿紙巾比我，仲叮囑我小心呀滾水！無錯，今次真係滾水...監生碌熟咗隻手～即刻衝咗去藥房買燙火膏，老闆仲問我咩事。佢都叮囑我下次要小心啲.... 手又紅又腫又刺痛，不停查藥膏，都仲係痛咗成日。Anyway 想講嘅係，賣野飲連隻杯同蓋都要慳到盡... 整親人好咩？希望你見到呢個po，為下一個買熱飲嘅客人著想，換過隻杯同蓋啦⋯⋯仲要做埋quali