芝麻開門甜品專門店

营业中

休息中

芝麻開門，係阿拉丁故事一個暗號，今日喺太子附近搵到《芝麻開門》甜品店，店內裝修特別，門口天花上，有七彩波波，有一些夢幻感覺。榴槤飄飄，榴槤肉入口即溶，榴槤雪糕，香香榴槤味，榴槤奶昔襯托出整個榴槤甜品的重點，仲有黃色一粒粒的是芒果爆珠，配搭好正。桃膠椰皇燉蛋白，椰汁味香濃，蛋白好滑，整體感覺很豐富，椰汁多少，自己添加。桃膠是另上，不會佔據椰皇內的空間，感覺更加充實。這甜品店的選擇應有盡有，也有傳統糖水，隔離枱窩夫也非常吸引，好大件，好大個甜品，不用吃晚飯也可以淨食甜品。

太子買完野 行過見到大大隻字寫住芝麻開門 原來係間叫做芝麻開門既甜品鋪 行到攰就入去休息下嘆返個甜品先同老豆分別叫左個百變窩夫系列既流星花園同埋養顏椰皇系列既榴槤燉椰皇流星花園窩夫 有三球雪糕 仲可以自選雪糕既口味 咁我就選擇左奶茶 芒果 同埋綠茶🍵雪糕食甜品都想有種賞心悅目既感覺 呢度做到 一黎到窩夫擺得靚靚上面淋上左小小朱古力針同埋黑糖漿 又有幾款切粒既生果 分別有蜜瓜 西瓜 🍉同木瓜 好豐富 well presented 窩夫咬落脆口 入口鬆軟 有濃濃既蛋香 仲有一堆馬仔既味道 好香甜 雪糕既口味味道出色但唔會係好死 個種化學味 配上窩夫食 幾好味 生果切得好 細細粒一口size易入口 清新多汁 refreshing天氣開始凍 個人又乾澡 養顏椰皇系列既榴槤燉椰皇岩曬我 熱熱既椰皇裡面燉好既鮮奶蛋白 滑嘟嘟 仲好滋潤 好貼心既係 榴槤蓉係另上架 因為熱榴槤蓉都應該唔夠凍食好食 另上就可以滿足到想食榴槤又想食熱椰皇既我 燉椰皇旁邊仲配左一壺椰奶 加左椰奶落下 令椰香更上一層樓 錦上添花 刮埋裡面既椰肉一齊食落肚 好圓滿呀

在旺角食完晚飯，諗住行過去太子搭車，經過大南街，見到芝麻開門甜品専門店。阿女話食完晚飯想食個甜品，那麼我們便入座，甜品店裝修簡樸，座位舒適，地方整潔。老闆娘熱情招待，並介紹各式甜品。蛋白燉椰皇，有凍或熱選擇，因為天氣凍，所以選了熱，蛋白用原個椰皇燉，蛋白好滑溜，有椰香味，甜度適中。老闆娘好好人，送左一碟桃膠給我，本來是下午茶時段加一蚊才有。將桃膠和椰汁加入蛋白內，桃膠營養可媲美燕窩，滑得黎有口感，椰汁又香又甜，令燉蛋白味道提升不少！芒果西米露：Q彈的西米加上鮮甜的芒果果肉，融入在椰香四溢的椰汁中，香甜美味！

老友知小弟喺榴槤粉絲，又喺甜點迷，介紹我呢間新開嘅甜品店「芝麻開門」，再者，位處太子，對我嚟講非常方便。加上呢區近地鐵嘅周邊，食肆多到日日嚟試，食幾個月都未試得晒呀，故此，最好晌附近食完飯，過嚟食份甜點先走。晌門口已貼咗一大張「餐牌」，一睇就知主打喺賣港式甜品，新派、傳統都有，而走入店內，小店枱局，裝修簡潔明亮，以青綠色為主調，清爽怡人。本以為呢類港式甜品會以年輕人居多，但幫襯嘅反而有唔少中年人仕，聽佢哋只店主嘅對話，更有不少喺附近嘅街坊嚟。枱上放有大大張餐牌，底面兩大頁就印晒所有甜品款式，都喺慣常見到嘅類別，如芝麻開門精選、夢幻芒果系列、經典回味燉品、黑白涼粉系列、正氣紫米露系列、彩虹仙子系列、滑嘟嘟西米露系列、誘惑D24榴槤系列、拿破崙系列、美味班戟系列、雪糕綿綿冰系列、楊枝甘露系列、百變窩夫系列、養顏椰皇系列、新鮮果汁系列及爽爆奇冰系列，數數埋埋過百款呀！講明喺甜品店，通常繁忙嘅時間都喺得某一段，為增加吓多啲收入，特設咗下午茶時段，兼營吓啲麵餐、點心小食……等等。榴槤燉椰皇 $56因為一心一意嚟試其榴槤甜品，所以，目標範圍就收窄好多，一喺就榴槤系列嘅其中一款，一喺就榴槤燉椰皇，考

