船渦

今日朋友仔話想食海鮮, OPENRICE 搵下銅鑼灣區有無. 有間一人一鍋蒸氣海鮮火鍋啱曬. 餐廳環境舒適,  仲有竹簾分隔,把它放下, 可令客人更有私人空間感 有4款唔同價位既套餐, 套餐名都幾得意.  有八府巡按, 九五至尊, 內務總管, 九品芝麻. 咁我地今次試左其中兩款. 九品芝麻   $258海鮮有白蜆、大蜆、北寄貝、蝦、鮑魚同鮮魚片,  全部新鮮鮮甜, 口感豐富。肉類可 3揀2咗 美國肥牛/ 豚肉/雞肉，雞肉滑嫩,豚肉就正常唔嚡.  仲有三寶丸 .  小食炸物章魚丸.  八府巡按  $488  當然厲害D啦， 有多款海鮮，特別在有龍蝦!呢個套餐豐富好多！海鮮拼盤有龍蝦、鮑魚、元貝、蟶子、貴花蚌、白蜆、蝦，  肉類仲有安格斯牛肉！龍蝦新鮮啖啖肉， 肉嫩爽口仲有好多膏，其他海鮮都好新鮮，蜆類全部都處理得好好完全無沙。套餐仲包前菜沙律、炸餃子同芝麻雞翼，同埋蔬菜拼盤。 最後揀咗南瓜芋頭粥做粥底，吸收晒海鮮嘅精華，好鮮甜！另外餐廳做緊推廣， 只要follow 餐廳社交平台  就可以抽獎, 我地就抽中左一份沙白, 同一罐可樂. 呢間一人一鍋蒸海鮮值得推介！食材新鮮，服務周到！@boatboatsteam船渦銅鑼灣謝斐道500號維安商業大廈3樓…查看更多

同朋友喺銅鑼灣行完街諗唔到食咩，經過謝斐道有個熱情姨姨叫咗我地上去食蒸海鮮鍋，我地就跟上咗去😂見到魚缸入邊好多海鮮同埋啲蝦蟹都好生猛嚟到先知原來唔係傳統嘅海鮮蒸氣鍋，而係一人一鍋，一個人獨獨嚟食都可以🤪我地一人叫咗一個餐，每個餐都勁多嘢食九品芝麻（$258)前菜有沙律，章魚燒（2粒）海鮮勁多！白蜆，蝦，鮮魚片，大蜆，北寄貝，鮑魚！仲要肉類美國肥牛 /豚肉/ 雞腿肉 (3選2)同埋三寶丸（牛骨濃汁牛丸、薑汁皮蛋貢丸、招牌墨魚丸），仲有蔬菜拼盤＋甜品😂八府巡按 ($488)呢個餐都係有前菜沙律，炸餃子同芝麻雞翼（各1隻）海鮮仲多啲，有白蜆，蝦，北寄貝，鮑魚，元貝，貴妃蚌，鮮魚片，龍蝦（半隻），蟶子皇（一隻）！肉類就有安格斯牛肉同雞腿肉，都係有三寶丸同埋蔬菜拼盤加甜品！套餐仲可以配粥底！！啲海洋全部都好新鮮，好乾淨食得好放心，側邊仲有指示教你毎樣海洋要蒸幾耐，唔駛擔心唔熟。套餐超多嘢食飽到傻咗😂 仲要麒麟一番搾生啤優惠，第二杯半價，大 滿 足！！兩個人每人大概食咗四百幾，咁高質同有咁多海鮮其實都算幾抵食！會再返嚟！…查看更多

