茜廊餐廳 (天盛商場)

今日午餐來了天盛商場這間茜廊餐廳！沒想到下午時間人頭湧湧，幸好餐廳座位很多，所以很快都安排入座了！看過餐牌食物選擇種類很多，有午市套餐、意粉、飯、兒童套餐、鐵板餐、小食等等應有盡有！看到午餐都能吃到鐵板餐，而且鐵板餐的選擇也有很多款，有不同種類的肉選擇！太美味了！我點選了香煎羊扒配魚扒鐵板餐！鐵板餐熱辣辣送上，淋上了香噴噴的洋蔥汁！色香味俱全！羊扒超巨大，羊肉吃起來啖啖肉，味道非常不錯！煎得的熟度恰到好處，肉質不會太韌，而且還能保持肉汁！除此之外，還有一件魚扒，魚柳啖啖肉非常嫩滑！整個配搭相當不錯！仲有薯仔粒、蘿蔔粒等等的配菜，這個鐵板餐又美味又豐富，而且非常飽肚！另外一客點選了午市套餐，龍蝦汁海蝦燴飯，燴飯做得相當出色，而且龍蝦汁及海蝦都充滿鮮甜香氣！所以每一啖飯都有滿滿的湯汁，鮮甜無比，極之惹味！仲有爽口彈牙大蝦，同埋彈牙菇菌！每個套餐都會免費配上羅宋湯或忌廉湯的，忌廉湯相當足料，入邊仲有滿滿的菇菌粒，相當有咬口！以及會配上又香又脆卜卜的蒜蓉包！正飲品方面，加配了一杯特飲，火龍果芒果特飲！相當足料，有滿滿的粒粒芒果果肉！配上了火龍果做成的果汁，非常清新清甜！啱晒炎炎夏日！另一杯是檸檬茶！正正常常的，非常解渴！…Read More

頭抽嗌嘅鐵板扒，配埋忌廉焗薯，黑椒汁香到成張枱都聞到，扒嘅熟度啱啱好，嫩到唔使咬都散開，忌廉薯綿到入口即溶，呢個組合真係癲咗！跟住個手指魚柳，外層脆卜卜，入面juicy到漏油，咬落仲有淡淡香茅味，清新到連食幾條都唔膩～雜果賓治甜甜地，配埋法國鵝肝多士，鵝肝滑捋捋，多士脆到「卡嚓」聲，油脂香同麵包香夾埋一齊，真係幸福到飄起🤤 最後飲返杯凍檸茶，少冰少甜啱晒港人口味，解膩又清爽！間店環境坐得舒服，出品又夠穩，一個人食都可以歎到豐富到癲，天水圍街坊真係有口福！下次一定要拉埋朋友嚟掃多幾款～…Read More

