，又晌唔同大酒店做过，自然多份兴趣想试。走进餐厅，睇得出一派泰国街头大排档风，环境干净企理，墙上贴满泰文海报、商品招纸……等等，气氛轻松。而啲餐具、上菜用嘅碟……等等，同样好街头！由于餐櫈喺啲方形木櫈，唔方便摆袋、摆背囊，所以，每枱下面都有个竹篮，俾客人摆嘢。枱上放咗好些调味料，当然地道嘅泰国酱料就更加唔少得，而餐具放晌铁盒之内，感觉会卫生好多。餐牌就一大张A3印晒所有菜式，仲有一张喺推介，另一张喺其他饮品，中英泰文，亦有晒「冧把」，最正喺无加一嘛
！而侍应都喺泰国人，佢哋之间沟通讲泰文，但广东话亦讲得好正，落单唔怕沟通唔到，而且，亦好好礼貌
。
泰式青木瓜鱼沙律 $78
除泰国青木瓜，仲有甘笋丝、车厘茄同有啲生菜垫底，青木瓜丝、甘笋丝口感爽脆，酱汁酸酸辣辣，颇为开胃，不过，辣度几劲吓，至于鱼晌边度？细问之下原来喺酱汁加咗啲发酵过嘅鱼嚟做，带微微咸香味。泰式猪肉沙嗲串 $68沙嗲串有3串、6串可拣，得两公婆嗌3串就够啦，烧得靓仔，焦香吸引，入口确喺做到外脆内嫩，油脂丰腴，沾上特调酱汁，味道更丰富。不过，部份肉就肥多瘦少，就唔太对老婆胃口，我就OK，胆固醇万岁。青咖喱鸡＄88泰式咖喱一向都非常有特色，今次就拣咗个青咖喱配鸡肉（仲有牛肉、猪肉可拣），个青咖喱同样辣度有番咁上下，几香、几惹味，有微微椰香，而鸡肉软腍嫩滑，里面仲有唔少豆角同茄子。本应叫咖喱，最好就搭啲薄饼捞汁食，不过，我哋拣咗个炒饭，打算用嚟捞汁。招牌泰式蟹肉炒饭 $138好几款泰式粉面面想试，不过，呢款炒饭标注为招牌菜，自不然秤高少少。份量十足，个炒饭本来已炒得好有一手，饭粒分明不油腻，而饭内嘅蟹肉亦唔少，颇为鲜甜，加埋唧上少少青柠汁去提味，有份清新感，更好食。龙眼冰 $28虽然有供应芒果沙冰，但今次拣番龙眼冰，贪其清润，糖水有份蜜香，啲龙眼亦香甜好食，而一边饮住冻饮，一边食住啲辣嘢，除帮吓小弟解辣之外，有种冰火之感，特别过瘾。越晏越多客人，估计有啲慕名而来，但有啲明显喺乡里嚟捧场，因为喺泰文交流，所以，唔望出女人街，真喺有少少错觉嚟咗泰国喔
！…查看更多
