茶木‧台式休閒餐廳 (德福廣場1期)

营业中

休息中

最近發現茶木真係開到梗有一間係左近的感覺，行街行到攰攰地，又見到佢~好，下午茶就你了~入座的時候就被告知用餐時間只有90分鐘。。。嗯，吃個Tea就應該還好，如果係吃晚餐，好似有點點趕喔。今次下午茶的重點--士多啤利蜜糖磚塊，其實即係厚多士層層疊加雪糕&士多啤利。外貌計絕對係呃like必備，食感計都非常豐富沒得輸，多士邊邊烘到好脆，內裡切成易入口的細細小方塊，一啖咬落去，有種爆蜜糖的感覺，當然唔中意甜的人可能會覺得吃多幾塊就膩了，但剛入口真係會有驚艷然後幸福的感覺，所以呢個產品都係比較適合三四個人開心share。然後再叫了一個芒果黑糖芋圓仙草~其實就係一個台式大雜燴甜品，有幾款唔同口味的芋圓、仙草、珍珠、紅豆、薏米，再加上芒果，拌勻之後口感非常豐富，同時味道不算太甜，可以解一解蜜糖磚塊的甜膩感。最後朋友再加一杯嘢飲，埋單200幾蚊3個人，按吃甜品來計唔算平，但就吃到好飽，按飽足感來講等同吃飯。。。

今日難得有半日假期，去同朋友聚聚，順便吃個下午茶！ 我地選擇咗九龍灣德福一間台式休閒餐廳- Teawood 茶木！可能是下午茶時間，一去到不用等位，直接安排入座！ 餐廳環境寬敞，有很多坐位！ 我們選擇了兩個下午茶餐：紅油抄手、溏心蛋雞翼、Rose Latte、水果茶！Rose Latte（玫瑰拿鐵咖啡): 拉花很有心思，但中不足的是杯咖啡來到巳有倒瀉！紅油抄手： 味道不夠辣，反而個汁有少少甜，感覺奇怪但食落也不錯！ 而且有青瓜配菜，很開胃！溏心蛋雞翼： 不過不失吧！水果茶：有很多生果在茶裡面，味道很有層次！轉眼間，傾傾計又五點幾，這裡的確是一個傾計的好地方！

星期一約好兩個同事一齊返九龍灣總公司開會，由於公司未來有一大方向改革，須要我地主任級同事返回總公司，聽聽公司計劃，下午兩點準時開會，期間會議十分流暢，歷時一小時的會議就這樣完了，同事間沒有異議，正式完會。咁早收工無所事事，我建議同兩個要好的同事，找地方吹下水，於是我地係德福商場行下逛下，同事提議去茶木到整個下茶，嘆個下午茶邊食邊吹水。我叫左個黑糖芋圓水果仙草，配黑糖珍珠奶茶，$45有齊一個甜品再加一杯台式飲料，我覺係十超值，一上檯賣相十分吸引，顏色鮮艷，而且份量幾足料，食落味道也不俗，士多啤梨幾新鮮，芋圓有紫有黃，口感QQ，仙草味濃的，黑糖珍珠有咬口唔太甜，紅豆、薏米、蘆葦、珍珠，整碗口感好豐富，另外有杯黑糖珍珠奶茶，飲料可以的，十分抵食。相反我同事叫左黑森林櫻桃蛋糕，蛋糕件頭細，味道是可以的，只配普通飲料熱檸水，都要五十幾蚊!綜合來講，黑糖芋圓水果仙草，配黑糖珍珠奶茶價錢抵份量多，性價比高，值得推介俾大家!

同朋友食完晚飯之後，我地起九龍灣行咗陣街，行行下見到有d鋪頭開始準備收鋪，先發現完來已經行到9點幾。我地仲想傾多陣計，於是決定起德福廣場搵間餐廳食甜品。行經茶木，見冇人排隊，於是決定食茶木嘅蜜糖磚。依間茶木係冇㩒飛嘅機，所以我地要自己搵staff帶位。Staff見到我地就主動同我地講佢地last order係10：15，問我地有冇問題，我地ok咗之後起門外面等咗大概5分鐘，staff就準備好座位俾我地。抹茶紅豆層層疊黑糖磚塊($82)朋友好鐘意抹茶，所以就叫咗抹茶味嘅蜜糖磚。一嚟到個樣係一如以往咁，好適合打卡。而味道方面，雪糕好重綠茶味，溶嘅速度唔算好快，可以慢慢食。不過朋友就話依種唔係抹茶，只係普通綠茶雪糕，我就對抹茶冇咩研究，好食就得la。紅豆蓉對我嚟講有d過甜，好易就膩。咁甜嘅紅豆再加埋黑糖醬，可以話係甜到漏。多士粒好脆，好好食。我就建議就咁點雪糕食就夠。最後提提大家，起茶木用銀聯信用卡埋單會有九五折，其他信用卡冇嫁，如果有銀聯嘅話記住用，難得銀聯有優惠😂

