芝加哥串燒酒場 (明雲閣)

营业中

休息中

10月頭黎已經佈滿halloween裝飾，入瑜黎環境舒適唔會話太嘈吵首要梗係叫酒叫左杯Samual adam同Rose (gin, rose, soda, syrup較甜，女士首選）黎呢度飲酒之餘就叫下串燒食，串燒總體好香口、惹味完全會令人食唔停特別推薦：炭燒法國鵝肝：香脆鵝肝勁好食香蒜蔥花廣島蠔：蒜同蔥好帶出燒蠔既味道芝士牛肉漢堡：切落去芝士流出黎 燒大啡菇：有生蛋同煙肉配搭碳燒牛扒 & 一口和牛串 & 鹽燒牛舌心: 好香牛肉味

平時對香港食串燒嘅印象就係特別貴，所以以前多數北上會去食，今日嚟呢間串燒店簡直打破我以往對香港食串燒嘅睇法！唔係朋友介紹我都唔知道元朗原來有一間咁抵食嘅串燒，今晚我哋兩個人食左600幾蚊，真係食左好多唔同款嘅串燒㗎，飽到不得了！呢間店仲有一個電視可以睇波，而且佢哋有飲酒放題嘅套餐。如果撞正足球賽，嚟佢哋呢間店order埋呢個酒精放題，不得了🤣🤣成晚都唔使走！串燒有好多款之餘，仲有唔少炸物！上圖～～1. 炸水牛芝士：真係可以做到拉絲㗎，不過就要趁熱食啦！2. 黑松露燒蝦：面頭放嘅黑松露份量一啲都唔少，一口黑松露加一口蝦好香！3. 燒雞翼：燒雞翼，我自細鍾意食！呢句說話真係啱晒形容我😂呢個雞翼好香孜然味，而且燒到個皮係脆嘅！4. 燒茄子：小辣得來好惹味，充滿蔥蒜同辣粉嘅味道！估唔到埋單又好抵，因為真係食到好飽好飽好飽啊！咁都係六百幾蚊，會有下次㗎！

今晚約咗朋友系元朗飲野，友人介紹了呢間芝加哥串燒酒場 ，可以一邊食串燒，一邊飲野傾計，呢間是一間清吧，比較優靜，裝修都幾靚幾Chill，特別吧枱嗰度好靚，啱晒我哋去打卡！。呢度既串燒款式都有好多樣，而且價錢真系好大眾化，系柑中高檔的環境下，竟然有低至10幾蚊的申燒，性價比真心好高。特別推介以下幾款︰炸拉斯水牛芝士條炸拉斯水牛芝士條嘅芝士味好濃郁，記得一定要趁熱食，如果凍咗嘅話就會少咗拉絲嘅感覺啦！原隻魷魚串魷魚香味十足，好有口感和鮮味。芝士柳葉蟹棒芝士鋪滿住蟹棒，啖啖芝士加蟹柳肉~宮崎去骨雞腿去曬骨，好脆口既皮，咬落去啖啖肉，好正~香蔥燒半殼扇貝燒完仲有少少湯汁，一啖飲落去好夠鮮味，而且個扇貝仲好嫩！

呢間店張Menu真係一睇就見到好多種類，而且價錢又唔貴；比起出面嗰啲串燒店，呢間真係抵好多，可以盡情叫，想食幾多就幾多！☺️私心推薦！！！厚切薯片炸完唔會好乾爭爭，淨係得個脆字；而係做到外脆內軟，咬落去嘅口感好豐富，脆得嚟入邊又可以食到一啲薯蓉！原條茄子燒（小辣）：茄子燒得好入味，面頭有蔥同埋辣味粉夾埋一齊食好香！燒宮崎去骨雞腿：燒完啲皮係好脆，而啲雞肉仲係好嫩滑多汁，唔使點燒汁都好好食！燒紫菜年糕：唔好以為佢係燒燶咗，其實係上面有塊紫菜同埋燒汁，所以睇落去係黑色；我對煙靭嘅食物真係無抵抗力，呢個年糕真係好正，咬落軟軟的好煙靭！鹽燒雞軟骨：燒完之後啲雞軟骨好脆，食落仲好香油脂味，一定要嗌！招牌燒牛骨髓：第一次食覺得幾特別，原來佢嘅質感係軟軟的帶綿滑（少少似豆腐？！），一啲都唔會有腥/騷味！燒鳳梨：好甜呀！食咗好多肉再食一嚿菠蘿好正！好抵食！叫左好多野食到好飽！食得串燒又點可以少咗酒，食完肉再飲一啖酒，人生樂事！Magners Original Apple Cider: 怕飲酒嘅可以揀呢隻，只有1.x%酒精，好似飲汽水甘！Samuel Adams Boston：呢支飲落有果香味帶回甘，都係

