良記粉麵

由荃湾行山，落到深井，想食面就去呢间食，三点钟左右去到，每枱都有客人，店舖唔大，员工好忙，自己就食车仔面，拣左油面四𩠌猪肠，扎肉，牛筋同牛腩，食物味道同质素正常，共$48,另加冻柠茶$10,算抵食…查看更多

深井选择不多，成日都想有鸡蛋仔鱼蛋，不过无只有车仔面，呢间比较好食既系肠粉，个厚度适当好，又唔太厚又唔太薄再加甜辣酱麻酱系好好味，车仔面我就叫左鱼肉牛肚，鱼肉系好好味，自家制，一定要再食。今次仲叫左炸云吞，皮薄同脆既，我个人就觉得几好味。黎送车仔面不错，加$10仲有杯冻饮。两个人食七十几蚊埋单。12-2呢段时间比较多人，始于lunch time , 不过都快有位，但多人时，点餐比较内，始终佢地唔多人手。…查看更多

可能舖头嘅能力应付唔到假日客量，今日去到都多人多单。我等咗半个钟，见其他迟过我地一段时间坐低的客人，食煎蛋都已经有得食，我食卤水牛肚呢啲已经准备好的𩠌都迟迟未有，于是我问一问呀姐有无漏单，点知呀姐好敷衍咁话多单丫嘛，你食炸嘢咩等耐啲啰🙄不过呀姐你都无问我食乜就知我系食炸嘢呢？你唔系有炸牛肚嘛😲嚟到呢，个上海面系痴埋一旧嘅，我谂系渌得太短时间啦。所以奉劝一句，赶时间呀、介意啲嘢唔好食嘅朋友就唔好试了🤦🏻‍♀️…查看更多

手脚冰冷决定吃点什么暖暖身，可是深井选择并不多（其实可以去一粥面，不过上次已经领教过碗好似糊仔的粥）这小店每日都有粥餐，粥配肠粉、粥配粽、粥配萝卜糕!!最近两次我是吃菜干排骨粥，味道偏淡，味精肯定唔多今次我和爸爸都点粥餐，佢点了咸肉粽，我则点了萝卜糕我应该拍个横切面的，这样大家就可以看到这用料充足，和粽的灵魂－肥猪肉，咸肉粽好好吃，其实不用豉油都okay萝卜糕味道也淡淡的，萝卜是好足料的，咬下去都是萝卜丝，不过虾米、腊肠就少了点p.s.其实这里以车仔面做主打，上次去食过招牌面（$30），觉得好似没有以前咁出色，汤没有以前的浓，用料没有以前的好，猪皮和鸡翼都有啲毛，不过，炸云吞依然好吃!!…查看更多

在深井住了多年, 无意中与干洗店的老板娘倾开才知道深井有间有粥卖的铺头,而且卫生企理.我于是在某个星期六早上去买早餐. 铺头不算大,大概有10张4人方型台. 粥品只有一款,但每天会转款, 我试过皮蛋瘦肉粥,南瓜粥,瑶柱白果粥,菜干猪骨粥…;随了粥品,还有肠粉,炒面/米粉,煎萝卜糕,咸肉粽,三文治,而主打是车仔面.我本人不太喜欢食车仔面,只试过很少款式; 粥的味道比较清淡,接近住家煮的.最近端午节前买了一只红豆碱水粽(因其他款式已沽清), 碱水味适中, 豆沙够味但不甜,真的好味道!明年要早一点去买, 试试不同款式.食店主要由一位老太太打理,大部份食客都是街坊,会与老太太打招呼和闲谈,现今大部份食店很难见得到. 由于是街坊小店,速度不能与一般快餐店,茶餐厅相比,也许你在这里应该慢慢地享受你的早餐,这是在平日上班的日子不能做到的.…查看更多