今日放假約左朋友去睇商場既exhibition,所以黎到九龍灣,未睇之前緊係要去醫下肚喇😋😋近近地,又好耐無食,茶木,決定是你了😘我同朋友2個都唔係食好多,所以今日叫左一個小食一個甜品士多啤梨磚🍓🍞,幾年前係熱點打卡既,今日心血來潮再去會會佢～我自做鍾意夾開個雪糕先,等佢溶左唔會整到個多士濕晒,多士照舊糖漿面🍯另外叫左個三寶小食,有溏心蛋,豬耳同魚豆腐,溏心蛋好食🍳豬耳辣得好過癮,魚豆腐都幾彈牙幾得意😁

德福食飯多選擇，原本諗住食壽司或日式料理，點知勁多人。拿完飛轉個圈行吓，又俾我見到間茶木，啱啱冇人等位，就佢啦。話咁快就入坐了。見到第一張晚餐牌已經有心水，亦冇再去望其他了。叫左兩個餸，加 $30 變套餐，有飯有沙律或蛋糕，仲有飲品，明顯引人啫。落完單D食物陸續送上....... 隔離枱 原來姐姐落錯枱號，好彩D枱夠密，影響不大可以自行解決。飲品先行，有玫瑰花茶同柚子密茶，玫瑰同柚子都偏少，只能說是點敍或吊味。鳳梨鮮果甜酸肉咕嚕肉的變奏版，都幾大碟，味道唔錯，有集團酒樓的水準。上完主菜先返轉頭上沙律，我地都差D唔記得左。咁就中西合璧一齊 fusion 吓喇！食到七七八八，先上另一道菜式，沙茶大蔥牛小排。其實反而似金不換炒牛仔骨，味道太濃了，一定要送飯食。食到飽飽，原來仲有件甜品，小茶木戲院。唔知係因為飽定太甜，兩個人 share 都食剩一半。甜品櫃冇乜剩，莫非咁快沽清？服務一般啦，見隔離左右都好難先揾到人落單、收碟、加水、拿碗仔.......一來唔夠人，二來手腳慢，亦有漏單錯單，要改善吓。

打工仔除咗每個月煩幾時出糧之外，每日仲要煩食啲咩菠蘿肉扒肉操飯 配黑糖冬瓜茶今日大概12點就去到茶木，完全唔使等位就可以入席，實在是太好了！今日叫咗菠蘿肉扒配肉操飯，另外餐飲就叫咗黑糖冬瓜茶。個菠蘿肉扒賣相唔係幾吸引，個醬黃色一pat咁。。。聞落去都有啲奇怪。。。不過食落都係普通菠蘿味嘅醬汁，係有少少似太熟嘅菠蘿搞出黎嘅醬汁而且個肉排亦都有啲硬，唔算太好食不過值得一讚嘅係杯冬瓜茶甜度啱啱好，而且我最鍾意嘅係佢個豬耳配菜，酸酸辣辣咁好開胃

同朋友係ikea食左下午茶就去行街，係德福行行下發現原來已經9點😳但大家都唔太肚餓，又想搵個地方坐低慢慢傾下計，於是決定去茶木食個甜品當晚餐😂去到茶木發現冇得攞飛，要係前口排隊。可能時間太晏，出面冇人排，所以等左陣就可以入。可能我地人多，店員安排我地坐門口位，啲椅有得挨幾舒服。我地叫左個黑麻油雞亦麵同埋紅豆抹茶層層疊黑糖磚塊，一共$160.70。個麵底係刀削麵，味道唔錯，好入味。甜品就要等15-20分鐘先上，但係個麵包更左啲，個抹茶雪糕似係台式果種抹茶，假甜冇回甘，同日本抹茶味唔同，整體嚟講價錢偏貴，食物質素同價錢唔成正比，性價比唔高，冇咩事唔會再嚟食。用銀聯卡俾有95折！

星期日約左幾個朋友一齊去九龍灣行街，我地本身6點個陣已經食左d嘢，行到9點幾個陣又想食d嘢之後就諗起德福有間茶木，可以叫d嘢食坐低繼續傾下計～之前食過幾次茶木都係叫滷肉飯豬排飯食，未試過佢好出名既甜品～所以就叫左個「紅豆抹茶層層疊黑糖磚塊」，抹茶雪糕個抹茶味唔係好出，有種假抹茶的感覺；成個甜品我最鍾意食既就係個吐司，好脆～佢配既生果有士多啤梨同藍莓都幾新鮮～但就住呢個價錢黎講，味道又唔係好出色我就覺得唔值呢個價。