茜廊餐廳 Sidewalk Cafe Restaurant 📍天水圍天靖街3號天盛商場1樓L128號舖十月底除咗係萬聖節，亦係老爸生日月，今年約好老爸三日，分別同唔同parties慶祝生日。其中一餐係我同老爸撐枱腳，去天水圍茜廊食嘅晚餐，撞正月尾有萬聖節套餐，決定每樣都叫啲同大家分享。住大西北咁多年，茜廊就存在咁多年，每次去完會所玩之後，諗唔到食咩就總係會走咗去茜廊食，都算係童年回憶。店舖闊落、上菜快、餐點有共同回憶等，都係茜廊嘅特色，令喜歡傳統舊式西餐嘅老爸好滿意！[價錢 Price] 💰$48手指魚柳配薯條 🍟呢個價錢其實幾抵食，手指魚柳炸得超級香脆，而且唔油，咬落外層鬆脆，內裏嘅魚肉仍然保持嫩滑，唔乾。粗薯條都炸得唔錯，熱辣辣、外脆內軟，再配少少茄汁或者他他醬，經已好滿足。[價錢 Price] 💰$98精靈放大鏡 🔍萬聖節特別套餐其中一款係田螺南瓜薄餅，以鵪鶉蛋做眼睛、南瓜片做嘴巴、沙律做蜘蛛網，賣相頗有創意。Pizza係薄底款，邊位脆口，茄醬同芝士相輔相成，搭配鹹香嘅田螺，味道出奇地夾，經典中帶點創新，應節食都幾特別。套餐亦包埋「吸血鬼魔法」紅菜頭忌廉湯，睇落紅噹噹，好有氣氛。忌廉湯甜中帶微微菜香，即使我唔鍾意食紅菜頭都能接受。飲品方面就有「古怪精靈朱古力特飲」，即係朱古力飲品，除咗有塊Oreo 點綴之外，仲有一大球朱古力雪糕，非常驚喜！佢哋仲特意用棉花糖同硬糖扮成眼球，夠晒古怪精靈。[價錢 Price] 💰$68香濃茄汁焗豬扒飯 🥫我哋亦叫咗個港式經典茄汁焗豬，飯面舖滿芝士同茄汁，夾雜蘑菇、西芹、紅蘿蔔等雜菜，焗到香噴噴，一啲都唔hea。豬扒厚身，肉質唔柴，茄汁酸甜度調得啱啱好，炒飯亦有鑊氣，大大份，CP值好高！[價錢 Price] 💰$108香煎羊髀扒 🐑鐵板上嘅羊髀扒煎得好靚，表面焦香，切開入面仲有少少粉紅色，肉質嫩滑，無咩羶味。相比羊架，羊髀無咁多骨，啖啖肉，食起上嚟更方便，配埋少少汁同雜菜，味道平衡。以一百蚊鬆啲嘅價位嚟講，絕對值回票價。[價錢 Price] 💰$29蜂蜜合桃蛋糕 🍰甜品時間，為老爸呈上第一件生日蛋糕！呢個蜂蜜合桃蛋糕出乎意料地好食。蛋糕鬆軟唔乾，合桃粒香口，蜂蜜味香而不膩，如果配埋杯熱茶就perfect啦！…Read More

以前去得最多茜廊係德福總店，搬去大西北就係天水圍店，餐廳最近慶祝44周年，推出全新餐牌<童年回憶>，有多款懷舊菜式，戴安娜牛柳、華都夫沙律及法式焗蝸牛，香蕉船等經典滋味。🥩戴安娜牛柳配忌廉焗薯（$178）牛柳用煙肉🥓包住，外焦內嫩，容易切開，忌廉焗薯都唔錯。🐌 法式焗蝸牛（半打 $68）每一隻蝸牛都被滲入香草蒜蓉牛油，味道香濃，底部薯蓉吸收晒醬汁都唔好錯過。🐟香煎羊髀扒拼魚扒（$108）魚+羊=鮮，羊髀扒較為薄身，但肉質幾嫩。魚扒炸過都好滑，海陸新「鮮」組合。鐵板餐真係童年回憶，熱辣辣上枱，最鍾意佢倒汁嗰陣時鐵板發出吱吱聲，拎起餐巾遮住塊面😆…Read More

好友約我去位於天水圍天靖街3號天盛商場1樓L128號舖的<茜廊餐廳>食午餐，環境舒適，裝修簡潔，好有復古風情。🥳期間限定🥢枝竹黑草羊腩配白飯+凍檸檬茶 $76：秋風起才有的懷舊菜式，一定要食；羊腩炆得軟腍入味， 蘸腐乳醬闢羊騷味，送飯一流。🥳撐留港消費🍴鐵板特級肉眼扒套餐 $98 配蒜蓉汁+白飯+ 粟米忌廉湯+蒜蓉包+ 凍檸檬茶，追加迷你蛋糕 $12：五成熟肉眼扒煎得皮脆肉嫩，牛味香濃，蘸蒜蓉汁係另一風味，唔錯。🥳童年回憶🔅華都夫沙律 $88：沙律菜新鮮，配料豐富，好健康的菜式。🔅香蕉船 $48：經典懷舊的甜品，小小的油紙傘令人回憶兒時的點滴。…Read More

