芽生

隐世入门omakase！系一间喺太和嘅小店，全间舖都系由三位老板一手包办，晚市价钱系$1380+10% 据闻每一季会去一次Menu，而我哋今次去就系秋季menu。松叶蟹牛蒡茶碗蒸真材实料！有好多蟹肉，面头仲加咗镇江醋。师傅教要一大啖由头食到落底，每样材料都食到😋一开头会食到比较明显嘅牛蒡味，但食多几啖就会慢慢同其他食材混合，茶碗蒸嘅基底加咗好多蟹膏，令到整体颜色呈啡色，质地有啲似cream状。炸紫苏海胆卷热辣辣脆卜卜！外面系好脆嘅网状卷，包住炸碎咗嘅紫苏叶，好似食紧脆嘅紫菜咁，入面有海胆，咬开食到涌出嘅滑捋捋海胆。面头仲有炸香葱，另外配上嘅薯蓉浆，令到口感更丰富。。花竹虾真丈 椀物真丈系类似鱼蛋嘅日本料理～呢道菜一开头可以打开个盖闻吓味先，之后先饮一啖汤，再享用个本体🤣个汤有啖淡嘅青味，而真丈就混入咗好多虾，好似一个大嘅蛋球咁～质地松软。北海道秋刀鱼两食第一食系刺身，呢条秋刀鱼好好食😋食材本身新鲜，口感爽弹，配上姜丝、紫苏、芽葱，平衡一下鱼平身嘅油脂，亦完全唔会觉得腥，好match!第二食系炙烧，加咗鱼肝做酱料，面头仲有本地嘅菜苗，整体食落有啲苦，另外仲有少少咸味，都几特别～。造身 上腹吞拿鱼 大拖罗！调味有橄榄油、自家制嘅腌洋葱、葱、黑椒，建议食法系全部都用晒😋尤其佢啲洋葱真系好出色好好食🤣但当然都可以按个人口味调整啦～吞拿鱼嘅脂肪分布好好，油分丰富！。鳗鱼手卷完全系呢间餐厅嘅signature ！个鳗鱼烧得超级好，烧到个底好脆！咬嘅时候会脆到有咔咔声。鱼肉本身好厚，烧完之后依然好Juicy，而且闻到淡淡嘅柠檬香味，配埋手卷超级满足😭😭。乳鸽配黑蒜汁乳鸽敲到表面有少少焦糖化，入面嘅肉非常嫩滑，另外有芥兰苗同埋少少黑蒜汁，中和浓郁嘅肉香。。芒果沙冰 ,柚子慕斯自家制芒果沙冰，配上粒粒芒果肉，面头仲有柚子味嘅mousse泡沫。食落好清新，而且有自然嘅甜味，系主菜前一个好好嘅refreshment!。鱼翅捞饭真鱼翅捞饭！超级大嚿鱼翅，真材实料，食到一疏疏嘅口感🤤啲饭粒粒分明，仲有瑶柱、青葱、生姜一齐捞饭，另外加入少量鸡白汤，提升香气同口感～不过爽口嘅生姜喺呢碗饭当中相当出众，个人觉得口感上有少少抢fo。苹果,乳酸,芝士雪糕系餐厅老板自己研发嘅独家甜品！外层系小苹果造型嘅脆糖，入面唧咗cream状嘅乳酸，先由客人扑开脆糖，再加上苹果肉桂酱同埋芝士雪糕，整个过程嘅仪式感满满！味道都平衡得好好，系一个好清爽嘅甜品🍨…查看更多

之前间omakasa执左，见同位又开返间新，都系做omakasa，菜单见几特别，就去试下菜式用当造及加入本地食材，每个菜都有惊喜同其他omakasa唔同，佢哋冇寿司，同埋唔多鱼生，主打都系熟食。由前菜食到主菜同点品，每个菜都整得好好。佢哋有用心，加唔同既配搭，令每口都有不同既口感味道。鳗鱼手卷既鳗鱼咬落个皮系脆既乳鸽用慢煮方法，啲肉好软滑，未试过乳鸽可以咁冧鱼翅捞饭个锅专门日本买黎煲饭，饭真系软滑啲。个饭用鸡汤煲，上饭时加啲炸瑶柱丝沙姜粒向面，有食葱油鸡饭既味道但唔油腻，排翅好大片，平时唔点食米饭既我都添左碗饭最后个甜品系一个用吹糖整既苹果加入乳酸，当你扑开个苹果，再向上面加玉桂苹果蓉同芝士雪糕。乳酸打到好似cream咁滑，好似cream拌雪糕咁但食晒都唔觉漏期待下个季节会转咩菜单，到时要再去食过…查看更多

鳗鱼超赞，外脆内嫩，调味适中，十分推介。鲍鱼十分弹牙，松叶蟹的蟹肉鲜嫩多汁，秋刀鱼新鲜油润，刺身入口即溶，烤制的秋刀鱼外脆内嫩。芒果沙冰，入口顺滑，配上柚子的清新慕斯，口感超丰富，十分大赞。店舖环境干净舒适，服务方面店员亲切专业，适合家庭聚餐或约会。…查看更多

从来不写评语的我，今日都要写吓，每道菜式好好食，好耐都冇试过好味的食材👏饭后同三位师傅倾偈原来是做过米芝莲餐厅十几年，下次要试吓晚餐😋请大家香港人支持吓小店**我不是打手**（今日放假经过新开餐厅）…查看更多

每道菜都好新鲜 不时不食 秋刀鱼超肥美好钟意佢哋个松叶蟹千両茄子椀物 松叶蟹肉包住蟹膏 超鲜甜 师傅刨咗少少柚子皮增添咗成碗椀物既香气鳗鱼手卷冇得输师傅切鳗鱼嘅时候听到好清脆嘅索索声 鳗鱼烧到咁脆咁好味真系想无限encore甜品个苹果系香港少有见到吹糖苹果造型 芝士雪糕少少酸味中和番苹果吹糖嘅甜味同师傅倾开计 知道佢哋每三个月就会转一次Menu 定期都会加啲时令食材私心希望佢哋唔好转走个鳗鱼 实在系太出色…查看更多