可以如何休閒呢？火都黎！隔離檯班州民鬼殺咁嘈，食飽瀨死唔走！兩個大媽一個阿伯高談闊論，您地當自己係塊田度吹水呀？除埋鞋赤住腳擘大喉嚨講野，好很騷擾！再加兩個細路係檯櫈爬上爬落，極度影響食慾及情緒！落單原來係齋講號碼，依個做法都簡單易明好多既，最好覆多次確認無報錯號碼。埋單到檯面講檯號？都幾奇怪，有張單揸手更好喎。寶島三小碟，椒鹽豆腐磚冷冷入口，意然好好味！薄薄外脆，繼而白滑豆腐肉，皮香口包著豆香嫩肉。甜蜜糖心蛋，我最鍾意食雞蛋，每日最少一隻蛋落肚架。夕陽般的橙黃色極具吸引力，付味蛋白清香可口，不過咸不混濁，搭上濃郁甘甜雞蛋黃，黏黏彈彈味道出眾，拍案叫好！最後來幾條醬油蘿蔔漬清清味蕾。麻辣豬耳朵青瓜粒，油膩感極重，麻痺感薄弱，火辣感全無。豬耳皮膠彈，軟骨脆卜卜聲音十分悅耳，青瓜無用鹽醃味道太淡了。雜菌炒 A 菜，暖暖溫柔的炒油麥菜，沒什麼火氣，沒什麼鑊氣。爽爽菜莖菜葉，輕輕的調味混上靚菇，味道可口。香煎餃子，裡面空盪盪乾爭爭，沒有肉汁，悶悶的演繹，白紙捲肉碎，淡而無味。蚵嗲肉碎泡飯，蠔 BB 細細粒瘦猛猛，不夠肥嘟嘟，不夠飽滿，沒有爆汁感覺。蠔甜不腥，湯汁普通，沒有添食的衝動，其求消滅掉

今日同朋友兩個人午飯，我朋友12:00到 我就約12:10到，我地好快點左餐，食物都好快到，食物 我諗間間差不多 唔需要特別comment. 我地好快吃哂，waiter 都好快執左台，坐低連吃連埋執台，12:30左右已攪掟，佢地就同我地講外面好多人等位催我地埋單，我諗呢間唔係茶記嗎 雖然有個茶字，我地就無理 諗住住多一陣 跟住唔到十分鐘 又再話 唔好意思麻煩你地埋左張單，因為出面有人等，依家第一日出來開餐廳咩，我入來 你無限時呀，埋單都唔平架 一人一碗麵，兩舊幾水，無收加一咩？係咪有病！

星期六下晝兩三點，去左德福廣場行街，呢個時間最啱食下午茶，所以就入咗茶木。呢個時間去茶木，唔使等位，直接就入得啦。兩個人嗌左一個酥炸雞扒面同埋士多啤梨蜜糖吐司。酥炸雞扒面 - 酥炸雞扒好好食，唔會面粉，雞扒好嫩滑，好香口，碗面個湯底幾好飲，再加上一啲芫荽，非常香。士多啤梨蜜糖吐司 - 我一直都最鍾意呢個吐司，亦都係因為呢個吐司秹茶木食嘢，但由於呢個時間食呢舊嘢，實在太濟，所以今次有啲失望，食唔到嗰種好滿足嘅感覺。由於唔知係咪因為佢見下午茶唔係人多，店內只有兩個員工，舉隻手都冇人理，落單有啲麻煩。

之前去旺角茶木要等好耐，九龍灣好小小。 我最開心就系呢度可以飲花茶，雖然唔可以好似台灣甘無限添飲，但可以一試已經好滿足。芒果窩夫好大份，兩個女仔食都有d吃力，不過勝在夠脆好好食。仲試左花枝餅，原來鹹食都唔會輸得過甜品。

這天來到茶木，沒有午市套餐，那就點了一份煮法較為西式的「松子青醬大蝦手作麵」。這個麵要$90，不包括飲料。麵彈牙、大蝦雖不夠爽/彈牙，但尚算有少許鮮味，配菜有雜菌和松子。青醬，醬汁很特別，一點也不辣，似是香草和欖油製成，味道不錯，略帶一點點油，但尚可接受。這天人流不算多，不用搭枱。侍應一眼關七，有主動給予水和餐具，又主動落單/收碟，服務算是不錯。衛生方面卻有待改善，原因是那杯水的水杯沒有洗淨，我只要拿起水杯，還沒有放到咀邊，已看見杯上印有明顯的唇膏印

第二次食茶木，今次是下午茶依然叫了我最愛的士多啤梨蜜糖吐司反而今次比第一次好味，因為今次落單時加多了三個字〈少蜜糖〉，所以能省的還是省下，效果會更啱你口味，配上一杯玫瑰茶完美的配搭