位於天水閣天盛商場的「茜廊」，以舒適寬敞的環境和多元座位安排著稱，無論是二人約會或十二人聚餐皆能輕鬆容納。店內座位闊落，營造出悠閒自在的用餐氛圍，讓顧客在品嚐美食的同時享受愜意時光。餐點方面，招牌菜如「鐵板特級西冷牛扒」可依喜好調整熟度，搭配濃郁黑椒汁與香脆蒜茸包，風味十足；「海底空」系列提供豬扒、雞扒或魚柳選擇，配以燒汁及羅宋湯，層次豐富；此外，「茜耐小食脆盤」包含炸薯角與南瓜，炸物香脆不膩，適合分享。餐飲則有凍好立克與凍咖啡等選擇，清涼解渴。整體而言，這裡不僅環境舒適、空間寬敞，更以多樣化餐點滿足不同需求，是親友聚會的理想選擇。…Read More

一入到去佈置得好靚，今次主題係萬聖節。晚上六點幾餐廳已經坐咗七成嘅人。今次試咗佢哋嘅🍴鐵板特級西冷牛扒，七成熟啱啱好，肉汁豐富唔鞋口，配上香濃黑椒汁，夠晒惹味！底下仲有意粉墊底，吸晒醬汁一啖接一啖停唔到口～加配香脆雞翼（2隻）只需+$12，外脆內嫩，絕對係性價比之王🔥🍲前菜有羅宋湯 + 蒜茸包，暖胃又開胃，仲有一杯熱好立克，童年回憶即刻湧返如果你想升級享受，仲有👇🥩香煎澳洲殼飼T骨牛扒（16安士）$238，七成熟一樣咁juicy，啖啖肉香，啱晒牛魔王！🧄加$38仲可以試埋法式香草焗田螺，香草牛油香氣撲鼻，配埋熱檸茶，完美收尾～💬總結：茜廊餐廳真係抵食又有質素，唔使飛出香港都可以享受高質牛扒盛宴！…Read More

早兩日喺樂富茜廊食完個西餐，今日同拍檔落天水圍做嘢，又見到呢間分店,即刻同佢入去試試。估唔到天水圍呢間分店有咁多選擇，除咗食扒之外仲有雞煲。拍檔叫咗個兒時回憶：鐵板雜扒配薯條：有薄牛扒、香腸、豬扒、雞翼，上邊仲有隻靚雞蛋，無論賣相同口感都一流。加$38仲可以配餐湯同蒜蓉包。佢嘅蒜蓉包值得一讚；新鮮做起，夠晒脆口。我就叫咗個華都夫沙律；真材實料大大份；蘋果同啲沙律菜，西芹都非常新鮮；夠晒健康。跟住我跟套餐加$10要咗個雜錦賓治；靚仔兼好味。最後見到有雜果啫喱；細細杯唔飽肚夠,晒趣緻，埋單兩個人唔使$400。服務殷勤有禮，今時今日香港有質素的西餐廳買少見少。一定要多多支持。…Read More

香港探店！这次来天水围找到一家超赞的西餐厅😍 天盛#茜廊餐厅 晚餐时间到啦～门外就看到晚市套餐超划算👍连肉眼扒都有包括！除了扒类还有意粉、焗饭和甜品选择超丰富～前菜选了罗宋汤配蒜茸包❤️蒜茸包烤得热乎乎超酥脆，罗宋汤酸度刚刚好，里面还有超多牛腩肉，搭配松脆的面包简直绝配！主菜必须推荐铁板特级肉眼扒🔥上桌时店员会帮忙淋汁超贴心～肉眼扒超级厚实分量十足，七成熟的口感超棒，里面还带着粉红色，肉质超级松软多汁💯有4种酱汁可以选，总有一款适合你！最后结账才300多块，尝试了这么多菜品真的很划算～整体体验超棒，强烈推荐大家来试试看！…Read More

