花漾

营业中

休息中

店鋪：花漾地址：銅鑼灣勿地臣街1號時代廣場6樓625-626號舖《合港人口味的星馬菜》這日午飯，一行四人，相當豐富！「海南椰子雞湯」「新加坡鹹蛋黃魚皮」「巴東牛肉配斑蘭椰漿飯」「地道老鼠粉」「大馬椰絲燒雞」「參峇醬燒豬頸肉」「斑蘭咖吔多士」意想不到的是，我們竟然全清，沒有造成浪費，但結果是飽得連晚飯也吃不下。不是被迫著吃光的，而是味道真的不錯。口味正不正統我不知道，又沒去過馬來西亞、新加坡，但卻滿合香港人日常飲食口味。🌟推薦首選「海南椰子雞湯」！真材實料，椰子味濃郁，而且不似坊間一些店鋪只有一絲兩絲椰子肉做做樣子，是一整塊滑溜的椰子肉，口感清爽，湯水更是清甜可口，喝下肚很暖胃養生的感覺。雞也煲得又軟又滑，肉質滲出淡淡的椰子水香味。⭐次選「大馬椰絲燒雞」。其實點這道菜，單純被它賣相吸引：一整隻燒得皮光肉滑滴得出汁的雞，四腳朝天般安躺碟上，又有椰絲點綴。然而這一次賭博，賭中了，並非照騙！這雞火喉掌握得不錯，即使是雞胸位置的肉質也算嫩滑，並不會老。最令我驚喜的是，原來雞肉塗上了一層薄薄的香茅和醬料，燒得乾身並黏附在雞肉、雞皮之上，形成一層薄脆味香的精華，好不惹味。💫再推「新加坡鹹蛋黃魚皮」。

為了用時代廣場的消費券第一次選擇這餐廳。中午12 點到場估不到都要取票輪候了約25 分鐘才能入座。侍應先奉上的兩杯熱水，本人非常欣賞那隻杯，杯身凍內卻是熱水，不透熱，好奇問是什麼質地，可惜服務員問了同事也不知！兩人叫了午市套餐的東巴牛肉飯配椰汁班蘭飯和地道老鼠粉，雖然餐牌上有綠色辣椒，表示小辣，但也不算辣，可接受。牛肉粒多及大件，不韌，有很多其他配料，如花生，鹹魚仔等。而老鼠粉是肉碎銀針粉，還有花生，雞蛋等等，很好味。綜合是一間值得再去的餐廳👍

.花漾🌺早幾日同朋友去銅鑼灣行街🛍️食左位於時代廣場 花漾💁🏻‍♀️ ……….吉羅什錦咖喱麵($126)對咖哩情有獨鍾嘅👩🏻‍🦰叫左吉羅什錦咖喱麵，咖哩味好香濃，帶點微辣，配料有燒鴨、蝦🦐、魷魚、豆卜，麵質好掛湯，濃濃咖哩味，好好食😍……….星洲香辣炒飯($118)星洲香辣炒飯比吉羅什錦咖喱麵更辣多小小，但就算唔食辣嘅人都可以接受得到😆味道好濃，好岩我口味，炒飯飯粒粒粒分明……….新加坡鹹蛋黃魚皮($78)每次黎都一定要encore!!🤤絕對係必食!!鹹蛋黃味好濃郁，魚皮好脆口，熱辣辣……….牛油果🥑五色米紙卷($86)今次點嘅每一樣都好重口味😆所以加多左牛油果五色米紙卷中和一下，都好有特色，餐廳提供芒果醬汁，食落味道好fresh，好新鮮嘅感覺💕……….餐廳環境好舒適，大部分都係梳化位置🛋️，感覺性價比都算高，係時代廣場食飯算抵食，我地今次比較肚餓叫左4樣菜色，人均只係～$200💰💰絕對要翻兜再黎食鹹蛋黃魚皮!!!……….

