茶木‧台式休閒餐廳 (屯門市廣場1期)

营业中

休息中

尋晚同中學同學聚會，順便睇下佢個BB，因為有BB車，所以揀左空間比較大既茶木。我就無食過所以都比朋友話事，但可能星期日，我地叫既食物入面有兩樣都無，滷味拼盤，柚子南瓜茸沙律同，比較可惜。最後叫左兩款手打麵，溏心蛋，蝴蝶麵，酒糟雞翼，紅油抄手等等兩個朋友叫左水果茶，我同另外兩個朋友就叫左咖啡同珍珠奶茶。個蝴蝶麵好味呀～～汁醬好夠味，而且個蝴蝶麵幾特別，煮得唔算好Lum，唔錯。墨汁麵（？）凍左都無腥味最後叫左個甜品，都夠脆～

說起{茶木}便想起去年車車做手術後留醫時我每晚都在外食的其中一間餐廳,說起來內心還有點戚戚然!!可幸車老爺得到上天眷顧,手術順利兼很快復原我才放下心頭大石,不經不覺又活多差不多一年十分感謝上天!!這次帶著開心心情走到屯門的茶木‧台式休閒餐廳跟好友來頓下午茶,一到埗便看見跳皮的反轉檯凳高高掛在天花板上感覺很有生氣~五月糉也未吃天氣巳熱得緊要梗係要杯{凍珍珠奶茶}啦,味道不會過甜茶味亦算足夠而且超大杯好抵飲囉,我不算喜歡吃珍珠但內裡的煙韌沒粉味又幾好味噃^0^好友的{桂圓紅棗茶}試了一口紅棗味都很出不過像熱戀中的少女般"甜到漏"呢~先來一客{土豆絲炸蝦卷}捆綁式的薯絲包裹著爽口蝦肉,咬下一脆一彈沾上美奶滋一同吃真的滋味無限,香口炸物"萬歲"Yeah~{古早烤香腸肉燥飯}這味中正我下懷,有我最喜愛食的台灣香腸,香濃滷水味的肉燥,及香口沒"罕"味的鹹菜加埋粉香的滷水蛋,整件事也完美無瑕^0^{酥炸雞扒麵}有點像刀削麵的麵條咬口甚佳,湯底吃得出牛味可幸香料味亦足我也能吃下,酥炸

一星期吃兩次buffet，的確有點過份，但其實日常生活中為甜魔媽媽增肥的魔鬼還有很多，茶木的蜜糖磚塊就是了！年多兩年前，茶木稍稍進駐YOHO Mall，害我一個月內連續吃了三次，增了不少多磅；而忘了甚麼時間，原來屯門店也開幕了，還對正UA戲院，看戲前後很順理成章又去吃。特別一提，新店的裝修十分過癮，除了一貫的文青風格，屯門店更大玩反轉效果！不過這裡下午2點多仍有不少人流，不然真的可以孖朋友扮野拍照。先來飲品，好友點了珍珠奶茶，樣子平實、但卻好喝不花巧，是我的心水選擇；不過這幾天都咳得緊要，還是來熱的桂圓紅棗茶，成品初飲有點太甜，不過也有好處就是較耐喝，我慢慢添水再熱再飲，前後飲了約三壺之多。還有幾驚奇是屯門店有兒童餐具提供，之前元朗店都不覺有的！午睡醒來的兩兄妹各要了一份；也多得他們，這頓的肥膏不致全落在甜魔媽媽巨腩上。首先是小吃的土豆絲炸蝦卷，由薯絲包裹大蝦、炸得香脆不油，點上滋味沙律醬進食，效果相當美味，大人小孩都喜歡不得了！然後點了古早烤香腸肉燥飯，成品比預期中高水準，除了滷蛋香得不行，肉燥不會太肥、香腸香口美味，最重要是鹹菜爽甜好吃，撈飯吃非常開胃，害我這天破戒吃了特多米飯進肚

睇完美3便和朋友來這裡食個tea先~雖然是下午4點多但仍有不少人排隊。幸好等了不太耐就有張4人台俾我地。見到新出的徐太宇麻醬撈面,為了感受一下少女情懷就試試吧,哈哈~有雞絲,花生同青瓜,面是TEAWOOD手作面。麻醬另上俾我地自己撈。醬的味道有淡淡芝麻味,花生味比較突出,是台式的做法,撈埋一齊都是清新的味道,不會過濃,好味道!田園蕃茄手作面,除左蕃茄酸味都係蕃茄味,沒什麼特別。石板街蜜糖磚,份量比旺角分店小了一點,蜜糖再多些就好了,面包焗得香脆可口,下次都係去旺角果間食更好!BTW,服務好好,值得讚!