冬天到, 我比較愛吃一些滋潤補品暖暖胃~ 餐牌上的甜品款式非常多, 中式、西式的也有。甜品還可以另加雪糕、雞蛋、湯圓、紫米、燕窩、椰果、涼粉等等, 我認為加多些配料, 食完會更加滿足~//花花世界// 是養生的甜品, 裡面有桃膠、燉雪、杞子、桂花。我另外再加入了燕窩。桃膠和燕窩的份量有很多, 超足料的。糖水的甜度剛剛好, 不會太甜, 裏面的杞子增添了整體的甜度。飲落有啖啖桂花的香味。桃膠對潤腸及通便有幫助, 生津滋陰。它是養顏潤燥的食材, 含豐富的膠原及水溶性纖維, 是女士養顏的恩物喔~芒果紫米露 - 芒果大大件, 很鮮甜。

冬天夜媽媽想食甜品，想飽肚同時又暖一暖胃，諗唔到有咩好主意，行吓行吓就走入咗一間睇落好普通嘅甜品店，趁啲人仲歎緊晚餐，又一趁有位入嘅好機會大胃見menu實在有太多選擇，選擇困難症又發作，老闆娘就話呢度招牌係榴槤千層，咁我就費事諗嗌件啦，點知真係不負招牌，從頭到尾，層層都充滿榴槤蓉呀第二胃民都係揀榴槤，呢個就暖嘅一樣超足料，槤槤蓉絕唔同你慳倒埋啲椰汁落去，撈啲榴槤蓉，配搭十分完美食完仲可以刨啲椰子肉，夠晒腍原本入嚟冇人，大胃次次都咁旺場，走時已經多咗好多客

今日小弟同朋友食完飯，就走咗去搵甜品食。見到呢間好似唔錯，就同朋友走咗入去。呢間甜品店有好多選擇，中式糖水、雪糕、湯圓、刨冰咩都有！小弟同朋友都係榴槤控，所以就叫咗個榴槤千層蛋糕同埋蛋白燉椰皇係店員準備拎出嚟嘅時候已經聞到陣陣嘅榴槤味！果然，蛋糕上面有一大pat榴槤肉蛋糕中間唔止有忌廉，仲有好多榴槤肉，唔怪得知咁香啦！食落去，啖啖都有榴槤肉！而且，cream唔會太多所以食落唔會好漏！好食到最後同朋友一人叫咗一件外賣返屋企至於蛋白燉椰皇，反而就普普通通，如果可以加埋鮮奶就好喇。但係冬天食呢個，食完會暖粒粒～～

#芝麻開門 #芝麻開門甜品專門店 香蕉拿破崙：啲酥皮做得幾好，唔會一切落去就碎晒，有時對拿破崙卻步就係因為怕呢一點，好怕只係食到碎碎。唔會過甜唔會過膩，配埋奶茶雪糕啱啱好===========📍 太子大南街35 號地舖B

之前同男友夜晚係深水埗食完飯口痕想食甜品，特登由深水埗行黎太子，試吓呢一間糖水舖～店舖提供嘅甜品種類算多，包括心太軟、芒果系列、窩夫系列、榴槤系列同埋經典糖水～今次我就揀咗紫霞仙子，個名好好聽，原來係指紫米露加埋湯圓同埋芋圓一齊食，呢個配搭好特別，但係非常match紫米露煲得啱啱好，不會太甜；但美中不足嘅係，芋圓地瓜味同香芋味唔算濃郁，不過勝在口感好煙韌～男朋友就叫咗黑武士，即係窩夫上面配以香蕉同埋雪糕球，上面淋左朱古力醬，而且窩夫焗到熱辣辣真係超級正