由於此店有時代廣場現金券可以用,好明顯生意比以前好左好多,因為我都有三張現金券,所以都要早d去等位,就算我六點幾去,都要等十分鐘先有枱,內裡環境可以,只不過張枱好細,四人枱如二人二人要搭枱,中間仲要隔住塊膠板,想叫多d野食都無位擺,首先黎野飲,美祿哥斯拉&美祿恐龍,普普通通啦,不過好細杯收呢個價錢就有d…之後黎斑蘭咖也多士,好食,不過唔夠熱,檳城蝦麵唔油膩,第一次食到米粉溝油麵,都唔知算唔算正宗,都ok好食既,再黎呢個新加坡白胡椒肉骨茶就要比讚,無論湯,排骨&成個蒜頭都超入味,服務員有禮地介紹可以唔需要一定配雞油飯,配白飯都得,都係收白飯價錢,係張枱迫左d之外,其他整體食物&服務都👌

今日我哋叫左兩樣食物，叫去參峇醬燒魔鬼魚，比較細條同埋醬料太咸，冇乜太多肉，所以感覺比較貴，另外叫左一碗街頭雞鴨絲湯米粉，唔系太多餸，米粉質地可以，環境可以，坐得舒服嘅

一入座就提供暖水人手好足落單上菜收碟都好快唔會搵唔到人服務積極白胡椒肉骨茶麵線因為係白胡椒版本所以湯底好清但胡椒味好足鍾意食胡椒湯既可以試下配搭既係麵線麵線偏稔今次食到既肉有一字骨仲有豬肚、原個蒜頭海南雞飯拼喇沙米線食新加坡菜點少得海南雞飯同喇沙呢個餐點就可以一次過滿足晒啦湯式椰味好香米線彈牙好食！油飯都好香娘惹芫荽雞湯特別落單要多芫荽😆雞湯入面多雞皮同芫荽$86雞湯黎講算大兜斑蘭咖也多士脆脆外皮加甜甜既咖也醬仲夾塊邪惡牛油好彩一份份量唔算特別大食完都冇咁有罪惡感

今日行街經過，見到門市啲圖片好似幾好食咁就入去啦，點知啲嘢食真係嘛嘛，我叫左個海南雞飯跟肉骨茶，炒椰菜苗，烤五花腩，李生板麵。菜好硬，五花腩好韌，海南雞飯雞冇味道，個麵係最正常但有啲辣，只可以講唔算好難食，只係叫做唔好味又唔算貴，臨走仲見到個師奶同侍應擾攘，之後個師奶唔食走咗，嗰兩個男同事（疑似經理）嘅人大大聲喺度話個女人有問題，真係覺得好好笑，當其他食客唔係人，仲話頭先個女人😱真係請都唔會再黎

一共叫左4樣野1）咖映多士2分 係薄身既方包，多士烘得夠脆， 唯班蘭咖映醬同牛油太少，而咖映醬味道亦較淡口，食不到班蘭味2）馬拉盞通菜3分偏淡，同出面既泰國餐廳比口味較清淡3）喇沙掺掺3.5分 湯底唔算好濃，但都夠椰香味，整體正常發揮4）燒豬頸肉4.5分呢個落單都等左一陣先到，可能係即燒？ 一上到枱聞到好香，燒得夠脆重點係厚切豬頸肉 正呀 估唔到呢樣最出色👍🏻👍🏻唯一要改善係個醬汁，配左個似豆XO既辣醬，感覺同豬頸肉唔太match, 酸辣醬汁會較好

