呢几日见社交平台元朗谷好多人介绍花甲先生，心血来潮就去揾下佢，晏昼两点来到排晒队，目测等十张枱😂果断放弃😂五点几再来过，情况好好多等两张就有得入座。店舖唔大，大概三十个位左右。餐牌除左花甲粉，仲有几款辣味饭同数款小食，算系唔少选择。先扫码落单，介面有啲难用😅原来系先拣汤底再拣配撘，不过店员都好主动帮手落单嘅。⭐蒜香海鲜盛会花甲粉家人点了花甲先生的招牌粉海鲜盛会，是日海鲜有元贝、台山蚝、鱿鱼、虾同蛏子，听店员讲话某啲食材如果无货就会转。汤底要左蒜香口味，再配了公仔面。又真系几鲜甜，份量对得住价钱，唔错唔错😋⭐麻辣先生粉自己就拣左麻辣汤底，要左小麻小辣，实际上都几辣㗎，唔小啰，哈哈😝𩠌就点左牛丸、午餐肉、萝卜再加花甲，再叫左多芫荽。卖相吸引🤤虽然辣左啲但都几啱口味，乌冬好滑，花甲鲜味，正。⭐南乳鸡翼 & ⭐鸡皮饺子见枱枱客都加生炸鸡翼，我地又叫返份先，唉唉……卖晒啦🥲改叫南乳鸡翼，都正㖞，又香又脆仲带南乳香。除左鸡翼，仲加左鸡皮饺子，鸡油甘香又脆口，正🤤⭐日本豆乳红豆冰 & ⭐冻利宾纳饮品方面好多得拣，家人拣左红豆冰😆呢杯红豆冰有特别㗎，用上日本豆乳，再拣左少甜，哗哗，又真系几好饮，红豆好绵豆乳香甜，正。自己点左冻利宾纳，解辣一流👍系几好味，谷友无介绍错😝…查看更多