經過多月的自我“宵禁”，终於按捺不住要外出消費了！今晚“以生命作賭注”去到TG放題嘅熱點用膳，飯後經過呢間小店，眼見空無一人，於是就入去試吓。店子不算很寬敞，感覺乾淨整齊，裝修尚算清雅，符合一般甜品店的格局。坐下不久，老闆娘介绍咗蛋白燉椰皇$48，價錢合理，蛋白熱辣辣，奶味香濃。好適合秋冬季節食用，很滋潤養顏，而且食味不錯，的確係女士的恩物！賣相不錯，相當吸引！跟住再試埋個生磨杏仁糊$23，中式糊類甜品可以試出甜品店嘅真功夫同水準。呢間小店個杏仁糊真係無得頂，杏仁味香濃，杏仁磨得夠幼滑，绝對無粒狀杏仁在内，非常足料。老闆娘非常貼心加送小丸子，令杏仁糊食落更添咬口，使食味及口感加倍提升。雖然無心插柳咁入咗呢間甜品店，但估唔到佢嘅水準真係相當之高。的確係好值得推介俾親朋戚友，加上價錢大眾化，食完都唔覺肉赤。以後嚟開呢區，飯後甜品又有着落嘞！

食完燒烤，最好就是食糖水清潤一下，就去了附近的甜品店，雖然店舖細小，但甜品款式很多，一定會有你喜歡的甜品。今次4個人，点了幾款甜品，蛋白燉椰皇，清清甜甜，有啖啖椰汁味，不太甜，不錯。芒果西米露，有時令的芒果，一定不會失手。另外還有雪耳燉木瓜，非常清潤可口。 但蛋白杏仁茶就稍為“杰“了一点，所以味道都稍為甜。 不過最值得讚的是綠茶心太軟，有多款雪糕任你配搭，我們選了豆腐味，綠茶心太軟不甜，有濃郁的綠茶味，再配豆腐雪糕，非常好味。

同好友太子食完飯，search到呢間甜品店款式唔錯，為這個晚餐劃上完美嘅句號，一入門口已經聞到陣陣榴槤味，味道咁香，梗係要試，見到榴槤同芒果口味，都配有好多款式。連配搭雪糕球嘅口味都有十幾款👍🏻"榴槤飄飄"同外面吃到嘅唔一樣，加入了爆珠，好多榴槤肉，味道濃郁，加入荔枝口味雪糕球，味道都夾到👍🏻另外食咗榴槤pancake, 唔同平時出面綠色pancake皮的，外皮好有蛋香味，如果份量多少少就更好，雖然食好味甜品嘅價錢同一餐飯價錢差唔多，但食到濃郁嘅榴槤味，值嘅🤗

大大杯芒果沙冰，飲完飽上加飽😈每次去太子都要飲返杯事頭婆親自出馬，真材實料採用新鮮芒果加冰攪碎，再加上3色QQ同爆珠，爽呀！晚餐後黃金時間好多人㗎！全場坐滿的話，大聲講大聲笑，好嘈添

係太子食完飯，一家人想食糖水，經過呢間見到個名幾得意，入面又光猛舒服，就入左去食喇。店長服務其實唔錯，會同客人傾計，然後建議食咩，亦會提出option，例如榴槤通常係凍，「如果椰皇想食熱嘅話，幫你分開上啦，唔會凍熱溝埋咁怪」不過我想講真係非常唔抵，所有野都要$50以上，我諗住叫窩夫會抵啲，可惜。。。五十幾蚊一個窩夫竟然係街邊夾餅餅底。。。。佢幅相擺位起碼冇咁覺，但實物變左好似小朋友甜品咁 桃膠唔甜，幾天然。

今次講嘅係呢間位喺於太子嘅甜品舖，為咗配合ig名「頹食」，所以係外賣嘅。⁣😂⁣榴槤腸粉（$29）& 芒果腸粉（$29） ［評分：8/10］ ⁣咁首先講講呢啲生果腸粉嘅靈魂，就係塊腸粉皮。🤩 佢係做得完美嘅，因為佢係做得非常之滑溜啦，即係可以sir入口嘅。😛 像真度都好高，薄度啱啱好，啱啱好連住個生果成舊食，係非常之好食㗎。 🤤然後講下芒果腸粉，佢就加咗啲cream嘅，芒果本身亦都多汁，但係可能因為依家唔係當造季節，所以呢就唔甜嘅。 但係好處係佢亦都唔酸所以整體嚟講真係唔錯㗎。 ⁣😏然後就講下個榴槤腸粉，我覺得係非常之值得食㗎。喺食嗰時會見到一條條果絲喺度，同埋味道十分真實啦，所以可以相信佢係符合說明，的確係用D24榴槤嘅。😯 再加上佢嘅價錢以榴槤甜品嚟講呢唔會都幾平，所以鍾意食榴槤嘅朋友 我覺得係非常值得試。⁣👍⁣芝麻開門甜品專門店（太子）⁣#芝麻開門 #甜品 #太子 #頹飲頹食 #openseasme#dessert