花漾個名令人有無限想象空間，降臨時代廣場就變身成爲一間新加坡菜館，今晚收工黎左試試，門面同入面裝修都唔錯。餐牌有味遊新加坡菜式，地道星馬菜式，芽籠街頭串燒，輕食，甜品，飲品等等，啤酒都有。今晚第一次黎，叫左個主食，兩份小食同一份甜品分享。招牌新加坡大蝦喇沙摻摻 $118 另加一食新加坡野一定要食喇沙。招牌新加坡大蝦喇沙摻摻大大碗，可以揀摻摻或者米線。我地揀左摻摻。摻摻即係黃色粗麵加幼身粉絲，前者有咬口而後者幼滑吸汁，加埋係好正嘅口感。個湯又香又滑，梛汁又夠，辣度剛好。配料有去殼凍蝦兩隻開邊，炸魚蛋三粒，炸魚蛋4條，豆卜4件，半隻糖心蛋。雖然炸魚蛋細細粒，不過食落都唔差。豆卜吸汁，糖心蛋個心好滑。仲有爽口芽菜加添口感。其他蔬菜有少少通菜同紫洋蔥，面頭灑上脆脆同香草。另上參峇醬同一隻青檸比你自己調味。巴東牛肉 $108 另加一巴東牛肉份量好多，大舊肉都唔少，質感都可以。個汁味道濃厚，好惹味。配有花生米，脆魚乾，脆脆碎，又香口又有多重口感。伴有青瓜，車厘茄同紫洋蔥可減膩。餐牌有一隻辣椒，味道只係少少辣。呢個份量好抵食。參峇醬燒豬頸肉 $96 另加一參峇醬燒豬頸肉一客8片，切割好有心思，燒得脆

海南雞飯拼喇沙米線，一個餐有晒飯同喇沙，非常滿意呢個配搭。如果細食既話，兩個人share 都好夠。雞肉肉質嫩滑，油飯非常香。喇沙有蛋，有蝦有豆卜魚片等等，細細碗但都幾足料! 新加坡鹹蛋黃單骨雞翼(8pcs) ，雞翼炸得非常脆口，單骨雞翼食起來好方便，而且每條都沾有香濃既鹹蛋黃醬，非常惹味!!烤馬來蔥餅配咖哩，非常香脆鬆化既蔥餅，沾上香濃既咖哩，唔洗用包住肉食就咁點咖哩已經好好味! 建議唔洗點太多咖哩，輕輕一沾就有晒蔥同咖哩既味道。海鹽雪糕椰汁珍多冰，好濃郁既椰汁呀，好厚既質感，撈海鹽雪糕就可以吊到個味道，非常唔錯，仲有一條條綠色啫喱好正，好有東南亞風味。馬來芒果汁配雪糕，一樣係香濃既芒果汁，再就雪糕真係好清涼好yummy!!呢間每隔一排都會想黎，加上位於商場，實在太方便，行完街就可以順便食。

好耐冇去Times 食飯，有日買嘢咁啱行過，又換咗商場嘅coupon，即管不妨一試！晚上特別多人排隊入座，但係流動都好快！排10 張飛10分鐘，唔使都可以入座了！本身想食排骨山！但要等30 分鐘，所以放棄了，希望下次有機會試！最後ordered 新加坡大蝦喇沙摻摻，真心吾太鹹，冇味精，連湯食完唔會覺得好口渴！真材實料！另外叫左海南雞飯拼白胡椒肉骨茶，肉骨茶湯濃味帶清，而且好夠熱，呢點重要！海南雞一般，冇乜大驚喜，朋友介紹南洋白咖啡好飲，但也是一般，下次會想試拉茶！斑蘭咖也多士，同椰子雪糕係拼$用coupon 叫！也很不錯！多士脆薄入口即溶埋單$242 ！真係超值

