芋見好圓

見有谷友介紹過屯市的芋見好圓啲牛好好食，仲係屯門店限定，是日便約朋友黎試試。下午時段來到，生意太好幾款牛肉都賣完啦🥲咁試唯一的牛冧肉，再叫份品先。⭐仙草凍奶綠 & ⭐阿里山烏龍茶飲品最快ready，老虎堂出品品質有保證😆奶綠要了半糖少冰，呢個甜度啱口味。另一杯凍烏龍茶去甜，一陣食甜品嘛，飲品就不要加糖了，清茶茶味幽香，正。⭐香煎騸牯牛冧肉牛丸湯米湯米賣相有點寂寞😅有返啲青蔥會唔會好啲？講返啲牛先，牛冧肉真心正，牛味十足又軟嫩🤤名不虛傳好好食！牛丸爽好彈牙，個湯底鮮味唔膩，係正喎！⭐香煎騸牯牛冧肉煎蛋飯朋友的碗飯賣相ok，牛肉同樣正，煎蛋半生熟，蛋汁撈飯好好食😋⭐芋圓3號甜品選擇太多啦，揀黎揀去決定要個3號，貪佢有紅豆、小丸子同珍珠，鍾意煙煙韌韌有咬口野，芋圓真材實料好食，湯水底揀左黑糖鮮奶，好味好味😋⭐黑糖仙草愛玉刨冰仲試左刨冰添呀～估唔到咁大碗😱揀左呢款有仙草、愛玉、布丁、咖啡晶嘅口味，全部係軟軟滑滑嘅組合，刨冰上面淋了黑糖好香甜😋夏天食真係好消暑，讚😍新餐有優惠，飲品又有、跟餐甜品再有，估唔到叫左咁多野，人均都唔使一舊水，抵食👍…查看更多

今日午餐是滿滿的寶島風味，由主食到甜品沒有一絲令人失望！堂灼騸牯肥牛牛丸配關廟刀削麵~侍應更為我們送上滾燙的紅燒牛肉湯底，讓我們加入大碗中的入肥牛、牛丸和刀削麵，即時灼熟享用並感受最新鮮的時刻，牛肉味濃郁鮮甜，牛丸爽彈鮮美，爽滑麵條伴紅燒牛肉湯底吃，香鮮味濃，別有一番風味。沙嗲騸牯牛冧肉煎蛋湯麵~沙嗲味道較淡，不會搶去湯頭的鮮味，牛冧肉肉質彈牙軟滑且帶有濃郁的牛肉鮮味，加煎蛋的湯麵，宛如綿上添花。招牌手工竽圓~仙草·珍珠·粉粿，湯底是黑糖鮮奶。黑糖仙草愛玉刨冰~仙草凍·愛玉·咖啡凍·布丁。兩款甜品都有合心意的選材，最重要甜度恰到好處，而且很有飽肚感，還很有寶島風味和滿足感！…查看更多

我同阿囡鐘意食既野好唔同，佢喜歡西餐，我喜歡中菜，唯獨對台灣菜大家都有共同喜好🤩喺屯門行街無意間俾我哋發現左「芋見好圓」依間小店，除左甜品仲有正餐，雖然地方唔大，但簡單整齊，店員又有禮👍必食有騸牯牛系列🐂，每日全港得15隻左右，平時都係少數火鍋店先食到，好罕有架。🥢堂灼騸牯鮮肥牛牛丸湯刀削麵🍜騸牯肥牛切得好薄🥓，色澤紅潤，紋理清晰，油脂分佈得好平均，這亦是騸牯牛的賣點。即場加入滾燙的牛骨高湯，奶白色清湯味道香醇, 牛肉片輕輕一灼即轉色。肥牛肉質十分實在，超有口感的，牛味濃郁而富油香，本地肥牛真的不輸蝕給外國牛肉。牛丸就勁彈牙爽口，入面好多汁，好好味。加埋一樣咁有口感既刀削麵，成碗麵都無乜好挑剔。🥢沙嗲騸牯牛冧肉煎蛋飯帶點茶記味道既做法，牛冧肉入味軟滑易咬，加上略帶甘甜的沙嗲醬和半生熟煎蛋🍳，更惹味，口感豐富。🥢黑糖芋圓波霸刨冰🍨身為芋圓控對甜品更是欲罷不能，這款刨冰好夠份量，都只係$45，跟餐仲優惠，超抵食。配料有芋圓、地瓜圓、大小珍珠和蜜豆花。刨冰加上香甜黑糖，冰凍綿滑又消暑❄️。芋圓煙韌十分有口感，比用水果為配料的刨冰更多一重古早味。🥢招牌手工芋圓4號 對芋圓意猶未盡，還可以點芋圓系列大飽朵頤。這款有大芋圓、仙草、珍珠、粉粿，全是我最喜歡的配料，湯底更有不同口味可選，我就點了桂花茉莉綠茶🍵。成碗都好清新，仲食到淡淡桂花香又唔會太甜，感覺好輕怡😋🥢小芋圓冬瓜茶🥤連飲品都繼續芋圓，足見我哋有多沉迷😆清甜冬瓜茶加上小巧芋圓，多了份粉香和咬口，有點台式奶茶的感覺。🥢冬瓜檸檬烏龍茶凍🍹非常清新的一杯，檸檬烏龍茶酸酸甜甜好解渴🍋，晶瑩茶凍爽彈順喉，清清地係舒服既味道。…查看更多

