芝加哥串燒酒場 (明雲閣)

营业中

休息中

最近去元朗玩偶然發現一間超正嘅酒場一入到去，就比酒場嘅氣氛吸引住。裝修充滿暗黑型格，感覺好chill,店員態度都好熱情，好快就安排好座位，遞上餐牌。我哋點咗幾款招牌小食。首先上嘅係椒鹽日本黑豚，呢個真係必試！黑豚肉炸得金黃酥脆，咬落去“卡滋”一聲，外脆內嫩。椒鹽調味好恰當，唔會太鹹，將黑豚肉嘅鮮味完全襯托出嚟，每啖都好有滿足感。炭燒豬頸肉都唔輸蝕，豬頸肉烤得火候剛剛好，表面微焦，中間肉質軟嫩有彈性。炭燒嘅香味好濃郁，再配上特製嘅蘸料，酸酸辣辣，好開胃，一碟唔夠食！雞肉軟骨棒都好有特色，雞肉包住軟骨，烤得香噴噴。咬落去，軟骨嘅脆同雞肉嘅嫩形成好有趣嘅口感對比，加上灑上嘅調味粉，越嚼越香，根本停唔到口。燒土匪雞翼，呢個名字好特別，味道更加特別。雞翼烤得外皮金黃，雞皮烤得有啲脆，裡面嘅雞肉好juicy，一咬落去，肉汁都流出嚟。而且調味好入味，有少少辣辣嘅感覺，好惹味。飲品方面，我哋試咗PiniChicago logo beer同ICE LEMON TEA。啤酒口感好清爽，麥芽香濃郁，好適合配住小食一齊飲，仲可以去睇波同班朋友傾偈真係好開心

元朗有一間串燒一直都係我waiting list想食好耐咁啱嗰日經過開嗰頭決定食埋呢間 PiniChicago logo beer支啤酒個樣夠chill，飲落清爽帶微微果香，唔會苦澀，配串燒一流！飲完個喉嚨涼浸浸，即刻開胃晒～ 極品即燒乳豬嘩！真係即叫即燒，皮脆到「卜卜聲」，咬落去啲油香同肉汁一齊爆出嚟！肥瘦啱啱好，蘸少少辣粉仲正，食完想再encore！ 自家制和牛棒和牛打成肉棒，咬落超鬆化又juicy！醬汁甜甜哋，仲有啲炭燒香，完全唔會乾，高級過普通免治牛串好多～ 燒牛板鍵牛板鍵燒得剛剛好，外層微焦，入面嫩到冇朋友！肉味濃得嚟帶少少筋，咬落有口感，正過好多燒肉店！ 孜然燒羊腩羊腩肥瘦均勻，孜然粉灑得夠豪爽，羶香得嚟唔會太over！外皮脆，內裡軟淋，送酒無得輸～ 燒魚肉燒賣估唔到燒燒賣咁好食！外皮燒到脆脆哋，入面魚肉依然彈牙，點少少辣醬，簡直係街頭小食升級版！ 蔥燒半殼扇貝扇貝超大隻！燒到剛剛熟，蔥花同蒜蓉爆香咗，仲有啲牛油香，一啖食落去鮮甜到震，連殼汁都飲埋！ 招牌無骨白鱔白鱔燒到皮脆肉嫩，一啖咬落去啲魚油香到癲！冇骨食得超爽，加少少檸檬汁更加提鮮，必點！ 招牌茄子燒

