英王麵包店

「英王麵包店」（A‑1 Bakery）小西灣分店位於小西灣道 10 號小西灣邨商場地下 G01 舖 ，係柴灣區一間耐食又穩陣嘅麵包舖。佢哋係日本 A‑1 Bakery 嘅香港分公司，標榜「A 級品質、No.1 味道」 。鋪裡唔算大，但乾淨企理，麵包種類多元，包括傳統波蘿包、牛油麵包、夾心軟包，仲有季節限定甜品。用料講究，強調天然與高纖，麵粉質素穩定，清香入口唔膩 。我最推介佢嘅 —外層酥脆但唔乾，內層柔軟鬆化；澤味十足，好啱配咖啡／茶作早餐。另外 仲係少少甜鹹好平衡，層次感夠。價錢相對親民，一件麵包大約 $15–30 元，夾餐/當早餐都唔傷 wallet。喺小西灣住或返工又住喺街坊嘅人呢，無論早上定午茶時候經過都要捧返件麵包歎番下。總括而言，英王麵包店（A-1 Bakery）係柴灣區一間質素穩、價格平、老少都適合嘅麵包好選擇；如果你想輕鬆歎返件手造麵包，又唔想走太遠，佢真係值得一試！…Read More

Godiva 合桃巧克力布朗尼（$98)賣相：🐧🐧🐧味道：🐧🐧🐧布朗尼以自家制的金色半透明紙盒包裝，並附手抽位方便拿取，設計簡潔。布朗尼呈圓型狀，表面有一層圓型的薄朱古力塊點綴，合桃碎粒隨意撒在其上，賣相一般。味道方面，布朗尼朱古力味頗為濃厚，味道偏甘苦，不會太甜。布朗尼入口質感尚算柔軟，但有點偏乾，布朗尼中夾雜合桃粒令口感更為豐富。🐧❤️結語：不過不失的布朗尼，喜歡純朱古力人士不妨一試。…Read More

周末5點左右黎到已經得返兩個蛋糕選擇，所以要快手落決定。每款蛋糕都有張圖介紹蛋糕既餡係咩，買左石板街。眼見佢全個蛋糕都係cream其實有D卻步，但因為我地一班人食，最後都唔算好膩，比利時朱古力cream 都幾香滑。海綿蛋糕都有朱古力香濃味，中間夾住棉花糖、杏仁碎粒同朱古力粒。面頭既裝飾有mini oreo、合桃碎、杏仁粒同棉花糖。即日買佢地只有生日快樂既朱古力牌，但店員姐姐都超好人，話唔介意既話可以反轉個牌幫我寫其他祝福語。宜家天氣咁熱，本身好驚個蛋糕d cream 同埋個牌D字會溶，但最後都冇，非常好彩!…Read More

A1 x Godiva 超人氣蛋糕🤤每年2月限定 而且仲要訂購先買到💪💪💪用呢個蛋糕慶祝爸爸生日 夠曬誠意✌️里款蛋糕層次感一流 中間蛋糕同慕絲既比例非常好 香滑得黎又唔會膩😋 加上香濃 既godiva朱古力 甜度調校完美 無苦澀味 亦無霸道既甜 成個蛋糕非常合襯…Read More

每日朝頭早都會買麵包做早餐， 最近愛上a1 Bakery😍😍😍呢度嘅麵包款式比較多， 而且比較有質感。 早就討厭吃空氣包， 兩大連鎖店嘅麵包 ，個包壓一壓就會變成一張紙咁薄， 而且餡料非常少， 味道亦都越嚟越不知所謂， 所以我已經決絕咁放棄咗啦。今日我買咗一個A1 Bakery的滋味魚堡🐟🐟🐟魚柳 肉質結實， 外層鬆脆可口😋😋😋佢用嘅醬料，就有啲似凱撒沙律醬加酸瓜😃😃， 酸酸甜甜又有爽脆嘅口感。 漢堡包很有質感 ，而且外層鋪滿香草， 煙煙韌韌非常好吃😊😊…Read More

雖然數個月前才說不會隨便再買A-1Bakery 的甜品，因為它的甜品質素真的徧低。不過昨晚看到廣告說它與Godiva聯乘出品Dark Chocolate Cake，還是一早起床，去買了一件做早餐試試。早餐吃蛋糕，罪疚感爆燈。整件蛋糕($35)由一環朱古力海綿蛋糕，包圍著朱古力慕絲 ，再內藏朱古力榛子醬，加上最頂的一片朱古力。整體朱古力味是濃厚的，不過感覺是普通朱古力，而非黑朱古力，沒有那黑朱古力的苦味。海綿蛋糕軟腍，慕絲輕滑，朱古力正常。味道來說，還是不錯，好歹也是掛上Godiva的名號。不過，性價比不太高，如非朱古力控，還是省下這$35吧。…Read More