餐廳位於屯門時代廣場，裝修簡潔明亮，以木系同綠色為主調，感覺清新自然，環境唔算嘈雜，屯門店依家推出騸牯牛系列，全港每日只係得10到15隻，所以係非常矜貴！✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢堂灼騸牯鮮肥牛牛丸湯米湯底清甜鮮美，騸牯牛肉片切得薄而均勻，輕輕一灼就熟透，入口嫩滑有牛香牛丸彈牙多汁，咬落有驚喜！搭配幼滑嘅湯米，吸盡湯汁精華，整體味道清淡卻不失層次，好適合鍾意原汁原味嘅人🥢香煎騸牯牛柳粒刀削湯麵牛柳粒外層煎得微脆，內裡依然保持肉汁同軟嫩，騸牯牛嘅濃郁風味非常突出。刀削麵口感煙韌有嚼勁，同湯底好夾。湯頭帶微微香辣，飲落暖胃又開胃，係一碗令人滿足嘅麵食🥢冬瓜檸檬烏龍茶凍清新之選！冬瓜茶甜度自然，加上檸檬嘅微酸，非常解膩。烏龍茶凍口感Q彈，帶濃濃茶香，👷🏻‍♀️細孖好鍾意，飲落層次豐富，夏天飲真係透心涼，推薦俾鍾意輕爽飲品嘅朋友🥢梨山奶綠茶底清香唔苦澀，奶味柔和唔會蓋過茶香。揀咗半糖同去冰，甜度剛好，飲落、口唔膩。梨山茶本身品質唔錯，做成奶綠🥢巨無霸芋圓2號芋圓真係巨無霸！口感煙韌有嚼勁，咬開係滿滿嘅芋頭香，仲有紫薯同地瓜圓，味道自然唔人工。搭配紅豆同波霸，甜度適中，一碗落肚好滿足，芋圓控必點🥢黑糖仙草愛玉刨冰黑糖香濃唔死甜，刨冰係碎冰口感，仙草同愛玉口感滑溜，清涼解暑，咖啡凍嘅咖啡香非常突出，焦糖布丁甜蜜蜜，配料份量足，每一啖都充滿黑糖同配料嘅香氣，係傳統台式刨冰嘅高質演繹✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫💰人均消費：$115…查看更多

我約好友去位於屯門屯合街2號屯門時代廣場南翼L3樓12B號舖的<芋見好圓>食午餐和甜品，環境舒適，裝修簡潔。除咗屯門，餐廳在上水、旺角、尖沙咀和大角咀都有分店。我哋點咗：📍堂灼骟牯鮮肥牛牛丸湯麵（台南關廟刀削麵）配紅燒牛肉湯底$88（新產品減10元優惠)= $78新鮮肥牛用熱辣辣的湯當場灼熟，十分鮮甜美味；牛丸的牛味十分濃郁好食，刀削麵麵質可口，好有特色。📍香煎骟牯牛柳粒煎蛋飯 $65（新產品減10元優惠)= $55牛柳粒煎得外脆肉嫩，牛味香濃，十分可口，煎蛋好味，送飯一流。📍阿里山烏龍奶茶 $31（套餐飲品半價）= $15.50奶茶配烏龍茶，清爽好飲。📍仙草凍奶綠+航天$40（套餐飲品半價）= $20台式經典飲品，仙草凍和寒天好好味。📍黑糖仙草愛玉刨冰（仙草凍+愛玉+咖啡凍+布丁）$48份量不少，刨冰堆成一座小山，山坡圍滿布丁、愛玉、仙草凍和咖啡凍，賣相繽紛；口感豐富，天熱最啱食。📍巨無霸芋圓1號（綠豆+薏仁+蜜花豆）配黑糖鮮奶 $45好煙韌的芋圓，配綠豆、薏仁和麥花豆，清新好食。…查看更多