船渦 @ 銅鑼灣原來蒸鍋都有自私食…咁就要試下呢度主打蒸氣海鮮鍋…裝修都幾木系…配合埋柔和燈光…氣氛唔錯。 話明support自私食…每張枱都裝左獨立蒸爐…如果你真係得一個人黎的話…仲可以落簾…咁就啱哂I既你同me今日點左兩款餐…大家都以海鮮為主…貴d既就多少少海鮮同跟安格斯牛肉。 就算平個餐…海鮮種類都算豐富「九品芝麻官」套餐有白蜆…大蜆…蝦…北寄貝…鮮魚片…而「八府巡按」 套餐就有白蜆…蝦…北寄貝…鮑魚…元貝…貴妃蚌…鮮魚片…龍蝦…子王。 兩個都包左餐前小食呢度最貼心就係清楚列明每款食材既蒸煮時間…咁就唔會嘥左咁靚既食材呢度所有海鮮都清洗得好乾淨…貝類無沙。 所有海鮮都好新鮮…特別是龍蝦，肉質飽滿，入口彈牙仲有鮑魚都好爽口彈牙。 肉類方面有美國肥牛…安格斯牛同豚肉。 牛就當然安格斯比較優勝dd…話時話佢地個豉油調得幾好味…帶少少甜…唔鹹…蒸完既食物點少少就啱啱好除左蒸鍋食材外…呢度都包左主食一份…我地點左米線同蟹粥。 當你蒸到咁上下…店員就會為你準備好主食既安排。 蟹粥底由店員代為處理，加埋其他海鮮精華後味道濃郁…為呢餐畫上完美句號船渦不單止提供新鮮海鮮食材…見到有自己魚缸就知。 服務都洽到好處…整體唔錯#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #船渦 #銅鑼灣 #蒸鍋 #海鮮 …查看更多

CP值爆燈！銅鑼灣一人一鍋蒸海鮮✨同老公撐枱腳嘆海鮮🦞 放工攰攰哋，想食好啲又唔想煩？去銅鑼灣「船渦」就啱晒！呢間一人一鍋蒸氣火鍋餐廳，唔使自己買餸洗切，新鮮海鮮送到你面前，啱晒我哋呢啲懶人😝今次每人叫咗一個套餐:「八府巡按海套餐」($488): 呢個套餐真係超級豐富！海鮮拼盤好震撼🤩 有龍蝦、鮑魚、元貝、蟶子、貴花蚌、白蜆、蝦等等，仲有安格斯牛肉添！龍蝦啖啖肉，仲有膏，肉質彈牙又鮮甜！其他海鮮都好新鮮，完全冇腥味，蒸完仲保持到鮮嫩口感。套餐仲包前菜沙律、炸餃子同芝麻雞翼，同埋蔬菜拼盤同甜品。我就揀咗南瓜芋頭粥做粥底，吸收晒海鮮嘅精華，好鮮甜！「九品芝麻套餐」($258): 抵食之選！海鮮方面有白蜆、大蜆、貴花蚌、蝦、鮑魚同鮮魚片。白蜆帶有淡淡海味又無沙，大蜆就更加厚實，口感豐富。貴花蚌肉質鮮甜！肉類揀咗美國肥牛同雞肉，肥牛油脂分布均勻，雞肉都幾滑，唔會嚡。每人一個蒸爐，仲有指示教你每款食材要蒸幾耐，就算唔識煮嘢都唔怕！👍🏻 飲品方面都好多選擇，有sake、啤酒等等，我哋就一人一支啤酒🍻食物質素高同份量超多，海鮮都幾新鮮，服務態度都唔錯，想食新鮮海鮮又唔想煩？快啲去「船渦」試吓啦！😋…查看更多