屯門呢間茶木都開左一段時間，今晚黎試下先 黎到都好多人排隊，等左大約半個鐘先有位我地先叫咸食叫左紅燒牛肉麵，個牛肉煮得好林呀！好香牛肉味！湯底好濃麵質煙煙韌韌，好正不過就略嫌份量細左d，呢個份量$73都幾貴。另外叫左個雞排肉燥飯，個雞排炸得好鬆脆呀肉燥飯好香同台灣食o既一樣最後當然要食甜品蜜糖磚啦！叫左草莓味蜜糖磚超超超好味呀！草莓雪糕好滑，個蜜糖多士好脆，糖度剛剛好！

今晚去左茶木，我都係第一次去，成日都聽人講呢間野d甜品好食，試過後發現原來吾止甜品得，其他野都好好食，吾怪得我星期一八点幾去，都要等成半個鐘先入到座(通常星期一都比較少人出街食)。今晚叫左個紅燒牛肉麵+支扒老肉飯再+士多啤梨雪糕多士，全部都得，正!!呢個老肉飯好有台灣風味，係香港真係好少有。我平時去台灣日日都食老肉飯，而家吾洗特登飛台灣，香港都可以食到，太好啦！還有佢地個雞扒做得好出色，可以話係我食過最好食嘅雞扒，外脆內軟，個皮好簿好脆，裡面d肉好滑好多汁。牛肉面就ok啦，都林嘅，過有d蘇。我估係d雪牛肉本身吾靚，吾新鮮嘅牛肉會蘇嫁。同埋我知元朗有間台灣牛肉麵好食好多。士多啤梨多士就真係無得頂原本食飽左食吾落但一食就停吾到囗，結語係: 原來食甜品時真係會用第二個胃嘅！

上一次來茶木已經是上年的事了，那次是下午茶時段(牛肉面真的很好吃)，今次是來吃晚飯的。首先映入眼廉的是頗長的隊伍，我們由6點半等到7點半，終於可以進內了。我只是簡單地點了一點煙三文魚沙律，因為想減肥，哈哈。别以為它很小碗，其實吃起來也挺飽的。下面是次消費的價錢是已經加了加一服務費。

牛腩麵唔使講必叫，大大塊又稔又香既牛腩，有咬口既麵加上濃濃肉香既湯，好味道，我加配左一杯熱珍珠奶茶，講真佢地既珍珠奶茶味道一般，不是很濃郁那種。套餐魚湯時蔬，柳橙鱸魚扒，肉燥麵，熱柚子茶，時蔬只屬一般，纑魚扒都幾大舊，炸得很酥脆，肉質結實，冇腥味，有淡淡魚香，肉燥麵肉燥很香很野味，柚子茶甜味適中，有柚子香。套餐九層塔炸小蝦，黑糖姜母鴨，香芋新竹米粉，柚子冰，炸小蝦好食，小蝦配九層塔很開胃，個鴨就一般般，有少少酥，黑糖同鴨既配搭亦無為大家加分，米粉比較清淡，芋頭尚算粉，柚子冰甜度屬於少甜，茶味較重。甜品藍莓起司蛋糕，甜甜的藍色加上起司蛋糕一齊食，簡直係絕配！

大年初一的第一餐我們一家三口選擇了這間台式餐廳前菜點了“甜蜜溏心蛋”，味道一般！小食要了“黑油雞翼”及“地瓜燉嫩牛腩”家人喜歡牛腩，因腩肉燉得夠“淋"，但我比較喜歡雞翼，肉質挺嫩，醬油味香主菜要了“蕃茄田園金栗手作麵”及“松露野菌奶油培根手作麵”本人本就是白汁愛好者，加上這道菜奶油味香滑，所以較喜歡後者甜品是“芒果奶油酥皮拿破侖”夾層鬆脆，奶油夾著芒果肉👍其實在我來說茶木的食品雖不是十分值得去推介，但以這平民化的價錢來說，這個質素已算不錯了!