屯門時代廣場分店，環境乾淨光猛，適合同朋友輕鬆食個晚飯，再嘆返個招牌黑糖系列甜品～堂灼騸牯鮮肥牛牛丸湯麵 跟套餐加配綠茶牛肉比預期鮮嫩，牛丸彈牙，湯底濃郁唔油膩，仲有「新產品減$10優惠」，性價比高！香煎騸牯牛林肉牛丸湯米跟套餐加配冬瓜茶牛林肉煎得香口，肉質軟腍，米線吸埋啲湯味道一流～仙草2號（黑糖鮮奶）老虎堂嘅黑糖鮮奶果然名不虛傳！仙草滑溜，黑糖香濃唔會死甜～黑糖仙草愛玉刨冰 夏日必點！愛玉清爽，仙草同黑糖冰完美融合，分量足，兩個人分享都得～ 整體：套餐配搭靈活，加配飲品/甜品都有優惠黑糖系列保持水準，值得encore…查看更多

騸牯牛聽就聽得多，今次都係第一次食唔講唔知，原來全港每日都係平均有15只到，所以都幾罕有，要試一試佢既！香煎騸牯牛柳粒蛋飯因為個廚房係open kitchen，所以佢煎時已經好香！！上枱時更係牛香撲鼻！牛柳粒有少少脂肪，食落好稔，有牛脂香味！煎到剛剛好，肉質係粉紅色，好嫩！好有牛味，但唔羶，好好食！騸牯牛冧牛丸湯米牛冧肉更稔，煎到有煎香味！米粉爽口，牛丸彈牙！正！巨無霸芋圓+刨冰湯底！超大碗！芋圓好煙韌，有薯味，大大粒！珍珠彈得黎又唔會韌，加埋個黑糖刨冰好夾，兩人食超級飽！仙草凍烏龍奶茶又係大大杯，烏龍茶味濃，加埋滑滑既仙草，好飲！整體上唔錯！可以一試！…查看更多

今日去屯門時代廣場呢間「芋見好圓」試吓，貪佢主打芋圓同台式嘢食。叫左香煎騸牯牛林肉牛丸湯米同香煎騸牯牛林肉煎蛋飯，牛肉煎得幾香，唔韌，牛丸彈牙湯底清，唔會太鹹，個飯同樣係嗰款牛肉，隻蛋係太陽蛋，篤穿蛋汁撈飯幾好飲品同甜品：冬瓜仙草凍 幾清爽，冬瓜味清甜，仙草滑溜，解渴一流。梨山綠茶茶味OK，凍飲幾舒服。仙草3號（芋圓、芋頭、紅豆 + 黑糖鮮奶底）係黑糖鮮奶底幾香，唔會太甜。芋圓咬落煙韌，有咬口；芋頭煮得淋，有芋香；紅豆都煲得夠腍。整體配搭唔錯最後個 黑糖自選四種料刨冰，揀咗布丁、紅豆、蜜花豆同大芋圓。黑糖味夠香，刨冰夠碎。布丁滑身，紅豆同蜜花豆都甜度適中；大芋圓依然係水準之作。份量幾大，兩個人 share 就差唔多。…查看更多

🌟台灣小店🌟 芋見好圓堂灼騸牯鮮肥牛牛丸湯麵* 新產品減10元優惠堂灼騸牯鮮肥牛牛丸湯麵係用「騸牯牛」做牛丸同湯底，騸牯牛即係未足一歲就閹割嘅牛，肉質特別嫩滑，脂肪分布均勻，好似雪花紋理，口感嫩而香。堂灼即係微熟程度，令牛丸保持鮮嫩彈牙。湯麵通常用關廟刀削麵，好有口感。簡單講就係一碗鮮嫩又香嘅牛肉丸湯麵，適合愛牛肉味重又嫩滑嘅你！🥢黑糖芋圓波霸刨冰* 套餐搭配甜品減15元手工芋圓，口感Q彈，黑糖甜而不膩，配甜品仲有折扣沙嗲騸牯牛林肉煎蛋飯* 新產品減10元優惠沙嗲騸牯牛林肉煎蛋飯口感豐富，牛肉嫩滑帶沙嗲香，煎蛋滑嫩，飯粒吸足醬汁，整體味道濃郁又有層次，好適合重口味朋友！😋巨無霸芋圓2號湯底係 黑糖桂圓紅棗茶* 套餐搭配甜品減13元巨無霸芋圓份量十足，紅棗茶香氣溫潤舒服。仙草凍烏龍奶茶 半糖 套餐選擇飲品半價仙草凍烏龍奶茶甜度剛好，半價飲品超抵！整體CP值高，份量足，推介愛甜品嘅你試試！🍧小芋圓冬瓜菜 熱* 套餐選擇飲品半價小芋圓冬瓜菜熱飲口感超棒！小芋圓Q彈帶芋頭香，冬瓜茶甜而不膩，熱飲喝起來暖胃又舒服，整體濃郁又有層次感，超適合冬天飲～☕️…查看更多