今天約了朋友去Happy hour，行開元朗，睇下附近有無好的酒吧，同朋友飲返兩杯。行過教育路，轉左入內街，見到有間有串燒食的酒吧，價錢又實惠，即刻入去試下。兩個人，先叫了杯一番生啤，飲住兩啖再慢慢落單。這間酒吧竟然主打不是西餐，是串燒，可以選不同辣度。牛扒肉嫩，肉汁豐富。蔥燒扇貝，黑色豬腩串，配上孜然粉，好味！韮菜燒，多汁好食。厚切牛舌，口感一流。原隻魷魚串，魷魚不乾，鮮甜。牛肉䓤串、玉子燒、雞肉軟骨棒，送酒一流。燒豬大腸，羊肉串，，配上紅椒粉，辣度剛剛好。鹽燒雞翼，外脆內嫩。招牌茄子燒有驚喜，完全唔似酒吧出品。場內仲有英超直播，下次約多幾個，睇波加串燒，一流！5:00 前而家仲做緊生啤買一送一，超抵！

飲品1)Sangria$98(酒味比較濃)(Red Wine,Brandy, Orange Juice,Lemon Juice)2)Snow Ball$83(我覺得似乳酸飲品，好飲)(Egg Liqueur, 7up)碳燒牛扒(塊)$49，切細細片夠入味。薄燒安格斯牛肉葱串$32食落唔油膩。炭燒豬頸肉(串）$22肉質爽燒日本博多雞心$33炭燒鴨胸x2（串）$46比較膩口粟米燒(條）$33芝士黑松露大啡菇（隻）$45因為有芝士同黑松露，所以係好香同濃味嘅菇蘆筍燒x2(串）$56蘆筍幼好食燒尖椒串$19好食只是有點辣香蒜蔥花廣島蠔x2$64一定好食燒芝士年糕(2件）$29羊肉串x2$46羊食落唔蘇喎冷盤日本磯燒鮑魚（份）$88💓至愛泰式生蝦刺身(份）$68💓必叫

勁耐冇喺元朗食飯，咁啱同朋友喺呢邊行街，又想搵個地方傾吓計食吓野咁，所以就揀咗呢間餐廳。難得係酒吧格局但冇乜煙味👍🏻，坐得幾舒服，有串燒亦有唔同嘅酒飲，職員都幾nice。如果有波睇，相信氣氛會好好🤭串燒可以揀唔辣、Bb辣、小辣、中辣及大辣。我哋揀左Bb辣，好微嘅辣。碳燒牛扒（$49）食得出冇落鬆肉粉，食落較為紮實，冇落太多調味，主要靠燒嘅香氣及喼汁提升味道，送酒不錯。燒原隻魷魚串（$28），燒新疆羊臉肉串（$23），炭燒豬頸肉（$22），鹽燒鮮白鱔串（$58），羊肉串（$23），燒土匪雞翼（$24）土匪雞翼有好香孜然粉味，一咬就好易脫骨；羊肉串唔算好大陣羊騷味，肉質嫩滑👍🏻；第一次食燒白鱔，有驚喜～肉質厚實，燒到唔會好乾，而且啖啖肉；豬頸肉相對之下冇咩驚喜，但係好食嘅，推介的👍🏻羊臉肉第一次食，有少少羊騷味，啱晒我朋友🤣，佢話好入味好淋，不過份量有點少；必叫魷魚串，幾大隻，啖啖肉，好淋好易咬🤭原條燒茄子（$35）食燒烤點可以冇茄子😋，有汁唔會燒到好乾，但亦都有燒烤嘅味道，加埋面頭嘅蔥蒜好惹味。雪生啤 Kirin Ichiban Frozen Beer (原味 $82 及桂花味 $92)

這次來到元朗西菁街附近的一間大埔酒吧以及 串燒 「過江龍」。名氣果然不出所料，在入座後不久，已經全院滿座。當晚七時入座，因為酒吧性質 需要出示快測結果，大家留意喔！環境有別於一般酒吧，「中門大開」是此酒吧特色之一，但酒吧冷氣相當充足，完全不受炎熱天氣影響。酒吧內亦設有大電視，適合球迷觀看賽事。餐牌餐牌上菜式非常齊全，不論蔬菜葷菜多達數十款。餐牌底色為黑色，可能未能即時看清楚文字，不過無傷大雅！ 桂花KIRIN ICHIBAN $82、Samuel Adams $58來酒吧怎麼不會點啤酒！更何況是配串燒，點了一杯特別的桂花KIRIN ICHIBAN ，表面是冰打成的Foam ，極清涼，桂花味香但不甜，男士女士都適合。另一杯Samuel Adams，比較少見，也很清爽好喝！香蒜芝士黑松露燒扇貝 $52、香蒜燒鮮鮑魚(3隻) $78 及 燒牛油半熟帶子 $58先來嚐嚐海鮮類，串燒店吃海鮮從來是品嚐海鮮最佳方法之一，扇貝配溶溶的芝士，增加層次；燒鮑魚香氣十足又鮮甜；半熟帶子彈性比全熟更高，更Q彈。茄子燒 $35 吃串燒怎能少了茄子燒？燒香茄子加上孜然粉、辣粉，茄子皮軟身，茄子肉入口接近即溶，平

