茜廊餐廳 (德福廣場1期)

营业中

休息中

相約左朋友係德福行街，然後再食晚餐第一次試呢間餐廳，聽講都已經開左好多年，但係仍未食過因為好想食牛既關係，我地二人叫左一份鐵板牛，白汁意粉同埋天婦羅蝦沙律一齊share食牛肉本身已好鮮味，再加埋個醬汁就更加入味意粉同沙律都幾好食都算係便宜得黎又可以食到西餐可以一試

位於九龍灣德福花園的西餐廳「茜廊」，是陪伴著我成長的一間餐廳。記得小時候大時大節，爸媽才會有著一家人這裡剧扒吃大餐。餐廳位於這屋苑超過30年，裝修過幾次，鋪位變小了，把一部分空間劃給其他租戶。從前西餐只賣純西式食品，但為了配合時代所需，迎合一眾港人的口味，公仔麵及米粉等港式食品都有提供。這天想吃一點帶湯粉類，看到餐牌上有煙斗粉，由於一般餐廳比較少見，所以決定點羅宋湯煙火腿煙斗粉吧！📍羅宋湯煙火腿煙斗粉羅宋湯有牛肉、紅蘿蔔、芹菜、椰菜等，味道十分濃郁，單喝湯會偏鹹，配煙斗粉同吃會較好，但仍然是較重口味的。煙斗粉其實就是大號的通心粉，空心的位置多了，可令更多湯汁藏入粉內。煙火腿有兩片，配合羅宋湯通粉來吃，味道頗夾。📍配餐煎太陽蛋及五谷多士多士附有一盒安佳金裝牛油及一盒士多啤梨果醬。太陽蛋煎得香脆，邊帶金黃。📍餐飲凍咖啡少冰糖水是可自行添加的，凍咖啡味淡，即使已點了少冰。建議大家可選擇點熱咖啡會較好。餐廳食品質素好像比從前稍有退步，希望下次再來會有所提升。

今日同好姊妹加佢囝囝到九龍灣食晚飯，見這間茜廊有推介晚餐滿$228就送兒童餐，又見幾多人食，就入去試試。環境都可以，算幾大；但服務就麻麻，見服務生常常放錯餐點單錯枱號，有點求其。我們點了2個晚餐（包餐湯+主菜及飲品）餐湯點了羅宋湯，好好飲，唔會太辣又濃郁又多菜多肉，餐包更是香脆又有牛油香味，幾正又大片黑松露雞肉飯唔知點解要有2條天地線插住（是裝飾嗎？但雞肉好軟腍、黑松露都幾香又唔會太濃、飯軟硬剛好，幾好食梅頭配吉列蠔薯菜好大一塊梅頭豬，雖然有點肥膏，但好腍好易咬；炸蠔好脆又濃蠔味；配菜的沙津菜都算新鮮，配上少少千島醬唔錯；可惜是薯仔有酸味，無食哂兒童餐有藍色黃色車車選擇，有不同意粉口味及配料不同男囝當然選了藍色，薯條都幾大條幾多薯條蓉在中間，豬柳都唔會太乾身，肉醬意大利粉可能凍咗有點硬了；另有一杯小橙汁送

今次嚟到九龍灣德福搵食, 同大肚朋友食晚飯經過見到唔錯就揀咗茜廊餐廳, 時間晚上7點多門口已經要攞號碼等位, 不過大約等咗十分鐘左右就有位了。 同行有位小朋友, 餐廳亦有供應高少少嘅兒童椅, 咁小朋友就可以輕鬆食到嘢啦~我哋叫咗三個晚餐, 我哋揀咗羅宋湯, 本身晚餐會跟蒜蓉包, 值得讚係個蒜蓉包勁脆, 成塊都焗得好脆, 我好鍾意食, 羅宋湯都ok 唔會太辣, 小朋友都飲到。另外加配咗椒鹽雞中翼四隻($26)同炸馬介休球($38), 雞翼小朋友食曬, 同炸馬介休球都唔算好鹹味道都ok啦~🔸日本南瓜湯帶子青口扁意粉 ($118)🔸帶子都好大隻, 南瓜湯係屬於偏甜日本口味, 好啱小朋友食。🔸香草烤燒春雞配薯條 ($113)🔸原隻切咗兩邊, 雞肉好嫩口, 皮都烤得脆口唔燶。🔸葡式烤bb豬配炒飯 ($192)🔸原本想叫薄餅但可惜今晚冇哂, 於是改叫左葡式烤bb豬, 個皮烤得好脆, 味道ok, 配炒飯就比較少。老實講, 就係港式西餐廳, 價錢貴唔貴就見仁見智, 不過同價錢同商場可以有好多選擇。

