茶木‧台式休閒餐廳 (東薈城名店倉)

Teawood系一间连锁台式餐厅，有时都会食吓，今次就第一次喺呢度食嘢，佢嘅装修都几新净，又坐得几舒服，今次嚟食午餐，我食返佢最出名嘅红烧牛肉面，面质弹口，份量正常，不过不失，再配一杯热姜母茶，姜母茶配一块饼干$88。另外，再点了一个盐烧鸡粒肉燥盖饭，肉燥味浓郁很好味，炸鸡扒超级大块，再配上青瓜酸菜，份量很大，再配一杯芋泥珍珠奶茶，杯嘢饮有啲难饮，$68。每次嚟到呢一间餐厅都会感觉很好，今次体验也正正常常。…Read More

🧋 中午路过茶木呢间传统连锁台式餐厅，去到见到门口排队人龙都有啲犹豫，结果等咗大约20分钟先入到座。幸好店员态度非常好，全程笑容满面，主动招呼。🏠 茶木一贯走台式文青风，木系装潢配上柔和灯光，整体感觉温暖又舒服。🍗 盐酥鸡炸酱太厚，鸡肉亦不够嫩滑，调味偏台式咸香。配肉燥饭一齐食，旁边仲有青瓜酸菜，食落冇咁腻。🐷 小食麻辣猪耳切得薄身，麻辣味唔算太强烈。🍯蜂蜜红茶茶底香浓，饮落清新解腻，刚刚好中和咗炸物嘅油香。…Read More

当年就系觉得佢差左，所以放弃佢，谂住几年冇食，又有商场coupon，就谂住比次机会佢，但唔会再有下次！免费都唔会再去！盐酥鸡卤肉饭，个饭底只系微暖。红烧牛肉面个旧牛肉原旧上，切都唔切开，个面亦唔够热。杯黑糖珍珠奶茶，叫左少冰，结果隔咗一碟冰出嚟，然后得返半杯！如果用呢个价钱，宁愿比多少少去同一商场春水堂，好过食埋啲垃圾！…Read More

外卖晚餐蚵仔肉碎泡饭, 加送一张print out 单..... 咁仲食唔食好？呢度曾经有好亲切嘅员工, 不错嘅食物质素, 近年每下愈况, 而家连基本嘅食物卫生都守唔住, 又一间食肆唔会再帮衬。…Read More

喜爱台湾美食，虽然多分店但间中都想食茶木。坐得又比较舒服。Teawood 红烧牛肉面。汤底好浓不辣。牛𦟌好腍兼入味,萝卜同样腍入味。白萝卜更甜。台湾面条正常弹牙唔糊口。台式卤水拼盘。流心蛋正。卤水豆腐，牛肚，鸡翼，猪腩肉，牛𦟌都好入味。有种甘香仲慢慢渗出嚟。份量十足。一流小食。配地瓜米粉好食。 金黄盐酥鸡，有加入九层塔一起炸，带有特殊的香气。好松脆。炸粉够脆,腌味够,鸡肉好食。樱花虾鱼汤浸娃娃菜，菜好甜，因为鱼汤甜。带有樱花虾香。跟餐点了黑糖姜母茶。好浓姜味。暖暖胃。每点一份餐可加$9加配黑糖小芋圆奶茶。有台茶的香气。芋圆唔硬，烟韧有咬口。又抵饮。…Read More