茜廊餐廳 (德福廣場1期)

营业中

休息中

餐廳位於德福商場平台上蓋，經地鐵可方便到達。餐廳佈置得好溫馨，座位舒服而且寬闊，好適合情侶和家庭聚會。套餐含有忌廉湯及蒜蓉包，忌廉湯味道香濃，蒜蓉包口感香脆，可以浸落湯配搭食用。板燒特級肉眼扒配薯菜以松露黑椒汁為主調，配菜有香菜、燴雜菜和薯仔。肉眼肉質鮮嫩多汁，用牙可輕易咬開，熟度剛剛好，中間色澤粉嫩，口感軟熟可口，用鐵板可保持其溫度。芝士焗龍蝦意粉經典西式懷舊菜式，龍蝦開咗邊，用芝士醬鋪滿左表面，有拉絲效果，龍蝦肉可輕易取出食用，意粉爽口彈牙，整體味道豐富。凍紅莓茶熱檸檬水

德福廣場開業多年嘅西餐廳 ，座位闊落舒適，配上輕音樂，食個悠閒下午茶的確唔錯下午茶餐牌有焗飯/意粉、湯麵、西多士等，可優惠價配餐湯同餐包🎈餐湯·餐包餐湯有羅宋湯或忌廉湯選擇餐包係蒜蓉包，口感香脆，點湯一齊食好正🎈咖哩雞飯咖哩汁好香咖哩味，質感濃稠夠香濃食到咖哩同香料味而唔會辣雞扒同薯仔份量多，兩者都煮得入味啱晒送飯🎈芝士焗芒果魚柳飯即叫即焗食到熱辣辣嘅焗飯芝士做到拉絲，白汁加上芝士奶香，味道更上一層魚柳厚薄適中，份量方面亦俾得好足整體creamy得嚟唔會膩

👧🏻😋👅🍽✨午市特惠扒餐-🍽️ 位於德福平台, 早/午/茶/晚市都提供經典西餐, 尤其是lunch time坐滿人, 充份善用超大嘅店面▪特級肉眼配薯菜 特惠價 $98🥩 份量十足, 肉質柔軟而唔削, 略嫌本身黑椒醃味重咗啲但都OK, 五成熟呈粉紅色, 配餐湯蒜蓉包同飲品, 免費可揀凍紅莓茶, $98好抵食! ▫馬介休球配薯條 加配價 $48🥔 薯蓉軟滑, 魚肉鹹香, 炸皮薄身脆口▪開心車車兒童餐 $78🚗 炸薯餅同雞中翼好香口, 墊底有車厘茄, 白汁吞拿魚意粉有好多魚碎; 跟餐送橙汁同雪糕一球

首先個羅宋湯真係要俾個like，湯底夠濃郁，飲落去酸酸甜甜好開胃，仲有啲蔬菜粒增加口感，飲完即刻想encore！跟住嘅蒜蓉包更加係神來之筆，焗到金黃色，咬落去脆到「索索」聲，蒜香味爆棚👍 主菜試咗招牌焗豬扒飯同咖哩牛腩飯。個焗豬扒飯嘅炒飯底好有鑊氣，飯粒分明，仲有啲蛋香，上面嘅豬扒厚身又juicy，加埋三色芝士焗到拉絲，視覺效果滿分！不過個汁偏甜咗少少，如果甜度減啲就perfect喇～🍛 至於咖哩牛腩飯，牛腩炆得超淋，一啖就化開，仲有少少牛筋，咖哩香濃但唔會太辣，撈飯食真係停唔到口！ 整體嚟講，茜廊嘅食物質素唔錯，價錢又合理，絕對係同朋友hea食之選！～😋 #茜廊 #焗豬扒飯 #咖哩牛腩飯 #羅宋湯 #蒜蓉包 #香港茶記 #平民美食