店舖位置方便，鄰近地鐵站。裝修舒適雅緻，座位間有簾幕相隔，私隱有保障。店員友善。套餐選擇豐富，食材新鮮，價錢相宜。 ✦ 水師提督套餐抵食之選，啱細食嘅人。前菜日式章魚燒；海鮮有沙白、大蜆、鮮蝦、鮮魚片、鮑魚，可以加錢轉元貝、聖子皇、蟹等；肉類有美國肥牛、豚肉片、雞腿肉(三選一); 主食有魚湯米線/米粉、和風珍珠飯等，可加錢轉南瓜芋頭粥、蟹膏蟹肉粥。 ✦ 横行無忌套餐份量相對多，啱大食啲嘅人。前菜有脆炸魷魚圈/泰式風味生蝦刺身(二選一); 海鮮有白蜆、蝦、鮮魚片、扁聖子、元貝、鮑魚，最緊要係大閘蟹一公一乸；肉類有安格斯牛肉、豚肉片、雞腿肉(三選二); 丸類有牛骨濃汁牛丸、薑汁皮蛋貢丸、招牌墨魚丸；另配蔬菜拼盤、甜品，亦可以加錢購買主食。 每枱有一個蒸鍋，一人一鍋唔怕尷尬、唔使就人。枱上有提示每樣食材蒸煮時間，無飯friendly。蒸到咁上下，店員可以加湯，多個淥嘅選擇，好flexible。…查看更多

最平$258食到6款海鮮, 仲有埋肉類、丸類、炸物、粥或者麵, 其實真係好抵食, 朋友都話下次要再嚟. 想食多啲海鮮都可以揀佢地八府巡按套餐, 有成9款海鮮咁多, 有龍蝦、貴妃蚌又有蟹或者蟶子皇, 肉類亦會升級做安格斯牛, 都好抵食.—————————————————————🍽️炸物 ｜沙律2個套餐各有章魚小丸子、炸雞翼🍽️ 海鮮白蜆｜蝦｜元貝｜鮑魚｜貴妃蚌｜蟶子皇｜鮮魚片｜龍蝦｜北寄貝白蜆肉漲卜卜非常飽滿, 貴妃蚌都好大隻, 跟返餐廳建議時間去蒸, 味道好清甜juicy, 另外鮮魚片、蝦等肉質亦十分彈牙, 龍蝦亦好新鮮, 我地今次揀咗蟶子皇, 口感爽脆好大隻.🍽️ 肉類安格斯牛肉、豚肉片、雞腿肉三選一🍽️ 丸類牛骨濃汁牛丸｜薑汁皮蛋貢丸｜招牌墨魚丸佢啲丸真係好好食, 特別係個牛丸, 超彈牙牛味香濃, 皮蛋貢丸呢個配搭亦意想不到地夾.🍽️ 蟹膏蟹肉粥 +$28見住店員將成碗蟹肉加入粥當中, 再加上個粥底吸收哂之前海鮮既鮮味, 所以個粥鮮味、蟹味都特別香濃.…查看更多

無論係食物、環境定服務態度，都係一次超滿足嘅體驗！試咗八府巡按套餐同九品芝麻套餐。每人一個蒸氣鍋，自己蒸自己食，衛生又健康！而且有蒸煮時間嘅指引，每款食材幾分鐘最好食，一目了然，初次嚟都唔怕手忙腳亂。八府巡按套餐嘅海鮮真係超豐富，有白蜆、北寄貝、鮑魚、元貝、貴妃蚌、鮮魚片、龍蝦半隻同蟶子皇，仲有泰式生蝦作頭盤，啲海鮮真係超鮮甜，蒸完啲肉質嫩滑，一啲腥味都冇！另外仲有安格斯牛肉、雞肉同豚肉片（3選2），再加三寶丸（牛骨濃汁牛丸、薑汁皮蛋貢丸同招牌墨魚丸），每樣都好彈牙又多汁。最後仲可以加麵或者粥，我加咗蟹肉蟹膏粥，吸晒啲海鮮精華，味道超濃郁，真係完美收尾！至於九品芝麻套餐就簡單啲，海鮮種類少啲，冇龍蝦、蟶子/蟹，但價錢平啲，性價比仲係幾高，適合想輕鬆試下嘅人。最後甜品係Haagen Daz雪糕，食完海鮮嚟個清新甜品，Perfect！餐廳環境好舒服，燈光柔和，服務一流，真係好貼心。最正係而家打卡仲可以抽獎，有啲小驚喜，真係加分！我竟然中左鮑魚，真係超開心！…查看更多