已經好耐冇食過呢一間餐廳又諗唔到食咩所以就入去試試佢有冇進步或者退步啦呢度嘅裝修幾好嘅，枱同枱之間唔會太窄，而且張枱都夠闊落嘅可以擺到唔少嘢食唔覺得好迫。我哋分別叫咗一個咖喱豬扒配白飯同埋南瓜汁煎三文魚扒，晚餐係有跟餐湯嘅就一個忌廉湯同埋一個羅宋湯。個蒜蓉包普普通通啦，蒜蓉味唔算好重但係芝麻味就好勁，變左食落好香。羅宋湯啲湯料十足，幾好飲嘅，唔會太酸都唔會太辣。但係略嫌卻比較油膩。個忌廉湯得好creamy，唔會水歸水流之後講講個主菜啦。個咖喱豬扒飯個醬汁幾好食嘅但係啲豬扒呢就有啲硬，食到牙都軟埋😂😂😂個三文魚煎得啱啱好，唔會過熟，而且佢嘅醬汁就一般無乜南瓜味。之後三文魚下面係有半條茄子，燒得啱啱好，個燒汁亦都唔會太鹹我幾欣賞。份量十足上菜都好快而且侍應態度都唔錯。整體上呢間餐廳係不過不失，但係未至於話好好食到短期內會再次返嚟。

住咗喺呢區都有一段時間，以前成日嚟食佢嘅蒜蓉牛油😂（好似outback係為咗食個麵包一樣），自從佢冇咗呢個蒜蓉牛油之後好耐冇黎食啦。約個朋友即興嚟食下午茶，見到門口水牌有個餐廳周年紀念懷舊餐好似好抵，我個朋友仔好肚餓無睇有乜食就吸左入去。下午茶menu有幾頁好多款睇到眼花撩亂。因為又有炸野又小食又有湯粉又有飯又有包又有啲据扒，真係係好多選擇。大部份下午茶最早六點半，唔怪得啲人六點先入嚟應該係當晚餐咁食。裝修係靚，想安安靜靜優雅咁嘆下午茶係冇乜可能，因為真係好多人好嘈。睇咗好耐終於揀咗生炸雞髀配薯條，另外一個係羅宋湯雞粒煙斗粉生炸雞比真係幾好，皮脆肉唔硬又夠大隻，加咗錢配薯條但唔多但有啲油，應該就一隻配紅豆冰仲平啲😅羅宋湯雞扒煙斗粉配蒜蓉豬仔包，個羅宋湯係真羅宋湯有牛粒既，唔似其他餐廳雜菜湯扮羅宋湯，雞粒就真係得兩粒喇仲話照燒都唔覺，粉好軟好味蒜蓉豬仔包雖然冇得自己塗牛油，蒜蓉味都仲係好味個包好脆。送既莓果茶都幾甜幾好飲埋單$100響德福黎講係抵食既

2人行食聖誕大餐～又唔想去油尖旺同人地迫～轉左嚟德福廣場食嘢～店裏面都好有聖誕氣氛座位都算舒服唔會太迫叫咗兩個set～跟餐有：湯、蒜蓉包、主菜、飲品蒜蓉包唔係用常用嘅法包～但都好軟熟～大大塊好香蒜蓉味～烘到熱辣辣配湯正呀忌廉湯又滑又creamy～羅宋湯夠酸夠濃～比起好多西餐佢地個羅宋湯好味好多～雜菜唔算多～話係牛肉煲嘅但一粒肉都冇香蒜黑毛豬豬肋意大利粉賣相吸引～黑毛豬豬肋得三小舊好孤寒囉～重重嘅蕃茄汁配以蒜蓉、紅椒、洋蔥都好夾烤原隻西班牙無激素走地黃油雞～雞皮烤到脆脆地～又好入味～肉質仲好嫩唔會‘鞋’配以沙律菜～份量適中即磨咖啡咖啡豆都幾香配淡奶～如果配新鮮牛奶重好D囉檸檬撻應該係買返嚟嘅～好香檸檬味～做飯後甜品一流