住屯門好友約我《芋見好圓》食午餐，是正宗台灣原味道，主食減$10、甜品減$15、飲品半價很抵食。我們點左主食堂灼騸牯肥牛牛丸配湯麵（關廟刀削）：店員用大滾湯淋落生牛肉，牛肉即轉熟的顏色，騸牯肥牛肉質鬆化入口即溶牛肉味香濃很美味好食，牛丸彈牙，刀削麵煙韌，湯底鮮甜好好味我飲晒。香煎騸牯牛柳肉煎蛋飯：牛柳粒肉味香濃，少少肥肉質鬆軟，配煎蛋的蛋汁撈飯超級美味。飲品仙草凍奶綠：仙草滑奶味香甜好飲。仙草凍烏龍奶茶：烏龍茶甘甘甜甜。甜品黑糖芋圓波霸刨冰2號：我最喜歡食芋圓軟糯煙韌的口感，配料紅豆、波霸，刨冰綿滑加黑糖，滿足感爆燈。黑糖桂圓紅棗茶（熱）：有芋圓、芋頭、珍珠，黑糖味道香濃，桂圓、紅棗補身至岩。…查看更多

最近食過最好食既芋圓甜品無誤!!😚呢間芋見好圓除咗有甜品食 仲有非常少有嘅騸牯牛主食可以揀🫶🏻一試愛上騸牯牛平時好少會係街食到 因為平均每日全港只有15隻咋 非常稀有 要食到優質既騸牯牛一啲都唔易架～我地叫咗騸牯牛柳粒同牛冧肉 2款肉味都非常濃郁 牛柳粒既牛味更重 而牛冧肉好易咬開 肉質柔軟 配上手工麵條好出色 麵條有韌勁 唔會煮到腍晒一pat咁 湯底不會太咸加咗少少芝麻同葱粒 令成碗麵嘅鮮味提升不少🥹.大家嚟到記得叫埋嘢飲同甜品 因為全部跟餐都有平架! 性價比非常高👍🏻.仙草凍奶茶口感豐富 清涼仙草加上醇厚奶茶 甜而不膩.仙草同芋圓杯都可以自選湯底 我地揀左黑糖刨冰同黑糖鮮奶2款都超足料 好大碗😂芋圓 珍珠好煙韌Q彈 芋頭綿密 紅豆又腍又甜 刨冰真係夏日涼品 消暑解渴🍧如果想食熱既都可以揀紅豆湯 / 黑糖桂圓紅棗茶湯底 可以暖一暖胃😍…查看更多

今日約同好友去屯門公園遊玩，順道去位於屯門屯隆街2號屯門時代廣場南翼L3樓12B號舖的<芋見好圓>食午餐，小店形式經營，裝修簡潔企理，感覺悠閒，坐得舒服。我哋點咗：🍜堂灼煽牯鮮肥牛牛丸配關廟刀削麵 $88：好有特色，店員用滾熱的紅燒牛肉湯，即時灼熟碗中的肥牛、牛丸及刀削麵，肥牛味道濃鬱鮮甜，牛丸爽口彈牙，刀削麵軟硬適中又有咬口，好味又好食。🍚香煎煽牯牛柳粒煎蛋飯 $65：牛柳粒煎得皮脆肉嫩，牛味香濃，十分好味；煎蛋嫩滑，撈飯一流。🍨芋圓2號配熱黑糖桂圓紅棗茶$30（套餐減$15）：熱湯底美味紅棗茶，配料有芋頭+紅豆+波霸，口感豐富又好味。🍧黑糖仙草愛玉刨冰 $33（套餐減$15）：份量不少，刨冰山四邊圍咗仙草凍+咖啡凍+布丁+愛玉，刨冰上面淋咗黑糖，十分好味又涼爽。🍹仙草凍烏龍奶茶$18 （套餐半價）：烏龍茶底清香又好飲。🍹仙草凍奶綠 $18（套餐半價）：綠茶味濃，清涼好飲。…查看更多