一個美麗而又涼爽既清晨，本來最適合係行山郊遊，可惜仍然要努力工作，所以唯有食個靚早餐先返工~~去到地鐵站，見到麵包舖已經開左門，員工好努力將新鮮既麵包一個個放入麵包格，而且都有唔少人排隊買包食，我都唔執輸即刻入去揀有咩包岩食最後買左兩個提子乾蛋糕，夾既時候仲係暖暖地，應該係岩岩整返熱，不過食落一d都唔似係隔夜整出黎，好軟熟，食多幾啖會發覺幾重牛油味同埋d提子乾都算幾多，每咬一啖都最少食到一兩粒提子乾，睇得出無因為整呢d蛋糕仔而偷工減料好彩買既時候無再買多幾個，因為食左兩個已經好飽，足夠我成朝既能量，捱到午飯，呢個早餐實在係簡單得黎又好滿足…Read More

訂左生日蛋糕俾朋友係士多啤梨做面入面係鮮果店員比較冇禮貌 似趕客同講野一舊舊聽唔清楚而個蛋糕都 okay 既, 前一日訂都訂到味道同份量係收貨既 只係麵包價錢太貴同服務唔okay。…Read More

58蚊一個蛋糕因為包裝精美,同埋其他麵包都好貴, 不如買個cake,都可以食到好多餐丫除左呢個蘋果金寶味道之外, 仲有香蕉味, 芝士味,同朱古力味考慮到朱古力味可能太甜, 芝士味睇落比蘋果金寶細, 同唔鍾意食香蕉味, 最後揀左蘋果金寶店員只係收錢同找錢. 都冇特別講要唔要放雪櫃 呀同幾時之內要食哂。 拎返去試味。。。個蘋果金寶已經有一個角跌左落黎。。 食落唔會好甜, 同埋都食到蘋果但比想象中肥好多, 因為上面放左d 吉士cream總之食左四分一件就已經好飽肚喇…Read More

美x, 東x 堂d蛋糕真係食到厭厭地😳。今次生日家姐買左A1蛋糕一齊試。雖然係最basic 既雜果蛋糕，但係賣相真係好靚，五顏六色好繽紛👍🏻生果都算甜，蛋糕質感黎講唔係好鬆軟果種海綿蛋糕，但不至於太實，食一件黎講都好飽肚😳。不過味道勝在唔係好甜，因為佢d cream 唔算多，真係薄薄一層層咁。不過佢d cream 味道幾香，見到有好多雲呢嗱籽。蛋糕邊反而就甜d, 兩者夾埋味道啱啱好，鍾意健康清淡既你可以試試💪🏻…Read More

柴灣開a1真係幾興奮，收工口痕就買黎食。之前成日大排長龍，不過事隔幾個月就打回原形，之前食過有款三重芝士包好正，芝士味濃，咬落仲有d 軟心芝士😍正！之後試過佢既麻薯波波都上左癮，佢比起咁多間，質地最厚實，但不失煙韌，擺得耐都唔會硬，推介佢個黑芝麻味，好香。最近發現左款新包，放起個鑊仔上面，賣相好吸引五顏六色。就係呢個法式蕃茄雜菜包，d 饀料仲好多，有洋蔥，蕃茄，青椒，瓜，茄子，菇等等，咬落幾juicy, 麵包鬆軟，好食過pizza😝個汁醬都好正，蕃茄味唔會酸果種，仲有隻白色既唔知咩醬，總之好好食。…Read More

呢間麵包店新開，一直都無試，今日收工去到，門面好光鮮，日式設計，淺木麵包架，光猛乾淨，因為已經7點，麵包款式唔多，都以日式麵包為主，攞膠盤揀咗幾款比錢，店員有禮有笑容，問清楚我需不需要分袋，好企理袋好晒比我！八達通比錢方便！日式蕃薯包（$16）至愛款式，黃蕃薯天然甜，淋身足料，麵包皮今次乾咗啲，唔夠鬆軟，外面灑嘅朱古力粉食到好似生鬍鬚咁！味道好味！紅茶合桃直燒（$11）麵包幾大個，皮有咬口，入面麵包鬆軟，合桃大塊，好脆好香果仁味，唔會澀（啲衣去唔清會澀）不過唔覺紅茶味！好味！芝士火腿軟包（$11）肥髀食！有質素貴少少都值得！…Read More

收工去到柴灣，唔想再搵餐廳食飯，所以買麵包做晚餐，順便買埋肥髀早餐！去到已經特價時段，有啲包款做特價！麵包款式仲有好多！夾好晒去櫃臺比錢，店員姐姐好斯文有禮，問清楚我要點分袋，再袋好比我！紅豆包（$16/2個）麵包鬆軟，但餡料唔多，紅豆蓉甜膩，食一個剛好，但食多個就太膩！麥盧卡伯爵茶合桃包（$10）個名稱好貴氣，麵包細細個，麵包鬆軟，入面嘅合桃幾大粒，香脆有咬口，味道好味，口感豐富！不過我食唔出嗰種蜜糖味，包面嘅裝飾糖好麻煩，一路食一路跌！梳乎厘芝士蛋糕（$19）蛋糕唔大個，外層好鬆軟熟，入面有滑身嘅芝士味忌廉，日式芝士唔會好濃，唔會過甜！好味！黑芝麻/芝士麻糬波波球（$34/10個）肥髀最愛，細細粒，外面麵包煙韌，入面係麻糬嘅煙韌，兩種煙韌好夾！好味！日式麵包精緻又好味！…Read More