平時放假最鍾意同朋友小酌一番，再食吓串燒佐酒，我都幾常黎到芝加哥串燒酒場😉 呢間酒吧提供多款美味串燒，還有多款特色酒品，是元朗區不可錯過的美食熱點！🎉 環境與氛圍店內設有大電視播放球賽，非常適合與朋友聚會，一邊享受美食，一邊為喜愛的球隊加油。🍻 酒品推薦20:00前可以用$78 品嚐一杯Chicago logo beer,入口甘甜，帶有淡淡麥香，配搭串燒就岩晒😍🍢 串燒精選這裡的串燒種類繁多，火候掌握得宜，香氣撲鼻。- 極品即燒乳豬：外皮香脆，肉質嫩滑，油脂豐富，入口即化。- 黑毛豬腩串：肉質鮮嫩，油脂香濃，燒烤後更添風味。- 蜜糖雞翼 & 燒土匪雞翼：蜜糖雞翼甜而不膩，燒土匪雞翼則帶點微辣，適合喜歡刺激口感的食客。- 茄子燒（原條）：燒烤後的茄子軟嫩入味，蒜香四溢。- 香蔥燒半殼扇貝（2隻）：鮮甜多汁，搭配香蔥更添層次。- 招牌無骨白鱔：肉質細嫩，燒烤後帶有淡淡煙燻香氣。- 浦燒鰻魚 & 鹽燒多春魚：鰻魚醬汁濃郁，多春魚則魚卵飽滿，口感豐富。- 炸厚切薯片 & 雞皮餃子：薯片香脆可口，雞皮餃子則外脆內嫩，令人回味無窮。- 招牌珍寶生蠔串：生蠔鮮甜，燒烤後更添濃郁海味。- 招牌紙鶴雞皮

極品即燒乳豬串味道外層的豬皮經過烤製，有酥脆的口感，內部的豬肉鮮嫩多汁，咬下去時汁液四溢，炭火的燒烤香氣與豬肉的鮮味相結合，燒烤後散發出煙燻香味黑毛豬腩串黑味道肉質鮮嫩，油脂香濃，微微焦香，外層略微焦脆招牌燒牛骨髓串味道，濃郁醇厚，骨髓的脂肪帶來豐富的口感滑順細膩，入口即化安格斯牛肉蔥串味道，鮮嫩多汁，肉質細膩，口感鮮嫩，有燒烤的焦香招牌無骨白鱔串味道，鮮嫩滑口，肉質細膩，口感滑順，吃起來非常嫩滑，經過燒烤，帶有淡淡的煙燻香氣鹽燒多春魚味道肉質鮮嫩，經過燒烤後的外皮微微焦脆，滿滿的多春魚子，入口卜卜脆又口感招牌茄子燒味道帶甜，而且表面有蒜蓉，肉質柔軟，入口即化，經過燒烤後，散發出淡淡的煙燻香，茄子的天然鮮味與燒烤的焦香味鹽燒鮮淮山味道清甜，燒烤後的淮山保持了原有的脆感，咬下去十分爽口，淡淡甘甜黑松露烤蝦多士味道香濃，黑松露的獨特香氣，烤至金黃的多士外脆內軟，口感層次分明燒鳳梨，經過燒烤鳳梨入口特別清甜，糖分很高芝士年糕芝士年糕的味道可以形容為：芝士的香濃味道與年糕的柔軟結合，讓人感受到豐富的奶香，咬下去時有著Q彈的感覺，融化的芝士包裹著年糕，口感滑流蜂蜜生薑茶味道，生薑的清香和微辣茶底

💖元朗想飲杯酒chill下聚會嘅好地方芝加哥酒場，blue monday同朋友黎食晚餐飲杯酒！1⃣️肉類🥩🔸極品即燒乳豬🔸風味燒雞腎🔸燒土匪雞翼🔸燒羊架 🔸生燒鴨舌🔸鹽燒雞皮💖牛豬雞鴨羊咩都有，成頁紙80幾個選擇有排揀！即燒乳豬外脆內油脂多，邪惡又香口。我個人串燒必食嘅雞腎同鴨舌，肉質爽口調味香。土匪雞翼孜然粉同香辣粉好惹味開胃🤤，燒羊架肉質軟嫩多汁。2️⃣海鮮🦞🔸香蔥燒聖子王🔸招牌燒澳洲龍蝦🔸招牌無骨白鱔🔸原隻魷魚串🔸味噌甲羅燒 🔸燒黑松露帶子💖呢幾款海鮮都無伏！最鍾意燒澳洲龍蝦，芝士焗得香口，龍蝦肉爽口唔爛；甲羅燒嘅蟹膏味道濃郁鹹香，加上生蛋黃口感更順滑；無骨白鱔魚皮脆魚肉鮮，咬落啖啖肉。3️⃣蔬菜/甜品/小食🥬🔸燒新鮮秋葵🔸日本一口蕃薯仔燒🔸拉絲水牛芝士條💖除左肉都有好多選擇，每次都食一口蕃薯仔，外面裹嘅蜜糖令甜蕃薯🍠食落更香；水牛芝士條，外脆內係又熱又香軟拉絲嘅濃郁芝士，配酒一流。4⃣️酒類🍸🔸Super long island🔸Chicago logo beer💖成本酒類menu選擇好多，super long island混合左whiskey、brandy、gin、rum、tequila同v