最鐘意食蒸氣火鍋 宜間仲係一人一鍋 ！餐廳內有魚缸養新鮮海鮮 即撈海鮮 保證新鮮 仲有仔細蒸海鮮時間表 吾怕蒸過熟 ！ 餐廳環境超舒適闊落！ ———————————————————————— 套餐 包青口蟹柳沙律 小食 菜拼盤 同 粥/ 麵底- 八府巡按套餐 $488 -沙律 、炸雞翼 煎餃 、白蜆 、蝦、龍蝦、蟶子皇、北寄貝 、鮮魚片 、元貝、鮑魚海鮮每樣都好鮮甜 蒸嘅時間剛剛好 龍蝦、蟶子肉都好彈牙 👍🏻北寄貝 元貝又香甜 😍肉：安格斯牛/豬/雞 選兩款 配三款特色丸類 （牛丸 墨魚丸 薑汁皮蛋貢丸 ）菜拼盤 ：幾款新鮮菜 如鮮冬菇 生菜 南瓜 粟米 翠玉瓜 等 粥底 ：$28 可揀蟹肉粥底！ 粥底吸收哂之前蒸海鮮嘅精華 再加入飯同蟹肉 整個粥都鮮味十足 好綿滑 ！-九品芝麻套餐 $258-有沙律 ，章魚小丸子、鮮魚片、大蜆，白蜆，鮑魚 ，蝦 、等 蝦超爽口彈牙，大蜆同白蜆 都脹卜卜 好juciy ！肉類 ：牛/豬/雞 、3款特色丸類 🥗蔬菜拼盤 🍚粥 /麵底 ：揀左魚湯烏冬+$8 ， 清甜湯底 配上煙韌有口感嘅烏冬👍🏻👍🏻…查看更多

今日同朋友們一齊食呢間一人一鍋蒸氣海鮮火鍋。我地一人叫左一個套餐。環境舒服，如果一個人食 仲有竹簾分隔。兩個人就可以坐大枱，餐廳暗暗地，傾吓偈上嚟都幾舒服，而且都有唔少客人，服務員態度良好，值得推薦🫶🏻✅九品芝麻官套餐每個套餐都有海鮮同埋蔬菜等配料，最後可以唔使加錢嘅話揀米線或者南瓜粥，不過都係最後食晒先至將粥或者米線倒落去，以吸收晒啲海鮮味。海鮮種類都幾多，有蜆、蝦、鮑魚、鮮魚片，海鮮都幾新鮮，鮮魚片值得一讚，蒸完之後食落去爽口彈牙🤗肉揀左美國肥牛同三寶丸。豉油最後撈埋米線一齊食就比較好，值得一讚係真係個湯底非常濃郁海鮮味，食米線一流。炸物章魚丸係一款小食，口感同平時出街食嘅差唔多✅八府巡按套餐呢款嘅海鮮會多啲，最正係有龍蝦，其實我本身就唔算好鍾意食龍蝦，但係佢蒸完出嚟個龍蝦嘅質感同埋個龍蝦膏係真係好食，我忍唔住都食咗我朋友幾啖🤣平時出去酒樓食嘅龍蝦伊麵就食唔到清蒸嘅味道套餐豐富，包括龍蝦、鮑魚、元貝、蟶子、貴花蚌、白蜆、蝦肉類就揀咗雞肉前菜沙律、炸餃子同芝麻雞翼蔬菜拼盤有生菜、娃娃菜、菇，南瓜。南瓜芋頭粥比我想像中好食，雖然佢冇米線湯咁清甜，但係都好健康好鮮最後有啲意想不到嘅就係甜品係送糯米糍🥰🥰🥰我哋去嗰日有抽獎，只要like佢哋個page就有獎抽，我哋都抽到飲品同埋蝦🤣🤣🤣…查看更多