元朗新開呢間酒吧，裝修型格，有大電視睇波，又可以食埋串燒，真心覺得正👍星期一到五，8點前都係Happy Hour，平均啤酒平$10蚊杯左右。呢度d生啤又大杯又夠凍，仲有唔同味道既麒麟揀🤣今日試左杯桂花味，比平時生啤甜d同多左d桂花香，幾特別。KIRIN-Osmanthus $72KIRIN-$62黎得呢度當然唔少得食串燒，估唔到師傅咁有功力，完全係好食過大部分既串燒店🙀特別介紹下d我覺得好好食既比大家🐮牛類•汁燒牛小腸 $32 有d類似生腸，但帶有少少牛味。內裡脂肪口感Q嫩，但唔會覺得好肥膩•鹽燒牛舌心 $33 牛舌心比一半牛舌質感柔軟，同時又好爽脆•一口和牛串 $29•薄燒安格斯牛肉葱串 $32🐷豬類•炭燒豬頸肉 $22爽脆juicy•黑啤豬肉腸 $26有好香既麥味，一咬爆汁🪸海鮮•香蒜蔥花廣島蠔$32蠔肉大粒又鮮甜•鹽燒鮮白鱔串$58最最最好食，好厚肉好新鮮🐔雞類•鹽燒雞軟骨 $16香脆，飲酒一流•大蔥雞脾肉 $26雞肉永遠最夾都係大蔥🥬蔬菜類🥒•串燒娃娃菜 $16•雞脾菇 $19•原條茄子燒$35

今日喺元朗收工，同朋友諗住坐低飲杯嘢放鬆一下，無意中經過呢間餐廳覺得氣氛都幾好，所以做入去試吓 芝加哥串燒酒場。餐廳地方雖然唔大，但係都好有格調，加上播放少少音樂，同朋友喺度飲酒傾偈比到我一種好舒適嘅感覺。望一望個餐牌happy hour買一送一，酒精放題398任飲，性價比真係高。串燒方面都有好多選擇。XO醬燒廣島蠔 208元 半打，廣島蠔燒完size都算大，完全冇縮水，估唔到用XO醬可以同廣島蠔嘅味道咁夾，將生蠔嘅鮮味提升，蠔身厚肉多汁，鮮味十足，果然係必食推介。鹽燒三文魚頭 一份 68元，三文魚頭燒到好香，肉質仲係好嫩滑多汁，加上少少鹽香調味，將魚嘅鮮味帶晒出嚟。用嚟餸酒真係一流。燒汁牛仔骨 48元一份，牛肉味香濃，加上有少少脂肪，食落去特別香口，最鍾意就係牛仔骨附近嗰啲肉，有咬口味道又香。炭燒牛扒$49 ，肉質非常香滑Juice，比牛仔骨更加香牛肉味。燒雞泡魚乾 58元，飲酒一定要點雞泡魚乾，味道好香，點一點旁邊嘅沙律醬味道更加香甜。魚乾燒得好乾身特別香口惹味。炭燒法國鵝肝，鵝肝燒到好香口，入口味道香濃，口感幼滑綿綿，一個人真係可以食幾串。呢間餐廳有酒飲，而食物製作方面亦都做得好

心情麻麻，同朋友散下心，順便去Happy hour飲下食下，係元朗見到呢間芝加哥，好似幾好氣氛咁喎。好，坐低睇下有咩好食先。串燒都有幾十款，除左串燒，仲有炸物小食，食飽飲酒就唔使怕。叫左中辣，都真係幾辣，我喜歡多春魚，魚仔燒脆得黎入面唔dry雞肉軟骨串，啖啖肉軟骨又索索聲。玉子個醬汁好juicy，蛋好鬆軟，仲有4件，抵食！叫左Pina Colada，椰味同酒比例啱啱好，唔太甜。桂花味啤酒，聞落去帶有桂花味，飲落就似番啤酒，幾特別。