今晚同大寶貝去咗芝加哥串燒酒場，真係一個好chill嘅夜晚！餐廳環境充滿美式工業風，燈光昏暗得嚟又有情調，播住輕快嘅音樂，氣氛好適合傾計同放鬆。我哋點咗幾款串燒，包括牛舌、雞軟骨同豚肉蘆筍卷，牛舌燒得剛剛好，外層微焦，內裡嫩滑多汁，雞軟骨香脆有嚼勁，豚肉蘆筍卷嘅豚肉肥瘦適中，配埋爽脆嘅蘆筍，口感好豐富。另外，仲試咗佢哋嘅芝士薯條，芝士味濃郁，薯條炸得香脆，食到停唔到口！飲品方面，叫咗杯Sangria同埋Asahi啤酒，Sangria果香十足，酒味唔會太濃，好易入口。服務方面，店員態度友善，上菜速度都算快。整體嚟講，芝加哥串燒酒場係一個好適合同朋友或者伴侶嚟輕鬆吓、飲杯酒嘅地方，串燒質素唔錯，氣氛又好，一定會再嚟！

今晚又再叫外賣，今次試咗呢間芝加哥串燒，都幾滿意～我哋一人叫咗一個串燒加飯餐，仲額外點咗個炸大八爪魚足，食到好滿足( ´▽｀)我要咗炭燒安格斯牛板腱飯，套餐跟咗一串燒翠玉瓜同一串黑糖雞肉。安格斯牛板腱燒得幾香，肉質嫩滑，炭燒味好出，不過如果份量可以再多啲就更加完美啦！串燒嘅辣粉係另外俾嘅，可以自己調校辣度，幾貼心～翠玉瓜燒得啱啱好，爽口又多汁，但黑糖雞肉串就覺得有啲怪。。。黑糖同雞肉嘅味道唔係好夾🥺感覺如果唔落黑糖，直接燒可能會更好食男朋友就叫咗招牌黑豚扒飯，串燒就同我嗰份一樣。黑豚扒燒得好香口，香口得嚟又唔會太乾，份量仲要夠多，食完真係好滿足！ 至於個炸大八爪魚足送到過嚟都仲係熱辣辣，外皮脆卜卜，入面嘅八爪魚肉質彈牙，大大嚿食落去好有口感，而且雖然係炸，但係食落唔油膩，係值得一讚嘅～仲有跟埋個泰式甜辣醬總括嚟講，今餐串燒餐真係好滿足，味道同份量都唔錯～～😌Btw 唔知點解呢篇食評會被懷疑係試食😵‍💫😵‍💫依家upload埋叫外賣嘅record以示清白，唉～真金白銀買嘅外賣嚟㗎，我都想有得試食🥹

「 芝加哥串燒酒吧場 」雖然今次係叫外送係屋企食 拍不了餐廳環境不過依間酒吧餐廳真心正 就算我叫外送都好有水準🤤🫶🏻🌸牛舌芯、豬頸肉、韓式牛肉串豬頸肉同牛舌芯 都比較厚身 爽口彈牙牛舌芯再配上檸檬汁 可以中和油膩👍🏻而韓式牛肉串 比較肥美 食落口d油會出晒黎💦🌸燒韭菜&娃娃菜兩種菜都好吸串燒醬汁 又唔會太鹹👌🏻🌸炭燒安格斯牛板腱飯牛肉燒得剛剛好 牛味香濃不老 配搭蔥蒜調味 愛了 💕食完一陣 個口仲會有d牛肉味

