花甲年華

营业中

休息中

今日系銅鑼灣做野好餓吾知食咩好，無意中系希慎foodcourt發現有間食花甲粉既。竟然係foodcourt有我最中意食既燒蠔同燒茄子。叫左原條烤魚花甲粉絲。80蚊加10蚊有肥牛。花甲粉份量都ok，魚好大條花甲都好大隻，有11只。再加6只蠔同燒茄子。6只蠔先99蚊，都幾低食。而且仲好新鮮同肥美。茄子正價32蚊，小食跟粉仲有優惠減10蚊。都幾大條同埋多肉。最緊要系距上面既蒜系炒過既，特別好味。個staff仲推薦左土豆絲同爆漿紅糖糍粑，不過一個人食吾曬，下次要再來試下。

點餐到上菜大約10分鐘今次試左中辣湯底配粉絲（約譚仔三小辣）好惹味同鮮甜花甲同蠔仔都份量十足 有成十幾隻少少食上癮孜然蒜蓉 茄子都好好食即刻燒好多蒜蓉！！熱辣辣！會回頭！

店名: 花甲年華地址: 銅鑼灣軒尼詩道500號希慎廣場11樓1111號舖銅鑼灣站F1出口環境: 3.5/5價錢:4/5味道: 4.5/5紅糖糍粑$32一碟有4舊，同平時有一碟紅糖汁比你點嘅唔同🧐😗佢反而係入面有爆醬嘅紅糖🙈🤪以food court黎講，有咁嘅質素絕對有驚喜吃落口仲係好熱好脆口，入面啲紅糖爆哂出黎🥰😍😍😍😍😍😍😍😍😍😍😍呢個價錢有4舊好抵🤩😍😍😍😍🥰

相同實物有太大差距吧，直頭係照騙，相就隻隻肥美又大隻，實物花甲超扁身細隻冇鮮味，應該係大陸急凍雪藏貨，仲只有7細粒！肥牛就係大家樂果款普通肥牛兩塊，味道就一般般吧！叫左粉絲，唔係好幼似廣東米粉，份量比較少，男士食食完唔會飽！選咗香辣味微辣湯底係正常味道，另外order左罐可樂，收$5蚊，可樂係正常既，都夠凍，Food Court收$68蚊畀啲咁既野食完全唔掂，Food Court 既還景係靚既，今日等位唔太多大陸人，學生比較多，等左幾分鐘就有位！

見未試過 喺foodcourt試下 一黎到飲個湯 得胡椒味 又唔咸 少少鮮甜都冇 d花甲都冇味 唯一好彩就係冇沙 唔知點解以花甲起名 但個花甲粉可以咁難食 結果食淨一半 個焗茄子反而正正常常

去到food court，見到新開呢間花甲粉無乜人排隊，就試下，天寒地凍食熱辣辣花甲粉，食完個胃都暖哂。講護個花甲粉，佢係其他food court都見其蹤影，但希慎呢間應該係新開！肥牛花甲粉$68，好似比其他花甲店貴少少？嚟到，粉絲量係幾多，好夠飽，花甲都唔少，數到有十隻以上，得兩隻無開口，OK喇。中辣唔算好辣，食得辣嘅人士可以挑戰大辣！出餐速度都唔慢，冇人排隊情況下，5分鐘左右就有得食！但其實碗嘢如果可以做到滾熱辣就更加好！

攪唔掂 一向好鍾意食貝殼類食物同菜式 一般都照食唔投訴 今次真心食到忟⋯⋯ 其實呢d係咩嚟咖啫 真係攪唔掂喎 落咗胡椒湯底之後真係所有食物都只係得好濃嘅胡椒味 無其餘嘢可以俾到comment