此餐廳曾是本人求學時期的其中一家飯堂，主要是價廉物美，今次剛巧去德褔廣場順道再幫襯，心想即使未能維持水準，只要不太差就是。結果呢……從頭衰到尾忌廉湯 - 明顯有燶味，由於太肚餓而且還能接受，勉強飲完。牛肉沙律 - 兩者比例沙律一大盤牛肉四小片，牛肉毫無味道焗田螺 - 預先取出再煮，結果又乾又沒有原來鮮味生果茶 - 明顯只用市面現有紅茶包泡完（味道太熟悉），再放些橙片及菠蘿而已，但就要另加幾十蚊焗大蝦牛肉飯 - 漏了落單，結果前後等了四十分鐘，份量如何？蝦仁兩粒無味牛肉也是四小片。這餐應是最近食過至中伏的一次，即使全部食完只因不想浪費食物而已，如此價錢不便宜水準卻勁勁差，唯有當自己倒霉算了！

今日有D野做..去德福...周圍都好似好爆..但我唔想等...所以就搵左間冇人排隊嘅餐廳喇!入到去~ 第一個感覺..只係覺得好貴... (SORRY..我明快餐店同茶餐廳都要5,60蚊嘅時候.. 唔應該期望佢有幾平...hhaaha但我宦只係講出我心第一個感受...)我地3個人，就叫左3個餐..一個咖哩龍利柳飯，一個雞扒松露意大利飯、一個大蝦牛柳粒焗意粉order完之後.. 個waitress同我地講晚餐買3送1，我地即刻明白到點解d餐咁貴了....... 但其實佢成間餐廳完全冇一個位係話比一知呢個promotion...可惜...個餐有湯，傳統紅白，紅湯幾好，白湯太杰而且冇味... 但個餐包係garlic  (唔識打中文haha)，竟然幾有驚喜!好味喎去番主菜-->咖哩龍利柳飯: 佢冇講係咩式咖哩，因為佢個名叫茜廊咖哩，用自己名做招牌...但又唔係好中式，又唔係日式..又唔係平時係西餐廳or茶餐廳食到嘅味道..而且係唔係太好味..苦苦地...而且..份量係勁少...佢用一個好淺嘅碟.. 就咁望落去..佢似得d汁同幾舊薯仔... >,<雞扒松露意大利飯: 呢個比

有37年歷史嘅西餐廳，從前以鋸扒最出名，我大家姐年輕時常去的西餐廳，昨日去德福諗住帶佢懷緬一下過去，點知已經全面改格，找不到一點舊㾗跡午餐原來都頗貴，咖哩牛腩中東包$79，豬扒拼燒春雞$86忌廉湯熱到滾餐包又有啲怪怪地，一個甜芝麻包切開一半，有蒜味所謂中東包...似嘉頓現成嗰啲咖哩一般，牛腩有啲靱豬扒硬屈屈，春雞又好鞋，個汁又好咸咖啡正常我地食完失望而回

細個的時候，屋企人成日帶我去茜廊食。大大話依間餐廳都開左好耐，一直都有唔少支持者。上星期六，屋企人同我慶祝生日，提議去茜廊食，由於有好多年無去過的關係，所以都想試試。我地加埋3個人，7點去到，等左10分鐘就有位。入到去，應該係正值最繁忙的時間，人手可能唔太夠，好難先搵到人serve我地。我叫左鐵板牛柳配大蝦，另外仲有雞翼小食同黑松露薯條。餐前的羅宋湯湯同蒜蓉包好快到。羅宋湯 6/10較茶餐廳好，因為比較足料，但唔算特別。蒜蓉包 7.5/10好食👍🏻過左15分鐘左右，小食都到。小食雞翼 - 5/10黑松露薯條 4/10薯條唔熱，無下次🤦🏻‍♂️隔左一陣，主菜都嚟，原來侍應落錯單，幫我落左鐵板西冷。不過無所謂啦，廢事廚房又要再整。鐵板西冷 - 6.5/10牛扒尚算香口，肉質以價錢來算可接受綜合而言，係有點失望，比以往失色。