本來以為是火鍋進來才發現是蒸氣鍋。第一次體驗不錯。我們兩公婆都是點的八府巡按套餐，該有的都有：龍蝦、鮑魚、各種貝類、我們二選一選的蟶子皇（另一選項為半隻蟹）、肉類選的牛肉和雞肉。整體來說蒸的比火鍋更少油少鈉，而且貝類的鮮味留在殼內不會流失。簡單調味就很鮮甜。我們兩公婆都很滿意。最後下米線的時候，店員很貼心的把整出來的湯汁部分撈走再補魚清湯，很大程度上減少了普林。下出來的米線我簡單加了蒜末、香菜末、少少醬油和辣椒，鮮美極了！…查看更多

相信大家都有喺香港地食過蒸氣火鍋~ 但平時姐姐叫你食龍蝦先，你就唔可以食牛肉先😂 有冇諗過原來蒸氣火鍋都可以做到一人一鍋⁉️ 仲可以全程自己掌握食嘢嘅節奏，唔使再擔心俾姐姐吹你食快啲啦👀👀店員會教你點樣自行操作蒸爐，每張餐枱都貼心地有指示說明每款食材要蒸幾耐💕 自己蒸、自己食，全程體驗感好高‼️ 餐廳會將每台食客之間都拉起塊竹簾，感覺上私隱度又提高少少🤏🏻如果想一次試多啲唔好種類嘅海鮮，建議選擇「八府巡按」，比較中意食貝殼類，就可以考慮「九品芝麻」套餐💕到到最後，店員會幫你烹調南瓜芋頭粥，仲會細心咁問你鍾意粥嘅口感係稀啲定濃稠啲💯…查看更多

有冇諗過一個人都可以食蒸氣火鍋？😂 I人一定要試下呢間船渦，一人一鍋，仲有拉簾分隔，夠晒私隱👍🏻😆 餐廳仲貼心列出每款食材嘅蒸煮時間，確保食材熟得啱啱好，鮮味唔流失！🍲 八府巡按套餐 一次過試盡多款海鮮！有白蜆、蝦、北寄貝、鮑魚、元貝、貴妃蚌、鮮魚片、蟹、龍蝦，全部都好新鮮，蒸完啖啖鮮味😋🥢 九品芝麻套餐 有白蜆、蝦、鮮魚片、大蜆、北寄貝、鮑魚，蜆類鮮甜無沙，鐘意食貝類或者怕麻煩可以點呢個餐🐚蒸完海鮮之後，店員會用蒸盤底部嘅海鮮精華，加南瓜芋頭煮成粥！建議可以吩咐店員保留少啲水，煲粥會更加鮮甜綿滑🤤每款套餐仲會包埋沙律、炸物、牛肉/豚肉/雞肉、蔬菜拼盤、三寶丸同甜品，份量超足！依家只要follow 船渦 社交平台收藏打卡，就可以獲得一次扭蛋機會，有機會抽中汽水、啤酒、小食甚至海鮮！我當日就中咗罐汽水❤️記得唔好錯過！…查看更多

喺銅鑼灣有間蒸氣海鮮店，提供多款套餐，包多種新鮮海鮮。餐廳用簾隔開用餐區，一人一鍋，私隱度高，而且通風好好，唔怕衫褲沾味。個蒸氣鍋有計時功能，跟住建議時間蒸，唔識煮飯都完全唔使驚。.今次同朋友分別叫咗🌟九品芝麻套餐同🌟八府巡按套餐，整體都好好食。.🌟貝殼類白蜆鮮甜多汁，大蜆肉質飽滿。北寄貝爽脆，帶淡淡海水味。鮑魚口感軟嫩彈牙。整體海味十足！.🌟其他有殼海鮮肉蟹鮮甜，龍蝦肉質飽滿彈牙，仲有滿滿蝦膏，香氣同味道都好滿足。大蝦爽口，唔使點調味，就咁蘸啲豉油已經好夠味，食到食材原味。.🌟肉類安格斯牛肉油花均勻，肉味香濃，口感軟嫩。雞髀肉就鮮嫩多汁，肉質結實。建議用煮米線嘅上湯嚟灼，蒸熟嘅肉片會稍為韌咗啲。.🌟丸類牛丸充滿濃郁牛骨香，口感彈牙。薑汁皮蛋貢丸味道獨特，鹹香中帶少少辛辣。墨魚丸鮮味十足，質地爽口。三款各有特色。.🌟魚湯麻辣米線濃郁嘅海鮮味同麻辣香氣夾得啱啱好，辣得嚟唔燥。米線口感滑溜，整體味道層次分明，鍾意食辣嘅必選！.🌟南瓜芋頭粥集齊蒸海鮮嘅精華，粥底綿滑，味道特別鮮甜。南瓜帶嚟自然甜味，芋頭增加軟糯口感，每一啖都充滿濃郁海鮮風味，溫潤好食。…查看更多

