茶木‧台式休閒餐廳 (Mikiki)

营业中

休息中

呢間餐廳環境光猛望落企理，入座都好快，呢度唯一壞處就係只收電子支付但唔收現金，但電子支付收款方式都ok多既。我地叫左一份牛筋牛腩飯，佢會用蠟燭煲住個餸等佢keep住熱度，但牛腩份量呢個價錢就比較少，牛腩係軟熟厚身既，但份量建議可以再多反dd，蘿蔔比較多。另外叫左一份鹽酥雞扒飯，呢個餐既炸雞扒稍為重手左少少，偏咸，炸粉都比較厚同埋炸既油比較黑廚房要留意反，配菜既豆腐竟然係凍食既，呢個就真係口感差左少少。飲品推介水果茶熱既比較好飲同大壺。

都已經有一排冇食過茶木，之前感覺麻麻地，個牛肉麵其他野食都感覺比較咸，係佢之前個個雪糕麵包磚比較特別，不過隔左一排今次再去，佢d menu轉左好多，多左好多新野食，可以一試。個雞湯味道都好濃，同埋都足料，有成4，5件雞，同埋見到有一條條既蟲草花，唔似出面個d溝左水落味精個d例湯，不過佢個湯就唔係好夠熱，雖然下面有個座serve埋俾你for keep住夠熱，但佢上到枱時枝蠟燭就冇點著到😅，所以飲個陣只係微暖。至於個拌麵味道都唔錯，d麵係平時食開台式個種撈麵同埋都好彈牙，撈埋隻醬味道剛好，唔會太漏或者唔夠味，同埋d雞係用雞脾肉serve，所以都好滑，個人唔係好食雞皮，但佢d雞皮既油都有d 滲左入d麵度，再加埋隻醬，整都成個麵味道都好夾。跟lunch set叫既玫瑰花紅茶，茶既味道同平時飲個D冇咩分別，不過玫瑰花都幾多，唔係平時餐廳就咁放一兩粒， 杯茶配搭左一塊曲奇，甜甜地味道唔差，同埋可以提升玫瑰花茶既香味。順帶一提，杯玫瑰花茶用左個雙層既隔熱杯黎ｓｅｒｖｅ，賣相不俗又唔驚太熱拎唔到。

3人行台式下午茶福州魚丸紫菜湯米粉～2粒魚丸味道冇特别～可能係即食嘅～米粉少多紫菜～湯比較淡紫菜水餃湯米粉～豬肉水餃味道剛好台式醬牛肉湯米粉～有2條菜～醬牛肉2片鹵水幾入味蒜香麻辣豬耳朵～偏辣但幾開胃紅油抄手辣油幾香不過比較辣～可能係急凍餃子味道麻麻哋金黃鹽酥雞～炸粉厚度適中～有好幾嚿～幾脆香口好好味黑麻油雞翅～香濃黑芝麻油味幾特别黑糖薑母茶、蜂蜜柚子茶即冲味道冇特别加一服務費～下午茶整體份量算少

茶木這道茶香鮭魚湯漬飯，讓人眼前一亮。米飯被精心燜煮，顆粒分明且飽滿。鮭魚切塊鋪於其上，新鮮肥嫩，入口即化。湯頭融入茶香，清爽解膩，為整道飯菜增添了獨特的淡雅香氣，一口下去，唇齒留香，令人回味。

試試大集團旗下的台式料理店味道如何，裝修精美具時尚感！但裝修都只是其次，味道才是最重要！下午時段當然吃下午茶，點了三杯牛肉香蔥蛋餅配黑糖冬瓜茶。三杯牛肉是一道台灣家常菜，而蛋餅則是常見於台灣早餐店的料理，兩者crossover極具台灣風格！蛋餅吃起來挺Q，像我之前在台灣吃的蛋餅，好呷！冬瓜茶，台灣三大古早冰飲之一，台灣一常見飲料。因為天氣寒冷，黑糖冬瓜茶只好選熱的，有冬瓜味，跟我之前在台灣喝的差不多……此店不足之處就是不收現金……

最近發現咗一間新開嘅餐廳—茶木，坐落喺mikiki，環境靜謐舒適，非常適合打卡同埋享受悠閒嘅午後時光！親開階段，無論咩時候都幾多人，下午茶去都要等大概10分鐘先有位。讚下服務態度先，雖然就要搭枱嘅，但係服務員態度好親切，而且入到去大家都會同你打招呼👋🏻感覺不錯！今日我哋試咗幾樣下午茶小食，首先係鹽酥雞扒手工拌麵（$62）雞扒外脆內嫩，鹽酥雞嘅香味撲鼻而來，真係熱辣辣脆卜卜，新鮮滾熱辣咁樣炸出嚟。搭配手工拌麵，口感滑順，好入味！每一口都令人驚喜，真係好推薦！跟住係照燒雞刈包（$52）包皮鬆軟，裡面嘅雞肉醃得剛剛好，甜中帶鹹，味道平衡得宜，配合刈包嘅Q彈感，食落好滿足！♥️仲有一碗紫菜湯，湯底清爽，紫菜嘅鮮味夠濃，十分開胃，完美襯托出其他小食。特別要推介嘅係芋泥芋圓鮮奶💜，芋泥香濃滑順，配上Q彈嘅芋圓，係咁用條匙羹潷啲芋泥，好味到停唔到口！相比之下，黑糖珍珠奶茶🧋就唔係咁突出，珍珠唔夠Q，有啲失望啦，始終你係買台式嘢㗎嘛，味道有啲普通。總結來講，茶木絕對值得一試，Mikiki都越嚟越多新嘢食。今次呢間餐廳無論係環境定係食物，都令我好滿意！期待下次再嚟！🥰✨ #茶木 #mikiki #下午茶

外賣下午茶自取，下午茶款式吸引，外賣返到去都仲有餘溫，所以都係可以接受，下午茶分量飯比較少（輕食）但可以接受，不過飲品就有啲可以改善空間，凍檸檬茶係沒有調好味道，糖水還糖水，茶還茶嘅味道、檸檬係無味，事關沒有另加購餐具，所以直接飲就會好奇怪⋯⋯