十幾年前在九龍灣其士商業中心返工, 成日過嚟 Sidewalk 食 lunch, 當年食物徧貴, 但質素和環境都值。今日咁啱經過, 想回憶一吓舊時, 坐低食個下午茶, 食物質素一般, 但環境嘈到成個街市咁。感覺像入了高級少少的茶餐廳, 但絕對唔係西餐廳囉 。不會再嚟!

難得來茜廊，滿有期待地選擇了：芝士焗龍蝦併白汁意粉梅頭豬扒併白汁菠菜焗帶子份量一般，女士足夠，男士就。。。食物味道就。。。龍蝦ok, 但白汁意粉無味到呢。。。。同樣的白汁，响菠菜焗帶子方面發揮同一個效果，就係無味。個梅頭豬扒係有豬味，但我咁大個女未試過要攞 salt+pepper+ketchup 加落去食先勉強食得落。服務呢。。。連落兩杯熱檸茶，都變一凍一熱。。。難食到費事同佢計較。環境就更。。。有隻疑似中型小強物體响地板經過。。。唔知點樣再嚟。拜拜。

相約姊妹共聚下午茶，我們都未試過茜廊餐廳， 今次專程來到德福試一試。 我們大約兩點十五分入座，餐廳侍應已經送上下午茶的餐牌， 看見餐牌上的下午茶套餐好抵食，買一得二下午茶餐，惠顧 a款已經會送b款， 所以我們叫了芝士焗雞扒拼龍脷柳 $85 和煎蛋免治牛肉飯，再另外添加一份餐湯，蒜蓉包，餐茶$28。小食方面我們加了炸葡式馬介休球$18，原本我們想叫焗釀蟹蓋沙律的可是當天沒有。芝士焗雞扒拼龍脷柳我們選了黑松露洋蔥汁， 份量都算多，可是雞扒有一部分是未熟的，龍脷柳味道普通沒有太大特別， 至於黑松露洋蔥汁，我食唔到有黑松露的味道。煎蛋免治牛肉飯，味道正常沒有特別的感覺，但是可以接受。炸葡式馬介休球反而唔錯， 店員一送上枱的時候，我們已經聞到香噴噴的馬介休了。餐湯我們叫了羅宋湯和忌廉湯兩款， 味道可以，蒜蓉包超級大舊，味道亦都唔錯，有香濃的蒜蓉味還熱辣辣的。我們點了一杯熱咖啡和熱奶茶，我飲的是熱咖啡淡淡的咖啡味，不是太好飲，朋友的熱奶茶味道正常。總括來說餐廳環境坐得舒適，店員態度親切友善 ，食物質素普通，但埋單都只是$150，算是一間平價下午茶推介。

今日同好姊妹見面食tea，黎到呢間位於德福廣場嘅西餐廳，我地兩點幾黎到，無人等位可以即時入座，侍應安排我地坐4人梳化位，好闊落又舒服，餐廳嘅下午茶幾抵食，買1得2，有兩份下午茶餐，我地揀左A3芝士焗雞扒拼龍脷柳及B1煎蛋免治牛肉飯，紅湯同白湯正正常常，無咩特別驚喜，蒜蓉包蒜味好濃，又夠晒脆口，唔錯，煎蛋免治牛肉飯都係正常味道，無太大驚喜，芝士焗雞扒拼龍脷柳呢樣真係要dislike，無芝士味，黑松露洋蔥汁無黑松露味，味道偏鹹，雞扒中間唔熟炸葡式馬介休球一上枱已經聞到香味，炸到好脆好香口，配搭沙律菜同千島醬，可以解膩，熱奶茶奶茶做得唔錯，茶香奶滑。總括黎講，餐廳食物質素普通，仲有煮唔熟嘅情況出現，但要一讚就係侍應服務唔錯，入座同離開都會幫我地開關門。