芝加哥串燒酒場性價比高Bar! 店內以金屬黑色為主調！好型格設有吧枱位～係到睇波、同朋友傾計都好正飲品叫左佢舖頭Chicago Logo Beer!🍺 好易入口五點前仲會做買一送一優惠～勁抵食物款式真係好多！仲可以自選難度串燒：豬類、雞串、牛肉、羊肉、海鮮、蔬菜講得出款式都有！同朋友一路飲野、食下串燒勁開心叫左勁多野食：極品即燒乳豬🐽招牌無骨白鱔🐟、招牌紙鶴雞皮、招牌雞皮墨魚滑、鹽燒雞頸肉、燒土匪雞翼、一口和牛串、鹽燒牛舌心海鮮叫左燒澳洲龍蝦、原隻魷魚串 、芝士大虎蝦食燒烤一定要叫原條茄子燒同韭菜燒！食物都係即叫即燒好滋味！除咗串燒之外仲有多款小食、甜品燒雞泡魚干、炸饅頭、鳳梨燒都好味😋仲叫左支梅酒🎉邊傾計、邊飲野邊食串燒好正芝加哥串燒酒場 不論環境定食物、定飲品都唔錯📍元朗金祥坊2號明雲閣地下A-B號舖

店舖裝修有氣氛，仲有大電視可以睇英超，適合一班朋友吹水食串燒。有happy hour，叫左Chicago logo beer同KIRIN-White Peach，大大杯，一個都飲唔哂。品即燒乳豬串燒食乳豬好特別，個皮好脆，又唔肥。鹽燒雞翼、土匪雞翼、蜜糖雞翼啲雞翼燒得岩岩好，少少焦香味道，配合唔到的燒法，各有不同。我就中意最原始的鹽燒。沙爹牛串串燒基本操作，沙爹汁香濃，牛肉肥瘦適中。安格斯牛肉露筍串肉味香濃啲，中間包住露筍，爽口又解膩。招牌無骨白鱔爽口彈牙，真係無骨，中意食白鱔必點。招牌茄子燒茄子燒調味剛好，啖啖食之餘仲好入味。韭菜 私心食串燒要食，味道好清爽，加埋調味一流。黑松露薯條店舖採用粗薯條，口感香脆，面頭勁多黑松露，仲有茄汁同黑松露沙律醬點。鹽燒牛舌心牛舌肉質鮮嫩，咬落去勁爽口。荔枝豚肉卷入味的豚肉加上香甜的荔枝，口感特別

一坐低已經忍唔住我叫左一round 野食。首先上嘅極品即燒乳豬，皮脆肉嫩，咬落去「卡滋」一聲，油脂香在口腔散開，正到冇朋友！孜然午餐肉串都好有特色，孜然味同午餐肉完美融合，烤得微微焦香，好食到停唔到口。黑毛豬腩串肥瘦相間，燒得恰到好處，再配上點點燒汁，香噴噴！燒蜜汁叉燒，蜜汁調得剛剛好，叉燒軟嫩入味，甜度岩岩好。蜜糖雞翼皮脆肉滑，蜜糖嘅香甜鎖在雞翼表面，好正！安格斯牛肉蔥串，牛肉好新鮮，烤得好juicy，同蔥嘅香味搭配一流。炭燒牛板鍵口感爽脆，味道濃郁。香蒜蔥花廣島蠔，蒜香蔥香完全滲入蠔肉，鮮味加倍。招牌茄子燒，茄子烤得軟綿，加上蒜蓉和調味，味道好豐富。鹽燒鮮淮山保留咗淮山嘅原汁原味，口感粉粉糯糯。蘆筍燒則好清爽，好解膩。飲品方面，Chicago logo beer有好濃嘅麥香，好適合搭埋串燒食；Tokyo Iced Tea有好特別嘅味道，層次豐富。📍芝加哥串燒酒場(明雲閣)元朗金祥坊2號明雲閣地下