年初二去屯門巿廣場覓食, 想到上次見到有間茶木, 就去看看, 不到十個人排隊, 也就等一會吧。原來今天要加二收費, 不過既然想吃, 也就接受吧。我們二人叫了豬軟骨麵以及紅燒牛肉麵豬軟骨和紅燒牛肉都好軟腍, 分別在於牛肉較啖啖肉, 豬軟骨就少點肉多點骨, 麵是扁平身的, 有點不規則像手打, 咬落煙靭, 紅燒牛肉麵配上幾塊大大的紅蘿蔔, 湯底是有點藥材味的牛肉湯, 很好喝, 蠻有台灣風味。紅油炒手 - 好多辣油辣椒籽, 有點麻辣感, 辣得有點過份, 對我們來說太辣了, 我也不喜歡這種辣, 要用湯清洗一下, 才比較能吃。水果茶, 小小一壺, 都能倒上兩三杯有不少生果可吃, 色彩繽紛, 酸酸甜甜的, 茶味同果汁味道各一半, 好岩女仔飲。

猴年大團拜過後一行七大四小舊同事去就近嘅茶木，環境舒適，可是沒有嬰幼兒座位和餐具提供，這值得留意。本人第一次食，睇到餐牌已經心動，種類繁多又吸引，由其我愛辣嘅紅油炒手同麻辣豬耳，香辣集於一身 ，炸雞排、豬排肉燥飯味道剛好，夠哂酥香， 台式烤香腸唔會太鹹，空口食都唔使擔心， 豆乳一雞翅辣辣地，一條骨方便食，豆乳香味撲鼻，味道似腐乳醬， 相比黑油雞翅味道多好，好似冇餣味 ，味濃得個樣，雞肉完全冇味，酥炸大魷魚味道一般，外皮淋上相信係茄汁同芥末，吃時用刀切會脆皮跟魷魚完全分離，很難鋸，要用剪刀處理， 土豆絲炸蝦卷有點功夫，外層土豆香脆，口感係脆炸極幼薯條包住鮮嫩蝦肉， 有驚喜，其餘麵食食得出花了心機，湯有陳皮碎，好香濃， 香料雞肉蝴蝶麵同烏賊奶油花枝片手作麵很好吃 ，但肚快撐開了，甜品外觀太吸晴，反正多人share，叫了個石板街朱古力蜜糖磚塊， 蜜糖多士甜蜜脆口，配溶化的朱古力雪糕一絕，整個用餐好滿足

年初一, 同咗屋企人去屯門間茶木度食下午茶比平時少人, 不過都要排咗陣隊佢部出排隊飛嘅機冇開, 營幕顯示要跟隊排點解我形容得咁清楚呢? 因為埋單嘅時候佢收咗加20%收咗百幾蚊服務費當時係有啲愕然, 問返收銀員, 佢話有顯示喺出面排隊屏幕但真係睇唔到, 佢flash咗幾次都唔見當然, 新正頭, 唔會同佢嘈, 同埋人哋紅日要開工,俾多少少但係香港地, 仲要連鎖式餐廳, 真係好少會收加二仲要咁鬼鼠, 唔貼喺當眼地方, 又唔主動提醒客人就真係真係好差!講返食物質素, 亦真係冇荃灣嗰間咁好食suppose佢哋係同一個formula煮出嚟, 應該一樣, 但真係冇咁好食我不盡錄食物, 揀幾樣嚟講啦呢杯抹茶忌廉奶凍($34) , 奶味太重, 抹茶味冇乜黑麻油雞翼($58), size細, 話係黑油, 但唔香口, 有黑油味, 但主要都係咸咸哋, 唔impressive松露野菌奶油培根手作麵($72), 主要係啲麵太硬, 松露香味係有, 但食落冇乜

本身去睇戲但又未夠鐘見戲院對面開左間茶木，又難得唔使排隊就去tea一tea先 打開menu見都有幾多選擇，價錢都算一般都可以接受由於我地唔肚餓所以就叫左1杯香橙百香果蘇打同1杯芒果沙冰，加埋1份石板街蜜糖吐司。落單嗰時講明話吐司要等20-30分鐘，可能餐廳嗰陣人流唔係太多，所以好快到左香橙百香果蘇打都ok,唔會太淡芒果沙冰都好濃，面頭好似有cream咁野，個味都幾夾終於都到我最期待嘅：石板街蜜糖吐司啦～～～ 我覺得cream唔夠多，可以再多d，可能我比較鐘意食cream,個吐司好似得中間有蜜糖，如果成塊包都有蜜糖會正好多，塊包炸得太乾搞到有d過硬不過整體黎講個味都ok嘅，都冇失望嘅⋯⋯價錢都算合理可以接受，唔會太貴2個人埋單都係百零蚊下次可以再試其他野食

其實聽朋友講喺其他地區都試過，今晚見到屯門開咗就不妨試下，我覺得值得講嘅有兩樣我試咗嘅，一樣係煙三文魚配生果嘅麵，都幾得意，咬感都幾好，第二樣係有個雪糕&cream嘅包，內裡有已被切成一舊舊嘅蜜糖多士又唔淋，雖然七十幾蚊，但我好鍾意，兩個人食就剛剛好