在時代廣場搵食， 想食簡單輕擎啲， 唔想咁貴， 但係又要係鍾意嘅食物， 就搵到呢間星加坡餐廳， 個名都好特別， 叫🌻花漾🌻， 入到嚟發覺， 果然好多花樣 ， 食物種類繁多， 各種配搭都有 。我哋兩個人都想食海南雞飯 ，又想試其他嘢， 於是就叫左兩個雙拼套餐， 一個海南雞拼喇沙米粉， 另一個就海南雞飯拼星加坡白肉骨茶。 落咗單就坐定定等嘢食， 餐廳都幾光鮮亮麗 ，牆上都裝飾著熱帶嘅花草畫， 有少少星加坡fell ，有好多卡位，不過我哋冇得坐， 兩個人只可以坐喺好窄嘅座位上，窄到兩份套餐幾乎擺唔落， 想叫多啲嘢都唔得。 兩個套餐同時送到， 要移開曬檯面啲水杯刀叉先放得落， 可見張枱面幾細。 海南雞係冇骨嘅 ，例牌有三碟醬料， 為健康起見我哋都轉咗白飯， 海南雞都幾多肉， 但係就冇乜雞味， 好淡 ，要靠醬料嘅味道 。兩碗白飯都好乾好硬 ，有啲後悔， 早知要油飯。 喇沙米粉就幾好 ，啲湯夠農香熱 ，米粉好滑 ，入面有啲魚片， 芽菜，好食。星加坡白胡椒肉骨茶就麻麻地， 胡椒味太重， 完全唔似肉骨茶， 舊排骨都係冇乜味 ，食完套餐， 有啲想食甜品， 於是就叫左個班蘭介也多士，🧇 36蚊好細份， 不

今次係鬧市中覓食，估唔到銅鑼灣時代廣場都會有新加坡美食，望落要境都幾舒服~就去試試嚕🤭💬 白胡椒肉骨菜麵線一入口~係平時飲嘅胡椒豬肚湯啊☺️☺️☺️ 我的最愛！！ 佢嘅胡椒味足夠且唔熗口，配料有大大條嘅肉排，仲有少許豬肚，正😍😍 食埋佢嘅米粉，食完飲完暖粒粒！！回頭食: ⓨⓔⓢ💬 牛油果五色米紙卷牛油果味道唔算出，不過配上香甜芒果汁，整體都幾fresh，滿滿嘅健康感覺☺️ 食完串燒食就岩哂回頭食: ⓨⓔⓢ💬燒魷魚鬚有六支魷魚鬚，沾上參巴醬燒到十分惹味，食落唔太乾亦唔太韌👍我就幾滿意喇~😙回頭食: ⓨⓔⓢ💬馬拉盞炒通菜通菜係多葉位青通，幾嫩唔會有渣，我成日都好怕出街食炒菜會好油好咸，佢夠味得嚟食落唔會好油膩感👍回頭食: ⓨⓔⓢ總結一下，地點方便，裝潢都幾靚，價錢係依區唔算貴，食物亦唔差，款式都唔少，不錯啊👍❤️花漾❤️銅鑼灣勿地臣街1號時代廣場6樓625-626號舖❤️2513 9899

海南雞是又凍又有啲生的。－開頭服務員說凍因為會嫰一點，老實說，誰沒有吃過海南雞，凍上並不會變嫰。再看，有1/3份都是生的，粉紅色的。然後服務員這是血絲，有相，自行判斷。換了新一份，都是有幾件生，我除消這份餐了。環境好，服務是正常的，但雞是凍和生。可惜。

花漾🌺🌺🌺位於商場中嘅新加坡菜餐廳平日經過大排長龍，今次終於有機會試食到了😜<必食推介>花漾海南雞飯 $108 雞肉肉質嫩滑，雞皮下脂肪不多，對於平時要去皮嘅我來說，今次可以連皮食了，冬瓜湯清甜，油飯香招牌新加坡大蝦喇沙摻摻 $118喇沙椰汁味香，湯底濃郁，配上大蝦、魚蛋、豆卜、半熟蛋、洋蔥、韮菜，口感豐富新加坡鹹蛋黃單骨雞翼(6pcs) $78雞翼脆口，配上鹹蛋黃醬，惹味整體食物質素ok，環境舒適，加上位於商場中層，shopping血拼後作補充元氣嘅其中1個好選擇，鍾意海南雞飯、新加坡菜嘅朋友仔要留意喔😚