最近發掘了性價比超高的主食+糖水神仙組合，不Po上來對不起自己的味蕾！主食+甜品+手搖飲品都係$110👍🏻🌟 主食重磅登場！誰能抵擋得住這兩款誘惑？* 堂灼騸牯鮮肥牛牛丸湯麵：濃郁二，熱辣辣淋上騸牯牛，鮮甜香滑無比。配上彈牙牛丸，一口熱湯下肚，正。再加杯清新的台式手搖梨山綠茶解膩，完美平衡！* 香煎腸牯牛柳拉牛火湯米：香煎牛柳的焦香，搭配濃郁的火湯和米粉，口感層次超豐富！阿里山烏龍奶茶，濃郁茶香瞬間衝擊味蕾，滋味！🎁 新產品限時減$10！ 快點抓住這個機會！💖 甜品收尾才是王道！套餐優惠減$15！ 💖 正餐吃得滿足，甜品當然也不能馬虎！* 黑糖芋圓波霸刨冰：堆成小山的刨冰！黑糖的香甜、芋圓的軟糯、波霸的Q彈，冰火交織，口感豐富* 巨無需芋圓2號配黑糖薑圓紅棗茶：養生又好味！…查看更多

20.10.2025📍芋見好圓👍騸牯牛系列 👍屯門店限定💓想食台灣嘢可以考慮 芋見好圓呢度坐得好闊落，兩個人傾吓偈冇干擾同埋鍾意牛嘅一定要試「騸牯牛」係屯門限定！🍜 沙嗲騸牯牛林肉煎蛋湯麵呢個名長到呢～ 但個牛林肉真係堅正！🐮 肉質淋得嚟有咬口 沙嗲湯底濃得嚟唔會太鹹 ！💥🍜 香煎騸牯牛林肉牛丸湯米牛丸彈牙到可以打乒乓球🏓 牛林肉煎得香口 湯底就清淡啲 唔鍾意太重口味可以試一試！$48蚊OK LA!💜 巨無霸芋圓3號（黑糖鮮奶湯底）嚟到重點！呢碗芋圓真係巨無霸級🫣 黑糖鮮奶香濃唔死甜 芋圓同地圓圓夠Q彈 仲有啲芋頭粒係入面 口感爆燈！🌟🍧 黑糖芋圓波霸刨冰夏日必食！❄️ 刨冰綿密 黑糖漿落得夠重手 波霸同芋圓雙重口感 食完成個人涼浸浸～🧋 仙草凍烏龍奶茶 & 仙草凍奶綠兩杯都咁好飲！烏龍茶香突出🍵 奶綠清新 仙草凍滑溜溜 不過少甜都夠啦😆鍾意食甜品要嚟試吓，旺角、大角咀、尖沙咀、上水都有分店✅…查看更多

每次諗起台灣美食,就好想即食到！🍜✨係香港發現一家餐廳,叫芋見好圓,台灣味道即刻重現,正！😍餐廳環境充滿溫馨氛圍,牆壁上掛著美味食物圖片,座位舒適,非常適合家庭聚餐或朋友聚會🫶🫶## 私心推薦騸牯牛系列 *屯門店限定*❤️❤️❤️堂灼騸牯鮮肥牛牛丸配關廟刀削麵牛丸簡直太好食啦！🥢每一口都彈牙,肥牛充滿鮮味,搭配滑滑嘅刀削麵,真係絕配！🍲香煎騸牯牛柳粒煎蛋飯香煎牛柳粒,我每次都想點！✨牛肉嫩滑,煎蛋金黃香脆,香氣四溢,令人食指大動！🍳巨無霸芋圓2號甜品絕對係我哋心頭好！💖香甜芋頭、細膩紅豆,再加上波霸嘅嚼勁,口感超棒！湯底選用桂花茉莉綠茶,清香得剛剛好！🍧黑糖仙草愛玉刨冰天氣仲咁熱,點少得刨冰？❄️濃郁黑糖+清涼仙草,搭配滑嫩嘅愛玉,超有台灣回憶！🍧凍冬瓜檸檬烏龍茶冬瓜嘅甘甜和檸檬嘅酸爽,加上烏龍茶嘅香氣,係台灣嘅味道呀！🍋🍵仙草凍烏龍奶茶最後點少得奶茶呢？🥤仙草嘅清爽和烏龍茶嘅濃郁,搭配滑順嘅奶香,每一口都係幸福嘅味道！💕…查看更多