朋友帶我黎食，係銅鑼灣地鐵站一出就係，好近餐廳好大，日式設計，光線舒服的，餐由$488+,多個套餐選擇，總結海鮮好新鮮彈牙，推介粥底，吸收晒海鮮嘅汁，勁甜，好好食…查看更多

這家海鮮蒸鍋餐廳，讓人可以一嚐做官的滋味，因為他家的套餐以都以古代不同官職來命名，好有趣。餐廳私密度很高，每組客人都有竹簾分隔，採取一人一鍋，這樣不同朋友都可以自由選擇套餐。不同海鮮蒸焗時間不一，每枱都有一張海鮮蒸焗時間表給客人參考。套餐由九品芝麻官到九五至尊都可以選，全部都包了前菜／炸物／海鮮／肉類／丸類／蔬菜拼盤／甜品，每份套餐都好豐富。喝的餐廳有提供熱水，不過當晚可以抽獎，是必中獎的，有小食／喝的，我們抽中了汽水，正😝。✴️九品芝麻官套餐 $258*前菜：蟹籽沙律清爽開胃。*炸物：2粒章魚燒外脆內軟。*海鮮： 白蜆、蝦、 鮮魚片、 大蜆、 北寄貝 ,鮑魚海鮮全部好新鮮，蒸完食到海鮮的原汁原味。蜆都好肥，漲卜卜，蝦爽口彈牙，鮑魚好鮮甜。*肉類：美國肥牛 / 豚肉片/ 雞腿肉 （3選2）選了肥牛跟豚肉，肉質普通，味道可以。*丸類：三寶丸 （牛骨濃汁牛丸、 薑汁皮蛋貢丸、招牌墨魚丸）牛骨丸小心爆汁，彈牙，皮蛋貢丸好特別，薑味特別濃，墨魚鮮味彈牙。*蔬菜拼盤：生菜／娃娃菜／粟米／脆玉瓜／南瓜／金菇色彩繽紛，蒸完好甜。甜品：唯記雪米糍，好味，童年回憶。✴️八府巡案套餐 $498前菜：蟹籽沙律清爽開胃。炸物：餃子、 芝麻雞翼（各1隻）好酥脆，又香口。海鮮：白蜆、 蝦、 北寄貝、 鮑魚、 元貝、 賣妃蚌、鮮魚片、龍蝦［蟹（半隻）/蟶子皇（1隻］2選1這個餐的海鮮好豐富，2選1我選了半隻蟹，好又肉好鮮甜，龍蝦啖啖肉，其他同上。肉類：安格斯牛肉 / 豚肉片 /雞腿肉 3選2選了2份安格斯牛，牛味濃郁，肉質嫩滑。丸類：三寶丸 （牛骨濃汁牛丸、薑汁皮蛋貢丸、招牌墨魚丸）同上蔬菜拼盤：同上甜品：唯記雪米糍差不多吃完，之前已經選了南瓜粥，侍應生幫我們加米，吃完最後的食物，再吃粥就剛好，所有海鮮的精華都融入到粥裏，非常好味。總結，這家蒸海鮮真的好新鮮，令人回味無窮，服務也很到位，又有隱私度，一定會再訪。…查看更多