「茜廊餐廳」係香港開左好多年，係新界同九龍都有分店，我細細個就已經開始幫襯，餐廳風格走懷舊港式西餐，午餐時段除左有學生餐，普通set lunch之外，仲有「童年回憶」餐牌，價錢餐民。是日放假，難得唔洗湊仔，兩公婆試下「童年回憶」食物，做返日小朋友先。「童年回憶」餐牌選擇都好多，沙律、小食、主菜、甜品咩都有。我地叫左沙律、小食同主菜share 食。值得一提嘅係餐廳係用QR code落單，送餐時仲有機械人，小朋友們一定覺得好得意。華都夫沙律沙律配料以蘋果粒、西芹粒、提子乾同沙律菜組成，搭配沙律醬拌勻，入口清爽，層次豐富。茜廊雜扒配薯條-扒茄呢個雜扒餐有薄牛扒、豬扒、雞翼、火腿扒、腸仔、煎蛋、西蘭花、蕃茄及薯條。雜扒餐以傳統鐵板盛載，上檯時熱氣騰騰，散發出陣陣香氣，牛扒肉質軟嫩多汁，配埋黑椒汁，非常惹味，豬扒厚切啖啖肉，雞翼外皮略脆，肉質鮮嫩。手指魚柳配薯條手指魚柳外皮炸得香脆，咬落去魚肉鮮嫩多汁，配埋炸得恰到好處嘅粗薯條，令人一啖一啖咁食過不停。主菜同沙律可以加＄38 配湯，蒜蓉包同飲品，湯可以揀忌廉湯或雜菜湯，我地揀左忌廉湯，入口creamy，配埋剛剛出爐嘅蒜蓉包，簡直係完美配搭。飲品方面包咖啡或茶，想飲童年回憶飲品嘅話只需要加＄10，就可以飲黑牛、白牛、或者雜果賓治，平時無咩機會飲呢啲，一有機會，點可以唔試下呢？黑牛真係充滿懷舊風味，依加都唔知咩地方飲到，黑牛其實係可樂加朱古力雪糕，又有汽水飲，又有雪榚食，夏日炎炎，非常清爽，真係充滿童年美好嘅回憶。雜果賓治果汁配上汽水同雜果，賣相顏色鮮艷，真係好吸睛，小朋友見到一定鍾意。除左童年回憶餐牌之外，呢度仲有兒童餐食，全部都用靚靚餐盤送上，下次要帶埋小朋友黎呀。…Read More

今日適逢family day 一家大細出去行街食飯，今次選擇咗天水圍嘅茜廊西餐廳😌 餐廳面積頗大，座位數量很多，設置適合幼兒的座椅或嬰兒椅，位置空間會考慮父母帶同嬰兒車是否方便，餐桌高度及座椅會有適當調整，以滿足幼兒及照顧者需要。👍🏻兒童餐👧🏻👦🏻選項，兒童餐設計多樣，食材新鮮，口味偏向迎合小孩喜好，份量適中，讓家庭帶小朋友來用餐時更為方便和舒適。份量適中，足夠一個小孩吃飽但不會過量，讓家長放心。套餐還會配有蒜蓉包和餐湯，份量設計體貼，既滿足小朋友的食量，又避免浪費。特濃芝士鮮茄焗豬扒飯，🐷豬扒厚切嫩滑，配上焗得香濃的芝士和鮮茄醬，味道豐富且開胃。套餐一般附送飲品、餐湯以及蒜蓉包，入口口感濃郁，豬扒保持肉質嫩滑，搭配鮮美的茄汁，平衡了芝士的濃厚感，令整體風味更突出，適合喜歡西式燴飯的客人。鐵板西冷🐮牛扒口味備受好評。牛扒肉質軟嫩且多汁，配搭香濃的黑椒汁，令牛扒風味十足。部分評論提到牛扒有少許筋位，但整體口感仍然柔軟，黑椒汁香味濃郁，增添牛扒的層次感，是性價比高且味道豐富的菜式選擇。…Read More