今日收工元朗牛帶路食串燒因為第二日仲要返工，我地就比較早去食夜晚飯所以可能去到嗰陣舖頭都暫時仲未好多人，但係可以睇得出佢座位都好闊落舒服因為天氣溫度降番啲，所以夜晚黑坐出面都幾好，別有一番風味符合番今日食串燒嘅主題雖然唔係坐喺店舖入邊，但係店員都時刻留意住我哋嘅動向，有咩需要佢哋都可以即時過嚟，欣賞👍🏼👍🏼可能因為燒嘢食都需要時間嘅緣故，所以上菜速度並唔係好快但係嘢食大致上都幾好食，特別係個土匪雞翼🐓🐓羊肉串同埋茄子少都值得一試嘢飲嗰度我哋除咗叫咗兩杯酒之外仲叫咗個紫薯鮮奶同埋呢個菠蘿梳打酒好飲，菠蘿梳打係夏天飲嘅時候特別清新而且，菠蘿都仲算係當造季節嘅水果，我覺得自己揀得好好～哈哈！

主打燒烤及啤酒的餐廳有室內亦有室外位置環境開陽有種relax 的感覺👍🏻串燒的款式非常多有豬牛羊肉類、海鮮、蔬菜、佐酒類…真係每樣野都好想食我覺得好好嘅地方係可以選擇口味不同嘅辣度（中小大bb辣都有😂)酒類亦都好多選擇同埋加錢可以free flow ，好正呀✨推介食物燒雞泡魚乾、水牛芝士條（份量超多、夠香口，送走一流）黑毛豬腩串、燒茄子、鹽燒雞翼、炭燒牛扒、孜然午餐肉串（非常惹味）汁燒京蔥串、燒尖椒串、韭菜燒（蔬菜類好多，好啱唔係好食肉嘅人）

今日放工約左朋友聚會，我地去左元朗依間極具人氣的「芝加哥串燒酒場」。最鍾意餐廳個環境氣氛，有種好放鬆既感覺。另外，最吸晴係有個大電視，睇世界盃、英超一流！同朋友一邊歎串燒一邊飲酒，放工就係要這種快樂。 ➖串燒款式選擇多，每款都有一定質素🐮牛肉類▪️招牌燒牛骨髓▪️鹽燒牛舌心▪️安格斯牛板腱珍珠飯-牛骨粹必須趁熱食，香氣最濃郁-牛舌心夠哂厚切，牛味極濃-安格斯牛板腱珍珠飯好大碗，兩個女仔食甘多串燒都食得哂個飯，因為真的好好食。牛板腱燒得香口，口感爽彈➖🐷雞肉類▪️雞肉軟骨棒▪️鹽燒雞翼▪️風味雞腎串-雞肉軟骨棒好抵食。軟綿我雞肉伴上香滑蛋汁，十分滋味。-朋友最愛鹽燒雞翼，去食串燒一定要點。外皮燒到脆卜卜，內裏肉質juicy。➖🐟海鮮及魚類▪️香蔥燒牛殼扇貝▪️蒲燒鰻魚串▪️鹽燒多春魚-扇貝相當大粒鮮甜，d 湯汁亦係精華-鰻魚質感新鮮彈牙-多春魚咸香十足，伴酒佳選➖🥬蔬菜類▪️原條茄子燒▪️串燒娃娃菜▪️韭菜燒▪️蘆筍燒食左咁多肉類，必點一些蔬菜中和一下膩滯感。 當中最鍾意是燒茄子及韮菜-茄子燒份量多，而且每一條都鋪滿了蒜蓉及蔥，十分惹味-韭菜燒面層亦鋪滿辣粉同孜然粉，辣得過癮➖🍡特式食物▪️燒紫菜年糕串 : 煙煙韌

以往去大埔嗰邊成日會去芝加哥串燒酒場，估唔到原來元朗都開咗一間分店😜現場所見，餐廳有好多唔同年齡嘅消費群，年輕人、上班族、街坊客，餐廳嘅環境氛圍好適合三五知己一路吹水、一路飲酒食嘢🍻串燒種類款式非常多，牛肉、雞肉、豬肉、海鮮、瓜菜類都有提供🍽而且佢哋係主打即點即燒，確保到食物上枱保持到理想嘅溫度😄我哋剔下剔下，話咁快就叫咗以下咁多款🤣🤣🤣串燒當中比較推薦幾款，好惹味嘅燒雞翼，雞翼真係最難抵擋嘅串燒美食之一🤣碳燒牛扒，廚房會預先幫你切開好多塊，牛扒燒完之後真係好香口😋一塊只係$49，份量好多好抵食！燒韭菜、燒茄子、燒菠蘿，呢三樣都係本人比較推薦，拎嚟串燒會特別加分！KIRIN Original Frozen Beer做完一日嘢，放工忍唔住要整返杯生啤🍺大啖大啖飲落去，夠晒抒壓！Frozen Beer最上層嘅幼滑泡沫，原來係用呢部特製嘅機器打出嚟，的確唔係好多地方有呢個體驗！Peach Mojito好容易入口嘅其中一種Cocktail，口感好清新，夏天熱辣辣夠解膩！🤪Little Creatures IPA Craft Beer呢枝Little Creatures嘅Craft beer，有