芝加哥串燒酒場 (明雲閣) (元朗)元朗金祥坊2號明雲閣地下A-B號舖 --Happy Hour Chicago $78非常fruity，充滿果香，易入口，果然係招牌！-San Mig Light $39清爽嘅輕啤酒，口感順滑-咸檸檬七喜 $39咸檸檬味配上七喜汽水，酸酸甜甜，清涼解渴-極品即燒乳豬$38外脆內嫩嘅乳豬，香氣四溢，口感極佳。-招牌雞皮墨魚滑$33鮮嫩嘅墨魚滑，加上脆口嘅雞皮，味道獨特-芝士雞脾肉串 $19香濃芝士包裹嘅雞脾肉串，口感豐富-金菇牛肉卷（串）$28嫩滑牛肉與金菇嘅完美結合，味道鮮美-一口和牛串 $29每一啖都係和牛嘅極致享受，肉質滑嫩，肉質鮮嫩，入口即化-韓式牛肋肉（串） $29韓式醬汁腌製嘅牛肋肉串，風味獨特-燒汁牛仔骨（份）$48充滿燒汁味道嘅牛仔骨，肉質鮮嫩-流心芝士牛肉漢堡$48流心芝士包裹嘅牛肉漢堡，令人垂涎欲滴-炭燒牛板鍵（塊）$49煙熏味十足嘅炭燒牛板鍵，口感極佳-燒羊架$39香氣四溢嘅燒羊架，肉質鮮美-蔥燒半殼扇貝（兩隻）$55清香嘅蔥燒扇貝，味道鮮美-招牌無骨白鱔（串）$58無骨嘅白鱔串，肉質滑嫩，啖啖肉，風味獨特。-燒黑松露帶子（三粒）$

搬咗去元朗住之後發掘下身邊嘅串燒店 發覺喺教育路有一間又可以睇波又可以飲酒又可以食串燒嘅酒吧餐廳 就同老公過嚟試下呢間酒吧都算大間而且好開揚就喺大街 有超級大嘅芒既now TV 嘅英超聯賽 一路同朋友啤啤佢再加睇波就真係一流。去到即刻嗌杯signature嘅啤酒 有果香唔錯。 跟住隻梗係嗌串燒 最鍾意佢有好多款唔同味道嘅雞翼串燒而且燒得好好味 另外勁大份嘅燒茄子 仲有少見嘅乳豬串燒 都好正！ 當然唔笑得狂點牛嘅串燒， 雞皮串燒 豬腩肉串燒啦！同埋估唔到佢竟然有生蝦拼盤叫 好正 啱啱好balance下啲口感 老公再叫咗個豚肉扒飯， 係鐵板上份量相當大 肉質都嫩滑， 整體體驗都唔錯可以再返兜！

再食就中風😻其實呢間小店係睇YouTube 肥豪介紹而認識嘅🤤已經食過好多次 真係建議大家留港消費🇭🇰眼見越來越多餐廳做唔住😭自己人都唔撐自己人 到時就真係冇選擇啦🥲誠意 推介呢幾款 其中幾款都係返check的🤤🐮牛板腱珍珠米飯🐟招牌無骨白鱔厚身白鱔 咬落啖啖肉 魚皮燒到好脆 再有小小椒鹽係面🤤🐷極品即燒乳豬乳豬都係另一個選擇 肉同脂肪比例剛好 皮脆到似薯片 又係餸酒一絕～🦞燒澳洲龍蝦🧀香蒜芝士燒半殼扇貝好難得會有酒吧 會願意提供咁多款燒物❤️‍🔥連海鮮都有 因為處理工序都唔小 😳🍻PiniChicago logo beer呢杯係staff姐姐推介既 偏向fruity 菠蘿base🍍好岩👧🏻🐿️🍃由第一次去 去到介紹越來越多朋友仔去🤤🍻真心推

生啤買一送一，吸引咗我去試其他就不過不失，好一般，無下次但68蚊只龍蝦，都估到係急凍野，但係梅左一個點，啲肉仲要係散嘅 ，細到更新左對龍蝦咁細只都可以上枱？！明太子多士又係搞唔掂，明太子個醬幾好食，但下面所謂嗰塊多士，真係完全唔多士囉，類似手指包一開二，烘一烘就畀你，完全冇多士嘅脆同埋香，嘥咗個明太子囉。後面送咗兩隻燒生蠔，話係訂位嘅優惠，都覺得幾好喎，但一食就出事喇，寧願唔好送好明香港餐飲生意難做，但食物質素係餐廳嘅拳頭，攞啲咁嘅質素，好難有下次囉唯獨是啤酒買一送一呢樣嘢非常好