茜廊餐廳裝潢現代、舒適,真的非常適合聚餐和慶祝！🎉推薦二人晚餐～～- 鐵板特級肉眼扒拼** 🥩 這道肉眼扒煮得剛好,外焦內嫩,口感超級滿足！😋 - 煙三文魚芒果沙律** 🥗 清新嘅沙律搭配肉眼,真係絕配！- 忌廉湯及蒜茸包** 🍞 濃郁嘅湯品+蒜茸包完美嘅配搭！- 鵝肝黑松露意大利特色飯** 🍚 香濃嘅黑松露味道,絕對不容錯過！環境舒適,服務也很到位,讓人感到賓至如歸！❤️ 下次會再嚟！🌟❤️❤️❤️❤️❤️❤️…Read More

來到天水圍探朋友，誤打誤撞闖入咗呢個屋村商場入邊搵食！見到呢間茜廊餐廳價錢都幾親民，一於喺到食返個平靚正西餐！餐廳仲有埋送餐機械人添～✨鐵板西冷牛扒配薯菜西冷牛扒粉量十足！五成熟剛剛好，用鐵板上可以保持牛扒嘅溫度！牛扒色澤粉嫩，食落口柔軟多汁！配搭蒜蓉汁，味道一流～✨黑椒雜扒意粉呢個雜扒餐超抵食！有齊豬扒、雞扒、漢堡扒 同埋法蘭克福腸，簡直係食肉獸至愛！意粉彈牙，撈埋黑椒汁之後變得好惹味～✨忌廉湯忌廉湯帶有濃郁嘅奶香，仲食到粟米粒同埋蘑菇粒添～✨蒜蓉包蒜蓉包蒜香濃郁，香脆可口！最鍾意嘅食法就係點埋忌廉湯一齊食～✨凍奶茶✨熱檸水…Read More

天水圍茜廊餐廳有左好多年，間中都會同住天水圍嘅朋友黎食，貪佢地方大有大枱，食物選擇多價錢親民，是晚又同天水圍友黎食啦。點左兩份餐同兩份小食，QR CODE落單介面易用。⭐羅宋湯 & ⭐忌廉湯 & ⭐蒜蓉包跟餐有餐包同餐湯，揀左一紅一白湯，再配上烘得香口蒜蓉多士，正。⭐蒜香雞翼雞翼香脆好食，蒜香味正。⭐葡國馬介休球炸得香口，入面仲有一絲絲魚肉😋⭐三色芝士焗海鮮飯白汁加芝士係絕配😆飯炒底夠香，焗得乾身仲有飯焦，海鮮有蝦仁、魷魚、青口等，好食。⭐黑松露野菌薄餅薄餅一上枱就聞到香味，黑松露好香呀，芝士同蘑菇都下得多，加上餅底香脆，係正喎😋⭐凍朱古力 & ⭐熱檸茶餐飲軟凍飲唔使加錢㗎😆店內仲有送餐機械人，記得拎完後㩒製叫佢返回原位呀。…Read More

好耐冇食過「茜廊餐廳」啦 細個成日跟屋企人去食早餐 估唔到佢地既晚餐都咁抵食 今次試咗個豐悅二人晚餐$269 性價比高到嚇親我✨頭盤煙三文魚芒果沙律 個沙律好大碗 煙三文魚份量十足 配埋香甜芒果同新鮮沙律菜 個酸甜醬汁開胃得嚟又唔會太膩 食完已經有少少飽肚感✨餐湯我地揀左羅宋湯 好彩我果碗入面有一大舊燉到好淋既牛肉 湯底濃郁得嚟唔會太鹹 配埋熱辣辣既蒜蓉包 外脆內軟 浸落湯食簡直係絕配✨主菜♡鐵板特級肉眼扒揀左7成熟 塊扒真係好大塊又厚身 切開仲見到粉嫩既肉色 肉質夠淋又juicy 最正係鐵板上枱時仲滋滋聲 配埋雜菜同薯仔 夠晒經典♡芝士白汁煙三文魚煙斗粉估唔到係焗既 面層芝士烤到金黃色 煙三文魚同煙斗粉既份量多到好似食極都仲有咁 白汁creamy得黎又唔會太漏✨飲品 凍飲大大杯又唔洗加錢 都唔錯✨甜品今日甜品係芝士蛋糕配士多啤梨醬 芝士味濃郁 質地夠實淨 配埋酸甜既士多啤梨醬 好滿足 …Read More