已記不起有多久沒有吃過港式西餐，今晚去了德福廣場的‘‘茜廊’’，試試這裡的晚餐。餐廳環境寬敞，晚市有多款套餐選擇。🐔香草烤法國春雞配薯角～雞的size十分巨型，一點也不似春雞。雞肉焗得皮脆肉嫰，火候控制得剛剛好。🦞龍蝦芝士意粉～龍蝦足半隻，肉質彈牙。意粉芝士味濃郁，亦有掛汁效果。🐚法式焗田螺～田螺配上牛油薯蓉，鮮味十足。每份晚餐均配有餐湯，蒜蓉包及飲品，性價比頗高。值得一提，這裡的羅宋湯配料豐富，味道酸酸辣辣，水準不俗。

餐廳環境溫馨，西式設計，氣氛輕鬆。服務親切，上菜快，適合同朋友聚餐😌板燒香煎日式鯛魚扒配薯菜，鯛魚扒煎得金黃香脆，魚肉嫩滑無腥味。忌廉香草醬順滑，帶檸檬清香，完美提鮮！薯仔雜菜爽脆，份量啱啱好，健康又美味😋羅宋湯，湯底番茄酸甜平衡，滿載蔬菜，暖胃開胃。加點香草會更正！😇 蒜蓉包好脆，蒜香牛油比例啱好，搭羅宋湯絕配！檸檬波蘿冰（升級$20），清新酸甜，冰涼解膩，賣相靚仔。$20超值😙法式焗田螺，蒜蓉牛油香氣濃郁，肉質彈牙，吸滿醬汁，搭魚扒好夾！

因工作地點關係有好多年無光顧， 同以往一樣好期待會有以前嘅香草牛油配法包，结果又失望。昨晚入座人數有八成， 員工態度友善值得一賺。 剛巧遇到最後一天推廣鐵板特级肉眼配薯菜+餐湯+飲品買一送一👍，再加咗個吉列蝦五隻伴薯仔沙律。 牛扒可要求生熟度配燒汁，蒜蓉汁或黑椒汁， 餐湯可選羅宋湯或忌廉湯。食物品質可以，絕對有進步空間。明白提升食物質素及烹調技巧，成本相對就唔止呢個價錢。咁嘅價錢相比值回， 茶餐廳晚餐都要$80. 間唔中食下無妨。環境質素清潔是值得10%svc。 年紀大食物安全最重要，一次感染都嫌多。

小編今日來到九龍灣一間西餐廳「茜廊」，餐廳早於1981年開業，喚起該區居民和打工仔的美食回憶🧡 餐廳提供各款港式西餐美食如各式鐵板扒類、焗飯、意粉、法式焗田螺等，午市套餐包含羅宋湯和蒜茸包，價錢親民，每一道都充滿西式風味，值得一試✨「香草燒原隻春雞拼薯條」原隻春雞經過香草醃製，外皮烤得金黃酥脆，用手撕開雞腿流出肉汁，肉質鮮嫩多汁🐔 連骨頭都啃出燒烤肉香🍖 搭配薯條外脆內軟，口感十足，必食的午市套餐選擇🍟 「三色芝士鮮茄焗豬」 港式焗飯的代表，以鮮茄醬為基底🍅 搭配三色芝士焗烤，芝士的奶香和鮮茄的酸甜結合，豬扒鮮嫩，加上蛋炒飯底，每一口都是滿足感🧀 🍽🍽 ：香草燒原隻春雞拼薯條；三色芝士鮮茄焗豬；👅好味指數：8.25/10；7.75/10💰消費：HK$108；HK$85📍 地址：茜廊餐廳 (德福廣場1期) (九龍灣)九龍灣偉業街33號德福廣場1期平台P8號舖

食完第一啖覺得非常好食的情況之下，竟然忘記影相，醒覺嘅時候已經食咗一半，唯有影餐牌，事實上，實物如圖，不論賣相，味道都一流，我叫5成熟，肉質冧軟味濃，一食驚喜，一啖接一啖，汁料自選，我選蒜茸汁，我喜歡其薯菜係真材實料的原件香料焗薯仔，而非平常見到的膏狀混薯粉；這套餐在做推廣，連餐湯，餐包，飲品，加一後$152埋單。成個成品簡單直接無花巧，一人食大滿足還要俾like服務員，態度有禮，環境舒服，人客多，食物要等點時間但值得

茜廊餐廳是在九龍東成長的三四十歲中年人士的回憶, 因為餐廳在觀塘區已經有超過40年歷史, 以前父母帶我們去吃也是因為考試成績出色作為獎勵, 然後就會在附近淘大商場的歡樂天地遊玩, 再在附近的模型舖買禮物, 那時候很難得到的現在相對簡單就能獲取, 但回憶依然美好. 食物質素老實說就是一般港式西餐質素, 但回想起那時候能夠提扒類, 意粉, 中西式燴飯, 甚至是麵包, 而位置相對中產區域面積相對大的, 就只有這一家, 其他如花園餐廳的同類餐廳也少了位置上的元素, 所以對我來說有特別印象. 今次吃的牛扒, 夠厚, 也不會太熟, 肉香勉勉強強, 不會是很出色的水準, 但是就是幾十年如一日的味道.Sidewalk Cafe evokes memories for middle-aged individuals in East Kowloon, having been established for over 40 years in the Kwun Tong area. Previously, parents would take their children there as a reward

食左個早餐，羅宋湯雞肉粉，幾好食，咖啡都好飲。需要食客自己 QR Code 下單，不過又收 10% 服務費。建議取消 10% 服務費，唔好又要節省人手，又收客人服務費，咁樣好影響客人觀感!

叫咗羊架配意粉，意粉同羊架分開上，意粉就落完單鬼咁快上，店員放低意粉仲不忙串下你「洗唔洗比啲醬你撈意粉」，同佢講我仲差個羊架，追完成個鐘都未出到。追四五次廚房係都唔出，同行朋友甜品都食埋，我個主菜都未到。

我相信係因為先入為主囉，原來我對一啲大件夾抵食嘅嘢真係冇乜興趣。佢份量好似好多，不過性價比唔算高$108 -1個燒春雞set lunch，雖然有餐湯、蒜蓉包仲有嘢飲添 不過一啲都唔buy。燒春雞並唔係春雞，勁大隻。連我姪女咁鍾意食雞雞都冇興趣，反而大家對薯條就有啲興趣啦，雖然佢都唔係算好食另外一個咖喱牛腩飯 set lunch, 差唔多$100，出邊嗰啲茶記我諗仲好食 都係嗰句啦，雖然佢係大大碟咖喱好多牛腩，不過⋯ 個白飯又係大大碗，可惜唔係粒粒飯 最想講係佢個蒜蓉包，乾到一個點。我諗佢係將個芝麻包劏開兩邊，一啲都唔香蒜蓉味 失敗失敗難得姪女自己話想見我專登過嚟搵我食lunch（佢得兩歲都未夠）咁我當然要盡地主之誼啦。雖然我係X X銀行員工有八八折 不過都幫補唔到啲乜，加咗一再八八折番 嘥鬼氣全部都食淨好多😬😬

友人路經見到有特惠推介晚餐時間都唔洗一百蚊就有特級肉眼配薯菜跟蒜蓉包餐湯送飲品湯, 包, 扒及飲料整體 OVERALL 很大份量,蒜蓉包夠熱,剛剛出爐脆卜卜,蒜蓉牛油味濃肉眼有牛味做到五成熟薯菜是薯仔及椰菜及西蘭花飲品有紅梅汁堂食要加一QR code下單

近期應該係暑假出咗個安落斯西冷，試咗幾好食，好有牛味。價錢唔算貴，百六蚊左右，有餐湯、凍飲，堅滿足。今朝番工經過仲見到出咗個奧運奪金75折既優惠，茜廊出名多選擇，晚餐有春雞、又有意粉、咖哩，如果叫羊架75折都平成30蚊喇，今晚考慮下叫埋屋企人一齊坐低涼冷氣慢慢食先